ﻗﻠﺒﻲ ﺩﻕ ﺑﺎﻟﻘﺎﻭﻱ ... ﻣﺘﺄﻛﺪﺓ ﻟﺒﺎﺵ ﻳﺼﻴﺮ ﺍﻟﺘﺴﻠﻴﻢ ﻓﻲ ﺍﻟﺒﻘﻌﺔ ﻫﺎﺫﻱ ... ﺍﻣﺎ ﻋﻼﺵ ﻣﻔﻤﺎ ﺣﺘﻰ ﺣﺪ ﻫﻮﻧﻲ ... ﻛﻤﻠﺖ ﻧﻤﺸﻲ ... ﺍﻟﺪﻧﻴﺎ ﺑﺮﺩ ... ﺣﺘﻰ ﺍﻟﻬﻢ ﻫﺬﺍﻛﺎ ﺣﻄﻨﻲ ﺑﻌﻴﺪ ﺑﺮﺷﺎ ﺭﺻﺎﺗﻠﻲ ﻧﻜﻤﻞ ﻧﻤﺸﻲ ﺣﺴﻴﺖ ﺑﺤﺮﻛﺔ ﻣﺶ ﻧﻮﺭﻣﺎﻝ ... ﺍﺻﻼ ﺍﻟﺒﻼﺻﺔ ... ﻣﻬﺠﻮﺭﺓ ... ﻣﺸﺮﻭﻉ ﻗﺪﻳﻢ ﻣﺶ ﻣﻜﻤﻮﻝ ... ﺣﺘﻰ ﺻﻮﺕ ﺧﻄﻮﺍﺗﻲ ﻧﺴﻤﻊ ﻓﻴﻬﺎ ... ﻓﻲ ﻟﺤﻈﺔ ﻭﺧﺮﺕ ﺧﻄﻮﺗﻴﻦ ﻟﺘﺎﻟﻲ ... ﻛﻴﻒ ﻟﻤﺤﺘﻬﻢ ﻣﻦ ﺑﻌﻴﺪ ... ﺗﺨﺒﻴﺖ ﻭﺭﺍ ﻛﺮﻫﺒﺔ ﻗﺪﻳﻤﺔ ... ﻧﺤﺎﻭﻝ ﻧﺮﺍ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ... ﻛﻞ ﺣﺪ ﻓﻴﻬﻢ ﻭﺍﻗﻒ ﻣﻊ ﺭﺟﺎﻟﻮ ... ﻳﺎﺳﺮ ﻭ ﺍﺩﻡ ﻭﺍﻗﻔﻴﻦ ﻣﻊ ﺑﻌﺾ ... ﻭﺭﺟﺎﻟﻬﻢ ﻭﺭﺍﻫﻢ ... ﻭﻭﺍﺣﺪ ﻣﻘﺎﺑﻠﻬﻢ ... ﺑﻌﻴﺪ ﻋﻠﻴﻬﻢ ﺯﺍﺩﺓ ﺑﺮﺟﺎﻟﻮ ... ﺻﺎﺑﺮ ﻣﺶ ﻣﻌﺎﻫﻢ ... ﺑﺎﺯ ﺑﻘﻰ ﻓﻲ ﺍﻻﻭﺗﻴﻞ ﺑﺎﺵ ﻳﻐﻄﻲ ﻋﻠﻰ ﻏﻴﺎﺑﻬﻢ ... ﻣﻨﺠﻤﺖ ﻧﺴﻤﻊ ﺷﻲ ﻭ ﻻ ﻧﻔﻬﻢ ﻓﺎﺵ ﻳﺤﻜﻮ ﺑﺤﻜﻢ ... ﺑﻌﻴﺪﺓ ﻋﻠﻴﻬﻢ ﺑﺮﺷﺎ ... ﺟﻴﺖ ﺑﺎﺵ ﻧﺪﺧﻞ ﻟﺒﺮﺗﻤﺎﻥ ﻭ ﻧﻘﺮﺏ ﻣﻦ ﻏﺪﻳﻜﺎ ... ﺍﻭﻝ ﻣﺎ ﻭﺧﺮﺕ ﺧﻄﻮﺓ ﻟﺘﺎﻟﻲ ... ﻭﻗﻔﻨﻲ ﺻﻮﺕ ﻣﻦ ﺗﺎﻟﻲ ﻳﺤﻜﻲ ﻫﻮ : ﻋﻨﺪﻧﺎ ﺿﻴﻮﻑ ﻫﻮﻧﻲ ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ... ﻭﺭﺟﻌﺖ ﻓﺘﺤﺘﻬﻢ ... ﺧﺬﻳﺖ ﻧﻔﺲ ... ﻭ ﺗﻠﻔﺖ ﻋﻨﺪﻭ ... ﻏﺰﺭﺗﻠﻮ ... ﻇﺎﻫﺮ ﻭﺍﺣﺪ ﻣﻦ ﺭﺟﺎﻟﻬﻢ ... ﻫﺰﻳﺘﻮ ﻭ ﺣﻄﻴﺘﻮ ... ﻣﺶ ﻭﻗﺘﻮ ﺟﻤﻠﺔ ... ﻭ ﻛﺎﻥ ﺑﺎﺵ ﻳﺤﻜﻤﻨﻲ ﺗﻮﺍ ... ﺑﺎﺯ ﺑﺎﺵ ﻳﻄﻴﺢ ﻛﻠﺸﻲ ﻓﻲ ﺍﻟﻤﺎ ... ﺑﻘﻴﺖ ﻧﺸﻮﻑ ﻣﻌﺎﻩ ... ﺗﺒﺴﻢ ﻋﻠﻰ ﺟﻨﺐ ... ﻭ ﻛﻤﻞ ﻳﺤﻜﻲ ﻫﻮ : ﻻﺍﺍ ﻇﺎﻫﺮ ﺳﻨﺪﺭﻳﻼ ﺿﻴﻌﺖ ﻃﺮﻳﻘﻬﺎ ﻋﻨﺪﻧﺎ ﺗﺒﺴﻤﺖ ﻋﻠﻰ ﺟﻨﺐ ... ﻭ ﻏﺰﺭﺗﻠﻮ ﻧﺪﺭﺍ ﻛﻴﻒ ... ﻗﺮﺑﺖ ﻣﻨﻮ ﺷﻮﻳﺔ ... ﻭﻗﻔﺖ ﻗﺪﺍﻣﻮ ﺑﺎﻟﻈﺒﻂ ... ﻟﻴﻦ ﻣﻌﺎﺩﺵ ﻓﻤﺎ ﺑﻴﻨﺎ ﻣﺴﺎﻓﺔ ... ﻧﺰﻟﺖ ﻋﻠﻰ ﺷﻔﺎﻓﻲ ... ﺑﺴﻨﺎﻧﻲ ... ﻧﺤﻜﻲ ﺍﻧﺎ : ﺻﺤﻴﺢ ﻛﻼﻣﻚ ﺍﻣﺎ ﻫﻮ : ﺍﻣﺎ ﺍﻧﺎ : ﻣﻀﻴﻌﺘﺶ ﻃﺮﻳﻘﻲ ﺟﺎ ﺑﺎﺵ ﻳﺤﻜﻲ ... ﻗﺼﻴﺖ ﻋﻠﻴﻪ ... ﻛﻴﻒ ﺿﺮﺑﺘﻮ ﺑﻴﻦ ﺳﺎﻗﻴﻪ ... ﺑﺴﺎﻗﻲ ... ﻭﺧﺮ ﻟﺘﺎﻟﻲ ﻣﺮﻭﻫﺞ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ... ﻫﺰﻳﺖ ﺣﺪﻳﺪﺓ ﻣﺮﻣﻴﺔ ﻋﺎﻻﺭﺽ ... ﺿﺮﺑﺘﻮ ﻋﻠﻰ ﺭﻗﺒﺘﻮ ... ﻗﺒﻞ ﻣﺎ ﻳﻬﺰ ﺭﻭﺣﻮ ... ﻧﺤﻜﻲ ﺍﻧﺎ : ﺍﻧﺎ ﻓﻲ ﺍﻟﺜﻨﻴﺔ ﺍﻟﺼﺤﻴﺤﺔ ﺑﻘﻴﺖ ﻧﺸﻮﻑ ﻣﻌﺎﻩ ... ﻧﺘﻨﻔﺲ ﺑﺎﻟﻘﺎﻭﻱ ... ﻣﻨﻌﺮﻑﺵ ﻛﻴﻒ ﻋﻤﻠﺖ ﻫﻜﺎ ... ﻭ ﻻ ﻣﻦ ﻭﻳﻦ ﺟﺒﺖ ﺍﻟﺸﺠﺎﻋﺔ ﻫﺎﺫﻱ ﺍﻟﻜﻞ ... ﺭﻣﻴﺖ ﺍﻟﺤﺪﻳﺪﺓ ﻋﺎﻻﺭﺽ ... ﻗﺮﺑﺖ ﻣﻦ ﺍﻟﻜﺮﻫﺒﺔ ﻫﺰﻳﺖ ﺗﻠﻴﻔﻮﻧﻲ ... ﻭﺩﺧﻠﺖ ﺑﺎﻟﺰﺭﺑﺔ ... ﻟﻠﺒﺮﺕﻣﺎﻥ .. ﻧﻤﺸﻲ ﻭ ﻧﺘﻠﻔﺖ ﻭﺭﺍﻳﺎ ... ﻧﺤﺎﻭﻝ ﻗﺪ ﻣﺎ ﻧﺠﻢ ﻧﺨﻠﻲ ﺧﻄﻮﺍﺗﻲ ﻣﺶ ﻣﺴﻤﻮﻋﺔ ... ﻗﺮﺑﺖ ﻣﻨﻬﻢ ﻋﺎﻟﻠﺨﺮ ... ﺣﻄﻴﺖ ﻳﺪﻱ ﻋﺎﻟﺤﻴﻂ ... ﻧﺸﻮﻑ ﻣﻌﺎﻫﻢ ﻣﻦ ﺑﻌﻴﺪ ... ﻧﺴﻤﻊ ﻓﻲ ﺍﺩﻡ ﻳﺤﻜﻲ ﺍﺩﻡ : ﻧﻈﻦ ﺍﻟﻘﻄﻌﺎﺕ ﺍﻟﻜﻞ ﻣﻮﺟﻮﺩﺓ ﺩﻭﺭﺕ ﺭﺍﺳﻲ ﻏﺰﺭﺕ ﻓﻲ ﺍﻟﻠﻲ ﻳﺤﻜﻲ ﻣﻌﺎﻩ ... ﻫﺰﻟﻮ ﺑﺮﺍﺳﻮ ﺍﻳﻪ ... ﻳﺤﻜﻲ ﻫﻮ : ﻭ ﻓﻠﻮﺳﻚ ﺣﺎﺿﺮﺓ ﺍﺩﻡ : ﻟﺤﻈﺔ ﻋﻘﺪﺕ ﺣﻮﺍﺟﺒﻲ ﻣﺴﺘﻐﺮﺑﺔ ... ﺗﻠﻔﺖ ﻟﻴﺎﺳﺮ ... ﻳﺤﻜﻲ ﺍﺩﻡ : ﺍﻟﺪﻭﺳﻲ ﻫﺰ ﻳﺎﺳﺮ ﻳﺪﻭ ... ﻟﻮﺍﺣﺪ ﻣﻦ ﺭﺟﺎﻟﻮ ... ﻗﺮﺏ ﻣﻨﻮ ... ﺣﻂ ﺍﻟﺪﻭﺳﻲ ﻓﻲ ﻳﺪﻭ ... ﻏﺰﺭ ﻻﺩﻡ ﻳﺤﻜﻲ ﻳﺎﺳﺮ : ﺍﻟﻔﻠﻮﺱ ﺳﻤﻌﺖ ﺻﻮﺕ ﻣﻮﺗﻮﺭﺍﺕ ﻗﻮﻱ ... ﺣﺎﻭﻟﺖ ﻧﺮﻛﺰ ﻣﻌﺎﻫﻢ ... ﻫﺰ ﻳﺪﻭ ﻟﺮﺍﺟﻞ ... ﺣﻂ ﺍﻟﻔﻠﻮﺱ ﻓﻲ ﻳﺪﻭ ... ﻋﻄﺎﻩ ﺍﻟﺪﻭﺳﻲ ﺑﺎﻟﻮﻗﺖ ... ﺍﻭﻝ ﻣﺎ ﺣﻠﻮ ... ﺟﻬﺮ ﻓﻴﻬﻢ ﺿﻮ ﻗﻮﻱ ﻣﺘﺎﻉ ﺍﻟﻤﻮﺗﻮﺭﺍﺕ ﺍﻟﻠﻲ ﺣﺎﻭﻃﺖ ﺍﻟﺒﻼﺻﺔ ﻓﻲ ﻟﺤﻈﺔ ... ﻣﻨﻌﺮﻓﺶ ﻗﺪﺍﺵ ﻣﻦ ﻭﺣﺪﺓ ... ﻗﻠﺒﻲ ﺩﻕ ﺑﺎﻟﻮﻗﺖ ... ﺣﺎﻭﻟﺖ ﻧﺜﺒﺖ ﻓﻴﻬﻢ ﺍﻟﻜﻞ ﻣﻐﻄﻴﻴﻦ ﻭﺟﻮﻫﻢ ... ﻳﺎﺧﻲ ﺷﻨﻮﺓ ﺍﻟﻠﻲ ﻗﺎﻋﺪ ﻳﺼﻴﺮ ... ﺗﺮﻛﺰﺕ ﺑﻴﺪﻱ ... ﻧﺤﺎﻭﺍ ﻧﻔﻬﻢ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ... ﻛﺒﺴﺖ ﻋﻠﻰ ﺗﻠﻴﻔﻮﻧﻲ ... ﺑﺎﻗﻲ ﻧﺘﻔﺮﺝ ﻓﻲ ﺍﻟﻠﻲ ﻗﺎﻋﺪ ﻳﺼﻴﺮ ... ﻏﺰﺭﺕ ﻻﺩﻡ ... ﻛﺒﺲ ﻋﺎﻟﺪﻭﺳﻲ ﻓﻲ ﻳﺪﻭ ... ﻏﺮﻳﺒﺔ ... ﺍﻟﻜﻞ ﻳﺤﺐ ﻋﺎﻟﻔﻠﻮﺱ ﻭ ﺍﻟﺴﻼﺡ ... ﻭ ﻫﻮ ﻛﺎﺑﺲ ﻋﻠﻰ ﺩﻭﺳﻲ ... ﺧﺎﻳﻒ ﻋﻠﻴﻪ ﺍﻛﺜﺮ ﻣﻦ ﺣﻴﺎﺗﻮ ... ﺩﺧﻠﺖ ﺍﻟﺤﺎﻟﺔ ﺑﻌﻀﻬﺎ ... ﺍﻟﻜﻞ ﻳﺨﻤﻢ ﻛﻴﻒ ﻳﻬﺮﺏ ﺗﺤﺖ ﺣﻤﺎﻳﺔ ﺭﺟﺎﻟﻮ ... ﻋﻴﻨﻴﺎ ﻭﺳﺎﻋﺖ ... ﻭ ﺍﻧﺎ ﻧﺮﺍ ﻓﻲ ﺍﻟﺮﺍﺟﻞ ﻻﺳﺘﻠﻢ ﺍﻟﺴﻼﺡ ... ﻣﺼﺎﻭﺏ ... ﻏﺰﺭﺕ ﻟﻴﺎﺳﺮ ... ﻟﺠﺒﺪ ﺭﻭﺣﻮ ﻣﻨﻬﻢ ... ﻭ ﺑﻌﺪ ﻋﻠﻴﻬﻢ ﺑﺮﺷﺎ ... ﻛﻤﻠﺖ ﺧﺎﻟﻄﺖ ﻋﻠﻴﻪ ﻣﻦ ﻏﺎﺩﻱ ... ﺍﺻﻼ ﺍﻟﺒﻘﻌﺔ ﻻﻧﺎ ﻓﻴﻬﺎ ﻣﻈﻠﻤﺔ ... ﻭ ﻣﺴﺘﺤﻴﻞ ﻳﻨﺘﺒﻬﻮ ﻋﻠﻴﺎ ... ﻓﻲ ﻭﺳﻂ ﻫﺎﺫﻱ ﺍﻟﻀﺠﺔ ﺍﻟﻜﻞ ... ﻧﺰﻟﺖ ﻳﺪﻱ ﺟﺒﺪﺕ ﺳﻼﺣﻲ ... ﻭ ﺣﻄﻴﺖ ﺗﻠﻴﻔﻮﻧﻲ ﻓﻲ ﺑﻼﺻﺘﻮ ... ﻣﻨﺠﻤﺶ ﻧﻀﻴﻌﻮ ... ﻭ ﺍﻻ ﺯﻳﺎﺩ ﺑﺎﺵ ﻳﻘﻠﺒﻬﺎ ﻋﻠﻰ ﺭﺍﺳﻲ ... ﻭﺻﻠﺖ ﻣﻌﺎﻩ ﺑﺎﻟﻮﻗﺖ ... ﺷﻔﺘﻮ ﺑﺎﺵ ﻳﺮﻛﺐ ﻓﻲ ﻛﺮﻫﺒﺘﻮ ... ﻛﺒﺴﺖ ﻋﻠﻰ ﺳﻼﺡ ﻓﻲ ﻳﺪﻱ ... ﻭ ﺗﻌﺪﻳﺖ ﺑﻴﻦ ﺍﻟﻜﺮﺍﻫﺐ ﻟﻲ ﻏﺎﺩﻱ ... ﻋﻴﻄﺘﻠﻮ ﻣﻦ ﺑﻌﻴﺪ ... ﻭﻗﻔﺘﻮ ﻗﺒﻞ ﻣﺎ ﻳﺮﻛﺐ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
