🔥🔞"في أحضان عزرائيل"🔞🔥(الجزء الثالث)

الحلقة 555

ﻫﻮ ﺍﺧﺘﺎﺭ ﻳﺒﻘﻰ ﻭﺣﺪﻭ ... ﻧﻈﻦ ﻫﺬﺍ ﺍﺣﺴﻦ ﺣﻞ ... ﺣﺘﻰ ﺍﻧﺎ ﻣﻨﺤﺒﺶ ﻧﺮﺍ ﺣﺒﻮ ﻟﻮﺣﺪﺓ ﺍﺧﺮﻯ ﻏﻴﺮﻱ ... ﻛﻞ ﻣﺮﺓ ﻧﻘﻮﻝ ﻛﻬﻮ ﺑﺎﺵ ﻧﺮﺟﻊ ﻟﺘﺎﻟﻲ ... ﺍﻣﺎ ﺯﺍﺩﺓ ﺍﻧﺎ ﻣﺎ ﻋﻨﺪﻱ ﺣﺘﻰ ﺫﻧﺐ ... ﺍﻧﺎ ﺯﺍﺩﺓ ﺣﺒﻴﺘﻮ ﻛﻴﻔﻬﺎ ... ﺍﻧﺎ ﺯﺍﺩﺓ ﻋﻄﻴﺘﻮ ﻛﻠﺸﻲ ... ﻣﻴﺠﻴﺶ ﻧﺘﻌﺎﻗﺐ ﻋﻠﻰ ﺷﻲ ﻣﺎ ﻋﻨﺪﻱ ﺣﺘﻰ ﺫﻧﺐ ﻓﻴﻪ ... ﻳﻜﻔﻲ ﻟﻲ ﻋﺸﺘﻮ ﻟﺘﻮﺍ ... ﻳﻜﻔﻲ ﺍﻟﻤﺼﺤﺔ ﻟﻲ ﺟﺒﺮﻧﻲ ﻧﻌﻴﺶ ﻓﻴﻬﺎ ﺍﻟﻔﺘﺮﺓ ﻫﺬﻳﻜﺎ ﺍﻟﻜﻞ ... ﺍﻧﺎ ﺑﺪﻳﺖ ﺣﻴﺎﺗﻲ ﻭﻗﺖ ﻋﺮﻓﺖ ﺯﻳﺎﺩ ... ﻛﻴﻒ ﺑﺎﺵ ﻧﺠﻢ ﻧﻔﺮﻁ ﻓﻴﻪ ... ﻛﻴﻒ ﺑﺎﺵ ﻧﺨﻠﻴﻬﺎ ﺗﺎﺧﻮ ﻣﻨﻲ ... ﻫﻲ ﻋﻨﺪﻫﺎ ﻓﺮﺻﺔ ﻓﻲ ﺣﻴﺎﺗﻬﺎ ﺍﻣﺎ ﺍﻧﺎ ﻻ ... ﺍﻧﺎ ﻣﻌﻨﺪﻳﺶ ﺍﺳﺘﻌﺪﺍﺩ ﻧﺨﻠﻲ ﺣﺪ ﻏﻴﺮ ﺯﻳﺎﺩ ﻳﻘﺮﺏ ﻣﻨﻲ ... ﻣﻴﺮﺍﻝ ... ﻡﻳﺮﺍﻝ ... ﻣﻴﺮﺍﻝ ﻗﻮﻳﺔ ... ﻣﻴﺮﺍﻝ ﻣﺎ ﺗﺨﺎﻑ ﺣﺪ ... ﻣﻴﺮﺍﻝ ﻣﺎ ﺗﺤﺸﻢ ﻣﻦ ﺷﻲ ... ﻣﻴﺮﺍﻝ ﻇﺎﻟﻤﺔ ... ﺍﻣﺎ ﺍﻟﻠﻲ ﻣﻴﻌﺮﻓﻮﻫﺶ ... ﺍﻧﻮ ﺍﻧﺎ ﻧﺨﺎﻑ ﻣﻦ ﺍﻟﻮﺣﺪﺓ ... ﻧﺨﺎﻑ ﻣﻦ ﺍﻟﻮﺟﻴﻌﺔ ... ﻧﺨﺎﻑ ﺍﻧﻲ ﻧﺨﺴﺮ ﺳﺒﺐ ﺍﺧﺮ ﻋﺎﻳﺸﺔ ﻋﻠﻰ ﺧﺎﻃﺮﻭ ... ﻻ ﻗﻮﺗﻲ ﻭ ﻻ ﻧﻔﻮﺫﻱ ... ﻳﻨﺠﻤﻮ ﻳﻌﻄﻮﻧﻲ ﻗﻮﺓ ﺑﺎﺵ ﻧﻌﻴﺶ ﻣﺮﺗﺎﺣﺔ ... ﺳﺎﻋﺎﺕ ﻧﻘﻮﻝ ... ﻳﺎﺭﻳﺘﻮ ﻣﺎ ﻗﺮﺏ ﻣﻨﻲ ﻟﻬﺪﺭﺟﺔ ... ﻳﺎﺭﺗﻨﻲ ﻻ ﻋﺮﻓﺘﻮ ﻭ ﻻ ﺭﻳﺘﻮ ﻓﻲ ﺣﻴﺎﺗﻲ ... ﺻﺤﻴﺢ ﺍﻧﺎ ﻋﻄﻴﺘﻮ ﻛﻠﺸﻲ ﺑﻼ ﻣﻘﺎﺑﻞ ... ﺍﻣﺎ ﺗﻮﺍ ﻟﺤﻖ ﺍﻟﻮﻗﺖ ﺑﺎﺵ ﻧﺮﺟﻊ ﺣﻘﻲ ﻣﻨﻮ ... ﺑﺎﺵ ﻳﻜﻮﻥ ﻣﻌﺎﻳﺎ ﻭ ﺑﻌﻴﺪ ﻋﻠﻴﻬﺎ ﻓﺮﺩ ﻭﻗﺖ ... ﺯﻳﺎﺩ ﺭﺍﺟﻠﻲ ﺍﻧﺎ ﺣﺘﻰ ﺍﺫﺍ ﻛﺎﻧﺖ ﺍﻟﺤﻜﺎﻳﺔ ﻟﻌﺒﺔ ... ﻫﻮ ﻓﻲ ﺍﻻﺧﻴﺮ ﺭﺟﻮﻋﻮ ﻟﻴﺎ ... ﻟﻤﻴﺮﺍﻝ ... ﺍﻧﺎ ﺣﺒﻴﺘﻮ ﻗﺒﻠﻬﺎ ... ﻭ ﺍﻧﺎ ﻛﻬﻮ ﻋﻨﺪﻱ ﺍﻟﺤﻖ ﻓﻴﻪ ... ﻛﺎﻥ ﻫﺬﺍ ﻳﺘﺴﻤﻰ ﺟﻨﻮﻥ ... ﺍﻧﺎ ﻣﺠﻨﻮﻧﺔ ... ﺗﺒﺴﻤﺖ ﺑﻮﺟﻴﻌﺔ ... ﻭ ﺑﻨﺼﺮ ... ﻟﺰﻳﺖ ﺍﻟﻤﺨﺪﺓ ﻟﻴﺎ ﺍﻛﺜﺮ ... ﻭ ﺣﻄﻴﺖ ﺭﺍﺳﻲ ﻋﻠﻴﻬﺎ ... ﻭ ﺣﻀﻨﺖ ﺭﻭﺣﻲ ... ﻓﺮﺣﺎﻧﺔ ... ﺧﺎﻃﺮﻱ ﺑﺎﺵ ﻧﺮﺟﻊ ﻧﺮﺍﻩ ﻋﻦ ﻗﺮﻳﺐ ... ﻭ ﻣﺘﻐﺸﺔ ﺧﺎﻃﺮ ﻫﻮ ﻓﺮﺣﺎﻥ ﺯﺍﺩﺓ ﺑﺎﺵ ﻳﺮﺍﻫﺎ ... ﺍﻟﺠﻨﻴﺮﺍﻝ ﻫﻮ ﺑﺪﺍ ﺍﻟﻠﻌﺒﺔ ﻫﺎﺫﻱ ... ﻭ ﺍﻧﺎ ﺑﺎﺵ ﻧﺤﻂ ﻗﻮﺍﻧﻴﻨﻬﺎ ﻋﻠﻰ ﻛﻴﻔﻲ ... ﻭ ﻛﻴﻤﺎ ﻧﺤﺐ ... ﺑﺎﺵ ﻧﺨﻠﻴﻬﻢ ﻳﻤﺸﻮ ﻋﻠﻰ ﺗﺤﺮﻳﻜﺔ ﺣﺠﺎﺭﻱ ... ﻓﻲ ﺍﻻﺧﻴﺮ ﺍﻧﺎ ﺯﺍﺩﺓ ﺑﺮﻳﺌﺔ ﻭ ﻣﺎ ﻋﻨﺪﻱ ﺣﺘﻰ ﺫﻧﺐ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ﺟﻤﻠﺔ