ﺳﻮﺍﺭ : ﺍﺑﻌﻌﻌﺪ ﻳﺎ ﺳﺨﻄﺔ
ﻫﺰﻳﺖ ﻳﺪﻱ ... ﺷﺪﻳﺖ ﻳﺪﻳﻬﺎ ﺯﻭﺯ ... ﻭ ﻃﻠﻌﺘﻬﻢ ﻟﻔﻮﻕ ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ : ﻳﺎﺧﻲ ﻣﺶ ﻧﺎﻭﻳﺔ ﺗﺮﻛﺢ
ﺳﻮﺍﺭ : ﻛﻴﻒ ﺗﺤﺒﻨﻲ ﻧﺮﻛﺢ ... ﻭ ﺍﻧﺎ ﻧﻌﺎﻣﻞ ﻓﻲ ﻭﺍﺣﺪ ﻣﺠﻨﻮﻥ ﺭﺳﻤﻲ
ﺍﻧﺎ : ﺗﺤﺐ ﻋﻠﻴﺎ ﺍﻧﺖ
ﺳﻮﺍﺭ : ﻗﺘﻠﻚ ﻣﺘﻨﺠﻢ ﺗﻌﻤﻠﻲ ﺷﻲ
ﺍﻧﺎ : ﺷﻨﻴﺔ ﻟﻲ ﻳﺜﺒﺘﻠﻚ
ﺳﻮﺍﺭ : ﺑﺮﺷﺎ ﺣﺎﺟﺎﺕ ... ﺍﻭﻟﻬﻢ ﺍﻧﻚ ﻣﻌﺎﺩﺵ ﺑﺤﺎﺟﺘﻲ
ﺍﻧﺎ : ﻭ ﺗﻌﺮﻑ ﺳﺒﺐ ﻟﻲ ﻭﺻﻠﻚ ﻟﻬﻮﻧﻲ
ﺳﻮﺍﺭ : ﺧﺎﻃﺮ ﺱ ﺳﻠﻤﺘﻠﻚ .. ﻣﻌﺎﺩﺵ ﺣﺎﺟﺘﻚ ﺑﻴﺎ ... ﺧﺎﻃﺮ ﻋﻤﺮﻙ ﻣﺎ ﺭﻳﺘﻨﻲ ﻛﻴﻒ ﻣﻴﺮﺍﻝ ... ﻣﻌﺎﺩﺵ ﺣﺎﺟﺘﻚ ﺑﻴﺎ ... ﺗﺤﺐ ﺗﺒﻌﺪ ﻋﻠﻴﺎ ... ﺧﺎﻃﺮ ﻣﺴﺘﺤﻴﻞ ﻧﻜﻮﻥ ﺍﻟﻄﻔﻠﺔ ﻟﻲ ﺗﻨﺠﻢ ﺗﻜﻤﻞ ﻣﻌﺎﻫﺎ ﺣﻴﺎﺗﻚ
ﺑﻘﻴﺖ ﻧﻐﺰﺭﻟﻬﺎ ... ﻗﺎﻋﺪﺓ ﺗﻠﻮﻡ ﻓﻴﺎ ﺑﻜﻼﻣﻬﺎ ... ﻛﻼﻡ ﺧﻨﻘﻨﻲ ... ﻭﻭﺟﻌﻨﻲ ﺑﺮﺷﺎ ... ﻋﻤﺮﻱ ﻣﺎ ﻓﻜﺮﺕ ... ﺍﻧﻲ ﺑﺎﺵ ﻧﺨﻠﻴﻬﺎ ﺑﻌﺪ ﻣﺎ ﺳﻠﻤﺘﻠﻲ ... ﺑﺎﻟﻌﻜﺲ ﺯﺩﺕ ﻫﺒﻠﺖ ﻋﻼﻫﺎ ﺍﻛﺜﺮ ... ﻭ ﻋﺸﻘﺘﻬﺎ ﺍﻛﺜﺮ ... ﻣﻨﻌﺮﻓﺶ ﺷﺒﻴﻬﺎ ﻟﺘﻮﺍ ﻣﺤﺴﺘﺶ ﺑﻬﺬﺍ ﺍﻟﻜﻞ ... ﻧﺰﻟﺖ ﺑﻴﺪﻳﺎ ﻟﺠﻨﺎﺑﻬﺎ ... ﻛﺒﺴﺖ ﻋﻼﻫﺎ ... ﻟﻴﻦ ﺣﺴﻴﺖ ﺻﻮﺍﺑﻌﻲ ﺗﻐﺮﺳﻮ ﻓﻴﻬﻢ ... ﻭ ﺣﺴﻴﺘﻬﺎ ﺗﻮﺟﻌﺖ ﻣﻦ ﻗﺮﻳﻤﺎﺱ ﺍﻟﻠﻲ ﻋﻤﻠﺘﻬﺎ ... ﻫﺰﻳﺘﻬﺎ ﺷﻮﻳﺔ ... ﻗﻌﺪﺗﻬﺎ ... ﻭ ﺑﺎﻗﻲ ﻛﺎﺑﺲ ﻋﻼﻫﺎ ﻧﺤﻜﻲ
ﺍﻧﺎ : ﺭﻳﺘﻬﺎ ﻣﻴﺮﺍﻝ ﻟﻲ ﺗﺤﻞ ﻓﻲ ﻓﻤﻚ ﻋﻼﻫﺎ ... ﺭﻏﻢ ﻛﻠﺸﻲ ﺻﺎﺭ ... ﺭﻏﻢ ﻛﻠﺸﻲ ﺗﻌﺪﺍ ﻋﻠﻴﻨﺎ ... ﻭﺭﻏﻢ ﺍﻧﻲ ﺳﻠﻤﺖ ﻓﻴﻬﺎ ﻋﻠﻰ ﺧﺎﻃﺮﻙ ... ﻣﺰﺍﻟﺖ ﺗﺎﺛﻖ ﻓﻴﺎ ... ﻣﺰﻟﺖ ﻭﻗﺖ ﻧﺤﻜﻲ ﻣﻌﺎﻫﺎ ﻛﻼﻣﻲ ﻣﻨﻌﺎﻭﺩﻭﺵ ﻣﺮﺗﻴﻦ ... ﺻﺤﻴﺢ ﺍﻧﺖ ﻋﻄﻴﺘﻨﻲ ﻛﻠﺸﻲ ﺍﻣﺎ ﻣﻌﻄﻴﺘﻨﻴﺶ ﺛﻘﺘﻚ ... ﻭﻋﺪﺗﻚ ﻣﻦ ﻗﺒﻞ ﺍﻧﻲ ﺑﺎﺵ ﻧﺎﺧﻮﻟﻚ ﺣﻘﻚ ... ﻣﻬﻤﺎ ﺻﺎﺭ .. ﻭ ﻣﺰﻟﺖ ﻋﻨﺪ ﻭﻋﺪﻱ ... ﺍﻣﺎ ﺩﻳﻤﺎ ﺗﺤﺐ ﺗﺘﺼﺮﻑ ﻣﻦ ﺭﺍﺳﻚ ... ﺍﻛﺜﺮ ﻣﻦ ﻣﺮﺓ ﻗﺘﻠﻚ ﺍﺑﻌﺪ ﻋﻠﻰ ﻳﺎﺳﺮ ... ﺧﻠﻲ ﻣﺴﺎﻓﺔ ﺑﻴﻨﻜﻢ ... ﻣﺘﻘﺮﺑﻠﻮﺵ ﺑﺮﺷﺎ ... ﺍﻣﺎ ﺍﻧﺖ ﺗﻌﻤﺪﺕ ﺗﻌﻤﻠﻬﺎ ... ﻭ ﻛﺎﻧﺖ ﻧﺘﻴﺠﺔ ﺧﻄﻔﻚ ... ﻗﺘﻠﻚ ﻣﺘﻤﺸﻴﺶ ﻟﻠﺒﻘﻌﺔ ﻫﺬﻳﻜﺎ ... ﻣﻬﻤﺎ ﺻﺎﺭ ... ﺍﻣﺎ ﺍﻧﺖ ﺗﻌﺪﻳﺖ ﻋﻠﻰ ﻛﻼﻣﻲ ... ﻭ ﻣﺸﻴﺖ ... ﻭﻗﺘﻬﺎ ﻋﺮﻓﺖ ﺍﻧﻲ ﺧﺬﻳﺖ ﺛﻨﻴﺔ ﻏﺎﻟﻄﺔ ... ﻭ ﺍﻭﻝ ﻣﺮﺓ ﻧﻨﺪﻡ ﺧﺎﻃﺮ ﻗﺮﺑﺖ ﻣﻨﻚ ... ﺍﻭﻝ ﻣﺮﺓ ﻧﻨﺪﻡ ﺧﺎﻃﺮ ﺧﻠﻴﺘﻚ ﺗﺪﺧﻞ ﻟﺤﻴﺎﺗﻲ ﻳﺎ ﺳﻮﺍﺭ
ﺑﻘﺎﺕ ﺗﻐﺰﺭﻟﻲ ... ﺣﺴﻴﺖ ﺑﻘﻠﺒﻬﺎ ﻟﻲ ﻳﺨﺾ ﺑﺎﻟﻘﺎﻭﻱ ... ﻛﻼﻡ ﺧﺮﺟﺘﻮ ﻓﻮﻕ ﻃﺎﻗﺘﻲ ... ﺍﻣﺎ ﻧﺤﺒﻬﺎ ﺗﺘﺮﺑﺎ ﻣﻦ ﺍﻟﻠﻲ ﺻﺎﺭ ... ﺻﺤﻴﺢ ﻣﺶ ﺑﺎﺵ ﻧﺨﻠﻴﻬﺎ ... ﻭ ﻻ ﺑﺎﺵ ﻧﺴﻠﻢ ﻓﻴﻬﺎ ... ﺍﻣﺎ ﻧﺤﺒﻬﺎ ﺗﻌﺮﻑ ﻏﻠﻄﺘﻬﺎ ... ﻧﻌﺮﻑ ﻟﻲ ﻣﺰﺍﻟﺖ ﺻﻐﻴﺮﺓ ... ﻧﻌﺮﻑ ﺍﻟﺤﺮﺏ ﺍﻟﻠﻲ ﻗﺎﻋﺪﺓ ﺗﻌﻴﺶ ﻓﻴﻬﺎ ﺑﻴﻨﻬﺎ ﻭ ﺑﻴﻦ ﺭﻭﺣﻬﺎ ... ﺍﻣﺎ ﻣﻨﺤﺒﻬﺎﺵ ﺗﻐﻠﻂ ﺍﻛﺜﺮ ... ﻧﺤﺒﻬﺎ ﺗﺘﻜﺒﺲ ﻣﻦ ﺍﻟﻠﻲ ﺻﺎﺭ ... ﺧﺎﻃﺮ ﺣﺘﻰ ﺍﻧﺎ ﻣﻨﺠﻤﺶ ﻧﻌﻴﺶ ﻣﻦ ﻏﻴﺮﻫﺎ ... ﻭ ﻻ ﻧﺠﻢ ﻧﻌﻴﺶ ﺑﻌﻴﺪ ﻋﻼﻫﺎ ... ﻓﻴﻘﻨﻲ ﻣﻦ ﺳﺮﺣﺘﻲ ﺻﻮﺗﻬﺎ ... ﻟﻲ ﺧﺮﺝ ﻣﺨﻨﻮﻕ ﺗﺤﻜﻲ
ﺳﻮﺍﺭ : ﺥ ﺧﺎﻃﺮﻧﻲ ﻏﻠﻄﺖ ﻣﻌﺎﺩﺵ ﺣﺎﺟﺘﻚ ﺑﻴﺎ ... ﺏ ﺑﺎﺵ ﺗﺮﺟﻊ ﻟﻤﻴﺮﺍﻝ ﻭ ﺗﺨﻠﻴﻨﻲ ﻭﺣﺪﻱ
ﺟﻴﺖ ﺑﺎﺵ ﻧﺤﻜﻲ ... ﺗﺮﻣﺎﺕ ﻋﻠﻴﺎ ﺑﺎﻟﻘﺎﻭﻱ ... ﺩﻭﺭﺕ ﻳﺪﻳﻬﺎ ﻋﻠﻰ ﻇﻬﺮﻱ ... ﻛﺒﺴﺖ ﻋﻠﻴﺎ ... ﺭﺧﻔﺖ ﻳﺪﻳﺎ ﺷﻮﻳﺔ ﻋﻠﻰ ﺟﻨﺎﺑﻬﺎ ... ﻧﺴﻤﻊ ﻓﻴﻬﺎ ﺗﺤﻜﻲ
ﺳﻮﺍﺭ : ﻣﺘﺨﻠﻨﻴﺶ ... ﺍﻧﺎ ﻋﻤﻠﺖ ﺍﻛﺎﻛﺎ ﻣﻦ ﺧﻮﻓﻲ ... ﻣﺶ ﻋﻠﻰ ﺧﺎﻃﺮ ﻣﻨﺎﺛﻘﺶ ﻓﻴﻚ ... ﻛﺎﻥ ﻣﻨﺎﺛﻘﺶ ﻓﻴﻚ ... ﻣﺎﻧﻴﺶ ﻣﻌﺎﻙ ﺗﻮﺍ ... ﻣﺴﻠﻤﺘﻠﻜﺶ ﺭﻭﺣﻲ ... ﻭ ﻻ ﺍﻣﻨﺘﻚ ﻋﻠﻰ ﺧﻮﻳﺎ ﻟﻲ ﻣﺴﻤﻌﺘﺶ ﺻﻮﺗﻮ ﺑﺮﺷﺎ ... ﺍﻣﺎﻥ ﺯﻳﺎﺩ ﻣﺘﺨﻠﻨﻴﺶ ... ﻣﺘﺴﻠﻢﺵ ﻓﻴﺎ ... ﺑﺎﺵ ﻧﻀﻴﻊ ﻭﺣﺪﻱ ﺍﻣﺎﻧﻚ
ﻫﺰﻳﺖ ﻳﺪﻱ ﺑﺎﻟﺴﻴﻒ ﺣﻄﻴﺘﻬﺎ ﻏﻠﻰ ﻇﻬﺮﻫﺎ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺍﻧﺖ ﻣﺶ ﻭﺣﺪﻙ ... ﺍﻧﺎ ﺩﻳﻤﺎ ﺑﺎﺵ ﻧﺒﻘﻰ ﻭﺭﺍﻙ ... ﻭ ﺣﺪ ﻣﺎ ﻳﻔﻜﺮ ﻳﻘﺮﺏ ﻣﻨﻚ ... ﺍﻧﺎ ﻭﻋﺪﺗﻚ ﻣﻦ ﻗﺒﻞ ... ﻣﻦ ﻫﻮﻧﻲ ﻟﻴﻦ ﺗﻮﻓﺎ ﺍﻟﻠﻌﺒﺔ ﺍﻧﺖ ﺗﺤﺖ ﺣﻤﺎﻳﺘﻲ ... ﻭ ﻣﺴﺘﺤﻴﻞ ﻧﺨﻠﻲ ﺣﺪ ﻳﺄﺫﻳﻚ
ﺟﺒﺪﺕ ﺭﻭﺣﻬﺎ ﺷﻮﻳﺔ ﻏﺰﺭﺗﻠﻲ ... ﻭﺟﻬﺎ ﺍﺣﻤﺮ ﺑﺎﺵ ﻳﻄﺮﺷﻖ ... ﺷﻔﺎﺭﻫﺎ ﻣﺒﻠﻮﻟﻴﻦ ﺑﺎﻟﺪﻣﻮﻉ ... ﺗﺘﻨﻔﺲ ﺑﺎﻟﺴﻴﻒ ﻭ ﺗﺤﻜﻲ ﻓﺮﺩ ﻭﻗﺖ
ﺳﻮﺍﺭ : ﻱ ﻳﻌﻨﻲ ﺑﺎﻟﺤﻖ ﺑﺎﺵ ﺗﺨﻠﻴﻨﻲ ﺑﻌﺪ ﻣﺎ ﻳﻮﻓﺎ ﻛﻠﺸﻲ
ﺭﻋﺸﺖ ﺑﻴﻦ ﻳﺪﻳﺎ ... ﻭ ﻫﻲ ﺗﺤﻜﻲ ... ﻗﻠﺒﻲ ﺩﻕ ﺑﺎﻟﻮﻗﺖ ... ﻣﻨﺤﺒﺶ ﻧﺮﺍﻫﺎ ﻫﻜﺎ ... ﺍﻣﺎ ﺯﺍﺩﺓ ﻣﻨﺠﻤﺶ ﻧﺮﺟﻊ ﻟﺘﺎﻟﻲ ... ﻭ ﻣﻠﻘﻴﺘﺶ ﻛﻼﻡ ﻧﺤﻜﻴﻪ ... ﺧﺎﻃﺮ ﻧﻌﺮﻑ ﻟﻲ ﻣﻦ ﺭﻋﺸﺔ ﺻﻮﺗﻲ ﻭ ﺍﻧﺎ ﻧﻘﻮﻟﻬﺎ ... ﺗﻌﺮﻑ ﻻﻧﺎ ﻧﻜﺬﺏ ... ﺗﻌﺮﻑ ﻟﺤﺘﻰ ﺍﻧﺎ ﺿﻌﻴﻒ ﻣﻦ ﻏﻴﺮﻫﺎ ... ﺟﻴﺴﺖ ﻫﺰﻳﺘﻠﻬﺎ ﺑﺮﺍﺳﻲ ﺍﻳﻪ ... ﺳﻜﺮﺕ ﻋﻴﻨﻴﻬﺎ ﻭﺭﺟﻌﺖ ﻓﺘﺤﺘﻬﻢ ... ﻧﺰﻟﺖ ﻣﻨﻬﻢ ﺩﻣﻌﺔ ﺣﺮﻗﺘﻨﻲ ﺑﺎﻟﻮﻗﺖ ... ﺗﺤﻜﻲ ﻭ ﺗﻠﻮﻡ ﻓﻴﺎ ﻓﺮﺩ ﻭﻗﺖ
ﺳﻮﺍﺭ : ﻙ ﻛﺮﻫﺘﻨﻲ ﻣﺶ ﻫﻜﺎ
ﻣﺮﺟﻌﺘﻠﻬﺎﺵ ﺑﺎﻗﻲ ﻧﻐﺰﺭﻟﻬﺎ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
