اليتيم والحسناء

البارت 14

والله خنگه
روحي ملت من وضعهه
وبالنفس ما بعد شهگه
والله خنگه
الضيم ذب روحه بدليلي
والحزن لازگلي لزگه
والله خنگه
والله خنكه

ابراهيم : اساعدج بس شسوي غير اعرف فاطمه هاي بيها كسر رقاب واعدام اذا نكشفت خصوصا اذا صحت وحجت

فاطمه : معليك انت بس تجيب مفرزه وناخذها وانت ضابط و بلمستشفى يقدرونك وباقي ابتسام تكمله
ولاتخاف ماتصحى
ابتسام كالت اكويها براسها وتتخبل وحتى لو صحت
بس اهددها بااطفالها بعد ماتوصل ..
واخلي خضير يطلكها ونخلص واطفال بااسمي ..

اتفقت فاطمه ويه اخوها ابراهيم ثاني يوم ياخذون هدى.

علياء: هايمه شسويتي

فاطمه: اتفقت ويه خالج وباجر ياخذونها وبعد ماتشوفينها

ليلى: بس لازم نطلع ناديه من البيت

علياء: اني اسوي نفسي عندي مراجعه بلمستشفى
واكلها تروح وياي

فاطمه: اني اكلها هسه اكلها اخذي علياء باجر

ليلى: اخاف ماتوافق

فاطمه : معليج اني اخليها  تروح بس علياء حاولي تاخرينها باجر

علياء: سهله هاي يمي اني تربيتج فطوم

فاطمه : ناديه ياناديه

ناديه : ها عمه محتاجه شي

فاطمه : باجر تروحين الصبح ويه علياء لمستشفى

ناديه : صار عمه بس مو ليلى تروح وياها كل مره

فاطمه : ليلى حامل ماتكدر

ناديه : مااعرف ليش مامرتاحه شمعنى اني اروح اول تالي هنه يموتن مني بس مااكدر ارفض لان مابيه حيل اخاف تسويلي مشكله هاي البومه فاطمه

فاطمه: بعد مااوصيج علياء

علياء : اعتبريها يمي

نجلاء: اباوع عليهن شلون يخططن بس اخاف احجي
وابوي متفق وياهن بس شسوي والله يذبحوني
امي ماعدها رحمه

ناديه : كعدنا الصبح ولكيت هدى كاعده
صباح الخير ام نور

هدى: شنو ام نور كولي حمودي

ناديه: يله عيني ام حمودي ولا يهمج

هدى: صباح الخير ماما ناديه
راح اسويلج ريوك ويانه اني واطفال

ناديه : لا راح اروح ويه علياء لمستشفى ومن اطلع
مااكل لان تلعب نفسي من سياره

هدى: وشعجب انتي تروحين وياها

ناديه : والله بيني وبينج خايفه بس شسوي

هدى: يله تتونسين

ناديه: بعد البومه قررت وتعرفين مابيه حيل مشاكل

علياء: يله ناديه خل نروح اتاخرنا

ناديه : بس اجيب عبايه واجي

طلعنا اني وعلياء بس قلبي فلا مرتاح شضامت من سالفه ماادري

فاطمه : ليلى روحي  كعدي حميد قبل لايجي خالج

ليلى : حميد يعرف

فاطمه : اي يعرف

ليلى: حميد اكعد امي تكول خل يكعد قبل لا يجي ابراهيم خالك

حميد: ولج ليلى اريد اسحل هاي هدى بلبيت قبل لا يجي خالج ابراهيم

ليلى: اي والله اذا تريد اساعدك

هدى: واكفه على طباخ اسوي ريوك ونور تلعب بلمطبخ
ومحمد بلغرفه نايم
واحس واحد جرني من شعري

حميد: امشي ليوم له اسحلج سحل

هدى: سحلني من شعري بلبيت ويضرب بيه برجله
واندكت الباب

فاطمه: افتحي لباب ليلى هذا خالج خل يجي ياخذها حتى نخلص

هدى: وين تاخذوني فدوه لاتقتلوني

خضير : صوتج لاتعيطين

هدى: فدوه خضير لاتقتلوني والله اطفالي مااكدر لاتخلونهم ايتام

خضير: انسي عندج اطفال

هدى: والله اصير خدامه يمج فاطمه بس لاتفرقيني
عن اطفالي

فاطمه : الموت ارحملج من راح تشوفينه

هدى:  حميد فرك حلكي وشربوني حبايه وماادري شصار بعد

فاطمه : يله ابراهيم خل ناخذها ماكو وقت خل ناخذها و هاي حبايه اخذتها مال كبسله مال مخابيل
وابتسام كالت ٨ ساعات يله تصحى

ابراهيم: رتبتي وضعج ويه ابتسام مانريد خربطه فاطمه تره نروح بيها اعدام

فاطمه: لاتخاف ابتسام مرتبه كلشي هناك

اخذوا هدى لمستشفى ابن رشد الا مراض النفسيه ودخل ابراهيم وفاطمه وخضير لمستشفى

ابتسام: وينكم تاخرتوا

فاطمه: كملتي كتلج عليه

ابتسام: خاله عيب عليج اني ابتسام تربيتج سويتلها
فايل مال مريضه قديمه بس غيرت صوره وتلعبت بتاريخ  ومن يسألونكم كلوها كوينها قبل وباقي عليه
ودكتور بس يشوف هذا الفايل يعبرها
وباقي متفقه ويه الدكتوره ناخذها نكويها بلكهرباء
بعد تلكف رسمي هههه

حميد: تصير سويج كلش ( يعني مسودنه )

فاطمه : ابتسام مااريد تصحى

ابتسام: امشي خل ندخلها لدكتور والباقي عليه كتلج وانطيني فلوس اقشمر دكتوره رادت 50 الف

فاطمه: شدعوه 50

ابتسام: خاله حتى ماتفك حلكها بعد ولاتنسين 50 اسبوع ماتحصلهن بلعياده

دخلوا هدى لدكتور والدكتور مشى على ضوء بيانات الموجوده بلفايل لي زورته وتلعبت بي ابتسام
وقرر تنام بلمستشفى ويسولها كوي بلكهرباء

وهنا راح تبدي معانات هدى بلمستشفى....