🔥🔞"في أحضان عزرائيل"🔞🔥(الجزء الثالث)

الحلقة 431

ﺍﻧﺎ : ﻓﻲ ﺷﻨﻴﺔ
ﺣﻨﺎﻥ : ﻓﻲ ﻛﻠﺸﻲ ... ﺍﻧﺖ ﺣﺒﻠﺘﻨﻲ ... ﻭ ﺗﻮﺍ ﻧﺤﺐ ﻋﻠﻴﻚ ﺍﻧﺎ ﻭ ﺍﻧﺖ ﻣﺘﺤﺒﺶ
ﺑﻘﻴﺖ ﻧﻐﺰﺭﻟﻬﺎ ... ﻣﺒﻬﻢ ﻓﻲ ﺗﺼﺮﻓﺎﺗﻬﺎ ... ﻛﺎﻧﺖ ﻛﻞ ﻳﻮﻡ ﺗﺨﺮﺟﻠﻲ ﺑﺸﻲ ﺟﺪﻳﺪ ... ﺍﻣﺎ ﺍﻟﻤﺮﺓ ﻫﺎﺫﻱ ﺍﻟﺤﺒﺎﻟﺔ ﺗﻌﺒﺘﻬﺎ ... ﻧﺰﻟﺖ ﻋﻴﻨﻴﺎ ﻏﺰﺭﺕ ﻟﻜﺮﺷﻬﺎ ﻟﻲ ﺩﺍﺯﺓ ﻟﻠﻘﺪﺍﻡ ... ﻋﻨﺪﻫﺎ ﺍﺭﺑﻊ ﺷﻬﻮﺭﺓ ... ﺗﺒﺴﻤﺖ ﻭﺣﺪﻱ ... ﻧﺸﻴﺦ ﻋﻼﻫﺎ ﻣﺤﻼﻫﺎ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﺑﺎﻟﺴﻴﺎﺳﺔ ... ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻛﻴﻤﺎ ﻛﻞ ﻣﺮﺓ ... ﻧﻤﺴﻬﺎ ... ﻭ ﺍﻻﻛﺜﺮ ﻫﺎﺑﻞ ﻋﻼﻫﺎ ﻫﻲ ... ﻓﻲ ﻟﺤﻈﺔ ﺟﺒﺪﺕ ﺭﻭﺣﻬﺎ ﻣﻨﻲ ... ﺗﺤﻜﻲ
ﺣﻨﺎﻥ : ﻗﺘﻠﻚ ﻣﻌﺎﺩﺵ ﺗﺤﺒﻨﻲ ﻭ ﺧﺎﻳﻒ ﻋﻠﻰ ﺑﻨﺘﻚ
ﺟﺎﺕ ﺑﺎﺵ ﺗﻨﺰﻝ ... ﻣﻦ ﺍﻟﺴﺮﻳﺮ ... ﻫﺰﻳﺖ ﻳﺪﻳﺎ ﺍﻟﺰﻭﺯ ﺣﻄﻴﺘﻬﻢ ﻋﻠﻰ ﺟﻨﺎﺑﻬﺎ ﻭﺭﺟﻌﺘﻬﺎ ﻋﻨﺪﻱ ... ﺗﻜﻴﺘﻬﺎ ﻟﺘﺎﻟﻲ ... ﻭ ﺣﺎﻭﻃﺘﻬﺎ ﺑﻴﺪﻳﺎ ﺍﻟﺰﻭﺯ ... ﻏﺰﺭﺗﻠﻬﺎ ﻓﻲ ﻋﻴﻨﻴﻬﺎ ﻧﺤﻜﻲ
ﺍﻧﺎ : ﻫﺎﻙ ﺟﺒﺘﻬﺎ ﻟﺮﻭﺣﻚ ... ﻭﺍﻟﻠﻪ ﺍﻧﺖ ﻭ ﺑﻨﺘﻲ ﻭ ﺍﻟﻄﺒﻴﺐ ﺑﺎﺵ ﺗﺴﺎﻣﺤﻮﻧﻲ ﺍﻟﻤﺮﺓ ﻫﺎﺫﻱ ... ﺑﺎﺵ ﻧﺎﺧﻮ ﺣﻖ ﺍﺳﺒﻮﻋﻴﻦ ﺍﻟﻠﻲ ﺭﺯﺍﻧﻲ ﻓﻴﻬﻢ
ﺣﻨﺎﻥ : ﻫﻬﻬﻬﻬﻬﻬﻬﻬﻪﻩ ﻣﻴﺴﺎﻟﺶ ... ﺍﻧﺖ ﺑﺎﺵ ﺗﻜﻮﻥ ﻟﻴﺎ ﺗﻮﺍ
ﺍﻧﺎ : ﻫﻬﻬﻬﻬﻬﻬﻬﻬﻪ ﺯﺍﻳﺪ ﻓﺮﺧﺔ ﻭ ﻣﺶ ﺳﻬﻠﺔ
ﺣﻨﺎﻥ : ﻫﻬﻬﻬﻬﻬﻬﻪ ﻣﺎ ﺷﻔﺖ ﺷﻲ ﺭﺍﻙ ... ﺍﻧﺎ ﻭﻗﺖ ﻧﺤﺐ ﻧﻬﺒﻞ ﺍﻧﺎ : ﺻﺎﺍﺍﺭ ﻫﻬﻬﻬﻬﻬﻪ
ﺿﺤﻜﺖ ... ﺿﺤﻜﺔ ﻋﺎﻟﻴﺔ ... ﻭ ﺟﺒﺪﺗﻨﻲ ﻟﻴﻬﺎ ... ﻭ ﻫﺬﻭﻛﺎ ﻛﺎﻧﻮ ﺍﺧﺮ ﺿﺤﻜﺎﺕ ﻓﻲ ﺍﻟﺒﻴﺖ ﻫﺬﻳﻜﺎ ... ﻭ ﻛﺎﻧﻮ ﺍﺧﺮ ﺿﺤﻜﺎﺕ ﺣﻨﺎﻥ ... ﻭ ﺍﺧﺮ ﺫﻛﺮﻯ ﻣﺰﻳﺎﻧﺔ ﻋﺸﺘﻬﺎ ... ﺣﻠﻴﺖ ﻋﻴﻨﻴﺎ ... ﺍﻟﻠﻲ ﺣﺴﻴﺘﻬﻢ ﻳﺤﺮﻗﻮ ﻣﻦ ﺍﻟﺪﻣﻮﻉ "... ﻋﻼﺍﺍﺍﺍﺍﺍﺍﺵ .." ﺻﺤﺖ ﻓﺮﺩ ﺻﻴﺤﺔ ... ﻟﻴﻦ ﺣﺴﻴﺖ ﺩﺍﺭ ﺭﻋﺪﺕ ... ﻋﻼﺵ ﻭ ﻋﻼﺵ ... ﻛﻞ ﻳﻮﻡ ﻭ ﻛﻞ ﻟﻴﻠﺔ ... ﻧﺴﺄﻝ ﻧﻔﺲ ﺍﻟﺴﺆﺍﻝ ... ﻋﻼﺍﺍﺵ ﻋﻤﻠﻮ ﻫﻜﺎ ... ﻛﺎﻥ ﻛﻠﺸﻲ ﺑﺎﺵ ﻳﻜﻮﻥ ﺑﺎﻫﻲ ... ﻋﻼﺵ ﺍﺧﺘﺎﺭﻭﻫﺎ ﻫﻲ ﺑﻴﻦ ﺍﻟﻜﻞ ... ﻭ ﻋﻼﺵ ﺍﻧﺎ ﺍﻟﻠﻲ ﻗﺎﻋﺪ ﻧﻐﻠﻂ ... ﻫﻮﻣﺎ ﻏﻠﻄﻮ ﻣﻦ ﺳﻨﻴﻦ ... ﻭ ﺩﻣﺮﻭﻧﻲ ... ﻭ ﺍﻧﺎ ﺑﺎﺵ ﻧﺎﺧﻮ ﺣﻖ ﻣﺮﺗﻲ ﻣﺴﺘﻌﺪ ﻧﺪﻣﺮﻫﻢ ﺑﺎﻟﻮﺍﺣﺪ ... ﻛﺒﻴﺮ ﻭ ﺻﻐﻴﺮ ... ﻋﻤﺮﻱ ﻣﺎ ﻧﺪﻣﺖ ﺣﺘﻰ ﺷﻲ ﻋﻠﻰ ﻟﻲ ﺻﺎﺭ ﻣﻦ ﻗﺒﻞ ... ﻭ ﻻ ﺑﺎﺵ ﻧﺪﻡ ﻋﻠﻰ ﺍﻟﻠﻲ ﺑﺎﺵ ﻳﺼﻴﺮ ﻣﺒﻌﺪ ... ﺑﺎﻟﻌﻜﺲ ... ﻛﻞ ﺣﺪ ﻋﻨﺪﻭ ﻋﻼﻗﺔ ... ﻗﺮﻳﺒﺔ ﻭ ﻻ ﺑﻌﻴﺪﺓ ﺑﺎﺵ ﻳﺨﻠﺺ ... ﺩﻡ ﺣﻨﺎﻥ ﻏﺎﻟﻲ ... ﻭ ﺍﻟﺪﻡ ﻟﻲ ﻧﺰﻝ ﻟﺘﻮﺍ ... ﻣﻴﺠﻴﺶ ﻓﻲ ﺩﻣﻌﺔ ﻣﻦ ﺩﻣﻮﻋﻬﺎ ... ﺍﻟﻠﻌﺒﺔ ﺑﺪﺍﺕ ... ﻭ ﻣﺶ ﺑﺎﺵ ﺗﻮﻓﺎ .. ﻟﺒﻦ ﻧﺎﺧﻮ ﺣﻘﻲ ﺍﻟﻜﻞ ... ﻭ ﻣﻦ ﻛﻞ ﺣﺪ ﻛﻠﻦ ﺳﺒﺐ ﻓﻲ ﺍﻟﻠﻲ ﺻﺎﺭ ... ﺑﺎﺵ ﻧﺤﺮﻗﻬﻢ ﺑﺎﻟﻮﺍﺣﺪ ... ﺑﺎﻟﻮﺍﺣﺪ ... ﻭﻗﺘﻬﺎ ﺑﺮﻙ ... ﺗﻄﻔﺎ ﺍﻟﻨﺎﺭ ﺍﻟﻠﻲ ﺷﺎﻋﻠﺔ ﻓﻲ ﻗﻠﺒﻲ
ﺳﻮﺍﺭ ﺗﺤﻜﻲ :
ﻧﻬﺎﺭ ﺟﺪﻳﺪ ... ﻓﻘﺖ ﺍﻟﺼﺒﺎﺡ ... ﻧﺤﻞ ﻓﻲ ﻋﻴﻨﻴﺎ ﺑﺎﻟﺴﻴﻒ ... ﻏﺰﺭﺕ ﻟﺴﺎﻋﺔ ﻟﻘﻴﺘﻬﺎ ...9 ﻫﺰﻳﺖ ﺭﻭﺣﻲ ... ﺩﺧﻠﺖ ﻟﺒﻴﺖ ﺍﻟﺒﺎﻧﻮ .. ﻋﻤﻠﺖ ﺩﻭﺵ ﻭ ﺷﻴﺤﺖ ﺷﻌﺮﻱ ... ﻟﺒﺴﺖ ﺳﺮﻭﺍﻝ ﺟﻴﻦ ﻭ ﺧﻠﻌﺔ ... ﻫﺰﻳﺖ ﺍﻟﻔﺎﺳﺖ ﻣﺘﺎﻋﻲ ... ﻭ ﻣﻔﺎﺗﺢ ﺍﻟﻜﺮﻫﺒﺔ ... ﻭ ﻧﺰﻟﺖ ﺍﻟﻠﻮﻃﺔ ... ﻋﺎﺭﺿﺘﻦﻱ ﺧﺎﻟﺘﻲ ﺭﺍﺿﻴﺔ ﻣﺴﺘﻐﺮﺑﺔ ... ﺗﺤﻜﻲ
ﺭﺍﺿﻴﺔ : ﺩﻧﻴﺰ ﻭﻳﻦ ﻋﻠﻰ ﺧﻴﺮ ﺑﻨﺘﻲ
ﺣﺴﻴﺘﻬﺎ ﻣﺘﻘﻠﻘﺔ ... ﺧﺎﻃﺮ ﺗﻌﺪﺍ ﺷﻬﺮ ﻣﺨﺮﺟﺘﺶ ﻣﻦ ﺩﺍﺭ ... ﺑﻌﺪ ﺍﻟﺤﺎﺩﺛﺔ ﻧﻔﺴﻴﺘﻲ ﺗﻌﺒﺖ ﺑﺮﺷﺎ ... ﺍﻣﺎ ﺑﻌﺪ ﻣﺎ ﻛﻠﻤﻨﻲ ﺯﻳﺎﺩ ﺍﻟﺒﺎﺭﺡ ... ﺻﺤﻴﺢ ﻣﺎ ﻗﺎﻝ ﺷﻲ ... ﺍﻣﺎ ﻛﻼﻣﻮ ﻭ ﻫﻮ ﻳﻠﻮﻡ ﻓﻴﺎ ... ﺑﺤﺔ ﺻﻮﺗﻮ ... ﻭﺻﻠﺘﻠﻲ ﻟﻲ ﻗﺎﻋﺪ ﻳﺤﺲ ﻓﻴﻪ ﺳﺎﻋﺘﻬﺎ ... ﻣﻨﻌﺮﻓﺶ ﺷﻨﻮﺓ ﺍﻟﻠﻲ ﺻﺎﺭ ﺑﺎﺵ ﻛﻠﻤﻨﻲ ... ﻭ ﻻ ﺷﻨﻮﺓ ﻟﻲ ﻋﺮﻓﻮ ﺑﺎﻟﻈﺒﻂ ... ﺍﻣﺎ ﻳﻜﻔﻲ ﻫﻮ ﻟﺒﺎﺵ ﻳﺎﻗﻒ ﻣﻌﺎﻳﺎ ﻭ ﻣﺴﺘﺤﻴﻞ ﻳﺨﻠﻴﻨﻲ ... ﻛﻼﻣﻮ ﻋﻄﺎﻧﻲ ﻗﻮﺓ ﻏﺮﻳﺒﺔ ... ﺍﻧﻲ ﻧﺒﺪﺍ ﻧﻬﺎﺭ ﺟﺪﻳﺪ ... ﺗﺒﺴﻤﺘﻠﻬﺎ ... ﻭ ﻫﺰﻳﺖ ﻳﺪﻱ ﺣﻄﻴﺘﻬﺎ ﻋﻠﻰ ﺧﺪﻫﺎ ﻧﺤﻜﻲ
ﺍﻧﺎ : ﺑﺎﺵ ﻧﺒﺪﻝ ﺟﻮ ﻭﻧﺮﺟﻊ ... ﻣﺘﺘﻘﻠﻘﺶ ﻋﻴﺶ ﺧﺎﻟﺘﻲ ... ﺳﺎﻋﺔ ﻣﻦ ﺍﻟﺰﻣﺎﻥ ﻛﻬﻮ ﻭ ﻧﻮﻟﻲ
ﺭﺍﺿﻴﺔ : ﺑﺎﻫﻲ ﺭﺩ ﺑﺎﻟﻚ ﻋﻠﻰ ﺭﻭﺣﻚ ﻋﻴﺶ ﺑﻨﺘﻲ
ﺍﻧﺎ : ﺑﺎﻫﻲ