اليتيم والحسناء

البارت 20

أذا مـالك #خـلگ
      #تسـتقبل العصفـور

ليـش مسـوي #روحـك
         #بـالعشـگ شـجره 🥀

هدى: حمد الله ليوم نجحت من السادس ادبي وطلعت معدل ٨٤ واني درجاتي زينه بس بلعربي عندي ٥٨ هي لي نزلت معدلي
بس فرحتي ناقصه لان نور ومحمد ماغابوا من بالي واكول ماتوا عدلين هم يجي يوم اشوفهم
اوووف طلعتلي كليه للغات قسم انكليزي جامعه بغداد
بس متخوفه مااريد اداوم كليه ....

مريم: شبيج هدى تره بس بلبدايه وتتعلمين واجواء الكليه حلوه

هدى: والى متى خالوا طالب يصرف علينه اشوفها صعب والله

مريم: اذا يسمعج خالوا يزعل وبس مااداومين اكله هذا السبب وتعرفين اذا زعل عليج

هدى: لا خلص اداوم اووف منج اكدرلج اني

مريم: فديتها اني لطيوبه ااجمل اخت بلكون

ناديه: نور صارت بصف الثاني ابتدائي ومحمد صف الاول ابتدائي

رؤى صار عمرها سنه وعمي خضير تحسنت صحته
ومنى حامل بطفل الثالث

ناديه: منى تدرين شتمنى هسه

منى : شنو تره حامل ولعبانه نفسي مالي خلك افكارج الفاشله

ناديه: لا ولج كون هدى موجوده وتشوف جهاله كبروا وتشوف رؤى وتدري صار عندي طفل اكثر انسان راح يفرحلي هيه لان سوده عليه شكد جانت تدعيلي من قلبها ومتاكد الله استجاب دعائها لان نظيفه ومظلومه

منى: مجرد ماذكرت اسم هدى كنما جبل صار على صدري اوووف جرح ونفتح كمت ابجي لان هدى صديقة الطفوله واخت ولي دمروا حياتها اقرب الناس لي

ناديه: لاتبجين فدوه مابيه حيل ابجي

منى: ولج ناديه مراحت من عيوني هدى احس اني اكثر انسانه خذلتها

نور: ماما منو هاي هدى كرايبكم

ناديه: اي ماما هاي كرايبنه

نور: لعد ليش ماتجيكم وتبجون عليها

ناديه: مسافره بعيد بيتهم بعيد ماما

نور: هم حبابه مثل منى وخاله نسرين

ناديه : اي نفس خاله نسرين وهماتين تحبج مثلها

نور: وين شايفتني وتحبني هيه تعرفني

ناديه: اي ماما مو كنتي زغيره وهيه كانت تجينه وكانت تموت عليج

منى: من اسمع اساله نور قلبي يتقطع اكثر الله
شيسوي بيج يافاطمه والله انتي امي واخاف منج

هدى: دخلت كليه للغات جامعه بغداد واليوم اول يوم بلكليه سنه ١٩٩٨ شهر ١٠ ومريم تخرجت وصارت محاميه كملت اول يوم تعارف ورجعت للبيت

مريم: شلونها الكليه وياج اليوم

هدى: حمد الله بعدنا بلبدايه بس ماكو دروس بس سوالف تعبانه

مريم: هسه تشوفيلج شاب صاك وياخذج وانتي ماتقصرين هسه كليه كلها تركض وراج

هدى: اني رايحه ادرس وبس وتدرين اني موضوع انتقام سديته وكتلج  لاتجيبين طاريه خليت ورحت نمت لان تعبانه

مريم: هسه اني شورطني وجبت طاري زواج اخخخ من لساني دومه مفشلني

هدى: احط راسي على المخده وتبدي اصوات اطفالي تجي رغم همه هسه كبروا بس يبقون بعيني اطفال ياربي بس لو اشوفهم مره وحده بحياتي كلشي مااريد يارب بس اشمهم

مريم: ادري بيج مانايمه وتبجين بس هدى لازم تتعودين لصار لصار لازم تشوفين حياتج

هدى: مريم مااكدر انساهم ولج خيالهم يمشي وياي

مريم: بس كلش زين تعرفين ناديه ماتعوفهم ويجي يوم وشوفينهم

هدى: اوووف ناديه شكد مشتاقه اكعد وياها وافضفض لها

مريم: هدى اليوم جاييين بيت خالوا احمد يخطبوني لحسين ابنهم

هدى: صدك الف مبروك حبيبتي تستاهلين كل خير والله تعب الولد واهواي انتظرج خطيه خل يفرح

مريم: مشكلته  منو كله يحبني الف واحد يتمناني

هدى: كامت تشرط زركه تكعدي واسكتي ولاتربطين روحج بيه مريم اني نار واي شي كدامي احركه شوفي حياتج حبيبتي وان شاء ربج يتمم بخير

مريم: تسلميلي حبيبتي

هدى: كاعدين وتفلشت الباب كمزنه شكو ونسمع صياح

مريم:ولج هدى هذا ابوج اجه

هدى: وهذا شذكره بينه شجابه

مريم: اكيد كلثوم سمعت بيه راح نخطب ودفعته علينه

طالب: تفضل حجي زامل البيت بيتك

زامل:  لا اتفضل ولا شي كلمه وحده احجيها واروح

طالب: خير ياستار

زامل: زواج بنتي مريم من ابن اخوك مايصير لو على كص ركبتي

طالب : ماسمعت بنتك منو ليش شنو تذكرت عندك بنت هسه لو تريد تبيعها مثل مادمرت حياة اختها وبعدين وكنت هاي سنين وجاي هسه اداعي بنتك

زامل: طالب عليه حذرتك ولاتكول ماكلي

طالب: لاتهدد زامل وتعرف بيه مااخاف من اكبر واحد وتعرف زين كلشي اكدر اسوي وهاي زواجه تصير وغصبن على ليرضى ومايرضى واليوم الخطوبه
وبنات مالك يمنه احنه لي ربينه وتعبنه

مريم: هله بحجي زامل شنو تذكرت بنتك هسه لو نزل عليك الوحي اني ماعندي ابو انت بنتك كفاءه ارجعلها

زامل: والله خوش تربي طالب تعلي صوتها على ابوها اني اعلمج يامريم

هدى: اسمع صوتهم بس مااكدر اطلع لان مااطيق اشوف وجه ابويه لان هو سبب كل لي صار بيه من باعني لخضير علمود ابنه عادل واذكر اني مرتبطه بي باالاسم تشمئز روحي
راح حجي زامل والعصر صارت الخطوبه مريم وحسين

يتبع.....