اليتيم والحسناء

البارت 16

هدى تكول ...

#مدري ياهو ..
الباگ ليـلي
وضلت #أحلامي عرايـه ..!؟
ومدري ..
#ياحسبه الـ خذتني
وعفت #وجهي اعله المرايـه ..!؟

مريم : سوده عليه هاي اختي معقوله هيج صار بيها
الله ينتقم منك زامل و كلثوم
شبكتها وبقيت ابجي وهيه ولا كنما احد يمها لان مااذيها بلكهرباء وعلاج

طالب: الله لايوفقك حجي زامل هيج بنيه مثل الورده هيج صاير بيها ولج مريم ماعرفتها والله

مريم: ولا اني خالوا سوده عليه يعني ماشميت عطرها هاي اختي شلون ماعرفتها ولج يمه اكعدي شوفي
بنتج المدلله شصاير بيها

طلعناها على مسوليتنه واخذنها للبيت ودرينه من
ناديه بأن خضير الظالم مطلكها واطفال بااسم مرته فاطمه

بدينه نراجع بيها الدكتور وهيه ماتحجي كنما صنم
لان امذينها بلكويات الكهربائيه

ناديه: رجعت للبيت ولكيت فاطمه

فاطمه: وين كنتي ناديه

ناديه: رحت لخياطه أم عماد بعدها مامكمله الثوب ليش محتاجه شي عمه

فاطمه: لا بس كلت ماكو حسبالي شردتي مثل فلانه

ناديه: سويت روحي كلشي مااعرف وطبيت لغرفتي

وره شهر او أقل عمي خضير خسر كل املاكه لان هو مقاول وبنفس الوقت مشغل فلوسه بشورجه وصارت نزول العمله وكلها تعرف بتجار شصار بيهم اغلبهم انجلطوا وماتوا
عمي خضير خسر كلشي حتى بيت مابقى عدنا ولا حلال ( يعني حيوانات مثل الابقار )
وعمي خضير نجلط وشبه نشل
هاي بدايه سنه ١٩٩٣ وفاطمه خسرت حتى للبيت لي بااسمها

اوووف حسيت رب العالمين انتقم لهدى على ظلم لي شافته منهم بس غير كون يتعض البشر ويصيرله
درس بس ابو طبع مايتغير طبعه

منى: ناديه شفتي طغيانهم وين وصل

ناديه: اشوف شماته  بااهلج

منى: بعد صار بهدى اي شماته

ناديه : اي والله قبلج كلت هذا انتقم من الله على ظلمهم

فاطمه: شعدجن تتبسبسن بيناتج اشوفجن فرحانات بصار بينه  وانتي منى ابوج يريد يموت وفرحانه

منى: اي والله شمتانه وتستاهلون هذا ظلم لي ظلمتوا بي هاي مسكينه وبعد صار تحلمون ادخل بيتكم

ناديه: قررت فاطمه نشيل ونتحول من الكرخ للرصافه لان بعد ماعدهم امكانيه راح يرجعون على ايجار
وعمي نجلط
وبنفس الوقت تشرد من هدى حتى تضيع اطفالها وكالت لجيران راح نشيل لحله اخاف احد يجي يسأل
اخخخ كل هذا وماتتعظين يافاطمه لج يوم ياظالمه

ناديه :اتحولنا لمنطقه المشتل برصافه بيت ايجار وحميد بدء يشتغل عماله بعد ماكان مدلل
وتزوج احلام بنت بدريه اخت فاطمه لي اكثر شر من خالتها لان الشر يمشي بدمهن