ﺑﻘﻴﺖ ﻭﺍﻗﻔﺔ ﻋﻨﺪ ﺍﻟﺒﺎﺏ ... ﻧﺸﻮﻑ ﻣﻌﺎﻩ ... ﺣﻀﻨﺖ ﺭﻭﺣﻲ ﺧﺎﻃﺮ ﺍﻟﺒﺮﺩ ﺑﺮﺷﺎ ... ﻭﺻﻞ ﻟﻜﺮﻫﺒﺘﻮ ... ﺭﻛﺐ ﻭ ﺷﺎﻭﺭﻟﻲ ﺑﻴﺪﻭ ﺑﺎﺵ ﻧﺪﺧﻞ ﻫﺰﻳﺘﻠﻮ ﺑﺮﺍﺳﻲ ﺑﺎﻫﻲ ... ﺑﻘﻴﺖ ﻧﺸﻴﻊ ﻓﻴﻪ ﺑﻌﻴﻨﻴﺎ ... ﻟﻴﻦ ﺑﻌﺪ ﺟﻤﻠﺔ ... ﺧﺬﻳﺖ ﻧﻔﺲ ﻭﺩﺧﻠﺖ ﻟﺪﺍﺭ ... ﺳﻜﺮﺕ ﺍﻟﺒﺎﺏ ﻭ ﺗﻜﻴﺖ ﻋﻼﻫﺎ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﺘﻌﺎﻣﻞ ﻣﻌﺎﻩ ... ﻛﻴﻒ ﺑﺎﺵ ﻧﺒﻘﻰ ﺑﻴﻦ ﺯﻭﺯ ﺧﺎﻭﺓ ... ﻭ ﺍﻟﺰﻭﺯ ﺍﺻﻌﺐ ﻣﻦ ﺑﻌﺾ ... ﻭ ﺧﻮﻓﻲ ﻣﻦ ﻫﺬﺍ ﺍﻟﻜﻞ ﻧﺨﺴﺮ ﺯﻳﺎﺩ ﺍﻛﺜﺮ ... ﺯﻳﺎﺩ ... ﺍﻭﻝ ﻣﺎ ﺟﺎ ﺍﺳﻤﻮ ﻓﻲ ﺑﺎﻟﻲ ... ﺗﻨﻬﺪﺕ ﺑﺤﺮﻗﺔ ... ﺯﻋﻤﺔ ﻳﻜﻮﻥ ﻋﻨﺪ ﺍﻛﺎ ﺍﻟﻤﺴﺒﻮﻋﺔ ... ﻻ ﺑﺎﺯ ﻓﻲ ﺩﺍﺭﻭ ﺗﻮﺍ ... ﻫﻮ ﻳﺤﺒﻨﻲ ﺍﻧﺎ ... ﻭ ﻣﺴﺘﺤﻴﻞ ﻳﺮﺟﻊ ﻳﻤﺴﻬﺎ ... ﻫﻮ ﻭﻋﺪﻧﻲ ﻟﺤﺘﻰ ﻭﺣﺪﺓ ﻣﺎ ﺗﺮﻗﺪ ﻋﺎﻟﺴﺮﻳﺮ ﻫﺬﺍﻛﺎ ﺑﻌﺪﻱ ... ﺍﻣﺎ ﻛﺎﻥ ﻳﻤﺸﻲ ﻋﻨﺪﻫﺎ ﻫﻮ ... ﺍﻓﻔﻔﻒ ﺳﻮﺍﺍﺭ ﻳﺰﻱ ﻣﻦ ﺗﻔﻜﻴﺮ ﺳﻠﺒﻲ ﻣﺘﺎﻋﻚ ... ﺩﻳﺠﺎ ﺷﻴﻬﻤﻨﻲ ﻓﻴﻪ ... ﺍﻭﻝ ﻣﺎ ﻭﺻﻠﺖ ﺭﻳﺤﺔ ﻻﻛﻞ ﻟﺨﺸﻤﻲ ﻧﺴﻴﺖ ﻋﻠﻴﻪ ﺟﻤﻠﺔ ... ﻣﺸﻴﺖ ﻧﺠﺮﻱ ﻟﻠﻄﺎﻭﻟﺔ ... ﻳﺎﺍﺍﺍ ﻗﺪﺍﺵ ﻣﻌﺒﻴﺔ ﺍﻛﻞ ... ﺣﻄﻴﺖ ﻳﺪﻳﺎ ﺯﻭﺯ ﻋﻠﻰ ﻛﺮﺷﻲ ... ﺟﻴﻌﺎﻧﺔ ﺑﺮﺷﺎ ... ﻗﺪﺍﺵ ﻋﻨﺪﻱ ﻋﻠﻰ ﺍﻛﻞ ﻫﻜﺎ ... ﺟﺒﺪﺕ ﺍﻟﻜﺮﺳﻲ ... ﻗﻌﺪﺕ .. ﻭ ﻃﻠﻌﺖ ﻳﺪﻳﻦ ﺍﻟﺮﻭﺑﺔ ... ﻭ ﻏﻄﺴﺖ ﻓﻲ ﺍﻟﻤﺎﻛﻠﺔ ... ﻧﺎﻛﻮﻝ ﻭ ﻧﺘﺒﻨﻦ ... ﻧﺴﻴﺖ ﻛﻠﺸﻲ ﺧﺎﻳﺐ ... ﺍﺗﻮ ﻧﻮﺭﻳﻪ ﻧﺴﺎ ﺷﺘﻌﻤﻞ ... ﻳﺎﺧﻲ ﻧﻮﺭﻣﺎﻝ ﻳﻌﺮﻑ ﻛﺎﻥ ﻳﻬﺪﺩ ... ﺑﺎﻫﻲ ﻣﻌﺎﺩﺵ ﺣﺎﺟﺘﻮ ﺑﻴﺎ ﻭ ﻓﻬﻤﺘﻬﺎ ... ﺍﻣﺎ ﺑﺎﺵ ﻳﻘﻮﻟﻲ ﻣﻠﻜﻴﺔ ﺧﺎﺻﺔ ﻭ ﻫﻮ ﻳﻌﻤﻞ ﻟﻲ ﻳﺤﺐ ﻋﻠﻴﻪ ... ﻭ ﻳﻤﺸﻲ ﻳﺸﻴﺦ ﻣﻌﺎﻫﺎ ﻻ ... ﻣﺶ ﺑﺎﺵ ﻧﻌﺪﻳﻬﺎﻟﻮ ... ﻛﻤﻠﺖ ﻛﻠﻴﺖ ﻟﻴﻦ ﻣﻌﺎﺩﺵ ﻧﺠﻢ ﻧﺘﻨﻔﺲ ... ﻫﺰﻳﺖ ﺭﻭﺣﻲ ... ﺑﺴﺖ ﺧﺎﻟﺘﻲ ﺭﺍﺿﻴﺔ ... ﺑﻮﺳﺔ ﻣﺮﺻﻮﺻﺔ ﻧﺤﻜﻲ
ﺍﻧﺎ : ﻳﻌﻄﻴﻚ ﺍﻟﻒ ﺻﺤﺔ ﻋﺰﻳﺰﺗﻲ ... ﺑﻨﻴﻨﺔ ﺑﺮﺷﺎ ﺍﻟﻤﺎﻛﻠﺔ
ﺭﺍﺿﻴﺔ : ﻋﻴﺶ ﺑﻨﺘﻲ ... ﻧﺤﺒﻚ ﻫﻜﺎ ﺩﻳﻤﺎ
ﺍﻧﺎ : ﻋﻴﺸﻚ ... ﻟﻴﻠﺔ ﺳﻌﻴﺪﺓ
ﺭﺍﺿﻴﺔ : ﻭ ﺍﻧﺖ ﺍﺳﻌﺪ
ﺧﻠﻴﺘﻬﺎ ... ﻭﻃﻠﻌﺖ ﻟﺒﻴﺘﻲ ... ﺳﻜﺮﺕ ﺍﻟﺒﺎﺏ ﻭ ﻏﺰﺭﺕ ﻟﻤﺮﻳﻮﻟﻮ ﺍﻟﺴﺨﻄﺔ ﻓﺎﺵ ﻗﺎﻡ ﻳﻌﻤﻠﻲ ﺍﻛﺎﻛﺎ ... ﺗﻲ ﺑﺎﺵ ﻧﺮﻗﺪ ﺍﻧﺎ ﺗﻮﺍ ... ﺣﻠﻴﺖ ﺍﻟﻘﺎﺭﺩ ﺭﻭﺏ ... ﻟﺒﺴﺖ ﺧﻠﻌﺔ ﻭ ﺷﻮﺭﺕ ... ﻭ ﺷﺪﻳﺖ ﻓﺮﺷﻲ ... ﻫﺰﻳﺖ ﺗﻠﻴﻔﻮﻧﻲ ... ﻧﺪﻭﺭ ﻓﻴﻪ ﺑﻴﺪﻱ ... ﻧﺤﺐ ﻧﺤﻜﻲ ﻣﻌﺎﻩ ﻭ ﻣﺘﺮﺩﺩﺓ ﻓﺮﺩ ﻭﻗﺖ ... ﺧﺎﻃﺮ ﻧﻌﺮﻑ ﻟﻲ ﺑﺎﺵ ﻳﺤﻘﺮﻧﻲ ﺍﻟﻬﺎﻣﻞ ... ﻭ ﻛﺎﻥ ﻳﺒﺪﺍ ﻣﻌﺎﻫﺎ ﺗﻮﺍ ... ﻭﺍﻟﻠﻪ ﻳﻌﻤﻠﻬﺎ ... ﻭ ﻣﻨﻬﻤﻮﺵ ﺣﺘﻰ ﻃﺮﻑ ... ﺣﻄﻴﺖ ﻧﻮﻣﺮﻩ ﺑﻐﺰﻭﻝ ... ﻭ ﺑﻌﺜﺘﻠﻮ ﻣﻴﺴﺎﺝ "... ﻧﻌﺮﻑ ﻻﻧﺖ ﻣﻌﺎﻫﺎ ﺗﻮﺍ ... ﻭ ﺷﺎﻳﺦ ﻋﺎﻟﻠﺨﺮ ... ﻋﻠﻰ ﻫﺬﺍﻛﺎ ﺑﺮﺍ ﻟﺪﺍﺭﻙ ﺗﻮﺍ ... ﺍﺣﺴﻨﻠﻚ ..." ﺑﻌﺜﺘﻮ ﻭ ﻧﺰﻟﺖ ﺗﻠﻴﻔﻮﻥ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﻌﻤﻠﻬﺎ ... ﻭ ﻧﺤﻜﻲ ﻣﻌﺎﻩ ﺍﻛﺎﻛﺎ ... ﻟﺤﻘﻨﻲ ﻣﻴﺴﺎﺝ ﺑﺎﻟﻮﻗﺖ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﺣﻠﻴﺘﻮ ﺑﺎﻟﺴﻴﻒ ﻧﻘﺮﺍ ﻓﻴﻪ ".. ﻓﻚ ﻋﻠﻴﺎ ... ﻭ ﻧﻘﺺ ﻣﻦ ﻫﺒﺎﻟﻚ ..." ﻛﺒﺴﺖ ﻋﺎﻟﺘﻠﻴﻔﻮﻥ ﻓﻲ ﻳﺪﻱ ... ﺗﻲ ﺑﺎﺯ ﻣﻌﺎﻫﺎ ... ﻋﻠﻰ ﻫﺬﺍﻛﺎ ﻗﺎﻟﻲ ﻫﻜﺎ ... ﺭﺟﻌﺘﻠﻮ ﺑﻤﻴﺴﺎﺝ "... ﻛﺎﻥ ﻣﺘﺨﻠﻴﻬﺎﺵ ﺗﻤﺸﻲ ... ﺍﻻ ﻣﺎ ﻧﺠﻲ ﻋﻨﺪﻙ ... ﺗﻮﺍ ﻭ ﺗﻌﺮﻓﻨﻲ ﻧﻌﻤﻠﻬﺎ ..." ﺣﻄﻴﺖ ﺗﻠﻴﻔﻮﻥ ﻭ ﺗﻜﺴﻠﺖ ﻟﺘﺎﻟﻲ ﻧﻐﺰﻝ ... ﺍﻧﺎ ﺍﻛﺎﻛﺎ ﻭ ﻧﻮﻗﺰ ﺗﻠﻴﻔﻮﻧﻲ ... ﻧﻄﺮﺕ ﻣﻦ ﺑﻼﺻﺘﻲ ﺟﻴﺖ ﻗﺎﻋﺪﺓ ... ﻛﻠﻤﻨﻲ ... ﻭﺍﻟﻠﻪ ﻛﻠﻤﻨﻲ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ ...
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
