🔥🔞"في أحضان عزرائيل"🔞🔥(الجزء الثالث)

الحلقة 562

ﺯﻳﺎﺩ ﻳﺤﻜﻲ : ﻛﺒﺴﺖ ﻋﺎﻟﻔﻮﻟﻮﻥ ... ﻧﺤﺎﻭﻝ ﻧﻬﺪﻱ ﺭﻭﺣﻲ ﻗﺪ ﻣﺎ ﻧﺠﻢ ... ﺑﺎﺵ ﻣﻨﺨﺎﻟﻄﺶ ﻋﻠﻴﻬﻢ ﻟﻠﺤﻔﻠﺔ ... ﺣﻔﻠﺔ ﻣﺘﺎﻉ ¤¤¤ ﻟﻲ ﺧﺮﺟﻠﻲ ﺑﻴﻬﺎ ... ﻭ ﻣﻬﺰﻫﺎ ﻣﻌﺎﻩ ... ﻫﺰﻳﺖ ﻳﺪﻳﺎ ﺯﻭﺯ ﺿﺮﺑﺘﻬﻢ ﻋﺎﻟﻔﻮﻟﻮﻥ ﺑﻐﺰﻭﻝ ... ﻧﺤﻜﻲ ﻣﻊ ﺭﻭﺣﻲ >> ﺍﻫﺪﺍ ﺯﻳﺎﺩ ... ﻣﺴﺘﺤﻴﻞ ﻳﻜﻮﻥ ﻓﻤﺎ ﺷﻲ ﺑﻴﻨﻬﻢ ... ﻫﻲ ﺟﻴﺴﺖ ﻣﺘﻐﺸﺔ ﻣﻨﻚ ... ﻋﻠﻰ ﻫﺬﺍﻛﺎ ﻗﺎﻋﺪﺓ ﺗﺘﺼﺮﻑ ﺍﻛﺎﻛﺎ ... ﺍﻫﺪﺍ .<< .. ﺑﺎﻗﻲ ﻧﻜﺎﻟﻤﻲ ﻓﻲ ﺭﻭﺣﻲ ... ﺻﻮﺭﺗﻬﺎ ﻭﻫﻲ ﻓﻲ ﺣﻀﻨﻮ ﻟﺘﻮﺍ ﺑﻴﻦ ﻋﻴﻨﻴﺎ ... ﻋﻨﺪﻫﺎ ﺍﻟﺤﻖ ... ﻫﻲ ﺣﺒﺖ ﺗﺨﻠﻴﻨﻲ ﻧﻌﻴﺶ ﻧﻔﺲ ﺍﻟﻮﺟﻴﻌﺔ ﻟﻲ ﻋﺎﺷﺘﻬﺎ ﻧﻬﺎﺭﺗﻬﺎ ... ﺍﻣﺎ ﻳﺎﺭﻳﺖ ﺗﻌﺮﻑ ﻟﻲ ﻛﻠﺸﻲ ﺻﺎﺭ ﻟﻌﺒﺔ ... ﻛﺎﻥ ﻓﻲ ﺑﺎﻟﻲ ﺑﺎﺵ ﻧﺤﺎﻭﻝ ﻧﺮﺍﺿﻴﻬﺎ ﺑﺎﻟﻠﻲ ﻛﺎﻥ ... ﺍﻣﺎ ﻓﺎﺟﺄﺗﻨﻲ .. ﻃﻠﺘﻬﺎ ﺻﺪﻣﺘﻨﻲ ... ﻛﺎﻧﻬﺎ ﻣﺶ ﺳﻮﺍﺭ ﻟﻲ ﻧﻌﺮﻓﻬﺎ ... ﻋﻴﻨﻴﻬﺎ ... ﻧﻈﺮﺗﻬﺎ ... ﻟﺒﺲ ﺗﻬﺎ ... ﻣﺸﻴﺘﻬﺎ ... ﻛﻠﺸﻲ ﻓﻴﻪ ﺟﺮﺃﺓ ﺯﺍﻳﺪﺓ ... ﻣﻨﻌﺮﻓﺶ ﻋﻼﻩ ﺣﺴﻴﺘﻬﺎ ﺗﺒﺪﻟﺖ ﺑﺮﺷﺎ ... ﻓﻤﺎ ﺷﻲ ﻓﻴﻬﺎ ﻏﻴﺮ ﺍﻟﻌﺎﺩﺓ ... ﺣﺴﻴﺘﻬﺎ ﺳﻤﻨﺖ ﺷﻮﻳﺔ ... ﻣﺘﻜﻮﻧﺶ ﺧﺮﺟﺖ ﻏﺸﻬﺎ ﻓﻲ ﺍﻟﻤﺎﻛﻠﺔ ... ﺗﺒﺴﻤﺖ ﺑﻮﺟﻴﻌﺔ ... ﻧﻌﺮﻓﻬﺎ ﺗﻌﻤﻠﻬﺎ ... ﻛﻨﺖ ﺑﺎﺵ ﻧﻘﺮﺏ ﻣﻨﻬﺎ ﺍﻛﺜﺮ ... ﻧﺤﻀﻨﻬﺎ ﻭ ﻧﺸﺒﻊ ﻣﻨﻬﺎ ... ﺍﻣﺎ ﻧﻌﺮﻑ ... ﻧﻌﺮﻑ ﻟﻬﻲ ﺑﺎﺵ ﺗﺼﺪﻧﻲ ... ﻧﻌﺮﻑ ﻟﻤﺴﺘﺤﻴﻞ ﺗﻐﻔﺮﻟﻲ ... ﻭ ﻣﻬﻤﺎ ﻋﻤﻠﺖ ﻣﺎﻧﻴﺶ ﺑﺎﺵ ﻧﺴﻴﻬﺎ ﻓﻲ ﺍﻟﻠﻲ ﺻﺎﺭ ... ﺗﻜﻴﺖ ﺭﺍﺳﻲ ﻟﺘﺎﻟﻲ ... ﻧﻐﺰﺭ ﻟﻠﻴﻮﺕ ... ﺯﻋﻤﺔ ﺷﻌﺎﻣﻠﻴﻦ ﺍﻟﺪﺍﺧﻞ ... ﻛﻨﺖ ﺑﺎﺵ ﻧﻨﺰﻝ ... ﻛﻨﺖ ﺑﺎﺵ ﻧﺎﻗﻒ ﻗﺪﺍﻣﻬﻢ ﺯﻭﺯ ﻭ ﻧﻔﻬﻢ ﻟﻘﺎﻋﺪ ﻳﺼﻴﺮ ... ﺍﻣﺎ ﻻ ﻣﺶ ﻭﻗﺘﻮ ... ﻛﺎﻥ ﺍﺩﻡ ﺣﺲ ﻟﻲ ﻓﻤﺎ ﺑﻴﻨﺎ ﺷﻲ ﺗﻮﺍ ... ﺑﺎﺵ ﻳﺤﺎﻭﻝ ﻳﻌﺮﻑ ﺷﻜﻮﻥ ﻫﻲ ﺩﻧﻴﺰ ... ﻭ ﺍﻧﺎ ﻣﻨﺠﻤﺶ ﻧﺪﺧﻠﻬﺎ ﻓﻲ ﻣﺸﺎﻛﻞ ﺍﻛﺜﺮ ﻣﻦ ﻫﻜﺎ ... ﺷﺪﻳﺖ ﺭﻭﺣﻲ ﻓﻲ ﺍﺧﺮ ﻟﺤﻈﺔ ... ﺧﺪﻣﺖ ﺍﻟﻜﺮﻫﺒﺔ ... ﻭ ﺩﺭﻳﻜﺴﻴﻮﻥ ﻟﺪﺍﺭﻫﺎ ... ﺍﺣﺴﻦ ﺷﻲ ﻧﺴﺘﻨﺎﻫﺎ ﻏﺎﺩﻳﻜﺎ ... ﺧﺎﻃﺮ ﻛﺎﻥ ﻧﺒﻘﻰ ﻓﻲ ﺍﻟﻤﻴﻨﺎﺀ ... ﻣﻨﻌﺮﻑﺵ ﺷﻨﻴﺔ ﻟﺒﺎﺵ ﻧﻌﻤﻠﻮ ... ﺭﻛﻴﺖ ﺍﻟﻜﺮﻫﺒﺔ ﺷﻮﻳﺔ ﺑﻌﻴﺪﺓ ... ﻭ ﺗﻜﻴﺖ ﻟﺘﺎﻟﻲ ... ﺍﻓﻜﺎﺭ ﺗﻬﺰ ﻓﻴﺎ ﻭ ﺟﻴﺐ ... ﻣﻨﻌﺮﻓﺶ ﻗﺪﺍﺵ ﺗﻌﺪﺍ ﻭﻗﺖ ﺑﺎﻟﻈﺒﻂ ... ﺗﻘﻌﺪﺕ ﺷﻮﻳﺔ ﻛﻴﻒ ﺭﻳﺘﻮ ﺭﻛﺎ ﺍﻟﻜﺮﻫﺒﺔ ﻣﺘﺎﻋﻮ ... ﻧﺰﻟﻮ ﺯﻭﺯ ﻣﻊ ﺑﻌﺾ ... ﻇﺎﻫﺮ ﺷﺎﻳﺨﺔ ﺍﻟﻔﺮﺧﺔ ... ﻗﺮﺑﺖ ﻣﻨﻮ ... ﺑﺎﺷﺘﻮ ﻣﻦ ﺧﺪﻭ ... ﺍﻟﺸﻲ ﻟﻲ ﺧﻼﻧﻲ ﻧﻐﺰﻝ ﺍﻛﺜﺮ ... ﻧﺎﻗﺺ ﺍﻧﺎ ... ﻧﺎﻗﺼﻬﺎ ... ﻛﺒﺴﺖ ﻋﺎﻟﻔﻮﻟﻮﻥ ﻧﺤﻜﻲ >>.. ﺑﺎﻫﻲ ﻳﺎ ﺳﻮﺍﺭ ﺑﺎﻫﻲ << ﻣﻨﻌﺮﻓﺶ ﻓﺎﺵ ﺣﻜﺎﻭ ... ﺑﻘﺎﺕ ﻭﺍﻗﻔﺔ ﻟﻴﻦ ﺧﺪﻡ ﻛﺮﻫﺒﺘﻮ ﻭ ﻣﺸﺎ ... ﺧﺮﺟﺖ ﺑﺎﻟﻮﻗﺖ ... ﻣﻨﻌﺮﻓﺶ ﻛﻴﻒ ﻟﺤﻘﺖ ﻋﻼﻫﺎ ... ﻓﻲ ﻟﺤﻈﺔ ﻛﻨﺖ ﻭﺭﺍﻫﺎ ... ﻛﻠﺸﻲ ﻳﻬﻤﻨﻲ ﺗﻮﺍ ﺍﻧﻬﺎ ﺗﺒﻌﺪ ﻋﻠﻰ ﺍﺩﻡ ﻭ ﻛﻬﻮ ... ﺑﺎﻗﻲ ﺗﻠﻮﺝ ﻋﻠﻰ ﺍﻟﻤﻔﺘﺎﺡ ﺑﺎﺵ ﺗﺤﻞ ﺍﻟﺒﺎﺏ ... ﺧﺬﻳﺖ ﻧﻔﺲ ﻣﻦ ﺭﻳﺤﺔ ﺷﻌﺮﻫﺎ ... ﺣﺘﻰ ﺍﻧﺎ ﺗﻮﺣﺸﺖ ﻗﺮﺑﻬﺎ ... ﻟﺪﺭﺟﺔ ﻣﺶ ﻧﻮﺭﻣﺎﻝ ... ﺩﻭﺏ ﺣﻄﺎﺗﻮ ﺑﺎﺵ ﺗﺤﻠﻬﺎ ... ﻗﺮﺑﺖ ﻣﻨﻬﺎ ﺍﻛﺜﺮ ... ﻧﺰﻟﺖ ﻧﺤﻜﻲ ﻓﻲ ﻭﺫﻧﻬﺎ ﺍﻧﺎ : ﺍﺩﻡ ﺍﻟﺸﺨﺺ ﺍﻟﻐﺎﻟﻂ ... ﻭ ﺍﻟﻠﻲ ﺗﺤﺎﻭﻝ ﺗﻌﻤﻠﻮ ﻣﻜﺸﻮﻑ ... ﺗﻨﺠﻢ ﺗﺎﺧﻮ ﺣﻘﻚ ﻣﻨﻲ ﺑﻄﺮﻳﻘﺔ ﺍﺧﺮﻯ ﻛﺒﺴﺖ ﺑﻴﺪﻫﺎ ﻋﺎﻟﻤﻔﺘﺎﺡ ... ﻗﺮﺑﺖ ﺭﺍﺳﻬﺎ ﺷﻮﻳﺔ ﻟﻌﻨﺪﻱ ... ﺗﺤﻜﻲ ﻣﻦ ﻏﻴﺮ ﻣﺎ ﺗﺘﻠﻔﺖ ﻋﻨﺪﻱ ﺳﻮﺍﺭ؛ﻏﺎﻟﻂ ... ﺍﻧﺎ ﻣﺎ ﻋﻨﺪﻱ ﺣﺘﻰ ﺣﻖ ﻋﻨﺪﻙ ... ﺍﻧﺖ ﺧﺬﻳﺖ ﻛﻞ ﺍﻟﺤﻘﻮﻕ ﻧﻬﺎﺭ ﻋﺮﺳﻚ ... ﻧﺤﻴﺘﻚ ﻣﻦ ﺣﻴﺎﺗﻲ ﻟﺪﺭﺟﺔ ... ﻟﺪﺭﺟﺔ ... ﻣﻌﺎﺩﺵ ﻧﺘﻮﺟﻊ ﻣﻦ ﺍﻟﻠﻲ ﺻﺎﺭ ... ﻭ ﻻ ﺣﺘﻰ ﻧﻔﻜﺮ ﺍﻧﻲ ﺑﺎﺵ ﻧﻨﺘﻘﻢ ﻣﻨﻚ ﺳﻜﺘﺖ ﺷﻮﻳﺔ ... ﻭ ﺍﻧﺎ ﻏﻤﻀﺖ ﻋﻴﻨﻴﺎ ﺑﺎﻟﻮﻗﺖ ... ﻧﺴﻤﻊ ﻓﻴﻬﺎ ﺗﻜﻤﻞ ﻓﻲ ﻛﻼﻣﻬﺎ ﺳﻮﺍﺭ : ﺍﻧﺖ ﻭ ﺍﻟﻠﻲ ﺍﻏﺘﺼﺒﻨﻲ ﻧﻔﺲ ﺷﻲ ... ﺯﻭﺯ ﻛﻨﺘﻮ ﺗﺠﺮﺑﺔ ﻓﻲ ﺣﻴﺎﺗﻲ ... ﺍﻣﺎ ﺟﻴﺴﺖ ﻫﻮ ﻣﺶ ﺷﺎﻃﺮ ﻓﻲ ﺍﻟﺘﻤﺜﻴﻞ ﻛﻴﻔﻚ ... ﻭ ﻛﺎﻧﻚ ﻋﻠﻴﺎ ﻃﻤﻦ ﻧﺴﻴﺖ ﻟﻲ ﻛﺎﻥ ﺑﻴﻨﺎ ﺟﻤﻠﺔ ... ﻭ ﻳﺎ ﺭﻳﺖ ﺍﻧﺖ ﺯﺍﺩﺓ ﺗﻌﻤﻞ ﻧﻔﺲ ﺍﻟﺸﻲ ... ﺍﻧﺴﺎﻫﺎ ﺳﻮﺍﺍﺭ ﻛﻼﻣﻬﺎ ﻛﺎﻥ ﻛﻴﻒ ﺍﻟﺴﻢ ﺩﺍﺧﻞ ﻟﻮﺫﻧﻲ ... ﻋﻨﺪﻫﺎ ﺣﻖ ... ﻋﻨﺪﻫﺎ ﺣﻖ ﻟﺪﺭﺟﺔ ﻣﻠﻘﻴﺘﺶ ﺷﻨﺤﻜﻲ ... ﻭ ﻻ ﺷﻨﻴﺔ ﻧﻔﺴﺮ ... ﻗﺼﺖ ﻋﻠﻴﺎ ﺗﻔﻜﻴﺮﻱ ... ﻛﻴﻒ ﺣﻠﺖ ﺍﻟﺒﺎﺏ ... ﻭ ﺑﻌﺪﺕ ﻋﻠﻴﺎ ... ﺩﺧﻠﺖ ﻣﻦ ﻏﻴﺮ ﻣﺎ ﺗﺘﻠﻔﺖ ﻋﻨﺪﻱ ... ﺳﻜﺮﺕ ﺍﻟﺒﺎﺏ ﺑﺎﻟﻮﻗﺖ ... ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﺎﻟﺒﺎﺏ ... ﻣﺰﻟﺖ ﻣﺮﻭﻫﺞ ﻣﻦ ﻛﻼﻣﻬﺎ ... ﻣﻦ ﻗﺮﺑﻬﺎ ... ﻣﻦ ﺭﻳﺤﺘﻬﺎ ﻟﻲ ﻓﻲ ﻟﺤﻈﺔ ﺗﺨﻔﺎﺕ ... ﺧﺬﻳﺖ ﻧﻔﺲ ﺑﺎﻟﻘﺎﻭﻱ ... ﻣﻨﻌﺮﻑﺵ ﻗﺪﺍﺵ ﺑﻘﻴﺖ ﻭﺍﻗﻒ ﻏﺎﺩﻱ ... ﺣﺒﻴﺖ ﻧﺤﻜﻲ ﺑﺮﺷﺎ ﺣﺎﺟﺎﺕ ﻭﺍﺣﻠﺔ ﻓﻲ ﺣﻠﻘﻲ ﺍﻣﺎ ﻣﻨﺠﻤﺘﺶ ... ﺍﻛﺜﺮ ﺷﻲ ﻗﻬﺮﻧﻲ ... ﻭﻗﺖ ﺣﻄﺘﻨﻲ ﻣﻌﺎﻩ ﻓﻲ ﻧﻔﺲ ﺍﻟﻜﻔﺔ ... ﺗﺒﺴﻤﺖ ﺑﻮﺟﻴﻌﺔ ... ﻋﻨﺪﻫﺎ ﺍﻧﺎ ﻓﻲ ﺷﻨﻮﺓ ﻧﻔﺮﻕ ﻋﻠﻴﻪ ... ﻫﻮ ﺍﻏﺘﺼﺒﻬﺎ ... ﻭ ﺍﻧﺎ ﻗﻬﺮﺗﻬﺎ ... ﺩﻣﺮﺕ ﺍﺧﺮ ﺷﻲ ﻛﺎﻥ ﺑﺎﻗﻴﻠﻬﺎ ... ﻭﺧﺮﺕ ﻟﺘﺎﻟﻲ ﺑﺨﻄﻮﺍﺕ ﺭﺯﻳﻨﺔ ... ﻣﻨﺠﻢ ﻧﺼﺎﺭﺣﻬﺎ ﺑﺸﻲ ﺗﻮﺍ ... ﻛﺎﻥ ﻭﻗﺖ ﻧﺘﺄﻛﺪ ﻣﻦ ﺍﻟﻠﻌﺒﺔ ﻣﺘﺎﻉ ﺍﻟﺠﻨﻴﺮﺍﻝ ... ﺍﻭﻝ ﻣﺎ ﻭﺻﻠﺖ ﻟﻠﻜﺮﻫﺒﺔ ﺑﺎﻟﻈﺒﻂ ... ﻫﺰﻳﺖ ﺗﻠﻴﻔﻮﻧﻲ ﻛﻠﻤﺖ ﺍﺳﻤﺎﻋﻴﻞ ﻧﺤﻜﻲ