ﺳﻮﺍﺭ ﺗﺤﻜﻲ : ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻧﺤﺲ ﻓﻲ ﺑﺪﻧﻲ ﻣﺪﻗﺪﻕ ... ﻭﺟﻴﻌﺔ ﻓﻲ ﺳﺎﻗﻲ ﻣﺶ ﻧﻮﺭﻣﺎﻝ ... ﺧﻠﻲ ﻭﺟﻴﻌﺔ ﻗﻠﺒﻲ ... ﻓﻜﺮﺓ ﻻﻧﺎ ﺑﺎﺵ ﻧﺮﺍﻩ ﺻﺒﺎﺡ ﺭﺑﻲ ﻭﺗﺮﺗﻨﻲ ﺑﺮﺷﺎ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﺗﻘﻌﺪﺕ ... ﻧﺰﻟﺖ ﺳﺎﻗﻴﺎ ﻋﺎﻻﺭﺽ ... ﺑﺎﺵ ﻧﻘﻮﻡ ﻣﻨﺠﻤﺘﺶ ... ﻭﻟﻴﺖ ﻗﻌﺪﺕ ﻭ ﺗﻜﻴﺖ ﻟﺘﺎﻟﻲ ... ﻧﻐﺰﺭ ﻟﺸﺒﺎﻙ ... ﻟﻀﻮ ﻟﻲ ﺩﺍﺧﻞ ﻣﻨﻮ ... ﺣﺴﻴﺖ ﺑﻘﺒﻀﺔ ﻓﻲ ﻗﻠﺒﻲ ... ﺍﺣﺴﺎﺱ ﺧﺎﻳﺐ ﺑﺮﺷﺎ ... ﺍﻭﻝ ﺣﺪ ﺟﺎ ﻟﺒﺎﻟﻲ ﺯﻳﺎﺩ ... ﺣﻄﻴﺖ ﻳﺪﻱ ﻋﻠﻰ ﻗﻠﺒﻲ ... ﻧﻬﺪﻱ ﻓﻲ ﺭﻭﺣﻲ ... ﻏﻤﻀﺖ ﻋﻴﻨﻴﺎ ... ﻭﺭﺟﻌﺖ ﺣﻠﻴﺘﻬﻢ ... ﻧﺴﻤﻊ ﻓﻲ ﺻﻮﺕ ﺧﻄﻮﺍﺗﻮ ﻣﻦ ﺑﻌﻴﺪ ... ﻋﺪﻟﺖ ﺭﻭﺣﻲ ﻭﺧﺬﻳﺖ ﻧﻔﺲ ... ﻧﻐﺰﺭ ﻓﻴﻪ ﻣﺎﺷﻲ ﻭ ﻳﻘﺮﺏ ﻣﻨﻲ ... ﻳﻐﺰﺭ ﻟﺘﻠﻴﻔﻮﻧﻮ ... ﻭﺟﻬﻮ ﻣﺎ ﻓﻴﻪ ﺣﺘﻰ ﺗﻌﺒﻴﺮ ... ﻃﻠﻊ ﺭﺍﺳﻮ ﻏﺰﺭﻟﻲ ... ﻳﺤﻜﻲ ﺍﺩﻡ : ﺑﻮﻧﺠﻮﺭ ﺍﻧﺎ : ﺑﻮﻧﺠﻮﺭ ﺍﺩﻡ : ﺭﻗﺪﺕ ﻣﻠﻴﺢ ﺍﻧﺎ : ﻣﻤﻤﻢ ... ﻭ ﺍﻧﺖ ﻟﺒﺎﺱ ﻳﺎﺧﻲ ... ﺷﻔﻤﺎ ﺍﺩﻡ : ﻟﺒﺎﺱ ﻣﻔﻤﺎ ﺷﻲ ﺍﻧﺎ : ﺍﺩﻡ ﺷﺼﺎﺭ ﻳﺎﺧﻲ ﺍﺩﻡ : ﻣﻨﻌﺮﻓﺶ ﺯﻳﺎﺩ ﻃﻠﺒﻨﻲ ﺑﺮﺷﺎ ... ﻭ ﺗﻮﺍ ﻣﺴﻜﺮ ﺗﻠﻴﻔﻮﻧﻮ ﺍﻧﺎ : ﻋﻼﺵ ﻣﻬﺰﻳﺘﺶ ﻋﻠﻴﻪ ﺍﺩﻡ : ﻣﺴﻤﻌﺘﻮﺵ ﺗﺮﻣﺎ ﻋﺎﻟﻔﻮﺗﺎﻱ ﻣﻘﺎﺑﻠﻨﻲ ... ﺑﺎﻗﻲ ﻳﻄﻠﺐ ﻓﻴﻪ ... ﻭ ﻫﻮ ﻣﻴﻬﺰﺵ ... ﺭﻳﺖ ﺍﻟﺨﻮﻑ ﻋﻠﻰ ﻭﺟﻬﻮ ... ﻣﺘﻮﻗﻌﺘﺶ ﻟﻬﻮ ﺑﺎﺵ ﻳﺨﺎﻑ ﻋﻠﻴﻪ ﻟﻬﺪﺭﺟﺔ ... ﻗﻠﺒﻲ ﻧﺤﺲ ﻓﻴﻪ ﺑﺎﺵ ﻳﺨﺮﺝ ﻣﻦ ﺑﻘﻌﺘﻲ ... ﻭﻗﺘﻬﺎ ﺑﺮﻙ ﺫﻛﺮﺕ ﺗﻠﻴﻔﻮﻧﻲ ... ﺧﻠﻴﺘﻮ ﻓﻲ ﺻﺎﻙ ... ﻭ ﻧﺴﻴﺘﻮ ﺑﻌﺪ ﺍﻟﻠﻲ ﺻﺎﺭ ﺟﻤﻠﺔ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻭﺍﻗﻔﺔ ... ﺣﺘﻰ ﻭﺟﻴﻌﺔ ﺳﺎﻗﻲ ﻣﺤﺴﻴﺘﺶ ﺑﻴﻬﺎ ... ﻃﻠﻊ ﺭﺍﺳﻮ ... ﻏﺰﺭﻟﻲ ﻣﺴﺘﻐﺮﺏ ... ﻳﺤﻜﻲ ﺍﺩﻡ : ﺷﻔﻤﺎ ﺍﻧﺎ : ﺗﻠﻴﻔﻮﻧﻲ ﺍﺩﻡ : ﺷﻨﻮﺓ ﺍﻧﺎ : ﺍﺩﻡ ﻳﺎﺧﻲ ﺻﺎﻛﻲ ﺑﻘﺎ ﻓﻲ ﻧﺎﺩﻱ ﻏﺰﺭﻟﻲ ﻣﺴﺘﻐﺮﺏ ... ﻋﻘﺪ ﺣﻮﺍﺟﺒﻮ ... ﻭ ﺿﻴﻖ ﻋﻴﻨﻴﻪ ﻳﺤﻜﻲ ﺍﺩﻡ : ﻧﻈﻦ ﺑﻘﺎ ﻏﺎﺩﻱ ... ﺍﻧﺖ ﻣﺬﻛﺮﺗﻨﻴﺶ ﻭ ﺍﻻ ﻛﻨﺖ ﺑﻌﺜﺖ ﺷﻜﻮﻥ ﻳﺠﻴﺒﻬﻮﻟﻚ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻭﺟﻬﻲ ... ﺭﺟﻌﺖ ﺷﻌﺮﻱ ﻟﺘﺎﻟﻲ ... ﻧﺤﻜﻲ ﺍﻧﺎ : ﻻﺯﻡ ﻧﻤﺸﻲ ﺗﻮﺍ ﻫﺰ ﺭﻭﺣﻮ ﻭﻗﻒ ... ﻭ ﻗﺮﺏ ﻣﻨﻲ ... ﻭﻗﻒ ﻗﺮﻳﺐ ﻣﻨﻲ ﻳﺤﻜﻲ ﺍﺩﻡ : ﺷﺼﺎﺭ ﻳﺎﺧﻲ ﺍﻧﺎ : ﻧﺴﻴﺖ ﺗﻠﻴﻔﻮﻧﻲ ﺍﺩﻡ : ﻭﻳﻦ ﺍﻟﻤﺸﻜﻠﺔ .. ﺗﻮ ﻧﻮﺻﻲ ﺣﺪ ﻳﺠﻴﺒﻬﻮﻟﻚ ﺍﻧﺎ : ﺍﺩﻡ ﺍﻣﺎﻥ ﻧﺤﺐ ﻧﻤﺸﻲ ﺗﻮﺍ ... ﺑﺎﺯ ﺑﺎﺑﺎ ﻳﻜﻮﻥ ﻃﻠﺒﻨﻲ ... ﻭ ﻛﺎﻥ ﻳﺴﻤﻊ ﺑﺎﻟﻠﻲ ﺻﺎﺭ ... ﻣﺴﺘﺤﻴﻞ ﻳﺨﻠﻴﻨﻲ ﻫﻮﻧﻲ ﻓﻲ ﺗﻮﻧﺲ ... ﺍﻟﻤﺮﺓ ﻫﺎﺫﻱ ﺍﻛﻴﺪ ﺑﺎﺵ ﻳﺮﺟﻌﻨﻲ ﻣﻌﺎﻩ ﻗﺮﺏ ﻣﻨﻲ ﺍﻛﺜﺮ ... ﺣﻂ ﻳﺪﻳﻪ ﺯﻭﺯ ﻋﻠﻰ ﺯﻧﻮﺩﻱ ... ﻛﺒﺲ ﻋﻠﻴﺎ ... ﻃﻠﻌﺖ ﺭﺍﺳﻲ ﺟﺎ ﻭﺟﻬﻲ ﻣﻊ ﻭﺟﻬﻮ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻧﺤﺐ ﻧﺠﺒﺪ ﺭﻭﺣﻲ ... ﺍﻣﺎ ﺯﺍﺩﺓ ﻣﻨﺠﻤﺶ ﻧﺸﻠﻖ ﺑﺮﻭﺣﻲ ﺗﻮﺍ ... ﻭ ﻧﺤﺎﻭﻝ ﻧﺮﺑﺢ ﺛﻴﻘﺘﻮ ﺑﺎﻱ ﻃﺮﻳﻘﺔ ... ﻧﺴﻤﻊ ﻓﻴﻪ ﻳﺤﻜﻲ ﺍﺩﻡ : ﺑﺎﻫﻲ ﺍﻫﺪﺍ ﺗﻮﺍ ﺍﻧﺎ : ﺍﻣﺎﻥ ﺍﺩﻡ ﻻﺯﻡ ﻧﻤﺸﻮ ﺗﻮﺍ ﺍﺩﻡ : ﺑﺎﻫﻲ ﺍﺗﻮ ﺗﻔﻄﺮ ﺳﺎﻋﺔ ﺍﻧﺎ : ﻫﺄﺓ ﻣﻨﺤﺒﺶ ﺗﺒﺴﻢ ﻋﻠﻰ ﺟﻨﺐ ... ﻭﺭﺧﻒ ﻳﺪﻳﻪ ﻋﻠﻴﺎ ... ﻭﺧﺮ ﺧﻄﻮﺓ ﻟﺘﺎﻟﻲ ... ﻳﺤﻜﻲ ﺍﺩﻡ : ﺑﺎﻫﻲ ﻳﺎ ﻻﻟﺔ ﻛﻴﻤﺎ ﺗﺤﺐ ﺍﻧﺎ : ﻋﻴﺸﻚ ﺟﺒﺪ ﺭﻭﺣﻮ ﻣﻨﻲ ... ﺭﺟﻊ ﻃﻠﻊ ... ﺑﺎﺯ ﻧﺴﻰ ﺷﻲ ... ﺑﻘﻴﺖ ﻭﺍﻗﻔﺔ ﻓﻲ ﺑﻼﺻﺘﻲ ... ﻗﻠﺒﻲ ﻭ ﻋﻘﻠﻲ ﻣﻌﺎﻩ ... ﻓﻜﺮﺓ ﺗﻠﻴﻔﻮﻧﻮ ﻣﺴﻜﺮ ﻣﺤﺒﺘﺶ ﺗﺪﺧﻞ ﻟﻤﺨﻲ ... ﺑﺎﺯ ﺳﻤﻊ ﺑﺎﻟﻠﻲ ﺻﺎﺭ ... ﻭ ﻛﻠﻤﻨﻲ ... ﺗﻮﺗﺮﺕ ﻟﺪﺭﺟﺔ ... ﻣﻌﺮﻓﺘﺶ ﻛﻴﻒ ﻧﺠﻤﺖ ﻧﺘﻠﻒ ﺍﺩﻡ ... ﻭ ﻧﺤﻜﻲ ﻣﻌﺎﻩ ... ﺍﻧﺎ ﺍﻛﺎﻛﺎ ... ﻭ ﻧﺮﺍ ﻓﻴﻪ ﻳﻘﺮﺏ ﻣﻨﻲ ... ﻭﻗﻒ ﻗﺪﺍﻣﻲ ﻳﺤﻜﻲ ﺍﺩﻡ : ﻧﻤﺸﻮ ﺗﻮﺍ ﺍﻧﺎ : ﻣﻤﻤﻢ ﻧﺰﻝ ﻫﺰ ﺍﻟﻔﺎﺳﺖ ﻣﺘﺎﻋﻲ ... ﻗﺮﺏ ﻣﻨﻲ ... ﻟﺒﺴﻬﺎﻟﻲ ... ﻭ ﻏﺰﺭﻟﻲ ﻳﺤﻜﻲ ﺍﺩﻡ : ﺗﻨﺠﻢ ﺗﻤﺸﻲ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺳﺒﻘﻨﻲ ... ﺥﺍﻟﻄﺖ ﻋﻠﻴﻪ ... ﺍﻟﺨﻄﻮﺓ ﻧﻌﻤﻠﻬﺎ ﺑﺎﻟﺴﻴﻒ ... ﺗﻠﻔﺘﻠﻲ ... ﻋﺪﺍ ﻳﺪﻭ ﻋﻠﻰ ﺷﻌﺮﻭ ... ﻭﺭﺟﻊ ﻗﺮﺏ ﻣﻨﻲ ... ﻣﺪﻟﻲ ﻳﺪﻭ ... ﻳﺤﻜﻲ ﺍﺩﻡ : ﻫﻴﺎ ﺍﻳﺠﺎ ﻫﺰﻳﺖ ﻳﺪﻱ ﺑﺎﻟﺴﻴﻒ ... ﺩﻭﺭﺗﻬﺎ ﻋﻠﻰ ﻳﺪﻭ .. ﻗﺮﺑﺖ ﻣﻨﻮ ﺷﻮﻳﺔ ... ﻧﻤﺸﻲ ﺑﺎﻟﺴﻴﻒ ... ﺣﺘﻰ ﻫﻮ ﻣﺘﻘﻠﻘﺶ ﻣﻨﻲ ﺟﻤﻠﺔ ... ﻳﻤﺸﻲ ﺑﺎﻟﺸﻮﻳﺔ ﻋﻠﻰ ﺧﺎﻃﺮﻱ ... ﺍﻭﻝ ﻣﺎ ﺧﺮﺟﻨﺎ ... ﻏﺰﺭﻟﻲ ﻳﺤﻜﻲ ﺍﺩﻡ : ﻟﺒﺎﺱ ﻳﺎﺧﻲ ﺗﺒﺴﻤﺘﻠﻮ ﺑﺎﻟﺴﻴﻒ ... ﻭ ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻣﻠﻴﺤﺔ ﻣﺮﺳﻲ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
