ها يگلبي امسـودن وبعدك تـدگ ؟؟
باعــوك اهل الوفـــه
وذمـوك أهــل الصـــدگ
گلـي الخشب لو يبـس
شيفيد غيـر الحـرگ
فاتن: هسه كعدت من النوم ولكيت ١٨ مكالمه من محمد شكو ياستار اتصلت بي
محمد: هااا حبيبتي بطوطه أبريني ذمه أني رايح لمركز التطوع نقاتل ضد داعش
فاتن: محمد شارب شي ياداعش شبيك وانت شجابك على هاي سوالف انت تموت من الجيش وتكرهه
محمد: حبيبتي السيد انطاها فتوى جهاد يعني كل صلاتي وصومي ابلاش اذا مارحت هذا جهاد في سبيل الوطن يلغاليه
فاتن: ياسيد ياانتقام لا تسودني محمد مصارلي كم يوم انجمعت بيك فدوه لاتعوفني
محمد: ابريني ذمه يلغاليه واسف اذا مااحفظت على الوعد راح اشتاقلج اميرتي ام دميعه
فاتن: بداعتي ارجع بروح امك ارجع
محمد: الوطن محتاجنه يلغاليه ادعيلي ارجعلج واذا رحت شهيد لا تحزنين وعديني
فاتن: انجب والله احرك روحي هسه لاتجيب طاري الموت انت وعدتني ماتعوفني
محمد: يله حبيبي اني رايح
فاتن: محمد اوعدني
محمد: بيش اوعدج يلغاليه هذا طريق الموت ومانعرف لي يروح يرجع لا
فاتن: اوعدني تحافظ على روحك وترجعلي سالم
محمد: اذا الله كاتبلنه حياة راح ارجع علمود اخطب زينب هههه
فاتن: والله قابل تعوفني وتزوج غيري بس مهم اشوفك سالم كدامي والله
محمد: عيون حبيبج وحياته ولج انتي كل حياتي يله كافي لاتعذبيني بطه
فاتن: باي يروح بطه
سديت تليفون وبقيت لطم وابجي اجت ندى تركض على صوتي
ندى: شكو شبيج اسم الله
فاتن: ولج محمد راح بعد مايرجع راح يعوفني
ندى: وين شبي محمد احجي
فاتن: راح يحاربون داعش والله اذا صارله شي اموت
ندى: اي كنت اسمع الخطبه الجمعه السيد انطه جهاد كفائي ادعيله الله يحمي كومي صلي بلكت الله يحفظ شبابنا ويكفين شر المجرمين
فاتن: وين رايح محمد وعايفني اني بطتك واميرتك ليش ناوي تعذبني بعد ماكبرت احلامي ليش
ندى: ادعيله يرجع بسلامه
فاتن: مرت الايام ومحمد مرات كل اسبوع يطمني يخابرني مرات كل ١٥ يوم بس يكلي شلونج ويطني عليه ويروح
محمد: بعد ماكملت تسجيل ودوره سريعه تعليم حمل السلاح صعدنا الجبهات كانت اول منطقه ادخلها
(مكيشيفه) شي اكيد حالي حال اي شاب بلبدايه رهبه وخوف بدينه نتقدم منطقه منطقه وكل يوم نفقد شخص عزيز علينه وكنت اردد هذا البيت من تشدت اصوات الرصاص
كون الحشد موجود عاشر محرم
وقائدهم العباس بس الله يعلم ؟
كان القائد مالنا اسمه ابو جعفر من ديوانيه شيخ معمم يدخل قبلنا لمعركه استشهد بمنطقه( الكسارات ) كانت هاي اول انتكاسه لنا بعدها اجه القائد السيد عبد الرضا الفياض والشيخ ابو زهراء وكلهم استشهدوا
حررنا منطقه لسعديه بديالى وبعدها معركه شرسه بمنطقه (تل البنات) تقريبا ١٢ يوم واحنه بشهر رمضان
وكلها ابطال من الحشد المقدس والجيش والشرطه الاتحاديه و الذهبيه والجهاز مكافحه الارهاب والرد السريع
بس كل بدايه معركه اكول ربي نور اختي امانتك اذا استشهدت مالها غيرك سند و عيون بطه كانت ماتفرقني
فاتن: رجعت للدوام مرحله ثالثه وحبيبي مو وياي وكلساعه شهيد يجي وقلبي يتقطع اكول بس محمد وياهم بدء مستواي العلمي يتراجع رسبت بكل المواد
مها: ويوم كاعدين بلكافتريا وفاتن منظرها يقطع القلب كلساعه متخربطه واتصل بيه رقم غريب بلبدايه ماجاوبت بعدين رديت
محمد: ولج العوبه ليش ماتردين
مها: محمد اووف رحت على صفحه لان مااريد تعرف بدون كلشي هيه متخبله
ولك راح نموت عليك خوف انت خبل تعوف الكليه وتروح ولك ارجع فاتن حالها يبجي الصخر
محمد: غير ذوله جماعتج دواعش
مها: راح اسمطك لاتعصبني فدوه ارجع بداعت اختك
محمد: مها يمج فاتن
مها: اي سوده عليه قبل شويه تخربطت حتى ماتاكل صايره صفره
محمد: باوعي طلعيها بره اريد احجي وياها
مها: تعاي فاتن نطلع محتاجتج بشغله
فاتن: والله مابيه حيل خل وحده من البنات تروح
وياج
مها: مشكلتج لعد سمعت محمد ماتريدك
فاتن: هيه كالت محمد وصرت كنما رجل الي رجعت بيه كل القوه الووو
محمد: عيون حبيبج اطلعي بره محتاجج
فاتن: حبيبي شبي صوتك مخنوك اوووف اسمع صوت الرصاص وكلساعه افز
محمد: حبيبيتي ماكو وقت اسمعيني يمكن هذا اخر اتصال لي سامحيني يلغاليه
فاتن: وكعت لكاع محمد انت مضروب
محمد: لا يروحي بس احنه محاصرين بجبال مكحول والعتاد راح يخلص واغلب جماعتنا استشهدوا ومابقى شي الدواعش قريبين علينا
حبيت اودعج يروحي و اوعديني تشوفين حياتج
وراي وتكملين دراستج اريدج تحقيقين حلمي وتصيرين دكتوره
فاتن: بقيت بس اشهك مااكدر احجي احس الهوه نكطع
مها: اخذت تليفون الووو محمد شكتلها هاي راح تموت
محمد: مها خويه فاتن باامانتج وانتي هم ابريني ذمه بيني وبين الموت خطوات
ولاتكطعين ويه نور اختي لان هيه معتبرتج اختها كل فتره اطماني عليها وخل البنات يسامحوني
مها: حالي حال فاتن كعدت بلارض شحجي بعد والانسان لي اعتبرته اخوي راح يروح وفاتن تتخبل بس يصيرله شي اووف هوو سد التليفون وفاتن بس صافنه ضربتها راشدي اريدها تصحها بس الدموع تنزل ...
يتبع.....
أنت تقرأ
اليتيم والحسناء
Romanceقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
