مامش ريح تحمل نفس غالين
صار سنين منتظرين
طيفك يلهجرنه وراح من أسنين
شمسوين....
سالت الروح ها ياروحي شمسوين
احلفج بالعزيز الغاب لاتسكتين
ماتحجين...
ذكريني ب غلط لو ذنب مرتكبين
ماتلكين...
اعرف زين ماتلكين
لان نفسي شريفه كبال كل الناس
مو بنت كهكها ونسه بطرانين
ندمانين..
اهواي ياقلبي ندمانين..
هدى: اليوم زواج منى وخالد وبنتي حبيبتي نور بدت
تكبر صار عمرها ٨ اشهر بدت تزحف احنه بدايه شتاء
شهر العاشر
منى : تزوجت خالد الشخص لي حبيته وانتظرته
خالد: الف مبروك حبيبتي
منى: مخنوكه احس خذلت هدى وعفتها وحدها حتى من طلعت احس عيونها تكلي لاتعوفيني وحدي
خالد: منى شبيج شنو مافرحانه اني حبيبج خالد
منى: لا حبيبي شلون مافرحانه واني صرت مرتك بس
خالد: بس شنو امي سوت شي اعرف امي و امج مايتولمن
منى: لا والله عمتي تموت عليه
خالد: لعد شكو خبلتيني
منى: خايفه
خالد: شي اكيد اي بنيه بيوم عرسها تخاف
منى: لا خايفه على هدى
خالد: مرت ابوج مو شبيها هاي
منى: اي
خالد : على شنو خايفه هيه مو صار عدها طفله
منى: ياطفله يمعود وامي سجلتها بااسمها والله خايفه من امي تذكر من سالتك شلون وافقت
خالد: اي هو امج ابليس يخاف منها بس هاي شدخلها بهاي
منى: مو اني ادافع لهدى وامي رادت تبعدني لان الله يعلم شضامه هاي مسكينه
خالد: الله يحرسها شسوين هيه امج جديده عليج همه اهلج ظالمين شنو ذنبها هاي بنيه ياادين يقبل هيج
منى: غير هاي العشائر الباطله والظلم
وسلمها بيد امي ماترحم حتى اقرب الناس لها وهاي البنيه فقيره اني اعرفها من طفوله
خالد: الله ماينسى حمل مطروح هو يحرسها
منى: ان شاء الله
هدى: حسيت عندي الالم وجع واخذتني ماما ورحنه لمركز الصحي وطلعت حامل
اصخام بوجهج هدى هيه اول وحده محتار بيها وكمت لطم يم التحليل وماما ناديه تصبر بيه
علياء : ولج يمه هاي طلعت حامل انوب
ليلى: كلتلكم راح تخلف جيش محد صدكني
فاطمه : اصبرلي وشوفنا هذا اخر حمل لها
علياء: هم ناويه تاخذينه منها
فاطمه : اي خصوصا اذا ولد راح اخرك قلبها بي
واضوكها لوعه عمرها ماتنساها
ليلى: يطبها مرض تستاهل
علياء: شضامه يايمه شو بس تهددين وكلشي ماكو
وخايفه تقشمر ابو سفيان و يسويلها عقد محكمه
فاطمه: لاتخافين كل مستمسكات عندي ضامتهن
غير اخلي خالج ابراهيم يمح اثرهم
نجلاء: جنت ادفعلها بس هسه استحقت الموت هاي تريد تاخذ ورثنه
ناديه: صافنه اكول وين راح توديج دنيا ياهدى
نجلاء: يمه هذا طفل هم تسجلينه بااسمج
فاطمه : اي هيه العايزه اسمي بااسمها تحلم طفل يشيل اسمها
علياء: بس تبقى امهم شنو فائده يكبرون وتاخذهم
اذا ماسوتهم جيش
فاطمه: لاغلطانه هذا اخر تحلم بعد ظمتلها ضمه بس عد الله خبرها
واتفقت ويه خضير كال شسوين سوي بس لاتاذين اطفال واني راح انتظر منا من تجيب طفل هذا
وساعتها اشوفها ماشايفته بس شيخلص هاي
الاشهر
هدى : بدايه سنه ١٩٩١ بدء امريكا تقصف العراق
واني خايفه وبدء الحصار والعوز وبدت الناس تبيع
حتى ملابسها وبدء يصير بالاطفال مرض شلل اطفال
بسبب سوء التغذيه وخايفه ع نور
وعبد العزيز صار ٣ اشهر ماشايفينه وماكو خبر منه
لان حرب بلبصره
نور بدت تمشي وتكول ماما صار عمرها سنه وشهرين
ومنى حامل حبلت ورايه بشهر فرق بيناتنه شهر
وماتكدر تجي لان حملها صعب واني مشتاقه لها
بس ماما ناديه ماعافتني ماقصرت
سمعت مريم نجحت السادس وراحت كليه اوووف يروح اختج شكد متمنيه اشوفج واشاركج فرحتج
سمعت طلعلها قانون راح تحقق حلم امي جميله
وان شاء الله اطفالي يحققون حلمي ويكملون
دراسه ......
يتبع ......
أنت تقرأ
اليتيم والحسناء
Romansaقصه واقعيه تدور حول مظلومية طفل يتيم وعشقه للحسناء الفاتنه تلك الفتاه الجميله كبياض الثلج ولكن؟
