اليتيم والحسناء

البارت 31

محمد يكَول بعد ماتزوجت نور اخته😰

صبح الغصن مبيوك والشجرة تبجي
شنحلف العصفور لو ردنا نحجي
الشجره بيها الصوج شغلتها هيته
والذنب بلعصفور ماحامي بيته

نور تكَول لعلي💔

أنزف ياجرح القلب وزيد الحزن احزان
وكَطع شرايين الصبر وحط بالقلب نيشان
قسمه ونصيب وقدر مكتوب أحب فلان
وادري بطريقه صعب وادري اليحب ينهان
اهواك لاخر نفس ماينفع النسيان

ناديه: خلص الاسبوع وتزوجت نور وراحت وحدها لا منى ولا اني حالها حال هدى من اجتي فصليه على
هذا لبيت كنما الزمان يعيد نفسه

منى: علي سمع بعرس نور وطلع يركض واخذ العبايه واركض وراه اخاف يسويلنه مصيبه

نور: دخل عقيل ولزم ايدي اخخخ احس كادوني الاعدام ولك علي وينك لحكَ حبيبتك راح تروح لغيرك مو كَتلي احركه لي ياخذج مني
صعدوني بسياره ومشت الزفت وصلنه نهايه الفرع وياريت ماوصلنا

منى: وصلنا نهايه الفرع مال اهلي ولكتنه الزفه ولزمت علي لا طلع متخبل واعرفه شكد يحب نور

نور: باوعت شفت منى وياها واحد ملتحي وشكله تعبان ويبجي ولج نور هذا حبيبج علي هيج صاير ودموعه وعيونه على سياره مانزلهن احس بروحي
اريد اطير من سياره واروحله بس شبيدي واني
طيره ومسجونه بقفص

منى: قلبي تكَطع من وره علي يبجي ويكلي ولج منى ليش (ليش نور عافتني هيه مو وعدتني كدامج)

ناديه: راحت نور والبيت صار مثل مقبره ودفان فاطمه تذكرت اليوم لي عفت بي هدى ورجعت للبيت ومالكيتها ماعندي غير البجي شسوي وبنتي لي ربيتها اغلى من روحي راحت واخوها ماادري بحالته يمشي بعد وهو اعمى

عبد العزيز: كافي ناديه راحت تموتين نفسج ادعيلها بلخير والسعاده

ناديه: ياسعاده من وره هاي ظالمه امك اكو خير باوع عبد العزيز اني خسرت هدى واليوم بيدي سلمت نور لذبح هيه كلمه وحده لو تشوفلنه بيت ونشيل لو اخذ محمد واطفالي وتنسى عندك زوجه واطفال مااتحمل وانتظر لمن فاطمه تقتل ابني كدامي ولك محمد اغلى من اطفالي وانت تعرف كلش زين

عبدالعزيز: شنو هذا الحجي ماله داعي مو كتلج لكيت بيت وباجر اروح انهي كلشي وبنهايه هذا الاسبوع نتحول

ناديه: اسويلك عشه

عبد العزيز: يا سم يمعوده هو واحد له واهس ياكل خل اشوف محمد شلون صار

ناديه: لا فدوه عوفه نايم انطيته علاج ونام مقهور على اخته سوده عليه بس يبجي وحالته نفسيه تعبانه

عبدالعزيز: لعد اروح لمنى تروحين وياي

ناديه: اني بحال طلعه يمعود بس سلملي عليها وكلها الصبح تمر عليج ناديه حتى ناخذ الريوك العيال نور وانت بطريقك وصيلي ابو الاسواق على صينيه كيمر حتى الصبح ناخذها لنور