اليتيم والحسناء

البارت 24

حيل توجع دمعه الفاكد نضر
وحيل توجع ضحكه اخرس لو عثر
حيل توجع صفنه الميت قهر
بس مو مثل الفاكد محب وعاش
مكسور الضهر

نور: مرت الايام وبديت احب علي وصار عمري ١٦
وقرر عمه تخطبني بس خايفه من ماما فاطمه ماتقبل

حنان : منى باجر نروح نخطب نور من ابوج حضري روحج

منى: وكل ظنج امي توافق والله خايفه منها

حنان: ربج يحلها عمه وباجر نروح ونشوف

منى: رحنه للبيت أهلي وصلنا للبيت

حنان: شلونج ناديه

ناديه: هله بيكم يمه هله نونه ولج نسيتي امج هلكد تعوفين امج

نور: لا ماما والله مانسيتج اكو وحده تنسى امها الحلوه بس غير منى ماتخليني اجي

ناديه: شوفوا الصبغ خوش حسبالج تقشمريني بسيطه اني لج

منى: اني ياجذابه له اشلع اذانج هااا احجي اكلها

ناديه: شكو شمسويه بنتي

منى: احجي

نور: لا ام مروه اني اختج والله تسحلني هنا حبابه

ناديه: تحجن لو املص اذانتجن هسه

منى: اني معليه هاي بنتج واكعه بعشق ابن عمتها ونست امها هاي فقيره طلعت من جوه لجوه

نور: طفرت لغرفه وسديت الباب

ناديه: وين راحت هاي تربيتي ولج وماتكليلي تعاي منى ليوم اموتج انتي

منى: طاحت بلفقير خل اطفر واشرد وهيه تركض ورايه انوب كعدت اسوالف لناديه

ناديه: والله يرادلها بخت بقليل تكون قريبه عليج انتي وعمتي حنان بس تعرفين امج مستحيل توافق

منى: هذا لي مخوفني وهم كلت نفس الحجي لعمتي
بس كالت نحاول

خضير: هله خويه ام خالد اهلا وسهلا

حنان: هله خويه ابو ليلى شلونك

خضير: حمد الله

منى: كعدنا وناديه جابتلنه الشربت

خضير: خويه شلونج ام خالد شعجب اليوم

حنان: والله خويه اجيت اليوم بشغله واتمنى ماتردني

خضير: كولي خويه بخدمتج اني

حنان: اريدك سالم بس اجيت اخطب نور لبني علي وهيه بتنه مانريدها تروح لغريب واتمنى ماتردوني

منى: اي والله يابه واني يمي احطها بعيوني شتكول

خضير: والله ماااعرف شكلج فاجئتيني شتكولين ام ليلى

فاطمه: اني اذا عليه موافقه شكو بيها

ناديه: بقينه مصدومه واني ومنى وحده تباوع على ثانيه معقوله وافقت هيج بسرعه وهيه تموت من
حنان والله يعلم شنو لي براسج فاطمه وشضامه من سالفه لان طول عمرج شر ماتسوين شي لوجه الله له وراج مصيبه