اليتيم والحسناء

بارت 45

انـه
ذاك الما لگه بنـادم
يگله استاحشيتك من يغيـب🖤

ناديه: بعد ما اتفقت ويه ام فاتن وانطونا خبر نجي نخطب بدايه شهر التاسع سنه ٢٠١٥ حاجيت عمي خضير وقنعته على الخطوبه

احلام: ناديه تحلمين محمد ياخذ هاي ام الكليه واني عايشه غير اختي سهاد ما ياخذ

ناديه: ليش انتي شنو ولو اكلج ابقي حلمي كوه شنو مانريد اختج

احلام: اشوفج الكوه شلون مااطلع بنت بدريه اذا ماخربت هاي الخطوبه

ناديه: بديت أخاف لان هاي حالها حال خالتها واكثر
شر

أحلام : حميد انت مو كَتلي محمد ياخذ سهاد شو ساكت

حميد: بابا ذوله يحجون بكيفهم هاي زواجه ماتصير لو على كص رقبتي وابوي اني اعرف شلون افر راسه

خضير: حميد تعال اخوك يريد نخطبله لبنيه شتكول

حميد: احنه ماندخل بيتنه الغريبه وفوكها بنت الكليه شنعرف عليها منو يكول ماتضحك عليه لو يااخذ بنت خالتي بدريه لو ينسى يتزوج

ناديه: عمي خضير بسرعه تغيير وصار ويه حميد واني شسوي خابرت على عمامي واهلي لان خطيه هذا اليتيم الى متى يبقى بظلمهم

حجي قاسم : بويه حميد ليش ماتخلي اخوك يزوج

حميد: عمي احنه ما ناخذ غريبه شنعرف عليها مانعرف

ناديه: عمامي ضغطوا على حميد وافق بس بشرط

حميد: اني موافق بس الغايب والحاضر بيصير 5 ب 5 كلشي يصير باجر عكبه تطلك منين نجيبلها وبنفس الوقت احنه ماندفع فلس وياه ولا نروح بخطوبه هو يحتار بروحه ربع ماندفع

ناديه: أعرف وافق حميد مجبور والله يعلم شضام من شرط هذا مالته

احلام: حميد انت مو وعدتني ماتصير هاي الخطوبه

حميد: عمامي ضغطوا عليه شسوي بس لاتخافين أهلها ناس طاكه ومايقبلون 5 ب 5 وحتى اذا قبلوا مصيرها تخرباني وافقت كدامهم بس بالي خطه بسيطه

احلام: شنيه هاي الخطه

حميد: اصبري وتعرفين

ناديه: المهم وافقوا بس كَلت بعد نطلع بيت وحدنا اذا صار الزواج حمودي لان ادري ضاميلهم ضمه وسوده عليه محمد محتار بزمانه منو يروح وياه والفلوس
لي عنده بس مليونين اني عندي ذهب ضامته رحت بعته ومريت على علياء ورجلها وصيت رجلها يحضر مشيه لان علياء تغييرات كلش عنهم ورجلها خابر شيوخ وساده لان عمي خضير وحميد ماقبلوا يروحون وياه والفلوس انطيتهن لمحمد يجيب بيهن ذهب لمرته

محمد: هاي شنو ماما

ناديه: هاي ٣ ملايين فلوس الذهب والباقي هاي مليونين لي عندك اني اجمعلك فوكاهن ونكمل الباقي غراض واجيبلك بلاقساط من ام نورس