اليتيم والحسناء

بارت 17

اليعشگ .... الله .....
الله ينطي أم جهال
اليكره ..... الله .....
يحلم يزفوله بنيت حلال
العنده غيره اعله الستر
لابسله تاج
الموش گد العشگ عايش
ع المزاج
لاتعيل أبيت ودوسه بحرام
وبالك اتواعد بنيه اعله
الزواج
وانته نيتك مو زواج
شما أدين الناس هم لازم
تدان
الناس كومة أحجار وختك
من زجاج

مريم: شلناها ورجعناها للبيت ونطينها علاج مسكن ونامت خطيه لان انهارت وحقها مو شويه لي شافته بسبب ظلم زامل ابوها وكلثوم لو ظلم خضير وفاطمه لو اطفالها لي مانعرف وين اووف الله يكون بعونج هدى .....

هدى: اخر شي اتذكر شلون حميد سحلني من شعري وبلبيت ويضرب بيه برجليه واني اتوسل بي واباوع على نور تصرخ من الخوف وابني بقى بلكاع
وشلون ادخل هذا زلمه لي مااعرف منو وفاطمه كالتله اخذها بس مااعرف وين اخذاني
الله ينتقم منج يافاطمه انتي وبناتج بحق هذا اليوم

هدى: مريم شصار وناديه شكالتلج

مريم: بديت اسوالف الها لصار وشلون ناديه اجت
وشلون رحنه لمستشفى وطلعناها

هدى: ولج ناديه ليش عفتيني لو مارايحه كان محد اخذ مني اطفالي

مريم: خيه انسي لصار صار واهتمي بصحتج واطفالج يجي يوم وتلكينهم

هدى: انسى مريم شنى اكو احد ينسى روحه ولج ذوله قطعه من روحي وين لكاهم وتكولين فاطمه ماخذتهم لحله
ومن يكول راح يعرفوني لو كبروا وهمه بااسم فاطمه راح يصدكوني لو يصدكون فاطمه
ولج اريد اموت مريم اختنكت ولج اريد اطفالي

مريم: بدت تصيح واختنكت لان هيه من بعد حادثه صار عدها خنكه وانطيتها علاج ونومتها سوده عليه راح تتخبل على اطفالها حقها

هدى: اني كنت بسنه ١٩٩٢ وهسه احنه ١٩٩٣ يعني
لمده سنه كامله اني مااعرف شصارلي وكلشي مااتذكر حاولت اتذكر مااكدرت يجوز بسبب علاج لي كانوا ينطوني اياه اوووف بعد شنو ماشفتي هدى وانتي هسه يله دخلتي بلعشرين

مريم: بقينه ندور عليهم اني وخالوا طالب بس كل ناس لي تعرفهم واحد يكول شالوا لحله واحد يكول شالوا لناصريه وماكو فص ملح وذاب

هدى: ولج مريم والله اشم ريحتهم احسهم قريبين
مني اسمع نور تصيح ماما

مريم: اني ساكت بس ابجي وكل تكوله حقها بعد قلب والده وام تحس بااطفالها لو الف كيلو متر هيه تحس بيهم صح ماعندي اطفال وما متزوجه بس اشوف النسوان شلون يتخبلن على اطفالهم

ناديه: فاطمه من تحولنه كالت لجوارين احنه شايلين لحله حتى محد يدور علينه وتضيع اثرنا عن هدى

نور ومحمد بدوا يكبرون وتعلقوا بيه واني صرتلهم الام والاب
منى صار عدها طفل ثاني اسمه علاء بس هيه ماتدخل لنا صارلها سنه ونص بعد صار بهدى مادخلت للبيت اهلها
اني ماخلصانه من فاطمه اجت بنت اختها احلام مرت حميد اتعسى من خالتها شر وحقد