اليتيم والحسناء

بارت 44

نكَطه .. نكَطه
وكَطرة كَطرة
خيم بوجهي الحزن
ورسم لوحه
لطفله سمحه
تريد تضحك بس تون
رسم وجهه الله على كصتي
أبليس واكف ممتحن
وضحك من صبري الغريب
وشاف دمعه توسلت بيه وتحن
شاف كومه انبياء و اولياء
وعاهرات تريد توبه
لروح مسحونه سحن
ومحد يسمعك تون
ونكَطه نكَطه .... وكَطره كَطره
ودمعه دمعه.... فاركت حتى الجفن

ناديه: معليك خليها عليه يمه اني احاجي ام البنيه وربك يسهلها

محمد: اتفقت اني وماما ناديه وماما خابرت على
ام فاتن وانطتهم خبر تروح هيه ونور ومنى يشوفون فاتن ونحدد الخطبه مااصدك اميرتي راح تصير لي

ناديه: يله ماما نور استعجلي ورانه طريق نروح نزور الامام الكاظم عليه السلام ونروح نشوف لبنيه

منى: ناديه بس لازم تنطين خبر ابوي ما عايزين مشاكل

نور: والله ماما خايفه من حميد

ناديه: ربج موجود نتوكل عليه

نور: رحنه زرنا ومحمد ويانه لان ما نندل بيت اهل فاتن وصلنا لباب

فاتن: اتصل بيه محمد وماما طلعت ادخلهم للبيت

ام فاتن: اهلا وسهلا اتفضلوا

فاتن: اتعرفت على ناديه ونور ومنى

نور: رجعنا وبقينا ننتظر منهم خبر

ناديه: ولك ماما اختيارك يجننن لبنيه كلش حلوه

محمد: ماما قابل اغشج

منى: ولك تعال شسويتلها سحر لبنيه بيضه وعيونها زرق صدك لو كالوا حظوظ

نور: قل اعوذ برب الفلق شوف الناس شكد حقودين

ناديه: كعدت ابجي تذكرت هدى

نور: هاا ماما تره هذا فرح مو عزاء

ناديه: اتمنيت هدى موجوده وتشوف ابنها صار عريس وراح يزوج وتشوف بتها صارت ام للطفلين

منى: اوووف كلنه بقينه نبجي لان صح ناديه ماقصرت وياهم وكانت هيه الام والاب لهم بس مهما كان الام
تختلف ونور خطيه مخنوكه لان رجلها متخلف وقاسي وبخيل يملك كل دنيا وهيه حسره عليها تشتريلها ثوب لان البيت كله بيد امه (ام عقيل)

هدى: دورت على اولادي وماكو أيست لان هسه صار عمرهم بلقليل ٢٥ سنه وعاشوا حياتهم

ومريم صار ٦ اشهر من استشهد رجلها يداوم بلفرقه الذهبيه وحالها حال اختها صارت بس هيه تختلف لان هيه أطفالها عدها واني اطفالي ماكو مااعرف عدلين ميتين هم يجي يوم واشوفهم واشمهم واشوف
اطفالهم واني طول هاي ٢٥ سنه ماخليت مكان مارحتله بس شسوي العراق جبير وين لكاهم

مريم: هدى اريد اروح السوق بغداد الجديده اشتري كم حاجه للاطفال لان من استشهاد حسين لليوم ماطالعه تروحين وياي