ﺯﻳﺎﺩ : ﺷﻨﻮﺓ
ﺍﻧﺎ : ﺗﻲ ﺳﻴﺒﻨﻲ ﻳﺎ ﺳﺨﻄﺔ ... ﻭ ﺑﺮﺍ ﺍﻓﺘﺢ ﺍﻟﺒﺎﺏ
ﺯﻳﺎﺩ : ﺷﻮ ﺍﻟﻔﺮﺧﺔ ﻛﻲ ﺗﺤﻞ ﻓﻲ ﻓﻤﻬﺎ
ﻫﺰﻳﺖ ﻳﺪﻳﺎ ﺯﻭﺯ ... ﺩﺯﻳﺘﻮ ﺷﻮﻳﺔ ... ﻣﺮﺭﺯﻧﻮ ﺍﻟﻬﻢ ... ﺻﻮﺕ ﺩﻗﺎﻥ ﺍﻟﺒﺎﺏ ﻗﻮﺍ ... ﺣﺴﻴﺘﻮ ﺗﻘﻠﻖ ... ﺟﺒﺪﺕ ﺭﻭﺣﻲ ﻣﻨﻮ ﺑﺎﻟﺴﻴﻒ ... ﻭﻗﻔﺖ ... ﺗﻜﺎ ﻟﺘﺎﻟﻲ ... ﻳﻐﺰﺭﻟﻲ ... ﺗﻘﻠﻘﺖ ﻣﻦ ﺍﻟﺠﺮﺡ ﺑﺮﺷﺎ ... ﻳﺎﺳﺮ ﻳﺤﺮﻕ ... ﻗﺤﺮﺗﻠﻮ ﻧﺤﻜﻲ
ﺍﻧﺎ : ﺳﺎﻗﻲ ﺗﻮﺟﻊ ﻓﻴﺎ ... ﺍﻧﺖ ﺍﻟﺴﺒﺐ
ﺯﻳﺎﺩ : ﺍﻣﺴﺤﻬﺎ ﻓﻴﺎ
ﺍﻧﺎ : ﺑﺎﻟﻄﺒﻴﻌﺔ ... ﻳﺎﺧﻲ ﻣﺶ ﺑﺎﺵ ﺗﻘﻮﻡ ﺗﺤﻞ ﺍﻟﺒﺎﺏ
ﺯﻳﺎﺩ : ﺣﻠﻬﺎ ﺍﻧﺖ ﻣﺪﺍﻣﻚ ﻭﻗﻔﺖ
ﺍﻧﺎ : ﻭ ﻛﺎﻥ ﺗﻄﻠﻊ ﻣﻴﺮﺍﻝ
ﺯﻳﺎﺩ : ﺷﻴﻬﻤﻚ ﻓﻴﻬﺎ
ﺍﻧﺎ : ﺷﺘﻘﺼﺪ ... ﻣﺶ ﻋﻠﻰ ﺍﺳﺎﺱ ﺣﺪ ﻣﺎ ﻳﻌﺮﻑ ﺑﻌﻼﻗﺘﻨﺎ
ﻫﺰ ﺭﻭﺣﻮ ﻭﻗﻒ ... ﻓﻲ ﻟﺤﻈﺔ ﻛﺎﻥ ﻭﺍﻗﻒ ﻗﺪﺍﻣﻲ ... ﻋﺪﺍ ﺻﻮﺍﺑﻌﻮ ﻋﻠﻰ ﺧﺪﻱ ... ﻳﺤﻜﻲ
ﺯﻳﺎﺩ : ﺧﻠﻴﻬﻢ ﻳﻌﺮﻓﻮ ﻣﻌﺎﺩﺵ ﻳﻬﻤﻨﻲ
ﺑﻘﻴﺖ ﻧﻐﺰﺭﻟﻮ ﻣﺼﺪﻭﻣﺔ ... ﻣﺘﻮﻗﻌﺖﺵ ﻟﻠﻜﻼﻡ ﻫﺬﺍ ﺑﺎﺵ ﻳﺨﺮﺝ ﻣﻨﻮ ... ﺗﺒﺴﻢ ﺷﻄﺮ ﺗﺒﺴﻴﻤﺔ ... ﻭﻭﺧﺮ ﻟﺘﺎﻟﻲ ... ﻧﺤﺎ ﺳﻮﺭﻳﺘﻮ ﻳﺤﻜﻲ
ﺯﻳﺎﺩ : ﺷﻨﻮﺓ ... ﺑﺪﻝﺕ ﺭﺍﻳﻚ ... ﻣﺘﺤﺒﺶ ﺗﺤﻞ ﻭ ﺗﺮﺍ ﺷﻜﻮﻥ
ﺍﻧﺎ : ﺍﻩ ... ﺍﻳﻪ ﺑﺎﺵ ﻧﺤﻞ
ﺗﻠﻔﺖ ﻋﻄﺎﻧﻲ ﺑﻈﻬﺮﻭ ... ﻫﺰﻳﺖ ﺍﻟﺮﻭﺑﺔ ﺷﻮﻳﺔ ... ﻭﺧﺮﺟﺖ ﻣﻦ ﺍﻟﺒﻴﺖ ... ﻧﻤﺸﻲ ﺑﺎﻟﺴﻴﻒ ... ﻧﻘﺼﺖ ﺍﻟﻮﺟﻴﻌﺔ ... ﺍﻣﺎ ﺑﺎﻗﻲ ﺍﻟﺠﺮﺡ ﻳﺤﺮﻕ ... ﻧﻤﺸﻲ ﻭ ﻗﻠﺒﻲ ﻳﺪﻕ ﺑﺎﻟﻘﺎﻭﻱ ... ﻋﻠﻰ ﻗﻮﺓ ﺩﻗﺎﻥ ﺍﻟﺒﺎﺏ ... ﻣﻌﺮﻓﺘﺶ ﺍﺫﺍ ﻧﻔﺮﺡ ... ﻭ ﻻ ﻧﺴﺘﻐﺮﺏ ... ﻧﺤﻞ ﺍﻟﺒﺎﺏ ﻭ ﻻ ﻧﺮﺟﻊ ﻟﺘﺎﻟﻲ ... ﻓﻜﺮﺓ ﻟﻌﻼﻗﺘﻨﺎ ﺑﺎﺵ ﻳﻌﺮﻓﻬﺎ ﺍﻟﻜﻞ ... ﺧﻼﺗﻨﻲ ﻧﺤﺲ ﺑﺤﺎﺟﺔ ﻏﺮﻳﺒﺔ ... ﻓﺮﺣﺔ ﻣﺨﻠﻄﺔ ﺑﺨﻮﻑ ﻣﻦ ﺍﻟﻠﻲ ﺑﺎﺵ ﻳﺼﻴﺮ ... ﺍﻭﻝ ﻣﺎ ﻭﺻﻠﺖ ... ﺧﺬﻳﺖ ﻧﻔﺲ ﻃﻮﻳﻞ ... ﻛﺒﺴﺖ ﻋﺎﻟﺒﻮﺍﻧﻲ ... ﻭ ﺣﻠﻴﺖ ﺍﻟﺒﺎﺏ ... ﻃﻠﻌﺖ ﺭﺍﺳﻲ ﻧﻐﺰﺭﻟﻮ ... ﻭﺍﺣﺪ ﻣﻦ ﺍﻻﻣﻦ ﻣﺘﺎﻉ ﺍﻟﺒﺮﺗﻤﺎﻥ ... ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﻣﺶ ﺑﺎﻟﻌﺎﺩﺓ ﻳﻄﻠﻌﻮ ﻋﻨﺪﻭ ... ﻛﺒﺴﺖ ﻋﺎﻟﺒﻮﺍﻧﻲ ﺍﻛﺜﺮ ﻧﺤﻜﻲ
ﺍﻧﺎ : ﺗﻔﻀﻞ ﺷﻔﻤﺎ
ﻫﻮ : ﻣﺴﻴﻮ ﺯﻳﺎﺩ ﻫﻮﻧﻲ
ﺍﻧﺎ : ﺍﻳﻪ ﻋﻼﺵ
ﻫﻮ : ﺍﻟﺒﻮﺍﺕ ﻫﺎﺫﻱ ﻭﺻﻠﺖ ﺑﺎﺳﻤﻮ ... ﺧﺒﺮﻭ ﻟﻼﻣﻦ ﺗﺄﻛﺪ ﻣﻨﻬﺎ ﺍﻟﻠﻮﻃﺔ
ﻫﺰﻳﺘﻠﻮ ﺑﺮﺍﺳﻲ ﺍﻳﻪ ... ﻭ ﺷﺪﻳﺘﻬﺎ ﻋﻠﻴﻪ .. ﻭﻗﺖ ﺟﺎﺕ ﻓﻲ ﻳﺪﻱ .. ﺣﺴﻴﺖ ﺑﺎﺣﺴﺎﺱ ﺧﺎﻳﺐ ﺑﺮﺷﺎ ... ﻛﺒﺴﺖ ﻋﻼﻫﺎ ﻓﻲ ﻳﺪﻱ ... ﻗﺺ ﻋﻠﻴﻨﺎ ﺻﻮﺗﻮ ﻣﻦ ﺗﺎﻟﻲ ﻳﺤﻜﻲ
ﺯﻳﺎﺩ : ﺷﻔﻤﺎ
ﺳﻜﺮﺕ ﺍﻟﺒﺎﺏ ... ﻭ ﺗﻠﻔﺖ ﻋﻨﺪﻭ ... ﻏﺰﺭﺗﻠﻮ ﻭﺍﻗﻒ ﻣﻦ ﻏﻴﺮ ﻣﺮﻳﻮﻝ ... ﻏﺰﺭﺕ ﻟﻠﺒﻮﺍﺕ ... ﻭ ﻃﻠﻌﺖ ﺭﺍﺳﻲ ﻏﺰﺭﺗﻠﻮ ﻧﺤﻜﻲ
ﺍﻧﺎ : ﺍﻟﺒﻮﺍﺕ ﻫﺎﺫﻱ ﻟﻴﻚ
ﻋﻘﺪ ﺣﻮﺍﺟﺒﻮ ﻣﺴﺘﻐﺮﺏ ... ﻗﺮﺏ ﻣﻨﻲ ﺑﺨﻄﻮﺍﺕ ﺛﺎﺑﺘﺔ ... ﻳﻐﺰﺭ ﻟﻠﺒﻮﺍﺕ ... ﻭﻗﻒ ﻗﺪﺍﻣﻲ ... ﻏﺰﺭﻟﻲ ﻓﻲ ﻋﻴﻨﻴﺎ ... ﻭ ﻫﺰﻫﺎ ﻣﻦ ﻳﺪﻱ ... ﻳﺤﻜﻲ
ﺯﻳﺎﺩ : ﺷﻜﻮﻥ ﺟﺎﺑﻬﺎ
ﺍﻧﺎ : ﻭﺍﺣﺪ ﻣﻦ ﺍﻻﻣﻦ ﻟﻲ ﻳﺨﺪﻣﻮ ﺍﻟﻠﻮﻃﺔ
ﻋﻮﺝ ﻓﻤﻮ ﻣﺴﺘﻐﺮﺏ ... ﻛﺒﺲ ﻋﻼﻫﺎ ﻓﻲ ﻳﺪﻭ ... ﻭ ﺩﺧﻞ ﻟﺼﺎﻟﺔ ... ﺧﺎﻟﻄﺖ ﻋﻠﻴﻪ ... ﻗﻠﺒﻲ ﻣﻘﺒﻮﺽ ... ﺣﺴﻴﺖ ﺑﻮﺟﻴﻌﺔ ﺻﻐﻴﺮﺓ ﻓﻲ ﻛﺮﺷﻲ ... ﻣﻨﻌﺮﻓﺶ ﻋﻼﺵ ﻣﻄﻤﻨﺘﺶ ﺟﻤﻠﺔ ... ﺣﺘﻰ ﻫﻮ ﻣﺴﺘﻐﺮﺏ ﻣﻦ ﺍﻟﺒﻮﺍﺕ ﻟﻲ ﻭﺻﻼﺗﻮ ... ﻏﺰﺭﺗﻠﻮ ﻗﻌﺪ ﻋﺎﻟﻔﻮﺗﺎﻱ ... ﺑﻘﻴﺖ ﻭﺍﻗﻔﺔ ﻋﻨﺪ ﺍﻟﺒﺎﺏ ... ﺣﻄﻴﺖ ﻳﺪﻱ ﻋﻠﻰ ﻛﺮﺷﻲ ... ﻭﺟﻴﻌﺔ ﻧﺪﺭﺍ ﻛﻴﻒ ﺣﺎﺳﺔ ﺑﻴﻬﺎ .. ﻗﻮﺍﺕ ﻛﻴﻒ ﻏﺰﺭﺕ ﻟﻤﻼﻣﺤﻮ ﻟﻲ ﺗﺒﺪﻟﻮ ... ﻛﻴﻒ ﻛﺒﺲ ﻋﻠﻰ ﻓﻮﻻﺭ ﺍﺑﻴﺾ ... ﻓﻴﻪ ﻭﺭﺩﺍﺕ ﻓﻲ ﺭﻭﺯ ... ﻏﻤﻀﺖ ﻋﻴﻨﻴﺎ ﻭ ﺣﻠﻴﺘﻬﻢ ﻧﻬﺪﻱ ﻓﻲ ﺭﻭﺣﻲ ... ﺧﺎﻃﺮ ﺑﻌﺪ ﻣﺎ ﺭﻳﺖ ﻭﺟﻬﻮ ﻓﻬﻤﺖ ﺍﻟﻠﻲ ﻫﺬﺍ ﺍﻟﻬﺪﻭﺀ ﻗﺒﻞ ﺍﻟﻌﺎﺻﻔﺔ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
