🔥🔞"في أحضان عزرائيل"🔞🔥(الجزء الثالث)

الحلقة 442

ﺯﻳﺎﺩ ﻳﺤﻜﻲ : ﻏﻤﻀﺖ ﻋﻴﻨﻴﺎ ... ﻭﺭﺟﻌﺖ 25 ﺳﻨﺔ ﻟﺘﺎﻟﻲ ... ﻳﻮﻣﻬﺎ ﺍﻟﺒﺮﺩ ... ﻭ ﺍﻟﻤﻄﺮ ﺧﻴﻄﻴﻦ ﻣﻦ ﺍﻟﺴﻤﺎ ... ﻧﺠﺮﻱ ﺑﻜﻞ ﺟﻬﺪﻱ ... ﺑﺎﺵ ﻧﻮﺻﻞ ﺑﻜﺮﻱ ﻟﺪﺍﺭ ... ﻣﺼﺪﻗﺘﺶ ﻟﺨﺮﺟﺖ ﻣﻦ ﺍﻟﻤﺪﺭﺳﺔ ﺑﻜﺮﻱ ... ﻧﺠﺮﻱ ﻋﻠﻰ ﺧﺎﻃﺮ ﺍﻟﻤﻄﺮ ... ﻭ ﺧﺎﻃﺮ ﺍﻣﻲ ﻭﻋﺪﺗﻨﻲ ﻟﻬﻲ ﺑﺎﺵ ﺗﺤﻀﺮﻟﻲ ﺍﻟﻤﺎﻛﻠﺔ ﻟﻲ ﻧﺤﺒﻬﺎ ... ﺍﻭﻝ ﻣﺎ ﻭﺻﻠﺖ ﺩﺯﻳﺖ ﺍﻟﺒﺎﺏ ﺑﻴﺪﻱ ﻭ ﺩﺧﻠﺖ ... ﻃﻠﻌﺖ ﻧﺠﺮﻱ ﻓﻲ ﺍﻟﺪﺭﻭﺝ ... ﺣﻄﻴﺖ ﻛﺮﻃﺎﺑﻠﻲ ﻋﺎﻟﻜﺮﺳﻲ ... ﻧﻤﺸﻲ ﻭ ﻧﻌﻴﻂ ﻋﻠﻰ ﺍﻣﻲ ﻓﻲ ﺩﺍﺭ ... ﺍﺳﺘﻐﺮﺑﺖ ﻟﻬﻲ ﻣﺮﺟﻌﺘﻠﻴﺶ ... ﺩﺯﻳﺖ ﺑﺎﺏ ﺑﻴﺘﻬﺎ ﻭﺩﺧﻠﺖ ... ﻟﻘﻴﺘﻬﺎ ﻗﺎﻋﺪﺓ ﻋﺎﻟﺴﺮﻳﺮ ﻭﺟﻬﺎ ﺍﺻﻔﺮ ... ﻗﺮﺑﺖ ﻣﻨﻬﺎ ... ﺣﻄﻴﺖ ﻳﺪﻳﺎ ﺍﻟﺼﻐﺎﺭ ﻋﻠﻰ ﻳﺪﻫﺎ ... ﺑﺎﺭﺩﺓ ﺑﺮﺷﺎ ... ﻛﺒﺴﺖ ﻋﻼﻫﺎ ﺍﻛﺜﺮ ﻧﺤﻜﻲ ﺍﻧﺎ : ﺍﻣﻲ ﻟﺒﺎﺱ ﻫﺰﺕ ﻳﺪﻫﺎ ... ﺣﻄﺘﻬﺎ ﻋﻠﻰ ﺧﺪﻱ ... ﻭ ﻫﺰﺗﻠﻲ ﺑﺮﺍﺳﻬﺎ ﺍﻳﻪ ﺗﺤﻜﻲ ﺍﻣﻲ : ﻟﺒﺎﺱ ﻋﻴﺶ ﻭﻟﺪﻱ ﻧﻮﻗﺰ ﺗﻠﻴﻔﻮﻥ ﺍﻟﺪﺍﺭ ﺑﺎﻟﻮﻗﺖ ... ﺗﻬﺰﺕ ﻭ ﺗﻨﻔﻀﺖ ﻓﻲ ﺑﻼﺻﺘﻬﺎ ... ﻭﻗﻔﺖ ﺑﺎﻟﺴﻴﻒ ... ﻗﺮﺑﺖ ﻣﻨﻮ ... ﺧﻄﻮﺍﺗﻬﺎ ﺭﺯﺍﻥ ... ﻣﺶ ﻓﺎﻫﻢ ﺷﻲ ﺟﻴﺴﺖ ﻧﺘﺒﻊ ﻓﻴﻬﺎ ﺑﻌﻴﻨﻴﺎ ﻭ ﻛﻬﻮ ... ﻫﺰﺕ ﻋﻠﻴﻪ ... ﺳﻜﺘﺖ ﺷﻮﻳﺔ ... ﻣﺒﻌﺪ ﺧﺮﺝ ﺻﻮﺗﻬﺎ ﻣﻜﺒﻮﺱ ... ﺗﺤﻜﻲ ﺍﻣﻲ : ﺣﻖ ﻭﻟﺪﻱ ﺣﺪ ﻣﺎ ﻳﺎﺧﻮ ... ﻭ ﺍﻋﻤﻞ ﻟﻲ ﺗﺤﺐ ﻋﻠﻴﻪ ﻋﻠﻘﺖ ﻋﻠﻴﻪ ﺑﻘﻮﺓ ... ﻟﻴﻦ ﺗﻬﺰﻳﺖ ﻭ ﺗﻨﻔﻀﺖ ﻓﻲ ﺑﻼﺻﺘﻲ ... ﻧﻐﺰﺭﻟﻪﺍ ﻧﺤﺐ ﻧﻔﻬﻢ ﺍﻟﻠﻲ ﻗﺎﻋﺪ ﻳﺼﻴﺮ ... ﻗﺮﺑﺖ ﻣﻦ ﺍﻟﻘﺎﺭﺩ ﺭﻭﺏ ... ﺣﻠﺖ ﺻﻨﺪﻭﻕ ﺻﻐﻴﺮ ... ﻣﻨﻌﺮﻓﺶ ﺷﻨﻴﺔ ﻟﺠﺒﺪﺍﺗﻮ ﺑﺎﻟﻈﺒﻂ ... ﻗﺮﺑﺖ ﻣﻨﻲ ... ﻧﺰﻟﺖ ﻋﻠﻰ ﺳﺎﻗﻴﻬﺎ ﺯﻭﺯ ... ﻟﻴﻦ ﻭﻻﺕ ﻓﻲ ﻃﻮﻟﻲ ... ﺣﻄﺖ ﻳﺪﻫﺎ ﻋﻠﻰ ﺧﺪﻱ ... ﺗﺤﻜﻲ ﺍﻣﻲ : ﺯﻳﺎﺩ ﺍﺳﻤﻌﻨﻲ ﻋﻴﺶ ﻭﻟﺪﻱ ... ﻧﺤﺒﻚ ﺗﺤﻔﻆ ﻛﻼﻣﻲ ﺑﺎﻟﻘﺪﺍ ... ﻧﺤﺒﻚ ﺗﻔﻬﻤﻨﻲ ... ﻭ ﺗﻌﻤﻞ ﻟﻲ ﻧﻘﻠﻚ ﻋﻠﻴﻪ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻣﻊ ﺍﻧﻲ ﻣﺶ ﻓﺎﻫﻢ ﺟﻤﻠﺔ ﻟﻲ ﻗﺎﻋﺪ ﻳﺼﻴﺮ ... ﻧﺰﻟﺖ ﺑﻴﺪﻳﻬﺎ ﺍﻟﺰﻭﺯ ... ﻛﺒﺴﺖ ﻋﻠﻰ ﻳﺪﻳﺎ ﺗﺤﻜﻲ ﺍﻣﻲ : ﺍﻧﺎ ﻳﻤﻜﻦ ﺑﺎﺵ ﻧﻤﺸﻲ ﻣﻦ ﻫﻮﻧﻲ ... ﻭ ﻣﻌﺎﺩﺵ ﺑﺎﺵ ﻧﺘﻠﻘﺎﻭ ﺟﻤﻠﺔ ... ﻳﻤﻜﻦ ﺍﻟﻴﻮﻡ ﺍﺧﺮ ﻳﻮﻡ ﻟﻴﻨﺎ ﻣﻊ ﺑﻌﺾ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻭ ﺍﻧﺎ ﻧﺤﺎﻭﻝ ﻧﺴﺘﻮﻋﺐ ﻓﻲ ﻛﻼﻣﻬﺎ ... ﻏﺰﺭﺗﻠﻪﺍ ﻓﻲ ﻋﻴﻨﻴﻬﺎ ... ﺧﺬﺍﺕ ﻧﻔﺲ ... ﺗﺨﺒﻲ ﻓﻲ ﻏﺼﺘﻬﺎ ﻭ ﻛﻤﻠﺖ ﺗﺤﻜﻲ ﺍﻣﻲ : ﻧﺤﺒﻚ ﺗﻜﻮﻥ ﻗﻮﻱ ... ﻭ ﻣﺎ ﺗﺎﺛﻖ ﻓﻲ ﺣﺘﻰ ﺣﺪ ﻓﻲ ﺍﻟﺪﻧﻴﺎ ... ﺧﻠﻴﻚ ﺩﻳﻤﺎ ﻗﻮﻱ ﻭ ﺷﻲ ﻣﺎ ﻳﻬﺪﻙ ... ﻛﻮﻧﻚ ﺩﻳﻤﺎ ﻛﻴﻤﺎ ﺍﻻﻋﺼﺎﺭ ... ﻭ ﻣﺘﺨﺎﻑ ﻣﻦ ﺣﺘﻰ ﺣﺪ ... ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻭ ﻋﻠﻰ ﺧﻮﻙ ... ﺭﺩ ﺑﺎﻟﻚ ﻳﺠﻲ ﻧﻬﺎﺭ ﻭ ﺗﺨﺴﺮ ﺧﻮﻙ ﻣﻬﻤﺎ ﻛﺎﻥ ﺳﺒﺐ ﻋﻴﺶ ﻭﻟﺪﻱ ... ﺑﺎﺵ ﻳﺠﻲ ﻧﻬﺎﺭ ﻭ ﺗﻔﻬﻢ ﻛﻼﻣﻲ ﻫﺬﺍ ﺑﺎﻟﻘﺪﺍ ... ﺫﻛﺮ ﺩﻳﻤﺎ ﻻﻣﻚ ﺗﺤﺒﻚ ﺑﺮﺷﺎ ... ﺗﺤﺒﻚ ﺍﻛﺜﺮ ﻣﻦ ﺭﻭﺣﻬﺎ ... ﺍﻧﺖ ﺍﺣﻠﻰ ﺣﺎﺟﺔ ﺻﺮﺍﺕ ﻓﻲ ﺣﻴﺎﺗﻲ ... ﻧﺤﺒﻚ ﻭ ﻧﻤﻮﺕ ﻋﻠﻴﻚ ﺑﻘﻴﺖ ﻧﺸﻮﻑ ﻣﻌﺎﻫﺎ ... ﻓﻤﻲ ﻣﺤﻠﻮﻝ ﺷﻄﺮ ... ﻫﺰﺕ ﻳﺪﻳﺎ ﺯﻭﺯ ﻗﺮﺑﺘﻬﻢ ﻣﻦ ﺷﻔﺎﻓﻬﺎ ... ﺗﺒﻮﺱ ﻓﻴﻬﻢ ﻭ ﺩﻣﻮﻋﻬﺎ ﻃﺎﻳﺤﻴﻦ ﻋﻠﻴﻬﻢ ... ﻣﻦ ﻏﻴﺮ ﻣﺎ ﻧﻔﻜﺮ ﻣﺮﺗﻴﻦ ... ﺗﺮﻣﻴﺖ ﻋﻼﻫﺎ ... ﺩﻭﺭﺕ ﻳﺪﻳﺎ ﺯﻭﺯ ﻋﻠﻰ ﺭﻗﺒﺘﻬﺎ ... ﺣﻀﻨﺘﻬﺎ ﺑﺎﻟﻘﺎﻭﻱ ... ﺣﻀﻨﻬﺎ ﺩﺍﻓﻲ ﺑﺮﺷﺎ ﻛﻲ ﺍﻟﻌﺎﺩﺓ ... ﻛﺒﺴﺖ ﻋﻼﻫﺎ ﺑﻜﻞ ﻗﻮﺗﻲ ﻧﺤﻜﻲ ﺍﻧﺎ : ﺍ ﺍﻣﻲ ﺍﻣﺎﻧﻚ ﻣﺘﺨﻠﻨﻴﺶ ﻭﺣﺪﻱ ... ﺗﻌﺮﻑ ﻻﻧﺎ ﻧﺨﺎﻑ ﺑﺮﺷﺎ ... ﺍﻧﺖ ﻭﻋﺪﺗﻨﻲ ﻟﻤﺴﺘﺤﻴﻞ ﺗﺨﻠﻴﻨﻲ ... ﻋﻼﺵ ﺑﺎﺵ ﺗﻤﺸﻲ ﺗﻮﺍ ... ﻧﻮﻋﺪﻙ ﻟﻤﻌﺎﺩﺵ ﻧﻘﻠﻘﻚ ... ﻭ ﻻ ﻧﺘﻌﺎﺭﻙ ﻣﻊ ﺍﺩﻡ ... ﻋﻴﺶ ﺍﻣﻲ ﻣﺘﺨﻠﻨﻴﺶ ﻭﺣﺪﻱ ﻧﺤﻜﻲ ﻭ ﻧﻠﺤﻠﺢ ﺑﻴﻬﺎ ... ﺻﻮﺕ ﺷﻬﻘﺎﺗﻬﺎ ﻧﺤﺲ ﺑﻴﻬﻢ ﻓﻲ ﻭﺫﻧﻲ ... ﻛﺒﺴﺖ ﻋﻠﻴﺎ ﺑﻴﺪﻳﻬﺎ ﺯﻭﺯ ... ﺟﺒﺪﺕ ﺭﻭﺣﻬﺎ ﺷﻮﻳﺔ ... ﺑﺎﺳﺘﻨﻲ ﻣﻦ ﻭﺟﻬﻲ ﺍﻟﻜﻞ ﻭ ﻳﺪﻳﺎ ... ﻋﻴﻨﻴﻬﺎ ﺿﺎﻳﻌﻴﻦ ... ﺧﻮﻑ ﺍﻭﻝ ﻣﺮﺓ ﻧﺮﺍﻩ ﻭ ﻧﺤﺲ ﺑﻴﻪ ... ﻣﻊ ﺻﻮﺕ ﺍﻟﺒﺎﺏ ﻟﻲ ﺗﺤﻞ ﺍﻟﻠﻮﻃﺔ ... ﻋﻴﻨﻴﻬﺎ ﻭﺳﺎﻋﺖ ... ﻭﻗﻔﺖ ﺑﺎﻟﺰﺭﺑﺔ ﺳﻜﺮﺕ ﺑﺎﺏ ﺍﻟﺒﻴﺖ ... ﻭ ﻗﺮﺑﺖ ﻣﻨﻲ ... ﺣﻠﺖ ﻳﺪﻫﺎ ... ﺣﻄﺘﻠﻲ ﺷﺮﻛﺔ ﻓﻲ ﺭﻗﺒﺘﻲ ﺑﺎﻟﺰﺭﺑﺔ ... ﻭ ﻣﻔﺘﺎﺡ ﺻﻐﻴﺮ ﻣﻊ ﻭﺭﻗﺔ ﻓﻲ ﻳﺪﻱ ... ﺗﺤﻜﻲ ﺑﺼﻮﺕ ﻗﺮﻳﺐ ﻟﻠﻬﻤﺲ ﺍﻣﻲ : ﺍﺳﻤﻌﻨﻲ ﻋﻴﺶ ﻭﻟﺪﻱ ... ﺭﺩ ﺑﺎﻟﻚ ﺗﻨﺤﻲ ﺍﻟﺸﺮﻛﺔ ﻣﻦ ﺭﻗﺒﺘﻚ ... ﻭ ﺍﻟﻮﺭﻗﺔ ﻭ ﺍﻟﻤﻔﺘﺎﺡ ﻫﺬﻭﻣﺎ ... ﺍﻋﻄﻴﻬﻢ ﻟﻌﻤﻚ ﺻﺎﻟﺢ ... ﻭ ﺗﻮ ﻛﻲ ﻳﺠﻲ ﺍﻟﻮﻗﺖ ﻫﻮ ﻳﺮﺟﻌﻬﻤﻠﻚ ... ﻭ ﺭﺩ ﺑﺎﻟﻚ ﺗﺤﻜﻲ ﻟﺤﺪ ﻋﻠﻴﻬﻢ ﺑﺎﻫﻲ ... ﻫﺬﺍ ﺳﺮﻧﺎ ﺍﻟﺼﻐﻴﺮ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﻗﺮﺑﺖ ﻣﻨﻲ ... ﺑﺎﺳﺘﻨﻲ ﺑﻮﺳﺔ ﻣﺮﺻﻮﺻﺔ ﻋﻠﻰ ﺧﺪﻱ ... ﻭ ﻃﻠﻌﺖ ﻏﻄﺎ ﺍﻟﺴﺮﻳﺮ ﺗﺤﻜﻲ ﺍﻣﻲ : ﺍﺗﺨﺒﺎ ﻫﻮﻧﻲ ... ﻭﺭﺩ ﺑﺎﻟﻚ ﺗﺨﺮﺝ ... ﻣﻬﻤﺎ ﺻﺎﺭ ﻭ ﻣﻬﻤﺎ ﺳﻤﻌﺖ ﺭﺩ ﺑﺎﻟﻚ ﻃﻠﻊ ﺻﻮﺕ ﻭ ﻻ ﺗﺒﻜﻲ ﺑﺎﻗﻲ ﻧﻬﺰﻫﻠﻬﺎ ﻓﻲ ﺭﺍﺳﻲ ... ﻣﺶ ﻓﺎﻫﻢ ﺍﻟﻠﻲ ﻗﺎﻋﺪ ﻳﺼﻴﺮ ... ﻛﺒﺴﺖ ﻋﻠﻴﺎ ﺗﺤﻜﻲ ﺍﻣﻲ : ﺍﻭﻋﺪﻧﻲ ﻟﺒﺎﺵ ﺗﻌﻤﻞ ﺍﻟﻠﻲ ﻭﺻﻴﺘﻚ ﻋﻠﻴﻪ ﺍﻧﺎ : ﻭﻋﺪ ﺍﻣﻲ ﺍﻣﻲ : ﻧﺤﺒﻚ ﺑﺮﺷﺎ ﺍﻧﺎ : ﻭ ﺍﻧﺎ ﺯﺍﺩﺓ ﻧﺤﺒﻚ ﺑﺮﺷﺎ