اليتيم والحسناء

البارت 19

نتلاگه لابد يوم

         وعرف #_شحاچيك

من گد مابچيت اعليك

                  بحچايه #_ابچيك

منى: يابه ناديه حامل

خضير: شلون حامل

منى: والله حامل والله هسه اجينه من الدكتوره

ناديه: عمي خضير شبكني ومامصدكين

فاطمه: اكيد اكو غلط هيه عاجر شلون تحبل

منى: لشوكت تبقين بحقدج

فاطمه: هاي طابوكه مو طفل بعد كم يوم تطلع جذب

ناديه: كلامها سم عفتها وكعدت بغرفتي وابجي من الفرح واكول هاي بركة دعاء هدى وذوله الايتام لي ربيتهم ربي عوضني ودزيت خبر اهلي وأجوي وجابوا طلي (خروف) وذبحوا لوجه الله
بس عبد العزيز بلبصره بلجيش مايعرف اخخخ كون اطير هسه لبصره واخبر اووف اكثر شخص يستحق يفرح لان صبر اهواي واتحمل كلام امه البومه
تذكرت عدهم كرايب بلبصره وهو دائما يمرلهم يسبح ويرتاح يمهم وركضت على تليفون الارضي واتصلت
اول مره وثاني مره وماكو وبقيت اتصل لان المحافظات صعب تتحصل بتليفون الارضي ودر عليه ام كامل كتله عمي فدوه كل عبد العزيز مرتك حامل

عبد العزيز: رحت مثل كل مره لبيت عمي ابو كامل وكان يكلي مرتك حامل اريد اوكف مامصدك كتله متاكد كال اي واركض على تليفون ارضي واتصل على بغداد

خضير: هله يابه شلونك

عبد العزيز: يابه صدك ناديه حامل

خضير: اي يابه على خير تكول الدكتوره كالتلي حامل

عبد العزيز: صيحلي ناديه

ناديه :صاحلي عمي كال عبد العزيز على التليفون

عبدالعزيز: الووو ولج ناديه اخير راح اصير اب مثل البشر ولج راح اخذ اجازه وانزل

ناديه: بس كال الووو نزلت دموعي اخخخ الله لايشوف احد حرمان الذريه مسحت دموعي وكتله اي حبيبي اني حامل وتاكد من الدكتوره والسونار

عبدالعزيز: الحمد الله والشكر ربي

ناديه: سد تليفون وكال راح اجي

عبدالعزيز: كنت ناوي ابات يم بيت ابو كامل بس رجعت للوحده بسرعه وكلت الامر مالتي عقيد فلاح هو من اهل تكريت لان قبل مايخلون ضباط بلجيش له من من تكريت والموصل والرمادي لان بعد صار باانتفاضه شعبانيه سنه ١٩٩١ يخافون يخلون من الجنوب ضابط لان صدام يخاف من انقلاب العسكري والامر مالتي
من سمع فرح لان يعرف ماعندي اطفال انطاني اكراميه كال هاي بمناسبه الخبر ولك ١٠ ايام اجازه
هذا ملك لي ياخذ ١٠ ايام بهذاك الوقت وبليل رجعت لبغداد ساعه ب ٢ طلعت من البصره وساعه ب ٨ الصبح