🔥🔞"في أحضان عزرائيل"🔞🔥(الجزء الثالث)

الحلقة 559

ﺍﻧﺎ : ﺍﻧﺖ ؟ ﻫﺰﻧﻲ ﻭ ﺣﻄﻨﻲ ... ﺗﺒﺴﻢ ﻋﻠﻰ ﺟﻨﺐ ... ﻭ ﻗﺤﺮﻟﻲ ﻗﺤﺮﺓ ﻣﺘﺎﻉ ﻣﻮﺕ ... ﻳﺤﻜﻲ ﺯﻳﺎﺩ : ﻋﻼﻩ ﺗﺴﺘﻨﻰ ﻓﻲ ﺷﻜﻮﻥ ﻣﻊ ﺻﻮﺗﻮ ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻗﺪﺍﺵ ﻋﻨﺪﻱ ﻋﻠﻴﻪ ... ﻣﺸﺎﻋﺮﻱ ﻣﻌﺎﻩ ... ﺣﺐ ﻣﺨﻠﻂ ﺑﻜﺮﻩ ﻭ ﺣﻘﺪ ... ﻭ ﻏﻞ ... ﺑﺮﺷﺎ ﺣﺎﺟﺎﺕ ﻧﺤﺲ ﻓﻴﻬﻢ ﻓﺮﺩ ﻭﻗﺖ ... ﺗﺒﺴﻤﺖ ﺑﻨﻔﺲ ﺗﺒﺴﻴﻤﺘﻮ ... ﺭﺧﻔﺖ ﻳﺪﻱ ﻋﺎﻟﺒﻮﺍﻧﻲ ﻭ ﺗﻠﻔﺖ ﻋﻄﻴﺘﻮ ﺑﻈﻬﺮﻱ ... ﻧﻤﺸﻲ ﺑﺨﻄﻮﺍﺕ ﺛﺎﺑﺘﺔ ... ﺻﻮﺕ ﺍﻟﻜﻌﺐ ﻳﺘﺴﻤﻊ ﻓﻲ ﺍﻟﺪﺍﺭ ﺍﻟﻜﻞ ... ﺧﺎﻟﻂ ﻋﻠﻴﺎ ﻟﺼﺎﻟﺔ ... ﻭﻗﻔﻨﺎ ﺯﻭﺯ ﻗﺪﺍﻡ ﺍﻟﻄﺎﻭﻟﺔ ... ﻗﺮﺏ ﻣﻨﻲ ﺧﻄﻮﺓ ... ﻣﺴﺎﻓﺔ ﻗﻠﻴﻠﺔ ﺗﻔﺼﻠﻨﺎ ... ﺭﻳﺤﺘﻮ ﺩﺧﻠﺖ ﻟﺨﺸﻤﻲ ... ﺑﻘﻴﺖ ﻧﻐﺰﺭﻟﻮ ... ﺗﻌﺪﺍﺕ ﺑﻴﻦ ﻋﻴﻨﻴﺎ ﺍﻛﺎ ﺍﻟﻠﻴﻠﺔ ... ﺻﻮﺗﻮ ﻓﻴﻘﻨﻲ ﻣﻦ ﺳﺮﺣﺘﻲ ﺯﻳﺎﺩ : ﺑﺎﺵ ﻧﺴﺄﻟﻚ ﻭ ﺍﻧﺖ ﺑﺎﺵ ﺟﺎﻭﺑﻨﻲ ﺗﺒﺴﻤﺖ ﻋﻠﻰ ﺟﻨﺐ ... ﻣﺴﺘﻐﺮﺑﺘﺶ ﻛﻼﻣﻮ ... ﻧﻌﺮﻑ ﻟﻬﻮ ﻫﻮﻧﻲ ... ﻋﻠﻰ ﺧﺎﻃﺮ ﺧﺪﻣﺔ ... ﻣﺶ ﻋﻠﻰ ﺧﺎﻃﺮﻱ ... ﻏﺰﺭﺗﻠﻮ ﻓﻲ ﻋﻴﻨﻴﻪ ﻧﺤﻜﻲ ﺍﻧﺎ : ﺗﻔﻀﻞ ﺯﻳﺎﺩ : ﺍﻭﻝ ﺷﻲ ... ﺷﻨﻴﺔ ﻟﻲ ﺣﻜﻴﺘﻮ ﻣﻊ ﺣﻀﺮﺓ ﺟﻨﻴﺮﺍﻝ ﻧﻬﺎﺭﺗﻬﺎ ... ﻭ ﺛﺎﻧﻲ ﺷﻲ ﻭﻳﻦ ﻣﺎﺷﻴﺔ ﺍﻟﻮﻗﺖ ﻫﺬﺍ ﻭ ﻣﻊ ﺷﻜﻮﻥ ﺿﺤﻜﺖ ﺑﺎﺳﺘﻬﺰﺍﺀ ... ﻭ ﺍﻧﺎ ﻧﻐﺰﺭﻟﻮ ... ﻣﺰﺍﻝ ﻧﻔﺴﻮ ﺯﻳﺎﺩ ... ﺍﻣﺎ ﺍﻧﺎ ﻣﻌﺎﺩﺵ ﺳﻮﺍﺭ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﺗﻨﺠﻢ ﺗﺴﺄﻟﻮ ﻫﻮ ... ﺑﺎﺵ ﺗﺎﺧﻮ ﻣﻨﻮ ﺍﻟﺠﻮﺍﺏ ... ﻭ ﻛﺎﻧﻚ ﻋﻠﻰ ﺗﻮﺍ ﻗﺺ ﻋﻠﻴﺎ ﺻﻮﺕ ﺗﻠﻴﻔﻮﻧﻲ ﻳﻨﻮﻗﺰ ... ﻏﺰﺭﻧﺎﻟﻮ ﺍﻟﺰﻭﺯ ﻓﺮﺩ ﻭﻗﺖ ... ﺍﺩﻡ ﻳﻄﻠﺐ ... ﻃﻠﻊ ﺭﺍﺳﻮ ﻏﺰﺭﻟﻲ ﺑﺎﻟﻮﻗﺖ ... ﻏﺰﺭﺗﻠﻮ ... ﺑﺎﻗﻲ ﺗﻠﻴﻔﻮﻥ ﻳﻨﻮﻗﺰ ... ﻭﺭﻣﻴﺖ ﻳﺪﻱ ﻫﺰﻳﺘﻮ ... ﻫﺰﻳﺖ ﻋﻠﻰ ﺍﺩﻡ ... ﻭ ﺍﻧﺎ ﻧﻐﺰﺭﻟﻮ ﻓﻲ ﻋﻴﻨﻴﻪ ... ﻭ ﻧﺤﻜﻲ ﻓﺮﺩ ﻭﻗﺖ ﺍﻧﺎ : ﺍﻫﻼ ﺍﺩﻡ ﺍﺩﻡ : ﻭﻳﻨﻚ ﻟﺘﻮﺍ ﺩﻧﻴﺰ ﻟﺒﺎﺱ ﺍﻧﺎ : ﻟﺒﺎﺱ ... ﺟﻴﺴﺖ ﺗﻌﻄﻠﺖ ﺍﺩﻡ : ﻓﻤﺎ ﻣﺸﻜﻠﺔ ﺍﻧﺎ : ﻻ ... ﻣﻔﻤﺎ ﺣﺘﻰ ﻣﺸﻜﻠﺔ ﺍﺩﻡ : ﻣﺘﺄﻛﺪﺓ ﺍﻧﺎ : ﻣﻤﻢ ﻣﺴﺎﻓﺔ ﺍﻟﻄﺮﻳﻖ ﺍﺩﻡ : ﺑﺎﻫﻲ ﻧﺴﺘﻨﻰ ﻓﻴﻚ ﺍﻧﺎ؛ﺑﺎﻫﻲ ﻧﺰﻟﺖ ﺗﻠﻴﻔﻮﻥ ... ﻣﻦ ﻏﻴﺮ ﻣﺎ ﻧﺰﻝ ﻋﻴﻨﻴﺎ ﻣﻦ ﻭﺟﻬﻮ ... ﻳﻐﺰﺭﻟﻲ ﺑﺎﺵ ﻳﻄﺮﺷﻖ ... ﻧﻌﺮﻓﻬﺎ ﻧﻈﺮﺗﻮ ﻫﺎﺫﻱ ﺑﺎﻟﻘﺪﺍ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻧﻈﻦ ﺧﺬﻳﺖ ﺍﻟﺠﻮﺍﺏ ... ﻭ ﺗﻮﺍ ﺳﺎﻣﺤﻨﻲ ﺍﻧﺎ ﺑﺎﺵ ﻧﻤﺸﻲ ﺯﻳﺎﺩ : ﺷﻔﻤﺎ ﺑﻴﻨﻜﻢ ﺍﻧﺎ؛ﻣﻴﻬﻤﻜﺶ ﺑﺮﺷﺎ ﺗﻌﺮﻑ ﺗﻠﻔﺖ ﻫﺰﻳﺖ ﺳﻄﻮﺷﺘﻲ ... ﻧﺴﻤﻊ ﻓﻲ ﺻﻮﺗﻮ ﻛﻴﻒ ﻟﻌﻠﻊ ﻳﺼﻴﺢ ﺯﻳﺎﺩ : ﺳﻮﻭﺍﺍﺍﺍﺍﺭ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ﺑﺎﻟﻮﻗﺖ ... ﻗﺤﺮﺗﻠﻮ ﻗﺤﺮﺓ ﻣﺘﺎﻉ ﻣﻮﺕ ... ﻗﺮﺑﺖ ﻣﻨﻮ ﺷﻮﻳﺔ ... ﻟﻴﻦ ﻣﻌﺎﺩﺵ ﻓﻤﺎ ﺑﻴﻨﺎ ﻣﺴﺎﻓﺔ ... ﻏﺰﺭﺗﻠﻮ ﺑﺤﻘﺪ ... ﺑﻘﻮﺓ ... ﻭ ﻛﺮﻩ ... ﻳﻤﻜﻦ ﺍﻭﻝ ﻣﺮﺓ ﻧﻐﺰﺭﻟﻮ ﻫﻜﺎ ... ﺍﻭﻝ ﻣﺮﺓ ﻧﺤﻜﻲ ﻣﻌﺎﻩ ﻣﻦ ﻏﻴﺮ ﺣﺘﻰ ﺧﻮﻑ ... ﻃﻴﺸﺖ ﻛﻠﻤﺔ ﻭﺣﺪﺓ ﻓﻲ ﻭﺟﻬﻮ ... ﻛﻠﻤﺔ ﻭﺣﺪﺓ ﻛﻬﻮ ﺍﻧﺎ : ﺩﻧﻴﻴﻴﺰ