ﺍﻧﺎ : ﻇﺎﻫﺮ ﻣﻴﺴﺎﺝ ﻣﻬﻢ
ﺍﺩﻡ : ﺑﺮﺷﺎ
ﺍﻧﺎ : ﻣﻤﻤﻢ ﺑﺎﻫﻲ
ﺍﺩﻡ : ﺗﺸﺮﺏ ﺣﺎﺟﺔ
ﺍﻧﺎ : ﻧﺤﺐ ﻋﻠﻰ ﻋﺼﻴﺮ
ﺍﺩﻡ : ﻣﺘﺄﻛﺪﺓ
ﺍﻧﺎ : ﺍﻟﺴﻬﺮﺓ ﻣﺰﺍﻟﺖ ﻓﻲ ﺍﻭﻟﻬﺎ
ﺍﺩﻡ : ﺑﺎﻫﻲ
ﻗﺮﺏ ﻣﻨﺎ ﺳﺮﻓﻮﺭ ... ﺑﻌﺪ ﻣﺎ ﺷﺎﻭﺭﻟﻮ ﺑﻴﺪﻭ ... ﻫﺰ ﻣﻦ ﻋﻨﺪﻭ ﻛﺎﺱ ﻟﻴﻪ ... ﻭ ﻋﺼﻴﺮ ﻟﻴﺎ ... ﻳﺸﺮﺏ ﻭ ﻳﻐﺰﺭ ﻟﻠﻌﺒﺎﺩ ... ﻧﺴﻤﻊ ﻓﻴﻪ ﻳﺤﻜﻲ
ﺍﺩﻡ : ﻭﻳﻦ ﺑﻮﻙ ﻭ ﺍﻣﻚ
ﺍﻧﺎ : ﺍﻣﺮﻳﻜﺎ
ﺍﺩﻡ : ﻭ ﺍﻧﺖ ﻋﻼﺵ ﺟﻴﺖ ﻟﻬﻮﻧﻲ
ﺍﻧﺎ : ﻧﺤﺐ ﻧﻜﻮﻥ ﺣﺮﺓ
ﺍﺩﻡ : ﻭ ﺗﻮﺍ ﺗﺤﺲ ﻓﻲ ﺭﻭﺣﻚ ﻫﻜﺎ
ﺍﻧﺎ : ﻣﻨﻌﺮﻓﺶ ... ﻳﻢﻛﻦ ﺍﻳﻪ ﻭ ﻳﻤﻜﻦ ﻻ
ﺍﺩﻡ : ﺷﺘﻘﺼﺪ
ﺍﻧﺎ : ﻓﻲ ﺑﺎﻟﻲ ﻫﻮﻧﻲ ﺑﺎﺵ ﻧﺮﺗﺎﺡ ﺍﻛﺜﺮ ... ﺍﻣﺎ ﺣﺘﻰ ﻫﻮﻧﻲ ﻧﻔﺲ ﺍﻟﺸﻲ
ﺍﺩﻡ : ﻧﻈﻦ ﺍﻣﺮﻳﻜﺎ ﺑﺎﺵ ﺗﻜﻮﻥ ﺣﺮﺓ ﺍﻛﺜﺮ
ﺍﻧﺎ : ﻣﺘﻔﺮﻗﺶ ﺑﺮﺷﺎ ... ﺧﺎﻃﺮ ﺍﻟﻜﻞ ﻳﺨﻤﻮ ﻛﻴﻒ ﺑﻌﺾ
ﺍﺩﻡ : ﻳﻌﻨﻲ
ﺍﻧﺎ : ﻳﻌﻨﻲ ﻫﻮﻧﻲ ﻭ ﻻ ﻏﺎﺩﻱ ... ﺍﻟﻜﻞ ﻳﺨﻤﻮ ﻓﻲ ﺍﻟﻄﻔﻠﺔ ﺑﻨﻔﺲ ﺍﻟﺘﻔﻜﻴﺮ
ﺍﺩﻡ : ﺍﻣﺎ ﻏﺎﺩﻱ ﻓﻤﺎ ﺑﻮﻙ ﻭ ﺍﻣﻚ
ﺍﻧﺎ : ﻭ ﻣﻮﺟﻮﺩﻳﻦ ﻫﻮﻧﻲ ﺯﺍﺩﺓ
ﺍﺩﻡ : ﻛﻴﻒ
ﺍﻧﺎ : ﻋﻨﺪﻱ ﻛﻠﺸﻲ ... ﺍﻟﻔﻠﻮﺱ ﻭ ﺍﻟﻨﻔﻮﺫ ... ﺍﻧﻲ ﻧﻜﻮﻥ ﺑﻨﺖ ﺭﺟﻞ ﺍﻋﻤﺎﻝ ﻛﺒﻴﺮ ... ﻭ ﺯﺍﺩﺓ ﺷﻄﺮ ﺍﻋﻤﺎﻟﻮ ﻏﻴﺮ ﻗﺎﻧﻮﻧﻴﺔ ... ﻳﺨﻠﻨﻲ ﻧﻌﻴﺶ ﺑﺎﻟﻨﻔﺲ ﺍﻟﻤﺴﺘﻮﻯ
ﻏﺰﺭﻟﻲ ﻣﺴﺘﻐﺮﺏ ... ﻫﺰﻳﺖ ﺍﻟﻜﺎﺱ ﻣﺘﺎﻋﻲ ﺷﺮﺑﺖ ﻣﻨﻮ ... ﻭ ﻛﻤﻠﺖ ﻧﺤﻜﻲ
ﺍﻧﺎ : ﻣﺶ ﺑﺎﺵ ﺗﺘﺨﺒﻰ ﻋﻠﻴﺎ ﺍﻣﻮﺭ ﻛﻴﻤﺎ ﻫﺎﺫﻱ ... ﻧﻌﺮﻑ ﺷﻨﻴﺔ ﻟﻲ ﻗﺎﻋﺪ ﻳﺪﻭﺭ ﺑﻴﺎ ... ﻭ ﺍﻧﺎ ﻋﺎﻳﺸﺔ ﻫﻮﻧﻲ ﻣﺶ ﻋﻠﻰ ﺍﺳﺎﺱ ﺑﻨﺖ ﺭﺟﻞ ﺍﻻﻋﻤﺎﻝ ﺍﻟﻜﺒﻴﺮ ﻣﺼﻄﻔﻰ ... ﻻ ﻋﺎﻳﺸﺔ ﻫﻮﻧﻲ ﻋﻠﻰ ﺍﺳﺎﺱ ﺑﻨﺖ ﻭﺍﺣﺪ ﻣﻦ ﺍﻟﻤﺎﻓﻴﺎ ﻟﻲ ﺗﺎﺑﻌﺔ ﻟﻴﻜﻢ
ﺣﻄﻴﺖ ﺍﻟﻜﺎﺱ ﻣﺘﺎﻋﻲ ... ﻭ ﻗﺮﺑﺖ ﻣﻨﻮ ... ﺣﻄﻴﺖ ﻳﺪﻱ ﻋﻠﻰ ﻳﺪﻭ ... ﻛﺒﺴﺖ ﻋﻼﻫﺎ ﻧﺤﻜﻲ
ﺍﻧﺎ : ﺗﺸﺮﻓﻨﻲ ﺑﺎﻟﺮﻗﺼﺔ ﻫﺎﺫﻱ ﻣﺴﻴﻮ ﺍﺩﻡ
ﺑﺎﻗﻲ ﻳﻐﺰﺭﻟﻲ ﻣﺴﺘﻐﺮﺏ ... ﻧﻌﺮﻑ ﻟﻜﻼﻣﻲ ﻣﻜﺎﻧﺶ ﻳﺴﺘﻨﺎ ﻓﻴﻪ ﺟﻤﻠﺔ ... ﺍﻣﺎ ﻫﺬﺍﻛﺎﻭﻟﻲ ﻻﺯﻡ ﻳﺼﻴﺮ ﺗﻮﺍ ... ﺣﺘﻰ ﺍﻟﻜﻼﻡ ﻫﺬﺍ ﺯﻳﺎﺩ ﻳﻌﺮﻓﻮ ﺑﺎﻟﻘﺪﺍ ... ﻏﺰﺭﺗﻠﻮ ﻓﻲ ﻋﻴﻨﻴﻪ ... ﻧﺴﺘﻨﻰ ﻓﻲ ﺍﻳﺠﺎﺑﺘﻮ ... ﻋﻤﻠﺘﻞﻭ ﻗﺮﻳﻤﺎﺱ ... ﻛﺎﻧﻲ ﻧﺴﺄﻝ ﻓﻴﻪ ... ﻫﺰﻟﻲ ﺑﺮﺍﺳﻲ ﺑﺎﻫﻲ ... ﻛﺒﺲ ﻋﻠﻰ ﻳﺪﻱ ... ﻭ ﻗﺮﺏ ﻣﻌﺎﻳﺎ ﻟﻨﺺ ﺍﻟﺼﺎﻟﺔ ... ﻭﻗﻔﺖ ﻣﻘﺎﺑﻼﺗﻮ ... ﻗﺮﺏ ﻣﻨﻲ ﺧﻄﻮﺓ ... ﺣﻂ ﻳﺪﻭ ﻋﻠﻰ ﻇﻬﺮﻱ ﻟﻲ ﻋﺮﻳﺎﻥ ... ﺑﺪﻧﻲ ﺗﻜﻬﺮﺏ ... ﻭ ﻗﻠﺒﻲ ﻏﻢ ﻋﻠﻴﺎ ... ﺷﺪﻧﻲ ﻣﻦ ﻳﺪﻱ ... ﺟﺒﺪﻧﻲ ﻋﻨﺪﻭ ... ﺿﺮﺑﺖ ﻓﻲ ﺻﺪﺭﻭ ... ﻏﺰﺭﻟﻲ ﻧﺪﺭﺍ ﻛﻴﻒ ... ﺑﺪﻳﺖ ﻧﺘﺤﺮﻙ ﻣﻌﺎﻩ ... ﻧﺤﺎﻭﻝ ﻗﺪ ﻣﺎ ﻧﺠﻢ ﻣﻨﺨﻠﻴﻬﺶ ﻳﺤﺲ ﺑﺎﻟﺴﻼﺡ ... ﻟﻲ ﻓﻲ ﺳﺎﻗﻲ ... ﺑﻌﺪﻧﻲ ﻋﻠﻴﻪ ﺷﻮﻳﺔ ... ﺍﻭﻝ ﻣﺎ ﺩﻭﺭﻧﻲ ... ﺿﺮﺏ ﻛﻼﻡ ﺯﻳﺎﺩ ﻓﻲ ﺭﺍﺳﻲ "... ﺭﺩ ﺑﺎﻟﻚ ﺗﺨﻠﻴﻪ ﻳﻤﺴﻚ ﻭ ﻻ ﻳﻘﺮﺏ ﻣﻨﻚ .." ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻣﻨﺤﺒﺶ ﻧﻜﺴﺮ ﻛﻠﻤﺘﻮ ... ﺍﻣﺎ ﺗﻠﺰﻳﺖ ... ﻣﻌﻨﺪﻳﺶ ﺣﻞ ﺍﺧﺮ ... ﺣﻜﺎﻳﺘﻲ ﻣﻊ ﺍﺩﻡ ... ﻣﺶ ﻟﻌﺒﺔ ﻧﻌﺎﻭﻥ ﻓﻴﻪ ﺑﺮﻙ ... ﻣﻮﺿﻮﻉ ﺍﺩﻡ ﻳﺨﺼﻨﻲ ﺍﻧﺎ ﺑﺎﻟﺪﺭﺟﺔ ﺍﻻﻭﻟﻰ ... ﻭ ﻣﺴﺘﺤﻴﻞ ﻧﻬﺪﺍ ﻗﺒﻞ ﻣﺎ ﻧﺎﺧﻮ ﺣﻘﻲ ﻣﻨﻮ ... ﻓﻴﻘﻨﻲ ﻣﻦ ﺳﺮﺣﺘﻲ ... ﻛﻴﻒ ﺣﻂ ﻳﺪﻭ ... ﻋﻠﻰ ﺟﻨﺒﻲ ... ﺩﻭﺭﻧﻲ ﻋﻨﺪﻭ ... ﺧﺬﻳﺖ ﻧﻔﺲ ... ﺣﻄﻴﺖ ﻳﺪﻱ ﻋﻠﻰ ﺻﺪﺭﻭ ... ﻟﺰﻧﻲ ﻟﻴﻪ ﺍﻛﺜﺮ ... ﺑﻘﻴﺖ ﻧﻐﺰﺭﻟﻮ ... ﻗﺺ ﻋﻠﻴﺎ ﺑﺴﺆﺍﻟﻮ ... ﻣﺘﻮﻗﻌﺖﻭﺵ ﻣﻨﻮ ﺟﻤﻠﺔ
ﺍﺩﻡ : ﺷﻨﻴﺔ ﻋﻼﻗﺘﻚ ﺑﺰﻳﺎﺩ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
