اليتيم والحسناء

بارت 47

كان من المفروض تحريم الحب
عندما حرمو الخمر
فكلاهما يذهب بلعقل

ناديه: يوم ٢٠١٦/١٠/٢٢ عمي خضير مات وقبل لا يموت كال لمحمد امك عايشه وانطاه كل التفاصيل
ومحمد انصدم ويباوع عليه مااعرف شكَوله
اوووف منج نور ورطتيني والله هلمره مايسامحني شجاني سمعت كلامج
طول ايام الفاتحه ماحجه محمد وياي حرف واحد ويباوعلي بعتب كنما يقول حتى انتي خذلتيني

نور: لازم اني اصلح الموضوع يوم رابع من الفاتحه كعدت ويه محمد وفهمته كلشي وليش ماكَناله بوقتها

فاتن: اتصل بيه محمد مخنوك

محمد: الووو

فاتن: هااا يروحي شبيك مخنوك شصاير

محمد: ولج فاتن امي عدله

فاتن: خرب بقلبي اكول هذا حبيبي من التفكير شخط
ياام حبيبي شبيك

محمد: ولج امي هدى طلعت عدله والله

فاتن: يااا صدك تحجي بدء يسوالفلي احس سالفه كنما فلم هندي هذا شي نشوفه بلافلام معقوله بلواقع هيج يعني واحد ٢٦ سنه وامه عايشه ومايعرف شنو هذا ظلم شلون راح يواجهون ربهم

محمد: يروحي والله تعبت كل يوم صدمه

فاتن: يروح بطتك اني يمك مو تكول اني سندك نكلف محامي واذا ماعندك فلوس اني ابيع قلادتي وانطيها
له

محمد: لا يروحي كلفت ولد صاحبي محامي اسمه عبد الوهاب وخطيه ماقبل حتى ياخذ فلوس بس سالفه صعبه لان ماكو شي يربطني بيها ولا عندي عقد زواج لهم بس مال سيد بس هو الولد شاطر كال انطيني اسمها ثلاثي واسم امها وادورها لك عنده معارف

فاتن: هااا الله يوفقه

محمد: مااصدك حبيبيتي راح اشوف امي يكولون نور تشبها طبق الاصل

فاتن: حبيبي هسه امك تطلع طاكه وعدها فلوس ونزوج كلوووش

محمد: شوف اني وين افكر وهاي خبله وين تفكر

فاتن: احس محمد طاير من الفرح لان اكثر وقت محتاج امه ويحتاج شخص يسنده ومتاكده بابا راح يوافق اذا لكه امه وطلعت مو مريضه عكس ماكذب عليه حميد

محمد: احنه بشهر الواحد بدايه سنه ٢٠١٧ وعبد الوهاب المحامي خطيه صارله شهرين يدور وكال راح اجيبلك اياها على بيانات الانتخابات

يوم ٢٠١٧/١/١٦ خابرني عبد الوهاب الصبح ساعه ب ١٠

عبد الوهاب: الووو محمد

محمد: هاا خويه شلونك

عبدالوهاب: محمد تعالي على سريع لبيت لكيت معلومات عن امك

محمد: كنت نايم والله نسيت حتى اغسل وجهي بدلت على سريع حتى رحت بلبجامه خابرت جماعتي حسن وعلاء لان ذوله اكثر من اخوان وابوهم ابو علي الله يحفظه
وصلنا لبيت بيت عبدالوهاب احس لبيت صار بغير محافظه وطريقه صار مو ١٠ دقائق كنما ١٠ سنوات
دخلنا واستقبلنا عبد الوهاب