اليتيم والحسناء

البارت 21

بيه حسرة !!!
شايب مشيع عجوزه !!!
يشوف كل الكون !!!
بعيونة نجــــف!!!🍂🍁

هدى: اسمع صوتهم بس مااكدر اطلع لان مااطيق اشوف وجه ابويه لان هو سبب كل لي صار بيه من باعني لخضير علمود ابنه عادل واذكر اني مرتبطه بي باالاسم تشمئز روحي وراح حجي زامل
والعصر صارت الخطوبه مريم وحسين

هدى : الف مبروك حبيبتي

مريم: الله يبارك بيج يروح اختج

هدى: خلصت الخطوبه وحدد موعد العرس ومريم اختي فرحانه بس اخخخ يااني مايغيب عن صوت اطفالي

ناديه: منى جابت بنيه وسمتها ( انتظار ) لان هيه منتظره رجعت هدى وتكول يجي يوم ترجع

واني ربك فتحه بوجهي وطلعت حامل ثاني مره واخذت سونار طلع ولد والفرحه ماتوسعني وفاطمه واحلام راح يموتن قهر

ناديه: نور نجحت نمن صف ثالث وراحت الرابع
ومحمد نجح صف ثالث 

ويوم من الايام يعني يوم عادي كباقي الايام نفس كل يوم ابدل الاطفال ويرحون المدرسه وكان يصير عندي ولاده اخذوني لقابله (الجده) واجبت ولد سميته حيدر

ناديه: وكنما الفرحه مادوملي وره يومين من الولاده  يوم الجمعه المصادف ١٩٩٩/٢/١٩ بارده الدنيا
واجه عبد العزيز وجه مايكصه السيف

عبد العزيز: ناديه امشي نروح اهلج خالتج ماتت

ناديه: لبست اسود لان اعرف خالتي عدها سرطان كلت ترتاح بجيت شويه وطلعنا اجرنا تكسي ورحنه
وعمي وفاطمه والبنات
بس شو الطريق مال بيت اهلي وخالتي بيدتها بلبياع واني اهلي بثوره (مدينه الصدر)

ناديه: عبد العزيز وين رايحين مهذا طريق بيت اهلي مو بيت خالتي منو المات كلي امي وعبد العزيز ساكت بس يبجي

خضير: اخوج قاسم نقتل بلنجف ويه السيد الصدر

ناديه: احس دنيا وكفت كلشي ولا قاسم لان قاسم ابوي وامي مو بس اخوي انسان ملتزم ومتديين
بس صدام من قتل السيد الشهيد الصدر وناس بلنجف نقلبت قلاب فجماعه قصي صدام قتلوا قاسم واهواي شباب

خلصت الفاتحه وعمي خضير دز عليه كال راح اخذ محمد ونور وياي

ناديه: اني شكد مصدومه بس من سمعت هل شي تخبلت لان تذكرت اعمال فاطمه وكلت لعمي محد يروح

خضير: عمي مو عدهم مدارس شلون

ناديه: اني اعرف معلمات واخذهم مايكولن شي وبقوا اطفال يمي بقيت ١٤ يوم ورجعت بس شنو انهد حيلي
لان اخ سند اخته اووف الله يرحمه

مرت الايام ونور نجحت لسادس ابتدائي ومحمد راح لخامس

فاطمه خضير انت كبرت وحميد يشتغل عمال وعبدالعزيز بلجيش لازم واحد يصرف على البيت

خضير : بس تدرين اني دكتور كال ماتكدر تشتغل

فاطمه: مو انت بطل محمد من المدرسه وخل يشتغل وشغله ويه جماعتك بنجرجي

خضير: كل عقلج فاطمه هذا طفل شمعرفه وهاي شغله خطره

فاطمه: كلت يبطل يعني يبطل ليش شستفدوا لي قبله شو كلها كاعده شراح يصير دكتور ابن هدى

خضير: امري الله هايه باجر اخذ طفل واروح ابو سلام البنجرجي بلكت يشغله وياه

ناديه: فاطمه قررت محمد يبطل من المدرسه ويشتغل ويه البنجرجي وفيتر بلمنطقه وهو طفل شمفهمه لان هاي شغله خطره توسلت بيهم ردت ماكو بس بعد
حكم القوي على الضعيف شسوي الله ينتقم منج فاطمه على ظلمج

وثاني يوم الصبح دك عليه الباب عمي خضير

خضير : ناديه بدلي محمد حتى اخذ لابو سلام

ناديه: ااووف عود هو طفل وهاي عطله الصيف يلعب بيها طفل عمره ٩ سنوات شنو وشغل بس منو يكدر يوكف بوجه فاطمه
بدلته وهو نعساس وحتى اخذه بدون ريوك
سوده عليه كتله بس اسويله ريوك مااقبل احس مو ابوه ليكول عدوه

خضير: الله يساعدك ابو سلام شلونك

ابو سلام: اهلا وسهلا ابو ليلى شجابك عاش من شافك

خضير: والله اجيتك بشغيله

ابو سلام : انت تامر ابو ليلى منين هذا طفل الحلو

خضير : هذا ابني محمد

ابو سلام: والله ام ليلى بهذا العمر وتخلف

خضير: لا قصه طويله بعدين اسوالفلك بس اجيتك اريد تشغل هذا ولد يمك

ابو سلام: من كل عقلك ابو ليلى

خضير: وشبيها احنه نريده يتعلم صنعه وشتنطي
انعم الله

ابو سلام: ابو ليلى هذا طفل وشغلتنا صعبه وانت
تعرف شغلتنه خطره يروح يطفر عليه تاير يموته هو هذا طفل مال شغل يمعود

خضير: احنه نريد يصير سبع ويتعلم انت بس شغله يمك شخسران

ابو سلام : مااعرف شكلك خويه

خضير: لاتكلي ولا اكلك خلي يمك واني رايح ومن تعزل دزه للبيت

عاف حجي خضير هءا الطفل اليتيم مسكين يم البنجرجي وراح وكان على هذا طفل لازم يشتغل

رعد العامل  : استاذي هذا طفل شمفهمه

ابو سلام: اني استحيت من ابو بس هسه اخوفه مره مرتين وانت ضربه وهمه يبطلونه وحدهم

رعد: والله استاذي مبين زايد عليهم هذا طفل اكو واحد يشغل طفل بهيج عمر

وبقى الطفل محمد يشتغل ويه ابو سلام البنجرجي وابو سلام بدء يضرب طفل ويعامله بقسوه وهو طفل يرجف من الخوف

ناديه: كاعده بلباب الدنيا ظلمت ومحمد ماراجع واخاف عليه لان منطقه بيها جلاب اهواي وهو يخاف منهن
انفتح الباب وعسى ماانفتح اريد اكوم على حيلي
ماكو واشوف محمد دخل كله دهن وملابسه وصخه سوده عليه وبلكوه يمشي يسحل بروحه

يتبع.....