🔥🔞"في أحضان عزرائيل"🔞🔥(الجزء الثالث)

الحلقة 428

ﺩﺧﻠﺖ ﻟﺸﺮﻳﻜﺔ ... ﻭ ﻓﻲ ﻣﺨﻲ ﺍﻟﻒ ﺳﺆﺍﻝ ... ﻧﻤﺸﻲ ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺍﻻﺣﺪﺍﺙ ﺍﻟﻜﻞ ﺗﻌﺎﻭﺩﺕ ﻓﻲ ﻣﺨﻲ ﻣﻦ ﻣﻮﺕ ﺣﻨﺎﻥ ... ﻻﻏﺘﺼﺎﺏ ﺳﻮﺍﺭ ... ﻻﺳﻢ ﻋﺪﻧﺎﻥ ﻓﻲ ﺍﻟﺪﻭﺳﻲ ... ﺍﻭﻝ ﻣﺎ ﻭﺻﻠﺖ ﻟﻘﻴﺘﻮ ﺧﺎﺭﺝ ﻣﻦ ﺍﻟﺒﻴﺮﻭ ... ﻃﻠﻊ ﺭﺍﺳﻮ ﻏﺰﺭﻟﻲ ... ﻭ ﻋﻘﺪ ﺣﻮﺍﺟﺒﻮ ﻳﺤﻜﻲ
ﺍﺩﻡ : ﺯﻳﺎﺍﺍﺍﺩ ﻫﻮﻧﻲ
ﺍﻧﺎ : ﻣﻔﺎﺟﺄﺓ
ﺍﺩﻡ : ﻭﺷﻨﻴﺔ ﺍﻟﻤﻨﺎﺳﺒﺔ
ﺍﻧﺎ : ﺷﻲ ﻓﺪﻳﺖ ... ﻗﻠﺖ ﺑﻠﻜﺸﻲ ﺗﺤﺐ ﻧﻤﺸﻮ ﻟﻨﺎﺩﻱ ﻣﻊ ﺑﻌﺾ
ﺍﺩﻡ : ﺑﺎﻫﻲ ﺍﺳﺒﻘﻨﻲ ﺍﻧﺖ ﻧﻜﻤﻞ ﺍﻻﺟﺘﻤﺎﻉ ﻭ ﻧﺨﺎﻟﻂ ﻋﻠﻴﻚ
ﺍﻧﺎ : ﻻ ﺑﺎﺵ ﻧﺴﺘﻨﺎﻙ ﻓﻲ ﺍﻟﺒﻴﺮﻭ ﻣﻴﺴﺎﻟﺶ
ﺍﺩﻡ : ﺑﺎﻫﻲ ﻋﻠﻰ ﺭﺍﺣﺘﻚ
ﻗﺮﺏ ﻣﻨﻲ ... ﺿﺮﺑﻨﻲ ﻋﻠﻰ ﻛﺘﻔﻲ ﻭ ﺗﺒﺴﻤﻠﻲ ... ﺟﻴﺴﺖ ﺗﺒﺴﻤﺘﻠﻮ ... ﻭ ﺩﺧﻠﺖ ... ﺟﺒﺪﺕ ﻛﺮﺳﻲ ﺍﻟﺒﻴﺮﻭ ﻭ ﻗﻌﺪﺕ ... ﻓﺘﺤﺖ ﺍﻟﻘﺠﺎﺭ ... ﻧﺤﺐ ﻧﻮﺻﻞ ﻻﻱ ﺷﻲ ﻣﺘﻌﻠﻖ ﺑﻌﺪﻧﺎﻥ ﺍﻣﺎ ﺷﻲ ... ﺳﻜﺮﺕ ﺍﻟﻘﺠﺮ ﺗﺎﻟﻲ ﺑﻐﺰﻭﻝ ... ﻫﺰﻳﺖ ﺍﻟﺪﻭﺳﻲ ﻟﻲ ﻋﻠﻰ ﺍﻟﺒﻴﺮﻭ ... ﺣﻠﻴﺘﻮ ... ﻟﻘﻴﺖ ﺍﺳﻢ ﻋﺪﻧﺎﻥ ... ﻭ ﻣﺤﻤﻮﺩ ﺑﻦ ﻋﻴﺴﻰ ﻋﺮﻓﻮ ﻭ ﻣﻌﻠﻮﻣﺎﺕ ﻋﺎﻣﺔ ﻋﻠﻴﻬﻢ ... ﺳﻜﺮﺗﻮ ﻭ ﻏﺰﺭﺕ ﻟﻠﺒﻴﺴﻲ ... ﺧﺬﻳﺖ ﻧﻔﺲ ﻭ ﺣﻠﻴﺘﻮ ... ﺑﺎﺯ ﻛﻠﻤﺔ ﺍﻟﺴﺮ ﺑﺎﺵ ﺗﺘﻌﻠﻖ ﺑﺤﻨﺎﻥ ... ﺟﻴﺴﺖ ﻛﺘﺒﺖ ﻋﻴﺪ ﻣﻴﻼﺩﻫﺎ ﻓﺘﺢ ... ﺍﻛﺜﺮ ﺷﻲ ﻛﺎﻥ ﻳﻬﻤﻨﻲ ﺍﻧﻲ ﻧﺘﺎﻛﺪ ﻟﻬﻮ ﻓﻲ ﺍﻟﺪﺍﺕ ﻫﺬﻳﻜﺎ ﻣﻜﺎﻧﺶ ﻓﻲ ﺗﻮﻧﺲ ... ﻭ ﺑﺎﻟﻈﺒﻂ ﻳﻮﻣﻬﺎ ﻛﺎﻥ ﻋﻨﺪﻭ ﺍﺟﺘﻤﺎﻉ ﻣﻊ ﺍﻟﻮﻛﻼﺀ ﻓﻲ ﺍﺳﺒﺎﻧﻴﺎ ... ﻫﺰﻳﺖ ﻭﺭﻗﺔ ﻭ ﺳﺘﻴﻠﻮ ... ﻛﺘﺒﺖ ﺍﺳﻢ ﺍﻟﺸﺮﻳﻜﺔ ... ﻭ ﺍﺳﻤﺎﺀ ﺍﻟﻮﻛﻼﺀ ﺍﻟﻜﻞ ﻭ ﺍﺭﻗﺎﻣﻬﻢ ... ﺣﻄﻴﺖ ﺍﻟﻮﺭﻗﺔ ﻓﻲ ﻣﻜﺘﻮﺑﻲ ... ﻭ ﺳﻜﺮﺕ ﺍﻟﺒﻴﺴﻲ ... ﺍﻭﻝ ﻣﺎ ﺗﻜﻴﺖ ﻟﺘﺎﻟﻲ ... ﻓﺘﺢ ﺍﻟﺒﺎﺏ ﻭ ﺩﺧﻞ ﻫﻮ ... ﻏﺰﺭﺗﻠﻮ ﻧﺤﻜﻲ
ﺍﻧﺎ : ﻫﺎﻙ ﻣﻄﻮﻟﺘﺶ
ﺍﺩﻡ : ﻣﺤﺒﻴﺘﺶ ﻧﺨﻠﻴﻚ ﺗﺴﺘﻨﺎ ﺑﺮﺷﺎ
ﺍﻧﺎ : ﻣﻤﻢ ﺑﺎﻫﻲ ﻫﻴﺎ ﻣﻼ
ﺍﺩﻡ : ﺑﺎﻫﻲ
ﻧﺰﻟﻨﺎ ﻣﻊ ﺑﻌﺾ ﻟﻮﻃﺔ ... ﺧﺪﻡ ﻛﺮﻫﺒﺘﻮ ﻭ ﺳﺒﻘﻨﻲ ... ﺧﺬﻳﺖ ﻧﻔﺲ ﻭ ﺧﺎﻟﻄﺖ ﻋﻠﻴﻪ ... ﺭﻛﻴﺖ ﻛﺮﻫﺒﺘﻲ ﻋﻠﻰ ﺟﻨﺐ ... ﻭ ﺟﺒﺪﺕ ﺍﻟﻮﺭﻗﺔ ... ﻏﺰﺭﺕ ﻣﻌﺎﻫﺎ ﺷﻮﻳﺔ ... ﻭ ﻛﻠﻤﺖ ﺍﺳﻤﺎﻋﻴﻞ ﻫﺰ ﻋﻠﻴﺎ ﻳﺤﻜﻲ
ﺍﺳﻤﺎﻋﻴﻞ : ﻭﺻﻠﺖ ﻟﺸﻲ
ﺍﻧﺎ : ﺑﺎﺵ ﻧﺒﻌﺜﻠﻚ ﻭﺭﻗﺔ ﺗﻮﺍ ... ﺍﺳﻤﺎﺀ ﺍﻟﻮﻛﻼﺀ ﻓﻲ ﺍﺳﺒﺎﻧﻴﺎ ... ﻧﺤﺒﻚ ﺗﺘﺄﻛﺪ ﻟﻬﻮ ﻓﻲ ﺷﻬﺮ ﻣﺎﻱ 2016 ﻛﺎﻥ ﻏﺎﺩﻱ ... ﻭ ﻛﺎﻥ ﻧﺠﻤﺖ ﺍﻟﻴﻮﻡ ... ﻧﺴﺘﻨﺎ ﻣﻴﺴﺎﺝ ﻣﻨﻚ
ﺍﺳﻤﺎﻋﻴﻞ : ﺑﺎﻫﻲ ﻃﻤﻦ
ﺍﻧﺎ : ﻋﻴﺸﻚ
ﻋﻠﻘﺖ ﻋﻠﻴﻪ ... ﺻﻮﺭﺕ ﺍﻟﻮﺭﻗﺔ ﻭ ﺑﻌﺜﺘﻬﺎﻟﻮ ... ﺧﺪﻣﺖ ﺍﻟﻜﺮﻫﺒﺔ ... ﻭ ﻃﺮﺕ ﺑﻴﻬﺎ ... ﻟﺤﻘﺖ ﻭﺭﺍﻩ ﺑﺸﻮﻳﺔ ... ﺩﺧﻠﺖ ﺑﺪﻟﺖ ﺩﺑﺸﻲ ... ﻭ ﻣﺸﻴﺖ ﻟﺼﺎﻟﺔ ... ﻟﻘﻴﺘﻮ ﺩﻳﺠﺎ ﺑﺪﺍ ﻳﺠﺮﻱ ... ﺣﻄﻴﺖ ﺗﻠﻴﻔﻮﻧﻲ ... ﻭ ﺑﺪﻳﺖ ﻧﺠﺮﻱ ﻣﻌﺎﻩ ... ﻏﺰﺭﻟﻲ ﻳﺤﻜﻲ
ﺍﺩﻡ : ﺷﺒﻴﻚ ﻃﻮﻟﺖ
ﺍﻧﺎ : ﻭﺣﻠﺖ ﻓﻲ ﺳﻴﺮﻛﻴﻼﺳﻴﻮﻥ
ﺍﺩﻡ : ﻓﻤﺎ ﻣﺸﺎﺭﻳﻊ ﺟﺪﻳﺪﺓ
ﺍﻧﺎ : ﺍﻧﺴﺤﺒﺖ ﻣﻦ ﻣﺸﺮﻭﻉ ﻣﺘﺎﻉ ﺗﻮﻓﻴﻖ
ﺍﺩﻡ : ﺗﺤﻜﻲ ﺑﺠﺪﻙ
ﺍﻧﺎ : ﻣﺶ ﻫﻮ ﻻﺧﺘﺎﺭ ﺍﻟﺜﻨﻴﺔ ﻫﺎﺫﻱ ... ﻣﻌﺎﺩﺵ ﺑﺎﺵ ﻧﺪﺧﻞ ... ﻭ ﻧﻈﻦ ﻛﺎﻥ ﻧﺠﺒﺪﻭ ﺍﺣﻨﺎ ﺯﺍﺩﺓ ﻳﻜﻮﻥ ﺍﺣﺴﻦ
ﺍﺩﻡ : ﻣﻨﻔﻜﺮﺵ ﻧﺘﻌﺎﻣﻞ ﻣﻌﺎﻩ ... ﺧﺎﺻﺔ ﺍﻟﻔﺘﺮﺓ ﻫﺎﺫﻱ
ﺍﻧﺎ : ﺍﻣﺎ ﻓﻤﺎ ﺍﺣﺘﻤﺎﻝ ﻟﻬﻮ ﺑﺎﺵ ﻳﻀﺮﺑﻨﺎ ﻓﻲ ﺳﻮﻕ
ﺍﺩﻡ : ﺍﻛﻴﺪ ﻣﺶ ﺍﺣﺘﻤﺎﻝ ... ﻣﺘﻌﺮﻓﺶ ﺑﺎﺑﺎ ﻳﺎﺧﻲ ... ﺑﺎﺵ ﻳﺤﺎﻭﻝ ﻳﻔﺸﻠﻨﺎ ... ﺑﺎﺵ ﻓﻲ ﺍﻻﺧﻴﺮ ﻧﺮﺟﻌﻮ ﻟﻴﻪ
ﺍﻧﺎ : ﻣﻌﺎﺩﺵ ﻓﻴﻬﺎ ﺭﺟﻌﺔ
ﺍﺩﻡ : ﻧﻌﺮﻑ
ﺍﻧﺎ : ﺑﺎﺵ ﻧﺴﺄﻟﻚ ﻳﺎﺧﻲ
ﺍﺩﻡ : ﺷﻨﻴﺔ
ﺍﻧﺎ : ﺷﻜﻮﻥ ﻋﺪﻧﺎﻥ ﻋﺒﺪ ﺍﻟﻤﺎﻟﻚ
ﺩﻭﺭ ﺭﺍﺳﻮ ﻓﺮﺩ ﻣﺮﺓ ... ﻏﺰﺭﻟﻲ ﻣﺴﺘﻐﺮﺏ ... ﺑﺎﻗﻲ ﻧﺸﻮﻑ ﻣﻌﺎﻩ ﻧﺴﺘﻨﻰ ﻓﻲ ﺍﻻﻳﺠﺎﺑﺔ ﻣﺘﺎﻋﻮ ... ﺗﻌﺪﺍﺕ ﺛﻮﺍﻧﻲ ﻭ ﺍﺣﻨﺎ ﻧﻐﺰﺭﻭ ﻟﺒﻌﺾ ... ﻧﻮﻗﺰ ﺗﻠﻴﻔﻮﻧﻲ ﺑﺎﻟﻮﻗﺖ ... ﺗﻠﻔﺖ ﻏﺰﺭﺗﻠﻮ ... ﻭﺻﻠﻨﻲ ﺍﻟﻤﻴﺴﺎﺝ ﻣﻦ ﻋﻨﺪ ﺍﺳﻤﺎﻋﻴﻞ ... ﻣﻴﺴﺎﺝ ﻭﺍﺣﺪ ﺑﺮﻙ ... ﺑﺎﺵ ﻳﺒﺪﻝ ﻛﻠﺸﻲ ... ﺩﻗﺎﻳﻖ ﻗﻠﻴﻠﺔ ﺗﻔﺼﻠﻨﻲ ... ﺍﻳﺠﺎﺑﺖﻭ ﻭ ﺍﻟﻤﻴﺴﺎﺝ ﺑﺎﺵ ﻳﺒﺪﻟﻮ ﺑﺮﺷﺎ ﺣﺎﺟﺎﺕ ... ﻧﺰﻟﺖ ﻳﺪﻱ ﻫﺰﻳﺖ ﺗﻠﻴﻔﻮﻧﻲ ... ﻭ ﻧﺰﻟﺖ ... ﻫﺰﻳﺖ ﺍﻟﻤﻨﺸﻔﺔ ﻭ ﺣﻠﻴﺖ ﺍﻟﻤﻴﺴﺎﺝ ... ﻋﻴﻨﻴﺎ ﻭﺳﺎﻋﻮ ﺑﺎﻟﻮﻗﺖ ... ﻏﺰﺭﺗﻠﻮ ... ﻭﺭﺟﻌﺖ ﻗﺮﻳﺖ ﺍﻟﻤﻴﺴﺎﺝ ﻣﺮﺓ ﺍﺧﺮﻯ ... ﻭ ﺍﻳﺠﺎﺑﺘﻮ ﺟﺎﺕ ﻓﺮﺩ ﻭﻗﺖ
ﺍﺩﻡ : ﻋﺪﻧﺎﻥ ﻋﺒﺪ ﺍﻟﻤﺎﻟﻚ ... ﻧﻔﺴﻮ ﺍﻟﺸﻮﻓﻮﺭ ﻣﺘﺎﻉ ﻣﺤﻤﻮﺩ ﺑﻦ ﻋﻴﺴﻰ ... ﻭ ﻧﻔﺴﻮ ﺍﻟﺸﻮﻓﻮﺭ ... ﻻﺳﺘﻞﻡ ﻣﻨﻲ ﺍﻭﺭﺍﻕ ﺍﻟﺼﻔﻘﺔ ﻟﻴﺒﻴﻨﻲ ﻭ ﺑﻴﻦ ﻣﺤﻤﻮﺩ ... ﺍﻣﺎ ﻣﻦ ﺳﺎﻋﺘﻬﺎ ﻣﻌﺎﺩﺵ ﺭﻳﺘﻮ ... ﺣﺘﻰ ﻣﺤﻤﻮﺩ ﻣﻴﻌﺮﻓﺶ ﻋﻠﻴﻪ ... ﻭ ﺑﺴﺒﺒﻮ ﻫﻮ ﻇﻄﺮﻳﺖ ﻧﻠﻐﻲ ﺻﻔﻘﺔ ﻣﺘﺎﻉ ﻣﻼﺍﻳﻴﻦ ... ﻭﻳﻦ ﻫﻮ ﻭﻋﻼﺵ ﺍﺧﺘﻔﻰ ﺑﺎﻟﺴﺮﻋﺔ ﻫﺎﺫﻱ ﻣﻨﻌﺮﻓﺶ ... ﺍﻣﺎ ﻣﺶ ﺍﺩﻡ ﻟﻲ ﻳﻠﻌﺒﻮ ﻣﻌﺎﻩ
ﺑﻘﻴﺖ ﻧﻐﺰﺭ ﻓﻴﻪ ... ﻭ ﻣﻴﺴﺎﺝ ﺍﺳﻤﺎﻋﻴﻞ ... ﻳﺘﻌﺎﻭﺩ ﻓﻲ ﺭﺍﺳﻲ "... ﺍﺩﻡ ﺑﺎﻟﺤﻖ ﻛﺎﻥ ﻓﻲ ﺍﺳﺒﺎﻧﻴﺎ ... ﻭ ﻗﻌﺪ ﺷﻬﺮ ﻏﺎﺩﻱ ... ﻭ ﺍﻻﺟﺘﻤﺎﻉ ﻛﺎﻥ ﻳﻮﻡ 18 ﻣﺎﻱ ...2016 ﻭ ﻫﺬﺍ ﻻﻛﺪﻭ ﺍﻛﺜﺮ ﻣﻦ ﺣﺪ ﻭﻗﺖ ﻛﻠﻤﺘﻮ ... ﻳﻌﻨﻲ ﺍﺩﻡ ﻣﺎ ﻋﻨﺪﻭ ﺣﺘﻰ ﻋﻼﻗﺔ ﺑﺎﻟﻤﻮﺿﻮﻉ ..." ﻧﻔﺦﺕ ﺑﺎﻟﻘﺎﻭﻱ ... ﻋﺪﻳﺖ ﺍﻟﻤﻨﺸﻔﺔ ﻋﻠﻰ ﻭﺟﻬﻲ ... ﻭﺷﻌﺮﻱ ﻧﺤﻜﻲ