🔥🔞"في أحضان عزرائيل"🔞🔥(الجزء الثالث)

الحلقة 550

ﺍﻟﻜﻼﻡ ﻫﺬﺍ ﺍﻟﻜﻞ ﻗﻠﺘﻮ ﺩﺍﺧﻠﻲ ... ﻣﻦ ﻏﻴﺮ ﻣﺎ ﻧﻨﻄﻖ ﺣﺘﻰ ﻛﻠﻤﺔ ... ﻧﺤﻜﻲ ﺑﻴﻨﻲ ﻭ ﺑﻴﻦ ﺭﻭﺣﻲ ... ﻭ ﻧﻤﺴﺢ ﻓﻲ ﺩﻣﻮﻋﻲ ﻓﺮﺩ ﻭﻗﺖ ... ﺍﺣﺴﻦ ﺷﻲ ﻧﺠﻤﺖ ﻧﺒﻜﻲ ... ﻋﺎﻻﻗﻞ ﻧﺮﺗﺎﺡ ﺷﻮﻳﺔ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ... ﺍﺻﻼ ﻣﻌﺎﺩﺵ ﻋﻨﺪﻱ ﺟﻬﺪ ﻧﺒﻘﻰ ﻟﺒﺮﺍ ﻭﺣﺪﻱ ... ﻧﻌﻤﻞ ﻓﻲ ﺍﻟﺨﻄﻮﺓ ﺑﺎﻟﺴﻴﻒ ... ﻭﺻﻠﺖ ﺑﺤﺬﺍ ﻗﺒﺮﻱ ... ﻭﻗﻔﺖ ... ﻥﻋﺎﻭﺩ ﻓﻲ ﺭﺍﺳﻲ ﺍﻟﻜﻼﻡ ﻟﻲ ﻗﻠﺘﻬﻮﻟﻮ ﺳﺎﻋﺘﻬﺎ >>... ﻛﺎﻥ ﺻﺎﺭ ﻭﻋﻤﻠﺘﻬﺎ ... ﻛﺎﻥ ﺻﺎﺭ ﻭ ﺧﻠﻴﺘﻨﻲ ﻋﻠﻰ ﺧﺎﻃﺮ ﻣﻴﺮﺍﻝ ... ﻭﻗﺘﻬﺎ ﺍﻧﺖ ﺑﺎﻟﺤﻖ ﺗﻜﻮﻥ ﺩﻓﻨﺘﻨﻲ ... ﻭ ﺍﻟﻘﺒﺮ ﻟﻲ ﻋﻤﻠﺘﻮ ... ﺑﺎﺵ ﻳﻜﻮﻥ ﻗﺒﺮﻱ << ﺗﺒﺴﻤﺖ ﺑﻮﺟﻴﻌﺔ ... ﻳﻤﻜﻦ ﻟﺤﻖ ﺍﻟﻨﻬﺎﺭ ﺑﺎﻟﺤﻖ ... ﻟﺤﻖ ﺍﻟﻨﻬﺎﺭ ﺍﻟﻠﻲ ﺳﻮﺍﺭ ﺗﺸﺪ ﻓﻴﻪ ﺑﻼﺻﺘﻬﺎ ﺍﻟﺤﻘﻴﻘﻴﺔ ... ﻧﺜﺒﺖ ﻟﻠﻘﺒﺮ ﻛﺎﻧﻲ ﺍﻭﻝ ﻣﺮﺓ ﻧﺮﺍﻩ ... ﺳﻮﺍﺍﺭ ﺗﻘﻬﺮﺕ ﻟﺪﺭﺟﺔ ... ﺍﻧﻮ ﻫﻮﻧﻲ ﺑﺎﺵ ﻳﻜﻮﻥ ﻣﻜﺎﻧﻬﺎ ﺍﻟﻮﺣﻴﺪ ... ﻟﺤﻖ ﺍﻟﻮﻗﺖ ﺑﺎﺵ ﺩﻧﻴﺰ ﺗﻜﻤﻞ ﻟﻲ ﺑﺪﺍﺗﻮ ﺳﻮﺍﺭ ... ﺍﻣﺎ ﻭﻟﺪﻱ ... ﺍﻟﺼﻐﻴﺮ ﻫﺬﺍ ﻫﻮ ﻭﻟﺪ ﺳﻮﺍﺭ ﻭ ﻛﻬﻮ ... ﺣﺪ ﻣﺎ ﻳﻨﺠﻢ ﻳﻘﻮﻝ ﻏﻴﺮ ﻫﻜﺎ ... ﺣﻄﻴﺖ ﻳﺪﻱ ﻋﻠﻰ ﻛﺮﺷﻲ ... ﻧﺤﺎﻭﻝ ﻧﺎﺧﻮ ﻗﻮﺗﻲ ﻣﻨﻮ ... ﺑﺎﺵ ﻧﺠﻢ ﻧﻘﺪﻡ ﺧﻄﻮﺓ ﺍﺧﺮﻯ ... ﺣﺴﻴﺖ ﺑﺤﺮﻛﺔ ﺧﻔﻴﻔﺔ ﻭﺭﺍﻳﺎ ... ﺗﻠﻔﺖ ﺷﻮﻳﺔ ... ﻧﺮﺍ ﻓﻲ ﻭﺍﺣﺪ ... ﻭﺍﻗﻒ ﻗﺪﺍﻣﻲ ﺑﺎﻟﻈﺒﻂ ... ﻃﻠﻌﺖ ﺭﺍﺳﻲ ﻧﻐﺰﺭ ﻟﻮﺟﻬﻮ ... ﻓﻲ ﻃﻮﻝ ﺯﻳﺎﺩ ﺍﻛﺎﻛﺎ ... ﻗﺤﺮﺗﻠﻮ ﻧﺤﻜﻲ ﺍﻧﺎ : ﺷﻜﻮﻧﻚ ﺍﻧﺖ ﻫﺰﻧﻲ ﻭ ﺣﻄﻨﻲ ﺑﻌﻴﻨﻴﻪ ... ﻗﺮﺏ ﻣﻨﻲ ﺧﻄﻮﺓ ... ﻳﺤﻜﻲ ﻫﻮ : ﻻﺯﻡ ﺟﻲ ﻣﻌﺎﻳﺎ ﺗﻮﺍ ﻭﺧﺮﺕ ﺧﻄﻮﺓ ﻟﺘﺎﻟﻲ ... ﺗﺒﺴﻤﺖ ﻋﻠﻰ ﺟﻨﺐ ... ﻧﺤﻜﻲ ﺍﻧﺎ : ﻫﻬﻬﻬﻪ ﻭ ﺷﻜﻮﻥ ﺍﻧﺖ ﺑﺎﺵ ﺗﺄﻣﺮﻧﻲ ﻫﻮ؛ﻭ ﺍﻧﺎ ﻣﺄﻣﻮﺭ ﺯﺍﺩﺓ ﺍﻧﺎ : ﺷﻴﻬﻤﻨﻲ ﻓﻴﻚ ﺍﻧﺎ ﻫﻮ : ﺍﻧﺖ ﻻﺯﻣﻚ ﺟﻲ ﻣﻌﺎﻳﺎ ﺗﻮﺍ ... ﺍﻋﺘﺒﺮﻭ ﻟﻲ ﺗﺤﺐ ﺍﻣﺎ ﻣﻌﻨﺪﻛﺶ ﺣﻞ ﺍﺧﺮ ﺍﻧﺎ : ﺑﺮﺑﻲ ... ﻭﻳﻦ ﺑﺎﺵ ﺗﻬﺰﻧﻲ ﺣﻀﺮﺗﻚ ﻫﻮ : ﺍﻳﺠﺎ ﺗﻮ ﺗﻌﺮﻑ ﺍﻧﺎ : ﻣﺎﻧﻴﺶ ﺑﺎﺵ ﻧﺠﻲ ﻣﻌﺎﻙ ﻟﺤﺘﻰ ﺑﻼﺻﺔ ... ﺗﻨﺠﻢ ﺗﺒﻌﺪ ﻧﺤﺐ ﻧﻤﺸﻲ ﻣﺤﺎﻭﻟﺘﺶ ﻧﻔﻬﻢ ﻣﻨﻮ ﺑﺮﺷﺎ ... ﻣﻌﻨﺪﻳﺶ ﺧﻠﻖ ﺑﺎﺵ ﻧﺎﺧﻮ ﻭﻧﻌﻄﻲ ﻣﻌﺎﻩ ... ﻫﺰﻳﺖ ﺍﻟﺮﻭﺑﺔ ﺷﻮﻳﺔ ... ﻭﺗﻌﺪﻳﺖ ﻣﻦ ﻗﺪﺍﻣﻮ ﺑﺎﺵ ﻧﻤﺸﻲ ... ﺷﺪﻧﻲ ﻣﻦ ﻳﺪﻱ ... ﺭﺟﻌﻨﻲ ﻟﺘﺎﻟﻲ ... ﻗﺤﺮﺗﻠﻮ ﻧﺤﻜﻲ ﺍﻧﺎ : ﺳﻴﻴﺒﻨﻲ ﻓﺎﺵ ﺗﻌﻤﻞ ﻳﺎﺧﻲ ﻣﺮﺟﻌﻠﻴﺶ ... ﻛﺒﺲ ﻋﻠﻴﺎ ﺍﻛﺜﺮ ... ﺟﺮﻧﻲ ﻭﺭﺍﻩ ... ﺣﺎﻭﻟﺖ ﻧﺠﺒﺪ ﻳﺪﻱ ﻧﺤﻜﻲ ﺍﻧﺎ : ﻟﺒﺎﺍﺍﺱ ﻣﺎﺍﺍﻫﻮ ... ﺳﻴﻴﺒﻨﻲ ﻧﻘﻠﻚ ﺑﺎﻗﻲ ﻳﺠﺮ ﻓﻴﺎ ﻛﺒﺴﺖ ﻋﺎﻟﺮﻭﺑﺔ ﺑﻴﺪﻱ ... ﻣﺤﺒﻴﺘﺶ ﻧﻌﺎﻓﺮﻭ ﺍﻛﺜﺮ ... ﺧﺎﻃﺮ ﺧﻔﺖ ﻧﻄﻴﺢ ﺑﺎﻟﻜﻌﺐ ... ﻭ ﺯﺍﺩﺓ ﺧﺎﻳﻔﺔ ﻋﺎﻟﺼﻐﻴﺮ ... ﻛﺎﻥ ﻳﺼﺮﺍ ﻋﻠﻴﻪ ﺷﻲ ... ﻭﺻﻠﻨﺎ ﻟﻜﺮﻫﺒﺘﻮ ﺑﺎﻟﻮﻗﺖ ... ﺣﻞ ﺍﻟﺒﺎﺏ ... ﻳﺤﻜﻲ ﻫﻮ : ﺍﺭﻛﺐ ﺍﻧﺎ : ﻣﺴﺘﺤﻴﻞ ... ﺗﻊﺭﻑ ﺑﻌﻤﻠﺘﻚ ﻫﺎﺫﻱ ﺑﺎﺵ ﺗﺪﻣﺮ ... ﻳﺎﺧﻲ ﺗﻌﺮﻑ ﺭﻭﺣﻚ ... ﻣﻊ ﺷﻜﻮﻥ ﻗﺎﻋﺪ ﺗﺘﻌﺎﻣﻞ ﻫﻮ : ﺩﻧﻴﺰ ¤¤¤¤¤ ﻏﺰﺭﺗﻠﻮ ﻓﻲ ﻋﻴﻨﻴﻪ ﺑﺎﻟﻈﺒﻂ ... ﻳﺤﻜﻲ ﺑﻜﻞ ﺛﻘﺔ ... ﻛﺒﺲ ﻋﻠﻰ ﻳﺪﻱ ﺍﻛﺜﺮ ... ﻭﺩﺧﻠﻨﻲ ﻟﻠﻜﺮﻫﺒﺔ ... ﺳﻜﺮ ﺍﻟﺒﺎﺏ ... ﻭﺧﺎﻟﻂ ﻋﻠﻴﺎ ... ﻃﺎﺭ ﺑﻴﻬﺎ ... ﻗﺤﺮﺗﻠﻮ ﻧﺤﻜﻲ ﺍﻧﺎ : ﺷﻜﻮﻥ ﺍﻣﺮﻙ ﺗﺨﻄﻔﻨﻲ ﻳﺎ ﻣﻌﻠﻢ ﺗﺒﺴﻢ ﻋﻠﻰ ﺟﻨﺐ ... ﻭ ﻛﻤﻞ ﻳﺴﻮﻕ ... ﺍﺳﺘﻔﺰﻧﻲ ... ﻻﻗﺼﻰ ﺩﺭﺟﺔ ... ﺧﺬﻳﺖ ﻧﻔﺲ ﻧﺤﻜﻲ ﺍﻧﺎ : ﻓﻤﺎ ﺷﻲ ﻳﻀﺤﻚ ﻓﻲ ﺍﻟﺤﻜﺎﻳﺔ ... ﺷﻜﻮﻧﻚ ﺍﻧﺖ ... ﻭ ﺷﺘﺤﺒﻮ ﻣﻨﻲ ﺑﺎﻗﻲ ﻃﻮﻝ ﺍﻟﺜﻨﻴﺔ ﺳﺎﻛﺖ ﻭ ﺍﻧﺎ ﻣﺮﺓ ﻧﺤﻜﻲ ﻣﺮﺓ ﻧﺴﻜﺖ ... ﻓﺮﺩ ﻭﻗﺖ ﺣﺎﺳﺔ ﺑﺨﻮﻑ ... ﺧﻔﺖ ﺧﺎﻃﺮ ﺍﻟﻤﺮﺓ ﻫﺎﺫﻱ ﻣﺎﻧﻴﺶ ﻭﺣﺪﻱ ... ﻣﻨﺤﺒﺶ ﻧﺨﺴﺮ ﻭﻟﺪﻱ ﻓﻲ ﺟﺮﺗﻬﻢ ﻭ ﺯﺍﺩﺓ ﺍﻟﻤﺮﺓ ﻫﺎﺫﻱ ... ﻣﻜﺎﻧﺶ ﻟﻲ ﻳﻨﺠﻢ ﻳﻌﺎﻭﻧﻲ ... ﺧﺎﻃﺮ ﺣﺘﻰ ﻟﻜﻨﺖ ﻧﺘﺤﻤﻰ ﺑﻴﻪ ... ﺑﺎﻳﺖ ﻋﺮﻳﺲ ... ﻭ ﻣﺶ ﻻﻫﻲ ﺣﺘﻰ ﺑﺎﺵ ﻳﺬﻛﺮﻧﻲ ... ﺑﻘﻴﺖ ﻋﻠﻰ ﺍﻋﺼﺎﺑﻲ ﺛﻨﻴﺔ ﻛﺎﻣﻠﺔ ... ﻟﻴﻦ ﺷﺪ ﺍﻟﻔﺮﺍﻥ ... ﺩﻭﺭﺕ ﺭﺍﺳﻲ ﻏﺰﺭﺕ ﻣﻦ ﺍﻟﺒﻼﺭ ... ﺑﻼﺻﺔ ﺗﺸﺒﻪ ﺍﻟﻤﺮﻛﺰ ... ﺻﺤﻴﺢ ﻓﻤﺎ ﺑﺮﺷﺎ ﻣﺮﺍﻛﺰ ... ﺍﻣﺎ ﻫﺬﺍ ﺍﻭﻝ ﻣﺮﺓ ﻧﺮﺍﻩ ... ﺍﻻﻏﺮﺏ ﺑﻌﻴﺪ ﺑﺮﺷﺎ ... ﻭ ﻣﻄﺮﻑ ... ﺗﻠﻔﺘﻠﻮ ﻧﺤﻜﻲ ﺍﻧﺎ : ﻓﻤﺎ ﺷﻜﻮﻥ ﺷﺘﻜﻰ ﺑﻴﺎ ﻳﺎﺧﻲ