أبد ماتنوصف يازين بالكلمات
وابد ماتنرسم والفكر عجزته
صح اكتب شعر بس شيفيد
انته ايه جمال وبالحسن فلته
يالنورك طغه وسوه الشمس فانوس
واتلاشه الكمر والنجم ضيعته
عباد الشمس معروفه عد الناس
شما مالت شمس مال ولوه اركبته
ومن شافك سجدلك يا جميل وتاب
وعباد الشمس بالشمس كفرته
محمد : يله فاتن أدخلين محاضره
فاتن: محمد هاي حبيبتك
محمد: منو مها
فاتن: اي أكو غيرها🙄
محمد: لا صديقه مثل الاخت بس اعزها اهواي
فاتن : مبين
محمد: شنو مبين
فاتن: لا ماكو شي خل ندخل محاضره
مينا: هله هله والله فاتن ماتجوز من الولد
فاتن: هلو بنات
فاطمه: وسم مو كنالج يحب البنيه
فاتن: واني شكو شعلي بي مجرد رحت انطيته الدفتر ودخلنه سوه
مينا: والدفتر ماتكدرين تنطينه له بشعبه
فاتن: كنت جايه من كافتريا وندى راحت لقسمها وشفت الولد وانتظرته مابيها شي
&ندى هيه اخت فاتن التؤام بغير قسم
ولاء: سوده عليه شوفوا البراءه
فاتن: وبعدين انتن شعليجن بلولد هو كالي هيه مثل اختي وصديقتي
فاطمه: هاي شوكت كلج هاي تخطط من ورانه
مينا: كلهم هيج الولد والله يضحكون على البنات
فاطمه: اسحلي روحج وتالي ياخذ حبيبته ويضربج بلوكه
فاتن: بلوكه على راسج كون الله كريم اذكركم
عمر: هلو محمد
محمد: هلو عموري شلونك
د.صباح: بابا محمد جايب القرص
محمد: اي دكتور موجود
د.صباح: تعال اعرضه لزملائك وخل يطلعون عليه
محمد: صار استاذ
د.صباح: اريد الكل ينتبه هذا بحث زميلكم ماخذ شهاده تقدير من الوزاره التعليم السنه الماضيه انتبهوا حتى تتعلمون
فاطمه: هله هله ايدج بدبس حبيبج سجاج
فاتن: الله يسمع من حلكج هيج ويصير حبيبي
مينا: كَبر ذلي روحج بعد تسودنتي
خلصت المحاضره ....
فاتن: محمد ممكن طلب ولو تعبتك وياي
محمد: لا ماكو تعب تفضلي وبقلبي اكول( شعدها هاي شكد لزكه )
فاتن: اريد رقمك اخاف احتاج مساعده حتى تشرحلي الحقيبه
أنت تقرأ
اليتيم والحسناء
عاطفيةقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
