ﺍﻧﺎ : ﻫﻬﻬﻬﻬﻪ ﺷﻨﻮﺓ ﻣﺰﺍﻝ ﺑﺎﺵ ﻳﺼﻴﺮ ﻓﻴﺎ ﺍﻛﺜﺮ ... ﺷﻤﺰﺍﻝ ﻧﺰﻳﺪ ﻧﺨﻠﺺ ﺍﻛﺜﺮ ﻣﻦ ﻫﻜﺎ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﻟﻘﻴﺘﻮ ﻳﻐﺰﺭﻟﻲ ﻧﺪﺭﺍ ﻛﻴﻒ ... ﺿﺤﻜﺖ ﻭ ﺿﺤﻜﺖ ... ﺿﺤﻜﺖ ﺑﻮﺟﻴﻌﺔ ... ﺿﺤﻜﺖ ﻋﻠﻰ ﺭﻭﺣﻲ ... ﻭ ﻋﺎﻟﺤﺎﻟﺔ ﻟﻲ ﻭﺻﻠﺘﻬﺎ ... ﺿﺤﻜﺎﺕ ﻋﺎﻟﻴﺔ ... ﻧﺰﻟﻮ ﻭﺭﺍﻫﺎ ﺩﻣﻮﻋﻲ ... ﻧﺰﻟﻮ ﻳﺤﺮﻗﻮ ... ﻗﺪ ﺍﻟﻮﺟﻴﻌﺔ ﻟﻲ ﺣﺴﻴﺘﻬﺎ ﺳﺎﻋﺘﻬﺎ ... ﻗﺮﺑﺖ ﻣﻨﻮ ﺍﻛﺜﺮ ... ﺣﻀﻨﺘﻮ ﺑﻜﻞ ﻗﻮﺗﻲ ﻧﺤﻜﻲ ﺍﻧﺎ : ﻧﺘﻮﻣﺎ ﺍﻟﻜﻞ ﻛﻨﺘﻮ ﺳﺒﺐ ... ﺍﻧﺖ ﻭ ﺍﺩﻡ ... ﻭ ﺭﺍﺟﻞ ﺍﻣﻲ ... ﻭ ﺑﺎﺑﺎ ﻟﻲ ﺧﻼﻧﻲ ﻓﻲ ﺻﻐﺮﻱ ... ﻧﺘﻮﻣﺎ ﺳﺒﺐ ﻓﻲ ﻟﻲ ﻗﺎﻋﺪﺓ ﻧﻌﻴﺶ ﻓﻴﻪ ... ﻧﺘﻮﻣﺎ ﺳﺒﺐ ﻟﻲ ﺧﻼﻧﻲ ﻧﻮﺻﻞ ﻟﻬﻮﻧﻲ ... ﻧﺘﻮﻣﺎ ﻟﺪﻳﻤﺎ ﺗﺠﺒﺮﻭﻧﻲ ﻧﻜﻮﻥ ﺩﻧﻴﺰ ... ﺍﻧﺎ ﻧﻜﺮﻫﻢ ﺍﻟﻜﻞ ... ﺍﻟﻜﻞ ﺣﺴﻴﺖ ﺑﻴﺪﻭ ﺗﺤﻄﺖ ﻋﻠﻰ ﻇﻬﺮﻱ ... ﻛﺒﺲ ﻋﻠﻴﺎ ... ﻳﺤﻜﻲ ﺯﻳﺎﺩ : ﺷﻌﻤﻠﻚ ﺍﺩﻡ ﺳﻜﺮﺕ ﻋﻴﻨﻴﺎ ... ﻭ ﺍﻧﺎ ﻧﺬﻛﺮ ﻓﻲ ﻟﻴﻠﺔ ﻫﺬﻳﻜﺎ ... ﻛﺒﺴﺖ ﻋﻠﻴﻪ ﺍﻛﺜﺮ ... ﻟﻴﻦ ﻣﻌﺎﺩﺵ ﻓﻤﺎ ﻣﺴﺎﻓﺔ ﺑﻴﻨﺎ ... ﺟﻴﺖ ﺑﺎﺵ ﻧﺤﻜﻲ ... ﻗﻠﺒﻲ ﻏﻢ ﻋﻠﻴﺎ ﻣﻦ ﺭﻳﺤﺔ ﺑﺮﻓﺎﻧﺘﻮ ... ﺟﺒﺪﺕ ﺭﻭﺣﻲ ﻣﻨﻮ ﺑﺎﻟﺰﺭﺑﺔ ... ﺣﻄﻴﺖ ﻳﺪﻱ ﻋﻠﻰ ﻓﻤﻲ ... ﻗﺮﺏ ﻣﻨﻲ ﺷﺪﻧﻲ ﻣﻦ ﻳﺪﻱ ... ﺣﺎﻭﻟﺖ ﻧﺒﻌﺪ ﻋﻠﻴﻪ ﻣﻨﺠﻤﺘﺶ ... ﻛﺒﺲ ﻋﻠﻴﺎ ﻳﺤﻜﻲ ﺯﻳﺎﺩ : ﺳﻮﺍﺍﺍﺭ ﺍﺭﻛﺢ ﻣﺮﺟﻌﺘﻠﻮﺵ ... ﻧﺤﻴﺖ ﻳﺪﻱ ﻭ ﺗﻘﻴﻴﺖ ﺑﺎﻟﻮﻗﺖ ... ﻭﺧﺮ ﺧﻄﻮﺓ ﻟﺘﺎﻟﻲ ﻳﺤﻜﻲ ﺯﻳﺎﺩ : ﺷﻌﻌﻤﻤﻠﺖ ﻳﺎﺧﻲ ﺣﻄﻴﺖ ﻳﺪﻱ ﻋﻠﻰ ﻛﺮﺷﻮ ... ﺑﺎﻗﻲ ﻧﺘﻘﻴﺎ ... ﺣﺴﻴﺘﻮ ﻓﺪ ... ﺩﻭﺏ ﻛﻤﻠﺖ ﻃﻠﻌﺖ ﺭﺍﺳﻲ ... ﻧﺤﻜﻲ ﺍﻧﺎ : ﺯ ﺯﻳﺎﺩ ﺍﻣﺎﻧﻚ ﺍﻋﻤﻞ ﺣﺎﺟﺔ ... ﻛﺮﺷﻲ ﺗﻮﺟﻊ ﻓﻴﺎ ﻧﻔﺦ ﺑﺎﻟﻘﺎﻭﻱ ... ﻭ ﻗﺮﺏ ﻣﻨﻲ ﺷﺪﻧﻲ ﻣﻦ ﻳﺪﻱ ... ﺟﺮﻧﻲ ﻣﻌﺎﻩ ... ﻟﺒﻴﺖ ﺍﻟﺒﺎﻧﻮ ... ﺣﻞ ﺍﻟﺴﺒﺎﻟﺔ ﻏﺴﻠﻲ ﻭﺟﻬﻲ ... ﻃﻠﻌﺖ ﺭﺍﺳﻲ ﻏﺰﺭﺗﻠﻮ ... ﺑﺎﻗﻲ ﻳﻮﺳﻊ ﻓﻲ ﺑﺎﻟﻮ ﻣﻌﺎﻳﺎ ... ﺣﻂ ﻳﺪﻭ ﻋﻠﻰ ﺧﺪﻱ ﻳﺤﻜﻲ ﺯﻳﺎﺩ : ﺗﺤﺐ ﺗﺎﺧﻮ ﺩﻭﺵ ﺍﻧﺎ : ﻫﺄﺓ ﻧﺤﺐ ﻧﺮﻗﺪ ﺯﻳﺎﺩ؛ﺑﺎﻫﻲ ﺍﻳﺠﺎ ﺩﺧﻠﻨﺎ ﻟﻠﺒﻴﺖ ... ﻫﺰ ﺩﺑﻮﺯﺓ ﻣﺎ ﺷﺮﺑﻨﻲ ﻣﻨﻬﺎ ... ﻭ ﻗﺮﺏ ﺑﻴﺎ ﻟﺴﺮﻳﺮ ... ﺍﻭﻝ ﻣﺎ ﻗﻌﺪﺕ ... ﺷﺪﻳﺘﻮ ﻣﻦ ﻳﺪﻭ ﻧﺤﻜﻲ ﺍﻧﺎ : ﺧﻠﻴﻚ ﻣﻌﺎﻳﺎ ﺍﻣﺎﻥ ﺯﻳﺎﺩ : ﺳﻮﺍﺍﺭ ﻳﺰﻱ ﻟﻲ ﻋﻤﻠﺘﻮ ﻟﺘﻮﺍ ... ﺍﺭﺗﺎﺡ ﺗﻮﺍ ... ﻭ ﺻﺒﺎﺡ ﻧﺤﻜﻮ ﺍﻧﺎ : ﻻﺍ ﺧﻠﻴﻚ ﻣﻌﺎﻳﺎ ... ﺧﻠﻴﻚ ﺍﻟﻠﻴﻠﺔ ﺍﻣﺎﻧﻚ ... ﺍﻧﺎ ﺑﺤﺎﺟﺘﻚ ﺗﻮﺍ ﺗﻨﻬﺪ ﺑﺎﻟﻘﺎﻭﻱ ... ﻭ ﻗﻌﺪ ﻗﺪﺍﻣﻲ ... ﻗﺮﺑﺖ ﻣﻨﻮ ﺍﻛﺜﺮ ... ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﻭ ... ﺣﺎﻭﻃﻨﻲ ﺑﻴﺪﻭ ... ﺗﺒﺴﻤﺖ ﺑﻮﺟﻴﻌﺔ ... ﺩﻭﺭﺕ ﻳﺪﻱ ﻋﻠﻴﻪ ﻧﺤﻜﻲ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
