🔥🔞"في أحضان عزرائيل"🔞🔥(الجزء الثالث)

الحلقة 387

ﺍﺩﻡ : ﻧﻌﺮﻑ ... ﺍﻣﺎ ﺍﺳﻤﻌﻨﻲ ﺗﻮﺍ ﻋﻴﺶ ﺧﻮﻳﺎ
ﺍﻧﺎ : ﺷﻨﻴﺔ ﻟﻲ ﺗﺤﺒﻨﻲ ﻧﺴﻤﻌﻮ
ﺍﺩﻡ : ﻣﻮﺕ ﻳﺎﺳﺮ ﺑﺎﺵ ﻳﺨﺴﺮﻧﻲ ... ﺍﻛﺒﺮ ﺻﻔﻘﺔ ﻟﻠﻌﺎﻡ ... ﺑﺎﺵ ﺗﺮﺟﻌﻨﻲ ﻟﺘﺎﻟﻲ ﺑﻌﺪ ﻣﺎ ﻭﺻﻠﺖ ﻟﻬﻮﻧﻲ ... ﻭ ﺗﻌﺮﻑ ﺑﺎﻟﻘﺪﺍ ﻓﺸﻞ ﺻﻐﻴﺮ ﺑﺮﻙ ... ﻣﺴﺘﺤﻴﻞ ﻧﻮﺻﻞ ﻟﻠﺠﻤﺎﻋﺔ ﻫﺬﻳﻜﺎ ... ﻣﺘﻨﺴﺎﺵ ﻻﻧﺖ ﺯﺍﺩﺓ ﻭﻋﺪﺕ ﺣﻨﺎﻥ ﻣﻌﺎﻳﺎ
ﺑﻘﻴﺖ ﻧﺸﻮﻑ ﻣﻌﺎﻩ ... ﺧﺬﻳﺖ ﻧﻔﺲ ... ﻛﻼﻣﻮ ﻭﻗﻔﻨﻲ ... ﻭﻋﺪﻱ ﻟﺤﻨﺎﻥ ﻭﻗﻔﻨﻲ ... ﺍﻣﺎ ﺯﺍﺩﺓ ﻟﻲ ﻣﻮﺟﻮﺩﺓ ﺍﻟﺪﺍﺧﻞ ﻗﻄﻌﺔ ﻣﻨﻲ ... ﻭﻭﻋﺪﺗﻬﺎ ﺍﻧﻲ ﺑﺎﺵ ﻧﺎﺧﻮ ﺣﻘﻬﺎ ﻣﻨﻮ ... ﻋﻘﺪﺕ ﺣﻮﺍﺟﺒﻲ ... ﻧﺤﻜﻲ
ﺍﻧﺎ : ﺣﺘﻰ ﻭ ﻛﺎﻥ ﺻﻔﻘﺔ ﺍﻟﻌﺎﻡ ... ﺍﻧﺎ ﻭ ﺍﻧﺖ ﻧﻌﺮﻓﻮ ﺑﺎﻟﻘﺪﺍ ﺍﻧﻮ ﻣﻬﻤﺎ ﺧﺴﺮﻧﺎ ﻓﻠﻮﺱ ... ﻣﺶ ﺑﺎﺵ ﻧﺮﺟﻌﻮ ﻟﺘﺎﻟﻲ ... ﺷﻨﻴﺔ ﺍﻟﺤﻜﺎﻳﺔ ﺑﺎﻟﻈﺒﻂ
ﺍﺩﻡ : ﻟﻲ ﺣﺎﺟﺘﻲ ﺑﻴﻪ ﻣﺶ ﻓﻠﻮﺱ ... ﻭ ﻻ ﺍﻟﺴﻼﺡ ... ﺍﻧﺎ ﺣﺎﺟﺘﻲ ﺑﻮﺭﻗﺔ ﻭﺣﺪﺓ ﻣﻦ ﻋﻨﺪ ﻳﺎﺳﺮ ... ﻛﺎﻥ ﺻﺎﺭ ﻭ ﺭﺑﺤﺖ ﺍﻟﺼﻔﻘﺔ ... ﻫﻮ ﺑﺎﺵ ﻳﺮﺑﺢ ﺍﻟﻔﻠﻮﺱ ... ﻭ ﺍﻧﺎ ﻧﺎﺧﻮ ﻣﻦ ﻋﻨﺪﻭ ﻗﺎﺋﻤﺔ ﺍﻟﺮﺟﺎﻝ ﻟﻲ ﺑﺎﺵ ﻳﻮﺻﻠﻮﻧﻲ ﻟﻐﺎﻳﺘﻲ ﻓﻬﻤﺖ ... ﺣﺎﺟﺘﻲ ﺑﻮﺭﻗﺔ ﻭﺣﺪﺓ ﻛﻬﻮ ... ﺣﺎﺟﺘﻲ ﺑﺎﺳﻤﻮﺍﺗﻬﻢ ﻭ ﻳﺎﺳﺮ ﻛﻬﻮ ﻟﻲ ﻳﻨﺠﻢ ﻳﻮﺻﻠﻨﻲ ﻟﻴﻬﻢ
ﺑﻘﻴﺖ ﻧﻐﺰﺭﻟﻮ ... ﻧﻌﺮﻑ ﻟﻴﻨﺠﻢ ﻳﺨﺴﺮ ﺛﺮﻭﺗﻮ ﺍﻟﻜﻞ ﺑﺎﺵ ﻳﻮﺻﻞ ﻟﻴﻬﻢ ... ﺧﺬﻳﺖ ﻧﻔﺲ ... ﻧﺤﻜﻲ
ﺍﻧﺎ : ﺑﺎﻫﻲ ﻳﺎﺳﺮ ﻟﻴﻚ ﺗﻮﺍ ... ﺍﻣﺎ ﺑﻌﺪ ﺍﻟﺼﻔﻘﺔ ... ﺗﺠﺒﺪ ﻳﺪﻙ ﻣﻦ ﺍﻟﺤﻜﺎﻳﺔ
ﺍﺩﻡ : ﻭﻋﺪ ... ﺑﻌﺪ ﺍﻟﺼﻔﻘﺔ ﺍﻧﺎ ﺑﺎﺵ ﻧﺴﻠﻤﻬﻮﻟﻚ ﺑﻴﺪﻱ ... ﻭ ﺍﻋﻤﻞ ﻓﻴﻪ ﻟﻲ ﺗﺤﺐ
ﺍﻧﺎ : ﺑﺎﻫﻲ
ﻭﺧﺮﺕ ﻟﺘﺎﻟﻲ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ﻭﻭﺟﻬﻲ ﺑﺎﻟﺰﺭﺑﺔ ... ﻣﻨﻌﺮﻑﺵ ﻛﻴﻒ ﺑﺎﺵ ﻧﺘﺤﻜﻢ ﻓﻲ ﺭﻭﺣﻲ ﻣﻦ ﻫﻮﻧﻲ ﻻﻛﺎ ﺍﻟﻮﻗﺖ ... ﻭ ﻻ ﻛﻴﻒ ﺑﺎﺵ ﻧﻘﺎﺑﻞ ﺳﻮﺍﺭ ... ﺣﻂ ﻳﺪﻭ ﻋﻠﻰ ﻛﺘﻔﻲ ... ﻛﺒﺲ ﻋﻠﻴﻪ ﻳﺤﻜﻲ
ﺍﺩﻡ : ﻧﻌﺮﻑ ﻟﻲ ﺍﻟﺤﻜﺎﻳﺔ ﻗﻠﻘﺎﺗﻚ ... ﺍﻣﺎ ﺍﻟﻔﺎﻳﺪﺓ ﺗﻮﺍ ﻛﻲ ﻣﻌﻤﻠﻠﻬﺎ ﺷﻲ
ﺗﻠﻔﺖ ﻋﻨﺪﻭ ... ﻃﻠﻌﺖ ﺣﺎﺟﺒﻲ ﻣﺴﺘﻐﺮﺏ ... ﻧﺤﻜﻲ
ﺍﻧﺎ : ﺷﻴﻌﺮﻓﻚ ﺍﻧﺖ
ﺍﺩﻡ : ﺣﻜﻴﺖ ﻣﻊ ﺍﻟﻄﺒﻴﺐ ... ﻭ ﻗﺎﻝ ﺟﻴﺴﺖ ﻧﻔﺴﻴﺘﻬﺎ ﺗﺎﻋﺒﺔ ... ﻭ ﻳﻤﺎﺕ ﻣﺎ ﻛﻼﺕ ﺷﻲ
ﺍﻧﺎ : ﺍﻟﺤﻜﺎﻳﺔ ﻣﻮﻗﻔﺘﺶ ﻫﻮﻧﻲ ... ﺗﻘﻮﻯ ﻋﻠﻴﻬﺎ ﺧﺎﻃﺮﻫﺎ ﻭﺣﺪﻫﺎ ﻫﻮﻧﻲ ﻓﻲ ﺗﻮﻧﺲ ... ﻭ ﻋﺎﻳﻠﺘﻬﺎ ﺑﻌﻴﺪﺓ ... ﻭ ﻣﻔﻤﺎ ﺣﺪ ﻭﺭﺍﻫﺎ ... ﺍﻣﺎ ﺻﺪﻗﻨﻲ ... ﻛﺎﻥ ﻳﻌﺮﻑ ﺷﻜﻮﻥ ﻟﻲ ﻭﺭﺍﻫﺎ ... ﻣﻴﻔﻜﺮﺵ ﺟﺮﺩ ﻓﻜﺮﺓ ... ﺍﻧﻮ ﻳﻘﺮﺏ ﻣﻨﻬﺎ
ﺍﺩﻡ : ﺍﺣﻨﺎ ﻫﻮﻧﻲ ... ﺍﻧﺖ ﻫﻮﻧﻲ ... ﻧﻌﺮﻑ ﻟﻤﺸﺒﺎﺵ ﺗﺨﻠﻴﻬﺎ ... ﺍﻣﺎ ﻣﻦ ﺍﻻﺣﺴﻦ ﻋﻴﻠﺘﻬﺎ ﺗﻌﺮﻑ ﺑﺎﻟﻠﻲ ﺻﺎﺭ
ﺍﻧﺎ : ﺑﺎﻟﻄﺒﻴﻌﺔ ﻃﻤﻦ ... ﺍﻧﺎ ﺑﺎﺵ ﻧﻜﻠﻢ ﺑﻮﻫﺎ
ﺍﺩﻡ : ﻫﻴﺎ ﺑﺎﻫﻲ ﻣﻼ ... ﺍﻧﺖ ﻛﻠﻤﻬﻢ ﺗﻮﺍ ... ﻧﻈﻦ ﺑﺎﺵ ﻧﻤﺸﻲ ﺍﺣﺴﻦ ... ﺟﻮ ﺍﻟﻜﻠﻴﻨﻴﻚ ﻳﺨﻨﻘﻨﻲ
ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺣﻞ ﻓﻠﺲ ﻣﺘﺎﻉ ﺳﻮﺭﻳﺘﻮ ... ﻋﺪﺍ ﻳﺪﻭ ﻋﻠﻰ ﺷﻌﺮﻭ ﺑﻐﺰﻭﻝ ... ﺟﻴﺴﺖ ﺗﺒﺴﻤﻠﻲ ... ﺿﺮﺑﻨﻲ ﻋﻠﻰ ﻛﺘﻔﻲ ... ﻭ ﻣﺸﺎ .. ﺑﻘﻴﺖ ﻧﺸﻴﻊ ﻓﻴﻪ ﻟﻴﻦ ﺩﺧﻞ ﻟﻼﺻﻮﻧﺼﻴﺮ ... ﺗﻨﻪﺩﺕ ﺑﺎﻟﻘﺎﻭﻱ ... ﺍﺣﻨﺎ ﺯﻭﺯ ... ﻧﻜﺮﻫﻮ ﺍﻟﺒﻼﺻﺔ ﻫﺎﺫﻱ ﺑﺮﺷﺎ ... ﺧﺎﺻﺔ ﺑﻌﺪ ﺍﻻﺣﺪﺍﺙ ﺗﺎﻟﻴﺔ ... ﺩﻭﺭﺕ ﺭﺍﺳﻲ ... ﻧﺸﻮﻑ ﻣﻊ ﻃﺒﻴﺐ ﻳﻌﺲ ﻓﻴﺎ ... ﺑﺎﺵ ﻣﻨﺪﺧﻠﺶ ﻋﻨﺪﻫﺎ ... ﻫﺰﻳﺖ ﻳﺪﻱ ﺣﻜﻴﺖ ﻟﺤﻴﺘﻲ ... ﻏﺰﺭﺕ ﻟﻠﺒﺎﺏ ... ﻭﺭﺟﻌﺖ ﻏﺰﺭﺗﻠﻮ ... ﻋﻤﻠﺘﻠﻮ ﻗﺮﻳﻤﺎﺱ ... ﻣﺘﺎﻉ ﺍﻟﻠﻪ ﻏﺎﻟﺐ ... ﻻﺯﻣﻨﻲ ﻧﺪﺧﻞ ... ﺣﺴﻴﺘﻮ ﻓﺪ ﺑﺎﺵ ﻳﻄﺮﺷﻖ ... ﻣﺤﺒﻴﺘﺶ ﻧﻐﺰﻟﻮ ﺍﻛﺜﺮ ... ﺣﻠﻴﺖ ﺍﻟﺒﺎﺏ ... ﻭ ﺩﺧﻠﺖ ... ﻗﺮﺑﺖ ﻣﻨﻬﺎ ... ﻟﻘﻴﺘﻬﺎ ﻏﺎﻃﺴﺔ ﻓﻲ ﻧﻮﻡ ... ﻭ ﻣﺶ ﺣﺎﺳﺔ ﻋﻠﻰ ﺷﻲ ... ﺿﻌﻔﺖ ﺑﺮﺷﺎ ... ﻛﻞ ﻣﺮﺓ ﻧﻐﺰﺭ ﻟﻮﺟﻬﺎ ... ﻧﻐﺰﻝ ﻋﻠﻰ ﺭﻭﺣﻲ ﺧﺎﻃﺮ ﻣﻨﺠﻤﺘﺶ ﻧﺤﻤﻴﻬﺎ ﻣﻨﻮ ... ﻧﻔﺨﺖ ﺑﺎﻟﻘﺎﻭﻱ ... ﺟﺒﺪﺕ ﺗﻠﻴﻔﻮﻧﻲ ... ﻛﻠﻤﺖ ﺭﺍﺿﻴﺔ ﺗﺤﻀﺮﻟﻬﺎ ﺩﺑﺸﻬﺎ ... ﻭ ﺗﺒﻌﺜﻮ ﻣﻊ ﺷﻮﻓﻮﺭ ... ﺣﺒﺖ ﺟﻲ ... ﺍﻣﺎ ﻣﻨﻌﺘﻬﺎ ... ﺍﺻﻼ ﻣﻦ ﻏﺪﻭﺓ ﺑﺎﺵ ﻧﻬﺰﻫﺎ ﻣﻌﺎﻳﺎ ... ﻧﺤﺒﻬﺎ ﺗﺒﻘﻰ ﺗﺤﺖ ﻋﻴﻨﻲ ... ﺣﺘﻰ ﻣﻦ ﺍﺩﻡ ﺑﺮﻭﻗﺮﺍﻣﻮ ... ﺷﺎﺭﺝﻱ ﻏﺪﻭﺓ ... ﻣﺴﺘﺤﻴﻞ ﻳﻨﺠﻢ ﻳﺠﻲ ﻟﻠﻜﻠﻴﻨﻴﻚ ﻗﺒﻞ ﺍﻟﻌﺸﻴﺔ ... ﺍﻣﺎ ﺯﺍﺩﺓ ... ﺑﺎﺵ ﻳﻤﺮﺟﻨﻲ ﺑﺎﻻﺳﺌﻠﺔ ﻛﺎﻥ ﻋﺮﻑ ﻟﻬﻲ ﻋﻨﺪﻱ ...