اليتيم والحسناء

البارت 6

أهم بلناس
واستغفر ضوه الفانوس وانه بظلمه الوسواس
أخم جيب الحدايق ولا درهم ياس
وافك قاصاتهم واحتار
الكه امترسه باورد جانت صوغه من خطار
احس كل عصه عدهم قبلت فرعون
وادم كلها ذل وكل عشيره ابراس
تبيعة دراهم قدسوا هارون
وعزولوا صوت كل حسرة أبسجن رادت تبث الأه
الداسوا صورته وتقربوا لابليس
بحكم الماذنه صار ايه الله
كلوب مشته وصلوا جماعه زور
تقرب للعطر يحركله عود ابخور
يشتمه ويصيح أفيش
وبنيه الظلمه يصلي فرض النور
لثموا ارواحكم والدين خوش لثام
والطف عدكم أبكد كلمه الماجور
تربكم بيهه اثر لكصه مو بالناس
شكثر شبعت وادم طينته التنور

نايمه الصبح ساعه ب ٦ وشويه وندفع الباب ودخلت فاطمه عليه

فاطمه: نايمه الخاتون بنت ابو فلافل

هدى: اني نايمه وتعبان ولي صار لبارحه مو شويه واني طفله ومصدومه واحس الباب ندفع بس مااكدرت افتح عيوني كلت هاي ناديه
واحس شخص جرني من شعري وفتحت عيوني
شفتها فاطمه

فاطمه: كومي اخت النذل عويدل نايمه اخاف سكتتلج البارحه ليوم اشوفج انجوم الظهر

هدى : جرتني من شعري وطلعتني بره شمرتني على الكاع (الارض ) وجهي نضرب بالارض مباشرتا
واحس شي حار على وجهي اريد ارفع روحي مااكدر لان اني من بارحه جسمي مورم
اباوع خشمي يصب دم اديه مكرده

فاطمه : كومي شوفي هذا الحوش (الكراج) مااريد بي كشايه

هدى : همه بيتهم ٦٠٠ متر والكراج تقريبا ٢٠٠ متر ولي كاعد بطوبجي يعرف مساحه للبيوت شكد
باوعت لسماء كتله قويني يارب مالي سند غيرك
اريد اكوم واحس واحد ضربني ثاني مره
وصحت ولج يمه جميله لحكيني

حميد: اليوم اخليج انتي تلحكينها

هدى : شسويتلكم اني

حميد: كومي له اطلع دم عمي واشوي جلدج

هدى: شهر شباط شهر الثاني وبارده ثلج
وناديه ومنى طلعن من غرفهن على الصوت

ناديه : والله حرام لي تسونه بيها شمسويه هيه مو كافي يتيمه هاي كدرتكم بس ع نسوان

حميد: عوفيها لا اعلكها واشوي جلدها وانتي شنو ادافعين عليها

ناديه: هو بلاصل حميد يموت مني انوب ادافع لهاي المظلومه اوووف كتلهم

ناديه : عمه عوفيني اني امسح الكراج مو كل يوم
اني امسحه والله خطيه ماتشوفين حالها تكسر الخاطر

فاطمه : ناديه ولا كلمه بوجهج لمطبخ مالج علاقه بيها

ناديه: جابت الوصله مبلله وشمرتها ع هدى

فاطمه : يله هاج هاي الوصله امسحي مااريد كشايه كون تشوفين وجهج بي

هدى: شمرت الوصله مال المسح بس شنو الوصله ريحته مقرفه اجت تطلع مصاريني من الريحه لان همه عدهم حلال ( يعني يربون حيوان مثل ماعز و الابقار )

فاطمه: عيني هذا مو العز والدلال مال اهلج هذا بيت خضير

هدى: اخذت الوصله وسطل مي واني حافيه ودنيا ثلج وخشمي وجهي متروسه دم
امسح واباوع لسماء ربي خلصت من ظلم كلثوم اجي لظلم فاطمه ليش اني شسويت بعدني طفله شفت من حياتي لمثلي هسه يكعدن لمدرسه مو يصبحن على وجهه فاطمه

ناديه : رحت لمطبخ والدموع تنزل مثل النهر على خدودي شسوت هاي المسكينه وهيج تنظلم اخخخ من ظلم الدنيا لو قسيتي على واحد
اباوع عليها حافيه وجهه ملطخ بدم وماتعرف حتى تمسح لان مبين عليها وبعدها طفله وحافيه هاي لبنيه لي جنها كمر بيوم وليله صارت هيج
الله ينتقم منج فاطمه شنو ماسويتي بدنياج
اباوع عليها زركه من البرد وترجف شبيدي شسوي وهذا ظلم فاطمه

نجلاء : هله بفطوم شنو فطوم اليوم الغيره صاعده على ابو سفيان

فاطمه : له احركها وهيه عدله
نجلاء: تغارين لان هيه حلوه هههه

فاطمه: اصبري واشوفج شراح يصير بيها اخاف ليوم كسرت خشمها باجر له اكطع لحمها

نجلاء : باوعت صدك وجهه كله دم ليش يمه خطيه تره مالها ذنب هاي وبعمر منى اذا اخوها مجرم شنو ذنبها

فاطمه : نجلاء اسكتي لا اسحلج وراها اشوف كلج ادفعلها ولا كنما هيه اخوها لي قتل عمج محسن

منى: كعدت على العياط والصوت امي فتحت الباب وصارت عيني بعين هدى اوووف ياحبيتي واخاي هيج صار بيج ودمعت عيني
واسمع امي ونجلاء يحجن

منى: انتي كلتي اخوها لي قتل عمي محسن يعني مو هيه لو كدرتكم بس على النسوان وبيكم خير عويدل ذاك واقتلوا وعوفوا هاي المسكينه

فاطمه : والله اشوف اخوها مقتول مو عمج ودافعيلها

منى: اي ادفعلها لان هيه صديقتي واني وياها من ابتدائيه نفس الصف بس انتي طول عمرج ظالمه هيه لي ماترحم بناتها ترحم الغريب

فاطمه : نجلاء اخذي اختج وطبن جوه

نجلاء : مالي علاقه رايحه احلب الجاموسه( نوع من الابقار )

فاطمه : عوفيهاا هاي جلبه تكمل الحوش (الكراج) وتروح تحلبها

منى: لا من كل عقلج تحجين شمعرفها اكيد صار بيج شي ماما حرام والله حرام

فاطمه : حرمت عليج عيشتج طبي جوه لا اخلي حميد هسه يسحلج هنا

يتبع .....