اليتيم والحسناء

بارت 10

كبعينا أسنين هجرك
وأسود الملبس وراها
وانذهلنا
مثل ام وفاكدة بحادث ظناها
تمرمرينه ...
وهم بقينا
غيره بس محد نخاها
وانت بلا نشد مرتاح
وتعرف بجروح اوكاح
مدري شلون بجروحي
وشجاها ...
الغيم صح حاجب شمسنا
بس وفي
كلش وفي
ومانكر مرة ونساها
ذب روحه مطر عالكاع
حتى الكاع تتلكه ضواها
وانت صبخه باارض صحرى
وغنوه بس خانت غناها
ظل مجفي على كيف الكيف
خنكه صيف مابيها نفاها
انت قصه
وانت غصه
وانت وردة
داينت للحد نداها ......

هدى: مامستوعبه اصير ام وخضير ابو طفل وهو
بكد بابا بدلت ورحت اني وناديه وعبد العزيز

سوينه التحليل وطلعت النتيجه

ناديه :  الف مبروك حبيبتي حامل

هدى: مصدومه من الصار اكول كنت بوحده صرتي
بااثنين هدى اصخام بوجهج شيخلصج من فاطمه

ناديه: صافنه عليها اكول حقج اسكتين والله يعلم فاطمه شضامتلج بس اني متاكده عمي خضير
راح يتغيير وياها

هدى: رجعنا للبيت وناديه كالت لاتحجين اي شي لحد مايجي عمي خضير واني اكله لان مانعرف فاطمه
شسوي و وصت عبد العزيز
كاعدين واجه خضير بس هلمره ماسكران

ناديه : اجه عمي خضير وكتله وطار من الفرح حسبالك
اول مره يصير عنده طفل

هدى: كاعده بغرفتي وارجف اخاف فاطمه تدخل عليه
لو حميد وكان يدخل عليه خضير خفت
كتله والله ماادري راح اصير حامل فدوه لاتضربني

خضير: هدى لاتخافين من اليوم بعد ماامد ايدي عليج
وكلشي لاتسوين اني وصيت ناديه تهتم بيج

هدى: بقت صافنه نصدمت هذا خضير اكيد سكران لان متعلمه عليه كل يوم غركان بشرب

خضير: فاطمه تعاي

فاطمه: هااا ابو ليلى

خضير: هاي بنيه حامل ومااريد اي وحده تاذيها لاانتي
ولا بناتج

فاطمه: منو

خصير: منو هدى تدرين ناديه ماتخلف شبيج

فاطمه: منين صدك تحجي خضير

خضير: من ابوي غير مني لعد منين

ناديه: رغم ماجرحني عمي بكلامه بس هاي الحقيقه
اني مااخلف

هدى : مامصدكه شنو لي صار وبنفس الوقت خايفه
من فاطمه لان وجهها صار ينكط سم واكيد مراح
تسكتلي رحتي بيها ياهدى اخاف هذيج مره خشمج
وسحلتج بلكراج
هلمره تقتلج حي على الصلاه

نجلاء: هله راح يصير عدنا اخ كلوووش والله طلعتي مو شويه هداوي
بس كتبت على روحه الموت لان فطوم راح تشرب
دمها

علياء: اي والله هلمره مابيها مجال الله يرحمها

نجلاء: هاا يمه صدك هاي حامل يعني راح يطير
ابو سفيان

علياء : وشدعوا هلكد فرحان ليسمعه ماعنده ولد

فاطمه : والله تحلم تصير ام واني موجوده وعايشه
بس اصبرلي

علياء: والله اشوف راح تصير هيه لكل بكل وبعدها زغيره ورجلج من هسه كام يرجف واذا جابت ولد
ساعتها شيخلصج يافطوم

فاطمه: امج مو غشيمه وحاسبه كلشي ومتوقعه هذا شي وكلشي بوقته حلو

نجلاء : شراح تسوين يمه

علياء: ماكو شي بس اطب تسحلها وادوس بطنها وتخلص سالفه

فاطمه : لا مو هيج له اخليها تتمنى الموت

هدى: مااعرف افرح لان خضير بعد مايضربني لو احزن واخاف من فاطمه لي مثل العاصفه كلما تهدى
تهب مثل الريح والله يعلم شتفكر لان مو فاطمه لي تسكت
ربي انت سندي والله خايفه منها ومااعرف شناويه عليه

اصخام بوجهج هدى انتي عايزه انتي كنت روحج
ما سالمه منهم انوب تحتارين ابنج وشنو ذنب طفل
يتعذب مثل امه

ناديه: فرحت كنما اني لي صرت حامل بس خايفه
من فاطمه لان اني اكثر بشر شاف ضيمها وادري
بيها عكرب سوده ماسكتت له وراها مصيبه

هدى : بدت بطني تصعد واحنه بشهر ل التاسع واني
لي ٣ اشهر حمل واعراض الحمل متعبتني
بس خلصت من علياء اجه رجلها كريم من الجيش واخذها لان هو يداوم بشامل وتسرح بقليل خلصت
من شرها

مرت الايام ودخلنه بدايه سنه ١٩٩٠ والاوضاع البلد تعبانه واني دخلت بشهر الثامن شهر شباط
رغم فاطمه بعيده عني بس مرات احس نظراتها لي
اكول الله يستر شضامه لي

يوم ١٩٩٠/٢/٢٦ بدت اطلك واني شهر الثامن وطفل بثامن ولدته صعبه وكلت راح طفلج هدى وابجي
لان اني عمري ١٨ سنه ويني وين الولاده
اخذوني خضير وماما ناديه لمستشفى الكاظميه

دخلوني صاله الولاده واجبت طفله كالوا اجتج بنيه
كنت ضايجه اتمنى ولد بقليل يقاوم ظلم فاطمه
واستند عليه لان لبنيه راح تنظلم اتعس مني
اجه خضير فرحان ويه فاطمه وشر طالع من عيونها
وناديه فرحانه وتبوس بيه

ناديه : على الخير حبيبتي

هدى: الله يبارك بيج ماما يوم لج

ناديه: ولج صرتي ام عوفي كلمه ماما بعد واني حلم يصير

فاطمه: هيه ناديه بطنها طابوكه ماتحبل ولاتخلي ابني يزوج

هدى : اخر يوم بعمري اكلج ماما يااحلى ماما
وان شاء الله ربي قادر على كلشي

ناديه : الله يسمع من حلكج اووف بس كلمات فاطمه مسمومه

منى : مبروك هداوي

هدى: الله يبارك بيج حبيبتي يوم نفرح بعرسج

منى: تسلميلي بوجودج

هدى: ابو ليلى فدوه اريد اسميها نور

خضير: هاهيه وشبيها ونعم الاسم

فاطمه : البنيه تسجل بااسمي شنو نسيت خضير أنت ماسوي عقد محكمه عليها واذا دروا بزواجك بيها تنسجن لان هيه قاصره كانت
وهذا اتفاقنا كتلك مااوصلها بس طفل يسجل بااسمي
والبنيه تسجل بااسمي يعني امها فاطمه
وانتي كلشي مالج
اني سجلت البيان مال طفله بااسمي ...

يتبع