ﻓﻜﻴﺖ ﺗﻠﻴﻔﻮﻥ ﻣﻦ ﻳﺪﻫﺎ ... ﻭﺭﺟﻌﺖ ﻛﻠﻤﺘﻮ ... ﻣﺮﺓ ﺍﺧﺮﻯ ... ﺑﺎﻗﻲ ﺗﻠﻴﻔﻮﻧﻮ ﻣﺴﻜﺮ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ... ﺣﺴﻴﺖ ﺑﺪﻭﺧﺔ ﻗﻮﻳﺔ ... ﺍﺳﺘﻨﺪﺕ ﺑﻴﺪﻳﺎ ﻋﺎﻟﺤﻴﻂ ... ﺷﺪﺗﻨﻲ ﻣﻦ ﻳﺪﻱ ﺗﺤﻜﻲ
ﺭﺍﺿﻴﺔ : ﻫﻴﺎ ﻣﻌﺎﻳﺎ ﻋﻴﺶ ﺑﻨﺘﻲ
ﻛﺒﺴﺖ ﻋﻠﻰ ﻳﺪﻫﺎ ... ﻋﺎﻭﻧﺘﻨﻲ ﻗﺮﺑﺖ ﻟﻠﻔﺮﺵ ... ﻗﻌﺪﺕ ﻭ ﺗﻜﻴﺖ ﻟﺘﺎﻟﻲ ... ﻣﺸﺎﺕ ﺑﺎﻟﺰﺭﺑﺔ ... ﺟﺎﺑﺘﻞﻱ ﺑﻮﺍﺕ ﻓﺮﻣﺎﺳﻲ ... ﺷﺪﻳﺘﻬﺎ ﻋﻼﻫﺎ ﻧﺤﻜﻲ
ﺍﻧﺎ : ﺧﻠﻲ ﻋﻠﻴﻚ ﺧﺎﻟﺘﻲ ... ﺗﻮ ﻧﻘﻲ ﺍﻟﺠﺮﺡ ﻭﺣﺪﻱ
ﺭﺍﺿﻴﺔ : ﺍﻣﺎ
ﺍﻧﺎ : ﺗﻨﺠﻢ ﺟﻴﺒﻠﻲ ﺣﺎﺟﺔ ﻧﻠﺒﺴﻬﺎ ﺍﻣﺎﻧﻚ
ﺭﺍﺿﻴﺔ : ﺑﺎﻫﻲ
ﻧﺤﻴﺖ ﺍﻟﻔﺎﺻﻤﺔ ... ﻏﺰﺭﺕ ﻟﻠﺠﺮﺡ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ .. ﻣﺶ ﻛﺒﻴﺮ ﺑﺮﺷﺎ ... ﺍﻣﺎ ﻳﺎﺳﺮ ﻳﻮﺟﻊ ... ﻣﺴﺤﺖ ﺍﻟﺪﻡ ... ﺣﻄﻴﺖ ﻣﻌﻘﻢ ... ﻭ ﻓﺎﺻﻤﺔ ﺟﺪﻳﺪﺓ ... ﻗﺮﺑﺖ ﻣﻨﻲ ﺧﺎﻟﺘﻲ ﺭﺍﺿﻴﺔ ... ﻋﺎﻭﻧﺘﻨﻲ ﻧﺒﺪﻝ ﺩﺑﺸﻲ ... ﻟﺒﺴﺖ ﺭﻭﺏ ﺧﻔﻴﻔﺔ ... ﻭﺭﺟﻌﺖ ﺷﻌﺮﻱ ﻟﺘﺎﻟﻲ ... ﻏﺰﺭﺗﻠﻲ ﺗﺤﻜﻲ
ﺭﺍﺿﻴﺔ : ﺗﻮ ﻧﺤﻀﺮﻟﻚ ﺷﻲ ﺗﺎﻛﻠﻮ ﻭ ﻧﺮﺟﻊ
ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺍﻭﻝ ﻣﺎ ﺧﺮﺟﺖ ... ﻫﺰﻳﺖ ﺭﻭﺣﻲ ﺑﺎﻟﺰﺭﺑﺔ ... ﻛﻠﻤﺘﻮ ﻣﺮﺓ ﺍﺧﺮﻯ ... ﺑﺎﻗﻲ ﻣﺴﻜﺮ ... ﺑﻌﺜﺘﻠﻮ ﻣﻴﺴﺎﺝ "... ﺯﻳﺎﺍﺍﺩ ﻭﻳﻨﻚ ... ﺍﻣﺎﻧﻚ ﻫﺰ ﻋﻠﻴﺎ ..." ﺗﻜﻴﺖ ﻋﺎﻟﺤﻴﻂ ... ﻧﺴﺘﻨﺎ ﻓﻴﻪ ﻳﺮﺟﻌﻠﻲ ﺷﻲ ... ﻣﻨﻌﺮﻓﺶ ﻗﺪﺍﺵ ﺑﻘﻴﺖ ﻭﺍﻗﻔﺔ ... ﻟﻴﻦ ﺩﺧﻠﺖ ﺧﺎﻟﺘﻲ ﺭﺍﺿﻴﺔ .. ﻫﺎﺯﺓ ﻓﻲ ﻳﺪﻫﺎ ﺻﻴﻨﻴﺔ ... ﺍﻭﻝ ﻣﺎ ﺷﺎﻓﺘﻨﻲ ﻗﺤﺮﺗﻠﻲ ﻗﺤﺮﺓ ﻣﺘﺎﻉ ﻣﻮﺕ ... ﺗﺤﻜﻲ
ﺭﺍﺿﻴﺔ؛ﻋﻼﺵ ﻗﻤﺖ ﻳﺎﺧﻲ
ﺍﻧﺎ : ﺧﺎﻟﺘﻲ ﻣﺤﺒﺶ ﻳﻬﺰ ... ﻣﻴﻜﻮﻧﺶ ﺻﺮﺍﻟﻮ ﺷﻲ ... ﻛﻠﻮ ﺟﺮﺍﻳﺮﻱ ﺧﺎﻃﺮﻧﻲ ﻧﺴﻴﺖ ﺗﻠﻴﻔﻮﻧﻲ ﻓﻲ ﻧﺎﺩﻱ
ﺭﺍﺿﻴﺔ؛ﻳﺎ ﺑﻨﺘﻲ ... ﺑﻠﻜﺸﻲ ﻳﻜﻮﻥ ﻣﺸﻐﻮﻝ ... ﻣﺘﻌﺮﻓﻮﺵ ﻳﺎﺧﻲ ... ﻣﺮﺍﺕ ﻳﻮﺻﻞ ﻣﻴﻜﻠﻤﻜﺶ ﺟﻤﻠﺔ ... ﺍﻳﺠﺎ ﺍﺭﺗﺎﺡ ﻭ ﺗﻮ ﻫﻮ ﻳﻄﻠﺒﻚ
ﺍﻧﺎ : ﻣﻨﺠﻤﺶ
ﺭﺍﺿﻴﺔ : ﺩﻧﻴﻴﻴﺰ ﻫﻴﺎ ﻋﻴﺶ ﺑﻨﺘﻲ
ﻭﻟﻴﺖ ﻟﺴﺮﻳﺮ ﻓﻲ ﺧﺎﻃﺮﻫﺎ ... ﺣﻄﺖ ﺻﻴﻨﻴﺔ ﻗﺪﺍﻣﻲ ... ﺑﻘﻴﺖ ﻧﻐﺰﺭ ﻟﻠﻤﺎﻛﻠﺔ ... ﻣﺎ ﻋﻴﻨﻲ ﻓﻲ ﺷﻲ ... ﻛﻠﺸﻲ ﻧﺤﺐ ﻋﻠﻴﻪ ﺗﻮﺍ ﻧﺴﻤﻊ ﺻﻮﺗﻮ ... ﺩﻭﺏ ﻛﻠﻴﺖ ﻣﻠﻌﻘﺘﻴﻦ ﻣﻦ ﺍﻟﺸﺮﺑﺔ ... ﻭ ﺣﺒﺴﺖ ... ﻏﺰﺭﺗﻠﻲ ﺗﺤﻜﻲ
ﺭﺍﺿﻴﺔ : ﻣﻌﺠﺒﺎﺗﻜﺶ ﻳﺎﺧﻲ
ﺍﻧﺎ : ﻻ ﺑﺎﻟﻌﻜﺲ ... ﺍﻣﺎ ﻭﺍﻟﻠﻪ ﻣﺎ ﻧﺠﻤﺖ ﻧﺎﻛﻮﻝ
ﻗﻌﺪﺕ ﻗﺪﺍﻣﻲ ... ﺣﻄﺖ ﻳﺪﻫﺎ ﻋﻠﻰ ﻳﺪﻱ ﺗﺤﻜﻲ
ﺭﺍﺿﻴﺔ؛ﺩﻧﻴﺰ ﻳﺎﺧﻲ ﻗﺎﻋﺪﺓ ﺗﺮﺍ ﻓﻲ ﺭﻭﺣﻚ ... ﺿﻌﻔﺖ ﺑﺮﺷﺎ ﺭﺍﻙ ... ﻣﻦ ﻭﻗﺖ ﻣﺸﺎ ﻭ ﺍﻧﺘﻲ ﻋﺎﻟﺤﺎﻟﺔ ﻫﺎﺫﻱ ... ﻭ ﺯﺍﺩﺓ ﻫﻮﻛﺎ ﺗﻘﺮﻳﺒﺎ ﻛﻞ ﻳﻮﻡ ﻳﻜﻠﻤﻚ ... ﺑﺎﺯ ﺍﻟﻤﺮﺓ ﻫﺎﺫﻱ ﻳﻜﻮﻥ ﻣﺸﻐﻮﻝ .. ﻣﺘﺨﺪﻣﺶ ﻣﺨﻚ ﺑﺮﺷﺎ ... ﻧﻌﺮﻓﻚ ﻗﻮﻳﺔ ... ﺍﻛﺜﺮ ﻣﻦ ﻫﻜﺎ
ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺣﺎﻭﻟﺖ ﺗﻮﻛﻠﻨﻲ ﺑﻴﺪﻫﺎ ... ﻛﻠﻴﺖ ﺷﻮﻳﺔ ﻓﻲ ﺧﺎﻃﺮﻫﺎ ... ﻭ ﺟﺒﺪﺕ ﺭﻭﺣﻲ ﻧﺤﻜﻲ
ﺍﻧﺎ : ﻛﻬﻮ ... ﻣﻌﺎﺩﺵ ﻧﺠﻢ
ﺭﺍﺿﻴﺔ؛ﺑﺎﻫﻲ ﻋﺰﻳﺰﺗﻲ
ﺍﻧﺎ : ﺧﺎﻟﺘﻲ ﺍﻣﺎﻧﻚ ﺍﻋﻄﻴﻨﻲ ﺗﻠﻴﻔﻮﻧﻲ
ﺗﻨﻬﺪﺕ ... ﻋﺮﻓﺖ ﻟﻤﺶ ﺑﺎﺵ ﻧﻬﺪﺍ ﻛﺎﻥ ﻭﻗﺖ ﻧﺴﻤﻊ ﺻﻮﺗﻮ ... ﺑﻘﻴﺖ ﻧﻐﺰﺭﻟﻬﺎ ... ﻫﺰﺗﻠﻲ ﺑﺮﺍﺳﻬﺎ ﺑﺎﻫﻲ ... ﻫﺰﺕ ﺻﻴﻨﻴﺔ ﻓﻲ ﻳﺪﻫﺎ ... ﻭﻗﺎﻣﺖ ... ﻫﺰﺕ ﺗﻠﻴﻔﻮﺗﻲ ... ﺣﻄﺎﺗﻮ ﻓﻲ ﻳﺪﻱ ... ﺗﺤﻜﻲ
ﺭﺍﺿﻴﺔ : ﻣﺘﻘﻠﻘﺶ ﺭﻭﺣﻚ ﺑﺎﻫﻲ ... ﻭ ﻛﺎﻥ ﻛﻠﻤﺘﻮ ﻃﻤﻨﻨﻲ
ﺷﺪﻳﺘﻮ ﻋﻼﻫﺎ ... ﻭ ﻫﺰﻳﺘﻠﻬﺎ ﺑﺮﺍﺳﻲ ﺑﺎﻫﻲ ... ﺧﺮﺟﺖ ﻭ ﺳﻜﺮﺕ ﺍﻟﺒﺎﺏ ... ﻭﺭﺍﻫﺎ
ﻛﺒﺴﺖ ﻋﻠﻰ ﺗﻠﻴﻔﻮﻥ ﻓﻲ ﻳﺪﻱ ... ﻭ ﺣﻠﻴﺘﻮ ... ﻣﺮﺟﻌﻠﻴﺶ ﻋﻠﻰ ﺍﻟﻤﻴﺴﺎﺝ .... ﻛﻠﻤﺖﻭ ﻣﺮﺓ ﺍﺧﺮﻯ ﺑﺎﻗﻲ ﻣﺴﻜﺮ ... ﻓﻜﺮﺕ ﻧﻜﻠﻢ ﻣﻴﺮﺍﻝ ... ﺍﻣﺎ ﺭﻗﻤﻬﺎ ﺑﻘﺎ ﻓﻲ ﺗﻠﻴﻔﻮﻥ ﺍﻟﻘﺪﻳﻢ ... ﺑﻘﻴﺖ ﻋﻠﻰ ﺍﻋﺼﺎﺑﻲ ... ﻧﻬﺎﺭ ﺍﻟﻜﻞ ... ﻣﻨﺠﻤﺘﺶ ﻧﺘﺤﺮﻙ ﻣﻦ ﺑﻼﺻﺘﻲ ... ﻧﺤﺲ ﻓﻲ ﺑﺪﻧﻲ ﻣﺪﻗﺪﻕ ... ﻭ ﺩﺍﻳﺨﺔ ﻋﺎﻟﺨﺮ ... ﺍﻧﺎ ﺍﻛﺎﻛﺎ ﻭﻧﻮﻗﺰ ﺗﻠﻴﻔﻮﻧﻲ ... ﻟﻠﺤﻈﺔ ﺳﺘﺨﺎﻳﻠﺘﻮ ﻫﻮ ... ﺍﻣﺎ ﺣﺴﻴﺖ ﺑﺨﻴﺒﺔ ﻭﻗﺖ ﻟﻘﻴﺘﻮ ﺍﺩﻡ ... ﺧﺬﻳﺖ ﻧﻔﺲ ... ﻭ ﻫﺰﻳﺖ ﻋﻠﻴﻪ ... ﻧﺤﻜﻲ
ﺍﻧﺎ : ﺍﻟﻮ
ﺍﺩﻡ : ﺍﻫﻼ ﺩﻧﻴﺰ ﻛﻴﻔﻚ ﺗﻮﺍ
ﺍﻧﺎ : ﻣﻠﻴﺤﺔ ﻋﻴﺸﻚ
ﺍﺩﻡ : ﻭ ﻛﻴﻒ ﺗﺤﺲ ﻓﻲ ﺳﺎﻗﻚ
ﺍﻧﺎ : ﺍﺣﺴﻦ ﻣﻦ ﺍﻻﻭﻝ
ﺍﺩﻡ : ﺑﺎﻫﻲ ... ﺭﺩ ﺑﺎﻟﻚ ﻋﻠﻰ ﺭﻭﺣﻚ ... ﺑﺎﺵ ﻧﻜﻠﻤﻚ ﻣﺒﻌﺪ
ﺍﻧﺎ : ﺍﺩﻡ
ﺍﺩﻡ : ﺷﻨﻴﺔ
ﺍﻧﺎ : ﺯﻳﺎﺩ ﻫﺰ ﻋﻠﻴﻚ ﻳﺎﺧﻲ
ﺳﻜﺖ ﻣﺮﺟﻌﻠﻴﺶ ... ﻧﻌﺮﻑ ﻟﺴﺆﺍﻟﻲ ﺻﺪﻣﻮ ... ﺍﻣﺎ ﻣﻌﺎﺩﺵ ﻧﺠﻢ ﻧﺸﺪ ﺭﻭﺣﻲ ... ﻻﺯﻣﻨﻲ ﻧﺴﺄﻝ ﻋﻠﻴﻪ ... ﺧﺬﻳﺖ ﻧﻔﺲ ﻭ ﻛﻠﻤﺘﻮ ﻣﺮﺓ ﺍﺧﺮﻯ
ﺍﻧﺎ : ﺍﺩﻡ
ﺍﺩﻡ : ﻧﺴﻤﻊ ﻓﻴﻚ
ﺍﻧﺎ : ﻳﺎﺧﻲ ﺣﻜﻴﺖ ﻣﻌﺎﻩ ... ﺧﻄﺮﻡ ﻛﻨﺖ ﻣﻘﻠﻖ ﻋﻠﻰ ﺟﺎﻟﻮ ﺻﺒﺎﺡ ﺍﺩﻡ : ﻻ ... ﻣﻨﺠﻤﺘﺶ ﻧﻮﺻﻠﻮ ﻭ ﺗﻠﻴﻔﻮﻧﻮ ﺑﺎﻗﻲ ﻣﺴﻜﺮ ... ﺑﺎﺯ ﻳﻜﻮﻥ ﻣﺸﻐﻮﻝ
ﺍﻧﺎ : ﺑﺎﻫﻲ ﻣﻴﺴﺎﻟﺶ ﺑﺎﻱ
ﺍﺩﻡ : ﺑﺎﻱ
ﻧﺰﻟﺖ ﺗﻠﻴﻔﻮﻧﻲ ... ﺣﺎﻭﻟﺖ ﻧﺎﺧﻮ ﻧﻔﺲ ﻣﻨﺠﻤﺘﺶ ... ﻗﻠﺒﻲ ﻏﻢ ﻋﻠﻴﺎ ﺍﻛﺜﺮ ... ﻭ ﻃﺮﺷﻘﺖ ﺑﺎﻟﺒﻜﺎ ... ﺍﺻﻼ ﺣﺎﺳﺔ ﺭﻭﺣﻲ ﺗﺎﻋﺒﺔ ﻋﺎﻟﻠﺨﺮ ... ﻭ ﻣﻌﺎﺩﺵ ﻋﻨﺪﻱ ﺟﻬﺪ ﺟﻤﻠﺔ ﺑﺎﺵ ﻧﺘﺤﻤﻞ ﻟﻘﺎﻋﺪ ﻳﺼﻴﺮ ... ﺧﻠﻲ ﻳﺰﻳﺪ ﻳﻔﺠﻌﻨﻲ ﻫﻮ ﻋﻠﻴﻪ ... ﺗﺴﻄﺤﺖ ﻟﺘﺎﻟﻲ ... ﻭ ﻛﺒﺴﺖ ﻋﻠﻰ ﺗﻠﻴﻔﻮﻥ ﻓﻲ ﻳﺪﻱ ... ﻧﺴﺘﻨﺎ ﻓﻴﻪ ﻳﻜﻠﻤﻨﻲ ... ﻣﻨﻌﺮﻓﺶ ﻛﻴﻒ ﻫﺰﻧﻲ ﻧﻮﻡ ﻭ ﺭﻗﺪﺕ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
