ﺭﻣﻴﺖ ﺍﻟﻔﺎﺳﺖ ﻣﺘﺎﻋﻲ ﻋﺎﻟﻔﻮﺗﺎﻱ ﺑﻐﺰﻭﻝ ... ﻛﻤﻠﺖ ﺣﻠﻴﺖ ﻓﻠﺲ ﺍﻟﺴﻮﺭﻳﺔ ... ﻗﺮﺑﺖ ﻣﻦ ﻃﺎﻭﻟﺔ ﻣﺘﺎﻉ ﺷﺮﺏ ... ﻛﺒﻴﺖ ﻛﺎﺳﺔ ﺍﺧﺮﻯ ... ﻧﺒﺮﺩ ﺑﻴﻬﺎ ﺭﻭﺣﻲ ... ﺍﺳﺘﻨﺪﺕ ﺑﻴﺪﻱ ﻋﺎﻟﻄﺎﻭﻟﺔ ... ﻧﺤﺲ ﻓﻲ ﺭﺍﺳﻲ ﺑﺎﺵ ﻳﻄﺮﺷﻖ ... ﻫﺰﻳﺖ ﺗﻠﻴﻔﻮﻧﻲ ... ﻛﻠﻤﺘﻮ ﻣﺮﺓ ﺍﺧﺮﻯ ﺷﻲ ... ﺟﻴﺖ ﺑﺎﺵ ﻧﻄﻠﺒﻬﺎ ... ﻃﻔﺎﻟﻲ ... ﻫﺰﻳﺖ ﻳﺪﻱ ﺿﺮﺑﺘﻮ ﺑﻜﻞ ﻗﻮﺗﻲ ﻋﺎﻟﺤﻴﻂ ... ﻭ ﻛﻤﻠﺖ ﺷﺮﺑﺖ ﺍﻟﻜﺎﺳﺔ ﻓﺮﺩ ﻣﺮﺓ ... ﻭ ﻛﻤﻠﺖ ﺍﺭﻣﻴﺘﻬﺎ ﻫﻲ ﺯﺍﺩﺓ ... ﻗﺮﺑﺖ ﻣﻨﻲ ﻣﻴﺮﺍﻝ ... ﺣﻄﺖ ﻳﺪﻫﺎ ﻋﻠﻰ ﻛﺘﻔﻲ ... ﺗﺤﻜﻲ
ﻣﻴﺮﺍﻝ : ﺷﺼﺎﺭ ﻳﺎﺧﻲ ... ﺷﺒﻴﻚ ﻣﺶ ﻗﺪ ﺑﻌﻀﻚ
ﺗﻠﻔﺖ ﻋﻨﺪﻫﺎ ... ﻫﺰﻳﺘﻬﺎ ﻭﺣﻄﻴﺘﻬﺎ ... ﻳﻤﻜﻦ ﺗﻮﺍ ﻭﻳﻦ ﻏﺰﺭﺗﻠﻬﺎ ﺑﺎﻟﻘﺪﺍ ... ﻻﺑﺴﺔ ﺭﻭﺑﺔ ﻓﻲ ﺍﻻﺯﺭﻕ ﻃﻮﻳﻠﺔ ... ﻛﻴﻒ ﻟﻮﻥ ﻋﻴﻨﻴﻬﺎ ... ﺗﻐﺰﺭﻟﻲ ﻣﺘﻮﺗﺮﺓ ... ﻏﻤﻀﺖ ﻋﻴﻨﻴﺎ ... ﻣﺮﻭﻫﺞ ﻣﻦ ﻗﻮﺓ ﺍﻟﺸﺮﺏ ... ﻓﺘﺤﺘﻬﻢ ... ﺑﺎﻗﻲ ﺗﻐﺰﺭﻟﻲ ﺑﻨﻔﺲ ﺍﻟﻨﻈﺮﺓ ... ﻗﺮﺑﺖ ﻣﻨﻬﺎ ﺷﻮﻳﺔ ... ﻟﻴﻦ ﻣﻌﺎﺩﺵ ﺑﻴﻨﺎ ﻣﺴﺎﻓﺔ ... ﻫﺰﻳﺖ ﻳﺪﻱ ... ﺣﻄﻴﺘﻬﺎ ﻋﻠﻰ ﺧﺪﻫﺎ ... ﻧﻌﺪﻱ ﻓﻲ ﺻﻮﺍﺑﻌﻲ ... ﻧﺮﺟﻊ ﻓﻲ ﺷﻌﺮﻫﺎ ﻟﺘﺎﻟﻲ ... ﻧﺰﻟﺖ ﺑﻌﻴﻨﻴﺎ ﻟﺸﻔﺎﻓﻬﺎ ... ﺗﺒﺴﻤﺖ ﻋﻠﻰ ﺟﻨﺐ ... ﻭ ﺍﻧﺎ ﻧﻌﺎﻭﺩ ﻛﻼﻣﻬﺎ ﻓﻲ ﻣﺨﻲ "... ﺯﻳﺎﺩ ﺗﻌﺮﻑ ﻻﻧﺎ ﻧﺎﺛﻖ ﻓﻴﻚ ﺑﺮﺷﺎ ... ﻭ ﺭﻭﺣﻲ ﻣﺎ ﺗﺴﻮﻯ ﺷﻲ ﻗﺪﺍﻣﻚ ... ﺍﻣﺎﻧﻚ ﺭﺩ ﺑﺎﻟﻚ ﺗﻘﺮﺏ ﻣﻨﻬﺎ ... ﺑﺎﺵ ﺗﺤﺮﻗﻨﻲ ﺭﺍﻙ ..." ﻧﺰﻟﺖ ﻳﺪﻱ ﻣﻨﻬﺎ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﻧﺤﻜﻲ
ﺍﻧﺎ : ﺍﻣﺸﻲ ﻣﻦ ﻫﻮﻧﻲ ﻣﻴﺮﺍﻝ
ﻋﻄﻴﺘﻬﺎ ﺑﻈﻬﺮﻱ ... ﻫﺰﻳﺖ ﺍﻟﺪﺑﻮﺯﺓ ... ﻛﺒﻴﺖ ﻛﺎﺳﺔ ﺍﺧﺮﻯ ... ﻗﺼﺖ ﻋﻠﻴﺎ ﺗﺤﻜﻲ
ﻣﻴﺮﺍﻝ : ﻣﻴﺰﻳﺘﺶ ﻳﺎﺧﻲ ... ﻻﻣﺘﻰ ﺑﺎﺵ ﺗﺒﻘﻰ ﻫﻜﺎ ... ﻓﻴﻖ ﻋﻠﻰ ﺭﻭﺣﻚ ﺯﻳﺎﺩ ... ﻣﻴﺠﻴﺶ ﻟﺘﻌﻤﻞ ﻓﻴﻪ ... ﺑﺎﺵ ﺿﻴﻊ ﺭﻭﺣﻚ ﻋﻠﻰ ﺧﺎﻃﺮ ﻭﺣﺪﺓ ﻛﻴﻔﻬﺎ ... ﻣﻜﻠﻔﺘﺶ ﺭﻭﺣﻬﺎ ﺣﺘﻰ ﺗﻬﺰ ﻋﻠﻴﻚ ﻭ ﺟﺎﻭﺑﻚ
ﺷﺮﺑﺖ ﺍﻟﻜﺎﺳﺔ ﻓﺮﺩ ﻣﺮﺓ ... ﻭ ﺗﻠﻔﺖ ﺍﺭﻣﻴﺘﻬﺎ ﻋﻨﺪ ﺳﺎﻗﻬﺎ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﻗﺤﺮﺗﻠﻲ ﻗﺤﺮﺓ ﻣﺘﺎﻉ ﻣﻮﺕ ... ﺟﺎﺕ ﺑﺎﺵ ﺗﺤﻜﻲ ... ﻗﺼﻴﺖ ﻋﻼﻫﺎ ... ﻛﻴﻒ ﻗﺤﺮﺗﻠﻬﺎ ﻧﺤﻜﻲ
ﺍﻧﺎ : ﺍﺧﺮ ﻣﺮﺓ ... ﺗﺪﺧﻞ ﻓﻲ ﺍﻣﻮﺭﻱ ... ﻣﻜﺎﻧﺶ ﺑﺎﺵ ﻳﻜﻮﻥ ﻋﻨﺪﻱ ﺗﺼﺮﻑ ﺍﺧﺮ ﻣﻌﺎﻙ ﺑﺎﻫﻲ
ﺿﺤﻜﺖ ﺑﺎﺳﺘﻬﺰﺍﺀ ... ﻫﺰﺕ ﻳﺪﻳﻬﺎ ﺑﻐﺰﻭﻝ ... ﻭﺭﺟﻌﺖ ﻧﺰﻟﺘﻬﻢ ﺗﺤﻜﻲ
ﻣﻴﺮﺍﻝ؛ﻣﻌﺎﺩﺵ ﻧﺴﺘﻐﺮﺏ ... ﺫﻛﺮ ﻛﻴﻒ ﻛﺎﻧﺖ ﻋﻼﻗﺘﻨﺎ ﻗﺒﻞ ﻋﺎﻡ ... ﺷﻨﻮﺓ ﻟﻲ ﺗﺒﺪﻝ ... ﺗﻨﺠﻢ ﺗﻔﻬﻤﻨﻲ ... ﺭﺍﻧﻲ ﺑﺎﺵ ﻧﻬﺒﻞ ... ﺣﺎﻭﻟﺖ ﻣﻌﺎﻙ ﺍﻛﺜﺮ ﻣﻦ ﻣﺮﺓ ... ﺣﺎﻭﻟﺖ ﺑﺮﺷﺎ ﻧﺮﺟﻌﻮ ﻛﻴﻒ ﺍﻻﻭﻝ ... ﺍﻣﺎ ﻓﻲ ﻛﻞ ﻣﺮﺓ ﺗﻜﻮﻥ ﻫﻲ ﺑﻴﻨﺎﺗﻨﺎ ... ﻓﻲ ﻛﻞ ﻣﺮﺓ ﺗﺒﻌﺪﻧﻲ ﻋﻠﻴﻚ ... ﻋﻠﻰ ﺧﺎﻃﺮﻫﺎ ﻫﻲ
ﺑﻘﻴﺖ ﻧﺸﻮﻑ ﻣﻌﺎﻫﺎ ... ﺳﻜﺘﺖ ﺷﻮﻳﺔ ﻭ ﻗﺮﺑﺖ ﻣﻨﻲ ... ﻫﺰﺕ ﻳﺪﻫﺎ ﺣﻄﺘﻬﺎ ﻋﻠﻰ ﺻﺪﺭﻱ ... ﻭ ﻳﺪﻫﺎ ﻻﺧﺮﻯ ﺣﻄﺘﻬﺎ ﻋﻠﻰ ﺧﺪﻱ ... ﺗﺤﺎﻭﻝ ﺗﺨﻠﻴﻨﻲ ﻧﻐﺰﺭﻟﻬﺎ ... ﺗﺤﻜﻲ
ﻣﻴﺮﺍﻝ : ﺍﻏﺰﺭﻟﻲ ... ﺍﻧﺎ ﻣﻴﺮﺍﻝ ... ﻣﻴﺮﺍﻝ ﺣﺒﻴﺒﺘﻚ ... ﺍﻧﺎ ﻟﻲ ﺿﺤﻴﺖ ﺑﻜﻠﺸﻲ ﻋﻠﻰ ﺧﺎﻃﺮﻙ ... ﺭﻏﻢ ﺍﻧﻲ ﻛﻨﺖ ﻧﻌﺮﻑ ﻟﻤﺴﺘﺤﻴﻞ ﺗﻮﺻﻞ ﺗﺤﺒﻨﻲ ... ﺍﻣﺎ ﻣﺶ ﻟﺪﺭﺟﺔ ﻣﻌﺎﺩﺵ ﺗﻐﺰﺭ ﻟﻮﺟﻬﻲ
ﻟﻔﺖ ﻭﺟﻬﻲ ... ﻛﺒﺴﺖ ﻋﻠﻴﺎ ﺑﻴﺪﻫﺎ ... ﻭ ﻛﻤﻠﺖ ﻛﻼﻣﻬﺎ
ﻣﻴﺮﺍﻝ : ﺍﻏﺰﺭﻟﻲ ﺯﻳﺎﺩ ... ﺍﻏﺰﺭﻟﻲ ... ﺍﻧﺎ ﻛﻨﺖ ﺍﻟﻤﻔﻀﻠﺔ ﻋﻨﺪﻙ ﺩﻳﻤﺎ ... ﺍﻧﺎ ﻛﻨﺖ ﺍﻟﻌﻤﻴﻠﺔ ﺭﻗﻢ ﻭﺍﺣﺪ ... ﻭ ﻣﺰﻟﺖ ﻓﻲ ﻧﻔﺲ ﺍﻟﻤﻨﺼﺐ ... ﻓﺎﺵ ﻗﺎﻡ ﺗﺒﺪﻟﻨﻲ ﺑﻴﻬﺎ ... ﺷﻨﻴﺔ ﺍﻟﻤﻤﻴﺰ ﻓﻴﻬﺎ ... ﺷﻨﻮﺓ ﺍﻟﻠﻲ ﺻﺎﺭ ... ﻗﻮﻟﻲ ﻛﻠﻤﺔ ﻭﺣﺪﺓ ... ﺟﺎﻭﺑﻨﻲ ﺍﻣﺎﻧﻚ
ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﻳﺪﻫﺎ ... ﻛﺒﺴﺖ ﻋﻼﻫﺎ ... ﻧﺰﻟﺘﻬﺎ ﻣﻦ ﺧﺪﻱ ... ﺟﺒﺪﺕ ﺭﻭﺣﻲ ﺷﻮﻳﺔ ﻟﺘﺎﻟﻲ ... ﺭﺧﻔﺖ ﻳﺪﻱ ﻋﻼﻫﺎ ﺷﻮﻳﺔ ﺷﻮﻳﺔ ... ﻧﺤﻜﻲ
ﺍﻧﺎ : ﺣﺒﻴﺘﻬﺎ ... ﺧﺎﻃﺮﻧﻲ ﺣﺒﻴﺘﻬﺎ
ﻣﻨﻌﺮﻓﺶ ... ﻛﻴﻒ ﺧﺮﺟﺖ ﺍﻟﻜﻠﻤﺔ ﻫﺬﻳﻜﺎ ... ﻳﻤﻜﻦ ﺍﻭﻝ ﻣﺮﺓ ﻧﻌﺘﺮﻑ ﻟﺤﺪ ﺑﺎﻟﻜﻼﻡ ﻫﺬﺍ ... ﺍﻣﺎ ﻣﻠﻘﻴﺘﺶ ﺟﻮﺍﺏ ﺍﺧﺮ ... ﻏﺰﺭﺗﻠﻲ ﻧﺪﺭﺍ ﻛﻴﻒ .. ﻭﻭﺧﺮﺕ ﻟﺘﺎﻟﻲ ... ﻣﺶ ﻣﺼﺪﻭﻣﺔ ﺑﺎﻟﻠﻲ ﺳﻤﻌﺎﺗﻮ ... ﺧﺎﻃﺮﻫﺎ ﺗﻌﺮﻑ ﻻﻧﺎ ﺣﺎﺟﺘﻲ ﺑﺴﻮﺍﺭ ... ﺍﻣﺎ ﺍﻻﻋﺘﺮﺍﻑ ﻫﺬﺍ ﻣﻨﻲ ﺑﺎﻟﻈﺒﻂ ﺻﺪﻣﻬﺎ ... ﻫﺰﺕ ﻳﺪﻫﺎ ﺭﺟﻌﺖ ﺷﻌﺮﻫﺎ ﻟﺘﺎﻟﻲ ... ﻳﻤﻜﻦ ﺍﻭﻝ ﻣﺮﺓ ﻧﺮﺍ ﺍﻟﻨﻈﺮﺓ ﻫﺎﺫﻱ ﻓﻲ ﻋﻴﻨﻴﻦ ﻣﻴﺮﺍﻝ ... ﻣﻨﻜﺮﻫﺎﺵ ... ﻭ ﻋﻤﺮﻱ ﻣﺎ ﻛﺮﻫﺘﻬﺎ ... ﺍﻣﺎ ﺯﺍﺩﺓ ﻋﻤﺮﻱ ﻣﺎ ﺣﺒﻴﺘﻬﺎ ... ﺣﺎﻭﻟﺖ ﻭﻗﺖ ﻛﻨﺎ ﻣﻊ ﺑﻌﺾ ... ﺍﻣﺎ ﻣﻨﺠﻤﺘﺶ ... ﻭ ﻻ ﻣﺮﺓ ﻭﻋﺪﺗﻬﺎ ﺑﺸﻲ ... ﻭ ﻫﻲ ﺭﺿﺎﺕ ﻣﻦ ﺍﻻﻭﻝ ﺑﻌﻼﻗﺘﻨﺎ ... ﺍﺻﻼ ﻟﺘﻮﺍ ﻣﻨﻌﺮﻓﺶ ﻛﻴﻒ ﺣﺒﻴﺖ ﺳﻮﺍﺭ ... ﻭ ﻛﻴﻒ ﻭﺻﻠﺖ ﻟﻠﻤﺮﺣﻠﺔ ﻫﺎﺫﻱ ... ﻋﻤﺮﻱ ﻣﺎ ﺗﻮﻗﻌﺖ ﻧﻮﺻﻞ ﻟﻠﺤﺎﻟﺔ ﻫﺎﺫﻱ ﻓﻲ ﺟﺮﺓ ﻃﻔﻠﺔ ... ﻏﻤﻀﺖ ﻋﻴﻨﻴﻬﺎ ... ﻭ ﺣﻠﺘﻬﻢ ﺗﺤﻜﻲ
ﻣﻴﺮﺍﻝ : ﺣﺒﻴﺘﻬﺎ ... ﺑﻌﺪ ﺍﻟﻠﻲ ﺻﺎﺭ ﺍﻟﻜﻞ ... ﺣﺒﻴﺘﻬﺎ ﻫﻲ .. ﺑﺎﻫﻲ ﻭ ﺍﻧﺎ ... ﺍﻧﺎ ﻟﻲ ﻋﻄﻴﺘﻚ ﻛﻠﺸﻲ ... ﻭﻳﻦ ﺍﻧﺎ ﻓﻲ ﺍﻟﺤﻜﺎﻳﺔ ... ﺑﺎﻟﺒﺲﺍﻃﺔ ﻫﺎﺫﻱ ﺭﻣﻴﺘﻨﻲ ... ﺍﻣﺎ ﺫﻛﺮ ﻛﺎﻥ ﻫﻲ ﺩﻧﻴﺰ ... ﺍﻧﺎ ﻣﻴﺮﺍﺍﺍﻝ ... ﻭ ﺍﻧﺖ ﺗﻌﺮﻓﻨﻲ ﺑﺎﻟﻘﺪﺍ ﻛﻲ ﻧﺤﺐ ﻋﻠﻰ ﺷﻲ ... ﺷﻨﻮﺓ ﻧﺠﻢ ﻧﻌﻤﻞ
ﺍﻧﺎ : ﺗﻬﺪﺩ ﻓﻴﺎ ﻳﺎﺧﻲ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
