اليتيم والحسناء

البارت 23

‏سأكتبُ لك من قلبي كتاباً
فردّ بالجواب إذا أتاكَ
و قُل لي بأيّ الحال أنت
لعلي حين أقرأهُ أراكَ  
فما عيني تُساعدني فأبكي
ولا قلبي يميلُ إلى سواكَ
وماخوفي على الدنيا ولكن
مخافةَ أن أموتَ و لا أراكَ

هدى: مريم ازوجت وبقيت وحدي بلبيت يم بيبي وخوالي وسنه مرحله ثانيه كليه ودراسه صعبه بس شنو اني معزوله مالي علاقه بااحد اخلص محاضراتي واطلع للبيت وبقيت ادور على اطفالي لي صار ٩ سنوات ماشايفتهم
اوووف ياهدى عاد هسه يعرفونج لا يدرون عدهم ام عايشين لو قتلتهم فاطمه اخخخ ياربي صبرني
ياربي مثل مارديت يوسف ليعقوب رجعهم لي وتعرف شلون جاي اموت كل يوم الف مره .....

ناديه: نور ومحمد مايعرفون اي شي عن هدى دخلنه سنه ٢٠٠٣  ونور صارت صف اول متوسط ومحمد صار بسادس ابتدائي وبدوام ظهري يشتغل الصبح ويه ابو سلام والظهر بلمدرسه
شهر الثالث يوم ٢٠٠٣/٣/٢٠ بدءت الحرب امريكا على العراق والقصف واغلب الناس انهزمت من بغداد لان بغداد هيه عاصمه واكثر دفاعات بيها بس احنه ماطلعنا بقينا بيتنا وطيار يقصف وكلساعه نشاهد
يوم ٢٠٠٣/٤/٩ بدء عهد جديد العراق انتهاء حكم صدام والبعث الحكم الذي كان كله حروب وشهداء
وبدء زمن جديد قالوا انه ديمقراطيه لان دوله مثل امريكا ومحتله لاتسعى له الهدم العراق وتدميره
بدت الناس تهجم على مخازن والمصارف صارت فوضى وعبد العزيز اجه من البصره بعد ماكلنه مات تقريبا شهر يله البصره وقفوا الحرب لان ماكانوا يعلمون بغداد قد احتلت من امريكا

منى: ناديه

ناديه: هااا خير

منى: منو يتوقع صدام والبعثين يسقطون ونخلص من الحزب

ناديه: اي والله محد متوقع

منى: صدك تدرين

ناديه: شنو يمعوده

منى: شبيج اليوم

ناديه: مابيه بس الوضع صاير مو امان وسرقه وقتل وخطف واخاف على محمد

منى: صدك تدرين بنتي انتظار متعلقه بخالها محمد

ناديه: اي شفتها بس لا يطلع حظها على خالها
كاعدين على غدا وفاطمه غردت

فاطمه: لازم نور تبطل من المدرسه

ناديه: ليش هيه شاطره

خضير: صارت جبيره والوضع مو امان ولازم تبطل ماعدنا بنيه تكمل

فاطمه: هاي خواتها شستفادن

ناديه: لا انتي مقهوره لان بناتج ماكملن وهاي شاطره وتاخفين بنت هدى تصير براسها خير لو مثل ماكسرتي جناحات محمد وبطلتي ومن شوكت تخافين على نور لو نسيتي شسويتي بيها بس ماتريدنها احسن من
بناتج

بدت التفجيرات والقتل والخطف وسرقه محلات ودوله ماكو وامريكان سوه حظر تجوال بليل

منى:  ناديه اريد نور تساعدني بلبيت ومنها تغيير جو لان مقهوره على المدرسه