ﺯﺩﺕ ﻓﻲ ﺍﻟﻔﻴﺘﺎﺱ ﺍﻛﺜﺮ ... ﻭ ﺷﺪﻳﺖ ﺛﻨﻴﺔ ﺍﻟﺼﺤﻴﺤﺔ ... ﻧﻔﺲ ﺍﻟﺜﻨﻴﺔ ﻟﻲ ﻣﺸﻴﻨﺎ ﻓﻴﻬﺎ ﺍﻧﺎ ﻭ ﺯﻳﺎﺩ ... ﻭﻗﺖ ﻛﺎﻥ ﻳﺮﺍﻗﺐ ﻓﻲ ﺍﺩﻡ ﻟﻴﻠﺘﻬﺎ ... ﺍﺣﺴﻦ ﺷﻲ ﻣﺶ ﻧﻔﺲ ﺍﻟﺪﺍﺭ ... ﻟﻠﺤﻈﺔ ﻛﻴﻒ ﺳﻤﻌﺖ ﺩﺍﺭ ﺍﻟﺰﺭﻳﻌﺔ ... ﺳﺘﺨﺎﻱﻟﺘﻬﺎ ﻧﻔﺲ ﺍﻟﺪﺍﺭ ... ﻋﺪﺳﺖ ﺗﻘﺮﻳﺐ ﺳﺎﻋﺔ ﻭ ﺍﻧﺎ ﻧﺴﻮﻕ ... ﻛﻞ ﺷﻮﻳﺔ ﻧﻐﺰﺭﻟﻮ ... ﺩﻭﺏ ﺣﺎﻝ ﻋﻴﻨﻴﻪ ... ﻭ ﺷﺎﺩ ﻛﺘﻔﻮ ﺑﻴﺪﻭ ... ﻣﻨﻌﺮﻓﺶ ﻛﻴﻒ ﻭﺻﻠﺖ ... ﺍﺻﻼ ﺍﻟﻤﻨﻄﻘﺔ ﻓﻴﻬﺎ ﺭﺟﺎﻝ ﻣﻔﺮﻗﻴﻦ ... ﻭ ﺑﺎﺯ ﻋﺮﻓﻮ ﻛﺮﻫﺒﺘﻮ ... ﻋﻠﻰ ﻫﺬﺍﻛﺎ ﻭﺍﺣﺪ ﻣﺎ ﻭﻗﻔﻨﻲ ... ﻏﺰﺭﺗﻠﻮ ﻧﺤﻜﻲ ﺍﻧﺎ : ﺍﺩﺩﺩﻡ ﻫﺎﺫﻱ ﻫﻲ ﺍﻟﺪﺍﺭ ﺣﻞ ﻋﻴﻨﻴﻪ ﺷﻮﻳﺔ ﻣﺮﻭﻫﺞ ... ﻫﺰﻟﻲ ﺑﺮﺍﺳﻮ ﺍﻳﻪ ... ﺷﺪﻳﺖ ﺍﻟﻔﺮﺍﻥ ﺑﺎﻟﻘﺎﻭﻱ ... ﻭ ﻧﺰﻟﺖ ... ﻣﺸﻴﺖ ﻣﻦ ﺟﻴﻬﺘﻮ ... ﺣﻠﻴﺖ ﺍﻟﺒﺎﺏ ... ﺣﻄﻴﺖ ﻳﺪﻳﺎ ﺩﺍﺧﻞ ﻣﻜﺎﺗﺒﻮ ... ﺑﺎﻟﺴﻴﻒ ﺑﺎﺵ ﻟﻘﻴﺖ ﺍﻟﻤﻔﺎﺗﺢ ... ﺍﻛﺜﺮ ﻣﻦ ﻣﻔﺘﺎﺡ ... ﻗﺮﺑﺖ ﻣﻦ ﺩﺍﺭ ﺑﺎﻟﺰﺭﺑﺔ ... ﺟﺮﺑﺖ ﺍﻟﻤﻔﺎﺗﺢ ﺍﻟﻜﻞ ... ﻟﻴﻦ ﻧﺠﻤﺖ ﻧﻔﺘﺤﻬﺎ ... ﺣﻠﻴﺖ ﺍﻟﺒﺎﺏ ﻭ ﺭﺟﻌﺘﻠﻮ ... ﺷﺪﻳﺘﻮ ﻣﻦ ﻳﺪﻭ ﻧﺤﻜﻲ ﺍﻧﺎ : ﺍﻳﺠﺎ ﻣﻌﺎﻳﺎ ﺍﻣﺎﻥ ﻫﺰﻟﻲ ﺑﺮﺍﺳﻮ ﺍﻳﻪ ... ﻧﺰﻝ ﻭ ﺍﺳﺘﻨﺪ ﻋﻠﻴﺎ ﺷﻮﻳﺔ ... ﻭﺻﻠﻨﺎ ﺑﺎﻟﺴﻴﻒ ... ﺍﻭﻝ ﻣﺎ ﺩﺧﻠﻨﺎ ... ﺭﻣﺎ ﻳﺪﻭ ﺷﻌﻞ ﺍﻟﻀﻮ ... ﻗﺮﺑﻨﺎ ﻣﻦ ﺍﻟﻔﻮﺗﺎﻱ ... ﺗﺮﻣﺎ ﻟﺘﺎﻟﻲ ... ﻣﺮﻭﻫﺞ ... ﻭﻗﻔﺖ ﻓﻲ ﻧﺺ ﻧﺸﻮﻑ ﻣﻊ ﺩﺍﺭ ... ﻋﺪﻳﺖ ﻳﺪﻱ ﻋﻠﻰ ﺷﻌﺮﻱ ﻟﺘﻮﺍ ﻣﺎ ﻭﺻﻞ ﺣﺘﻰ ﺣﺪ ... ﻭ ﻫﻮ ﺧﺴﺮ ﺩﻡ ﺑﺮﺷﺎ ... ﻗﺎﻋﺪ ﻳﻘﺎﻭﻡ ﺑﺎﻟﺴﻴﻒ ﺑﺎﺵ ﻣﻴﻐﻴﺒﺶ ... ﺑﻘﻴﺖ ﻧﺪﻭﺭ ﻓﻲ ﺭﺍﺳﻲ ... ﻛﺎﻥ ﺑﺎﺵ ﻧﺒﻘﻰ ﻫﻜﺎ ... ﻣﺴﺘﺤﻴﻞ ﻳﺒﻘﻰ ﻋﺎﻳﺶ ﻟﻴﻦ ﻳﻮﺻﻠﻮ ... ﻫﺰﻳﺖ ﺭﻭﺣﻲ ﻃﻠﻌﺖ ﺍﻟﺪﺭﻭﺝ ﻫﺬﺍﻛﺎ ﺑﺎﻟﺰﺭﺑﺔ ... ﻟﻘﻴﺖ ﺯﻭﺯ ﺑﻴﻮﺕ ﺑﺮﻙ ... ﺩﺧﻠﺖ ﻟﻮﺣﺪﺓ ﻓﻴﻬﻢ ... ﺑﺎﺯ ﺗﻜﻮﻥ ﺑﻴﺘﻮ ... ﺧﺎﻃﺮ ﺭﻳﺤﺘﻮ ﻣﻌﺒﻴﺔ ﺍﻟﺒﻼﺻﺔ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ ... ﻓﺮﻛﺴﺖ ﻋﻠﻰ ﺑﻮﺍﺕ ﻓﺮﻣﺎﺳﻲ ﺷﻲ ... ﻣﻠﻘﻴﺘﺶ ... ﺩﺧﻠﺖ ﻟﻠﺒﻴﺖ ﻻﺧﺮﻯ ... ﻟﻘﻴﺘﻬﺎ ﻏﺎﺩﻱ ... ﻫﺰﻳﺘﻬﺎ ﻓﻲ ﻳﺪﻱ ... ﻭ ﻫﺰﻳﺖ ﻣﻨﺸﻔﺔ ﺻﻐﻴﺮﺓ ... ﻭ ﻧﺰﻟﺖ ﻋﻨﺪﻭ ... ﻗﺮﺑﺖ ﻣﻨﻮ ﺑﺎﻟﺰﺭﺑﺔ ... ﻗﻌﺪﺕ ﻋﻠﻰ ﺭﻛﺎﻳﺒﻲ ﺯﻭﺯ ﻗﺪﺍﻣﻮ ... ﺣﻄﻴﺖ ﺍﻟﻤﻨﺸﻔﺔ ﻋﻠﻰ ﻛﺘﻔﻮ ... ﻧﺤﻜﻲ ﺍﻧﺎ : ﺍﺩﺩﻡ ... ﺍﺩﻣﻢ ﺗﺴﻤﻊ ﻓﻴﺎ ﺍﺩﻡ : ﻣﻤﻢ ﺍﻧﺎ : ﺍﺩﻡ ﻻﺯﻣﻚ ﺗﻜﺒﺲ ﻋﺎﻟﺠﺮﺡ ﻟﻴﻦ ﻧﺮﺟﻊ ﻫﺰﻳﺖ ﻳﺪﻭ ﺣﻄﻴﺘﻬﺎ ﻋﺎﻟﻤﻨﺸﻔﺔ ... ﻛﺒﺴﺖ ﻋﻼﻫﺎ ﻧﺤﻜﻲ ﺍﻧﺎ : ﺍﻛﺒﺲ ﻋﻼﻫﺎ ﺍﻛﺜﺮ ... ﺍﻣﺎﻧﻚ ﺣﺎﻭﻝ ﺗﺒﻘﻰ ﻓﺎﻳﻖ ﻫﺰﻟﻲ ﺑﺮﺍﺳﻮ ﺍﻳﻪ ... ﺟﺒﺪﺕ ﺭﻭﺣﻲ ﻣﻨﻮ ... ﻭﻗﻔﺖ ﻧﺤﻴﺖ ﺍﻟﻜﻌﺐ ... ﻭ ﻣﺸﻴﺖ ﻧﺠﺮﻱ ﻟﻠﻜﻮﺟﻴﻨﺔ ... ﺣﻠﻴﺖ ﺍﻟﻘﺠﺎﺭ ﺍﻟﻜﻞ ﻟﻲ ﻏﺎﺩﻱ ... ﻧﻔﺮﻛﺲ ﻋﻠﻰ ﺍﻱ ﺣﺎﺟﺔ ﺗﻨﺠﻢ ﺗﻌﺎﻭﻧﻲ ﺗﻮﺍ ... ﺟﺒﺪﺕ ﺳﻜﻴﻨﺔ ﺻﻐﻴﺮﺓ ﻭ ﻣﻘﺺ ﺯﺍﺩﺓ ... ﻏﻠﻴﺘﻬﻢ .. ﻭﺭﺟﻌﺘﻠﻮ ... ﺣﻄﻴﺘﻪﻡ ﻋﺎﻟﻄﺎﻭﻟﺔ ... ﻋﻘﻤﺖﻫﻢ ﺑﺎﻟﻘﺪﺍ ... ﻭ ﻧﺰﻟﺖ ﻋﻨﺪﻭ ... ﻟﻘﻴﺘﻮ ﺭﺧﻒ ﻳﺪﻭ ﺷﻮﻳﺔ ... ﺣﻄﻴﺖ ﻳﺪﻱ ﻋﻠﻰ ﻭﺟﻬﻮ ... ﻧﺤﻜﻲ ﺍﻧﺎ : ﺍﺩﻡ ﺍﻧﺎ ﻻﺯﻣﻨﻲ ﻧﺤﻴﻠﻚ ﺭﺻﺎﺻﺔ ﺗﻮﺍ ... ﻣﻔﻤﺎﺵ ﺣﻞ ... ﺍﻧﺖ ﻻﺯﻡ ﺗﺘﺤﻤﻞ ﻟﻴﻦ ﻳﻠﺤﻖ ﺍﻟﻄﺒﻴﺐ ﻣﺮﺟﻌﻠﻴﺶ ... ﻧﺰﻟﺖ ﺍﻟﻤﻨﺸﻔﺔ ... ﻧﺸﻮﻑ ﻣﻊ ﺍﻟﺠﺮﺡ ... ﺑﺎﻗﻲ ﻳﻨﺰﻑ ﻫﺰﻳﺖ ﻳﺪﻳﺎ ﺯﻭﺯ ﻗﻄﻌﺘﻠﻮ ﺳﻮﺭﻳﺘﻮ ... ﻣﻨﻌﺮﻓﺶ ﻟﺒﺎﺵ ﻧﻌﻤﻠﻮ ... ﻗﺎﻋﺪﺓ ﻧﺬﻛﺮ ﺑﺎﻟﺴﻴﻒ ﻓﺎﻱ ﺷﻲ ﻗﺮﻳﺘﻮ ... ﺍﺻﻼ ﺍﻟﺮﺻﺎﺻﺔ ﺟﺎﻧﺒﻴﺔ ... ﻣﺶ ﻓﻲ ﺍﻟﻜﺘﻒ ﺑﺎﻟﻈﺒﻂ ... ﻳﻌﻨﻲ ﺗﻌﻤﺪ ﻳﻘﻮﺻﻮ ﻏﺎﺩﻱ ... ﺧﺬﻳﺖ ﻧﻔﺲ ﻭ ﻫﺰﻳﺖ ﺍﻟﺴﻜﻴﻨﺔ ... ﻳﺪﻱ ﺭﻋﺸﺖ ﺑﺎﻟﻮﻗﺖ ... ﺣﻀﺮﺕ ﻋﻤﻠﻴﺘﻴﻦ ﻣﻦ ﻗﺒﻞ ﻭﻗﺖ ﻛﻨﺖ ﻧﻘﺮﺍ ... ﺧﺎﻳﻔﺔ ﻻ ﻧﻀﺮﻭ ﺍﻛﺜﺮ ... ﺍﻣﺎ ﻣﻌﻨﺪﻳﺶ ﺣﻞ ﺍﺧﺮ ... ﻫﻮ ﻻﺯﻣﻮ ﻳﻌﻴﺶ ... ﻣﺶ ﺑﺎﺵ ﻳﻤﻮﺕ ﻣﻦ ﺿﺮﺑﺔ ﺧﻔﻴﻔﺔ ... ﻏﻤﻀﺖ ﻋﻴﻨﻴﺎ ﻭﺭﺟﻌﺖ ﻓﺘﺤﺘﻬﻢ ... ﺩﻭﺏ ﺣﻠﻴﺖ ﺍﻟﺠﺮﺡ ﺷﻮﻳﺔ ... ﺗﻮﺟﻊ ﺑﺎﻟﻘﺎﻭﻱ ... ﻋﺪﻳﺖ ﺍﻛﺜﺮ ﻣﻦ ﻧﺺ ﺳﺎﻋﺔ ﻣﻌﺎﻩ ... ﻭ ﻃﺒﻴﺐ ﻟﺘﻮﺍ ﻣﻮﺻﻠﺶ ... ﺍﻭﻝ ﻣﺎ ﻭﺻﻠﺖ ﻟﺮﺻﺎﺻﺔ ﻭ ﻧﺤﻴﺘﻬﺎ ... ﻫﺪﻭ ﻋﻠﻴﻨﺎ ﺯﻭﺯ ﻣﻦ ﺭﺟﺎﻟﻮ ... ﻭ ﻃﺒﻴﺐ ﻣﻌﺎﻫﻢ ..
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
