🔥🔞"في أحضان عزرائيل"🔞🔥(الجزء الثالث)

الحلقة 558

ﺍﻭﻝ ﻣﺮﺓ ﻧﺤﺲ ﺭﻭﺣﻲ ﻋﺎﺟﺰ ﻟﻬﺪﺭﺟﺔ ... ﺍﻟﻤﺎﺿﻲ ... ﺍﻣﻲ ﻭ ﺍﺩﻡ ... ﻓﻲ ﺷﻴﺮﺓ ... ﻭ ﺳﻮﺍﺭ ﻓﻲ ﺷﻴﺮﺓ ... ﻭ ﺯﻭﺍﺟﻲ ﺑﻤﻴﺮﺍﻝ ﻋﻘﺪﻫﺎ ﺍﻛﺜﺮ ﻣﺎﻫﻲ ﻣﻌﻘﺪﺓ ... ﺭﻣﻴﺖ ﻳﺪﻱ ﻫﺰﻳﺖ ﺍﻟﻤﻨﺸﻔﺔ ... ﻭ ﺧﺮﺟﺖ ﻟﻠﺒﻴﺖ ... ﺣﻠﻴﺖ ﺍﻟﻘﺎﺭﺩ ﺭﻭﺏ ... ﻧﻠﺒﺲ ﻓﻲ ﺩﺑﺸﻲ ﻭ ﻣﺨﻲ ﻳﺨﺪﻡ ... ﻋﺮﺳﻲ ﺑﻤﻴﺮﺍﻝ ... ﻭ ﺳﻮﺍﺭ ﻣﻊ ﺟﻴﻨﻴﺮﺍﻝ ﻓﻲ ﻧﻔﺲ ﺍﻟﻔﺘﺮﺓ ... ﻣﻴﺮﺍﻝ ... ﺣﻜﺎﻳﺔ ﺍﻟﺴﻔﺮ ... ﺳﺮ ﺍﻣﻲ ... ﻭ ﺧﺪﻣﺔ ﺍﺩﻡ ... ﻛﻠﻬﻢ ﻣﺮﺑﻮﻃﻴﻦ ﺑﺒﻌﺾ ... ﻭ ﺍﻟﻤﻔﺘﺎﺡ ﻓﻲ ﻳﺪﻭ ﻫﻮ ﻛﻬﻮ ... ﻫﻮ ﺍﻟﻠﻲ ﻗﺎﻋﺪ ﻳﺤﺮﻙ ﻓﻴﻨﺎ ﺑﺎﻟﻮﺍﺣﺪ ... ﻫﺰﻳﺖ ﻳﺪﻱ ﺿﺮﺑﺘﻬﺎ ﻋﺎﻟﻘﺎﺭﺩ ﺭﻭﺏ ... ﺍﻟﻠﻪ ﻻ ﺗﺮﺑﺤﻮ ... ﺷﺒﻴﻨﻲ ﻏﻔﻠﺖ ﻋﻼﻫﺎ ﺍﻟﺤﻜﺎﻳﺔ ... ﻫﻮ ﻳﻌﺮﻑ ﺑﺎﻟﻘﺪﺍ ﺍﻧﻮ ﻗﺮﺑﻲ ﻣﻦ ﺳﻮﺍﺭ ... ﺑﺎﺵ ﻳﻔﺸﻞ ﻣﻬﻤﺘﻮ ... ﺳﻮﺍﺭ ﺩﻳﻤﺎ ﻛﺎﻧﺖ ﺍﻟﻤﻔﺘﺎﺡ ﻟﻜﻞ ﺣﺪ ﻳﺤﺪﺩﻭ ﻫﻮ ﻓﻲ ﺍﻟﻘﺎﺋﻤﺔ ﻣﺘﺎﻋﻮ ... ﺍﻣﺎ ﺍﻻﻫﻢ ﻣﻦ ﻫﻜﺎ ﺷﻨﻮﺓ ﺍﻟﻠﻲ ﺣﻜﺎﻩ ﻣﻌﺎﻫﺎ ... ﻫﻲ ﻛﻬﻮ ﻟﻲ ﺗﻨﺠﻢ ﺗﻘﻮﻟﻲ ﺷﻨﻴﺔ ﻟﻲ ﺻﺎﺭ ﻧﻬﺎﺭﺗﻬﺎ ... ﻫﺰﻳﺖ ﺳﻮﺭﻳﺘﻲ ﻟﺒﺴﺘﻬﺎ ... ﻛﻤﻠﺖ ﺭﻳﻘﻠﺖ ﺭﻭﺣﻲ ... ﻫﺰﻳﺖ ﺗﻠﻴﻔﻮﻧﻲ ﻭ ﻣﻔﺎﺗﺤﻲ ... ﻭ ﻧﺰﻟﺖ ... ﺍﻭﻝ ﻭﺣﺪﺓ ﻻﺯﻡ ﻧﺮﺍﻫﺎ ﺗﻮﺍ ﺳﻮﺍﺭ ... ﺍﺻﻼ ﻗﺒﻞ ﻛﻠﺸﻲ ... ﺑﺎﺵ ﻧﻤﻮﺕ ﻭ ﻧﺮﺍﻫﺎ ... ﺗﻮﺣﺸﺘﻬﺎ ... ﻣﻨﻌﺮﻓﺶ ﻛﻴﻒ ﺑﺎﺵ ﻧﻘﺎﺑﻠﻬﺎ ... ﺷﻨﻴﺔ ﺭﺩﺓ ﻓﻌﻠﻬﺎ ... ﺍﻣﺎ ﻛﻞ ﺍﻟﻠﻲ ﻳﻬﻤﻨﻲ ﺍﻧﻲ ﻧﺮﺍﻫﺎ ﻭﻛﻬﻮ ... ﻧﺮﺍﻫﺎ ﺑﺎﺵ ﻧﺠﻢ ﻧﻜﻤﻞ ﻟﻲ ﺑﺪﻳﺖ ﻓﻴﻪ
ﺳﻮﺍﺭ ﺗﺤﻜﻲ :
ﻧﻐﺰﺭ ﻟﻜﺮﺷﻲ ... ﻟﺒﺪﺍﺕ ﺗﺒﺎﻥ ﻭ ﻧﺘﺒﺴﻢ ... ﻭﻟﺪﻱ ﺍﻟﺼﻐﺮﻭﻥ ﺑﺎﺵ ﻳﻌﻤﻞ 3 ﺷﻬﻮﺭ ... ﻗﺪ ﻓﺮﺣﺘﻲ ﺑﻴﻪ ... ﻗﺪ ﺧﻮﻓﻲ ﻋﻠﻴﻪ ... ﻟﺘﻮﺍ ﻣﻔﻤﺎ ﺣﺘﻰ ﺧﻄﺮ ﺧﺎﻃﺮ ﺣﻤﻠﻲ ﻣﻈﻬﺮﺵ ... ﺧﺎﻳﻔﺔ ﻭﻗﺖ ﻛﺮﺷﻲ ﺗﻜﺒﺮ ﺍﻛﺜﺮ ... ﻛﻴﻒ ﻧﺠﻢ ﻧﻮﺍﺟﻬﻢ ﺍﻟﻜﻞ ... ﻭ ﺍﻻﺻﻌﺐ ﻣﻦ ﻫﻜﺎ ﻛﻴﻒ ﺑﺎﺵ ﻧﻜﻤﻞ ﻣﻬﻤﺘﻲ ... ﺍﻣﺎ ﻫﻮ ﻗﺎﻝ ﺑﺎﺵ ﻳﻬﺘﻢ ﺑﺎﻟﻤﻮﺿﻮﻉ ... ﻧﺰﻟﺖ ﻟﺒﺴﺖ ﺍﻟﻜﻌﺐ ﻣﺘﺎﻋﻲ ... ﻟﻤﻴﺖ ﺷﻌﺮﻱ ﻣﻦ ﻗﺪﺍﻡ ... ﻭ ﺧﻠﻴﺘﻮ ﻣﺴﻴﺐ ﻋﻠﻰ ﻇﻬﺮﻱ ... ﺑﺎﺵ ﻳﻐﻄﻲ ﻇﻬﺮﻱ ﻣﻦ ﺗﺎﻟﻲ ... ﺗﺒﺴﻤﺖ ﻭ ﺍﻧﺎ ﻧﻐﺰﺭ ﻟﺴﺎﻟﻮﺑﺎ ... ﺍﺧﺘﺮﺕﻫﺎ ﺳﺒﻴﺴﻴﺎﻝ ﻟﺴﻬﺮﺓ ﻫﺎﺫﻱ ... ﺳﺎﻟﻮﺑﺎﺕ ﻟﻮﻧﻬﺎ ﻓﻲ ﺍﻻﻛﺤﻞ ... ﻭ ﻛﺘﺎﻓﻬﺎ ﻋﺮﺍﻳﺎ ... ﻣﺶ ﻣﺴﻨﺘﺮﺓ ﺑﺮﺷﺎ ﻋﻠﻰ ﻛﺮﺷﻲ ... ﺣﻄﻴﺖ ﺭﻭﺝ ﻏﺎﻣﻖ ... ﻋﻴﻨﻴﺎ ﻭﺳﺎﻋﻮ ﺍﻛﺜﺮ ﻭ ﺑﺎﻥ ﻟﻮﻧﻬﻢ ﻛﻲ ﻛﺤﻠﺘﻬﻢ ... ﻭ ﻣﻦ ﺍﻟﻤﺴﻜﺎﺭﺍ ﺯﺍﺩﺓ ... ﻋﻨﺪﻱ ﺑﺮﺷﺎ ﻣﺮﻳﺘﺶ ﺭﻭﺣﻲ ﻫﻜﺎ ... ﻓﻲ ﻟﺤﻈﺔ ﻟﻤﻴﺖ ﺭﻭﺣﻲ ... ﺭﺟﻌﺖ ﺷﺨﺼﻴﺘﻲ ﻟﻲ ﻻﺯﻡ ﻧﻜﻮﻥ ﻋﻼﻫﺎ ... ﺍﻣﺎ ﻓﻤﺎ ﺣﺎﺟﺔ ﺗﻜﺴﺮﺕ ﺩﺍﺧﻠﻲ ... ﻣﺴﺘﺤﻴﻞ ﻛﺎﻥ ﻧﺠﻢ ﻧﻠﻤﻬﺎ ... ﺣﺘﻰ ﻛﺎﻥ ﺣﺎﻭﻝ ﺍﻱ ﺣﺪ ﻳﻠﻤﻬﺎ ﺑﺎﺵ ﻳﺘﺠﺮﺡ ... ﻭﺟﻴﻌﺘﻲ ﺍﻟﻤﺮﺓ ﻫﺎﺫﻱ ﺑﺎﺵ ﺗﻮﺟﻊ ﺍﻟﻜﻞ ... ﻫﺰﻳﺖ ﺳﻄﻮﺷﺘﻲ ... ﻭ ﺗﻠﻴﻔﻮﻧﻲ .. ﻭ ﻧﺰﻟﺖ ﺍﻟﻠﻮﻃﺔ ... ﺩﻭﺏ ﻧﺰﻟﺖ ... ﺳﻤﻌﺖ ﺍﻟﺒﺎﺏ ﻳﻨﻮﻗﺰ ... ﺍﺳﺘﻐﺮﺑﺖ ﺷﻜﻮﻥ ﺑﺎﻟﻌﺎﺩﺓ ﻳﺠﻲ ﺗﻮﺍ ... ﺣﻄﻴﺖ ﺳﻄﻮﺷﺘﻲ ﻭ ﻓﻮﻗﻬﺎ ﺍﻟﺘﻠﻴﻔﻮﻥ ﻓﻮﻕ ﺍﻟﻄﺎﻭﻟﺔ ... ﻭ ﻣﺸﻴﺖ ﻧﺤﻞ ﺧﺎﻃﺮ ﺧﺎﻟﺘﻲ ﺭﺍﺿﻴﺔ ﺗﻜﻮﻥ ﻻﻫﻴﺔ ﻓﻲ ﺷﻲ ﺍﺧﺮ ... ﺍﻭﻝ ﻣﺎ ﻭﺻﻠﺖ ﻟﻠﺒﺎﺏ ... ﺧﺬﻳﺖ ﻧﻔﺲ ﻭ ﺣﻠﻴﺘﻬﺎ ... ﻭ ﻳﺎﺭﻳﺘﻨﻲ ﻣﺤﻠﻴﺘﺶ ﺍﻧﺎ ... ﺩﻭﺏ ﺟﺎﺕ ﻋﻴﻨﻲ ﻓﻲ ﻋﻴﻨﻮ .. ﻗﻠﺒﻲ ﺩﻕ ﺑﺎﻟﻘﺎﻭﻱ ﺑﺎﺵ ﻳﺎﻗﻒ ... ﺷﻬﺮ ﺗﻌﺪﺍ ... ﻣﻦ ﻭﻗﺖ ﺭﻳﺘﻮ ﺍﺧﺮ ﻣﺮﺓ ... ﺷﻬﺮ ﺗﻌﺪﺍ ﻣﻦ ﺍﺧﺮ ﻣﺮﺓ ﻗﻬﺮﻧﻲ ... ﻣﻦ ﻭﻗﺖ ﻗﻬﺮ ﺳﻮﺍﺭ ... ﻭ ﻗﺘﻠﻬﺎ ... ﻋﺪﻳﺖ ﻋﻴﻨﻴﺎ ﻋﻠﻰ ﻭﺟﻬﻮ ﺍﻟﻜﻞ ... ﺷﻬﺮ ﻭﺍﺣﺪ ﻛﺎﻥ ﻛﺎﻓﻲ ﺑﺎﺵ ﻳﺒﺪﻟﻮ ﻟﻬﺪﺭﺟﺔ ... ﺗﺒﺪﻝ ﻟﺪﺭﺟﺔ ﻣﻌﺎﺩﺵ ﺯﻳﺎﺩ ﺍﻟﻘﺪﻳﻢ ... ﺣﺠﻢ ﺷﻌﺮﻭ ﺍﻟﻜﻞ ... ﻭ ﻟﺤﻴﺘﻮ ﻫﺎﻳﺠﺔ ﻋﻠﻰ ﻏﻴﺮ ﺍﻟﻌﺎﺩﺓ ... ﺿﺮﺑﺔ ﻟﻲ ﺗﺤﺖ ﻋﻴﻨﻮ ﻭﻻﺕ ﻭﺍﺿﺤﺔ ﺍﻛﺜﺮ ... ﻏﺰﺭﺗﻮ ﺑﺎﺭﺩﺓ ﺍﻛﺜﺮ ﻣﻦ ﻛﻞ ﻣﺮﺓ ... ﺷﺒﻴﻪ ﺗﺒﺪﻝ ﻫﻜﺎ ... ﻫﺬﺍ ﺍﻟﺴﺆﺍﻝ ﺳﺆﻟﺘﻮ ﻟﺮﻭﺣﻲ ﻭ ﺍﻧﺎ ﻧﻐﺰﺭﻟﻮ ... ﻗﺪ ﻭﺟﻴﻌﺘﻲ ﻣﻨﻮ ... ﻗﺪ ﻭﺣﺸﻲ ﻟﻴﻪ ... ﻛﺎﻥ ﺟﺎﺕ ﻋﻠﻴﺎ ﻣﻜﻨﺘﺶ ﺑﺎﺵ ﻧﻐﺰﺭﻟﻮ ... ﺍﻣﺎ ﺭﻳﺤﺔ ﺑﺮﻓﺎﻧﺘﻮ ... ﺍﻛﺎ ﺍﻟﻀﺮﺑﺔ ... ﻛﻠﺸﻲ ﻓﻴﻪ ﻧﺤﺐ ﻋﻠﻴﻪ ﻭ ﺍﻧﺎ ﻓﻲ ﺣﺎﻟﺘﻲ ﻫﺎﺫﻱ ... ﺍﻣﺎ ﻳﺎﺭﻳﺖ ﻛﺎﻥ ﻧﺠﻢ ﻧﻨﺴﺎ ﻟﻲ ﻋﻤﻠﻮ ... ﻣﻨﻌﺮﻓﺶ ﻗﺪﺍﺵ ﺑﻘﻴﻨﺎ ﻧﻐﺰﺭﻭ ﻟﺒﻌﺾ ... ﺣﺘﻰ ﻫﻮ ﻛﻼﻧﻲ ﺑﻌﻴﻨﻴﻪ ... ﺧﺬﻳﺖ ﻧﻔﺲ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﺨﺮﺝ ﺍﻟﻜﻠﻤﺔ ﻫﺬﻳﻜﺎ ... ﺑﻌﺪ ﺍﻟﻠﻲ ﺻﺎﺭ ﺍﻟﻜﻞ ... ﻣﻨﻌﺮﻓﺶ ﻛﻴﻒ ﻧﺠﻤﺖ ﻧﻐﺰﺭﻟﻮ ﻭ ﻧﻜﻠﻤﻮ