ﺍﻧﺎ : ﻣﺎﻫﻮ ﻟﺒﺎﺱ ﻳﺎﺧﻲ ... ﺷﺒﻴﻚ ﺧﻠﻴﺘﻬﻢ ﻳﻐﺮﺯﻭﻟﻲ ﺍﺩﻡ : ﻣﺎ ﻓﻴﺒﺎﻟﻴﺶ ﻻﻧﺖ ﺑﺎﺵ ﺗﺨﺎﻑ ﻟﻬﺪﺭﺟﺔ ... ﻣﺶ ﻋﻠﻰ ﺍﺳﺎﺱ ﻗﺮﻳﺖ ﻃﺐ ﺍﻧﺎ : ﻣﺨﻔﺘﺶ ... ﺍﻣﺎ ﻣﻴﺠﻴﺶ ﺭﺍﻫﻮ ... ﺗﻮ ﺳﺎﻗﻲ ﺗﻮﻟﻲ ﺧﺎﻳﺒﺔ ﻏﺰﺭﻟﻲ ﻧﺪﺭﺍ ﻛﻴﻒ ... ﻭ ﻃﺮﺷﻖ ﺑﺎﻟﻀﺤﻚ ... ﻗﺤﺮﺗﻠﻮ ... ﻧﺤﻜﻲ ﺍﻧﺎ : ﻋﻼﺵ ﺗﻀﺤﻚ ﻳﺎﺧﻲ ﺍﺩﻡ : ﻫﻬﻬﻬﻪ ﺷﻲ ... ﺷﺮﺍﻳﻚ ﺗﺎﻛﻮﻝ ﺗﻮﺍ ﻧﻔﺨﺖ ﺑﺎﻟﻘﺎﻭﻱ ... ﻭ ﺑﺎﻗﻲ ﻧﻐﺰﺭ ﻟﺴﺎﻗﻲ ... ﻧﺴﻤﻊ ﻓﻲ ﻳﺤﻜﻲ ﺍﺩﻡ : ﻣﺘﺨﺎﻓﺶ ... ﻏﺮﺯﻭﻟﻚ ﻓﻲ ﺑﻼﺻﺔ ﻭﺣﺪﺓ ﻏﺮﺯﺗﻴﻦ ﻭ ﻻ ﺛﻼﺛﺔ ... ﻭ ﺍﻟﺠﺮﻭﺡ ﺍﻟﺒﺎﻗﻴﺔ ﻋﻘﻤﻮﻫﻢ ﻭ ﻛﻬﻮ ﺍﻧﺎ : ﺑﺎﻟﺮﺳﻤﻲ ﺍﺩﻡ : ﻣﻤﻤﻢ ﺍﻧﺎ : ﺑﺎﻫﻲ ﻛﺎﻥ ﻫﻜﺎ ﺍﺩﻡ : ﺍﺭﺗﺎﺡ ﺗﻮﺍ ... ﺍﻧﺎ ﺑﺎﺵ ﻧﺎﺧﻮ ﺩﻭﺵ ﻭ ﻧﺮﺟﻊ ﺍﻧﺎ : ﺑﺎﻫﻲ ﻫﺰ ﺭﻭﺣﻮ ﻃﻠﻊ ﻟﻔﻮﻕ ... ﻗﺮﺑﺖ ﺻﻴﻨﻴﺔ ﺑﻴﺪﻱ ﻛﻠﻴﺖ ﺷﻮﻳﺔ ... ﻭ ﺗﻜﻴﺖ ﻟﺘﺎﻟﻲ ... ﻛﻞ ﺷﻮﻳﺔ ﻧﻐﺰﺭ ﻟﺴﺎﻗﻲ ... ﺟﺎﺕ ﻋﻴﻨﻲ ... ﻋﻠﻰ ﺑﻴﺖ ﻣﻄﺮﻓﺔ ... ﻣﺤﻠﻮﻟﺔ ﺷﻄﺮ ... ﻏﺮﻳﺒﺔ ﻋﻼﺵ ﻣﺸﻔﺘﻬﺎﺵ ﺍﻟﻤﺮﺓ ﻫﺬﻳﻜﺎ ... ﻫﺰﻳﺖ ﺭﻭﺣﻲ ﺑﺎﻟﺴﻴﻒ ﻭﻗﻔﺖ ... ﻏﺰﺭﺕ ﻟﺪﺭﻭﺝ ... ﺑﺎﺯ ﻳﻜﻮﻥ ﻣﺰﺍﻝ ﺍﻟﻔﻮﻕ ... ﺍﺳﺘﻨﺪﺕ ﺑﻴﺪﻱ ﻋﺎﻟﺤﻴﻂ ... ﻟﻴﻦ ﻭﺻﻠﺖ ﻟﻠﺒﺎﺏ ... ﻛﻤﻠﺖ ﺩﺯﻳﺘﻬﺎ ﻭ ﺩﺧﻠﺖ ... ﺷﻌﻠﺖ ﺍﻟﻀﻮ ... ﺩﻭﺭﺕ ﻋﻴﻨﻴﺎ ﻋﺎﻟﺒﻼﺻﺔ ﺍﻟﻜﻞ ... ﻟﻠﺒﻴﺮﻭ ﻟﻲ ﻣﻌﺒﻲ ﻭﺭﻕ ... ﻭ ﻟﻄﺎﻭﻟﺔ ﺯﺍﺩﺓ ... ﻛﻠﺸﻲ ﺩﺍﺧﻞ ﺑﻌﻀﻮ ... ﻋﻘﺪﺕ ﺣﻮﺍﺟﺒﻲ ﻭ ﻗﺮﺑﺖ ﺍﻛﺜﺮ ... ﻋﺪﻳﺖ ﻳﺪﻱ ﻋﺎﻟﻮﺭﻕ ﻟﻲ ﻣﺤﻄﻮﻃﻴﻦ ﻏﺎﺩﻱ ... ﻛﻠﻬﻢ ﺩﻭﺳﻴﺎﺕ ... ﻭﺻﻮﺭ ﻋﺒﺎﺩ ﻣﻌﺮﻭﻓﻴﻦ ﻭ ﻣﺶ ﻣﻌﺮﻭﻓﻴﻦ ﺯﺍﺩﺓ ... ﻣﺤﺎﻭﻟﺘﺶ ﻧﻔﻬﻢ ﺍﻛﺜﺮ ... ﺗﻠﻔﺖ ﻭ ﺟﻴﺖ ﺑﺎﺵ ﻧﺨﺮﺝ ... ﺍﻣﺎ ﻟﻤﺤﺖ ﺍﻟﺪﻭﺳﻲ ﺍﻟﻠﻲ ﺭﻣﺎﻩ ﺯﻳﺎﺩ ﻻﺩﻡ ﻫﺬﻳﻜﺎ ﺍﻟﻠﻴﻠﺔ ... ﻏﺰﺭﺕ ﻓﻴﻪ ﺷﻮﻳﺔ ... ﻭ ﻧﺰﻟﺖ ﻫﺰﻳﺘﻮ ﻓﻲ ﻳﺪﻱ ... ﻧﻔﺲ ﺍﻟﺪﻭﺳﻲ ... ﻛﻨﺖ ﺑﺎﺵ ﻧﺮﺟﻌﻮ ﺧﺎﻃﺮ ﻣﻴﻬﻤﻨﻴﺶ ﺑﺮﺷﺎ ... ﺍﻣﺎ ﻓﻲ ﺍﺧﺮ ﻟﺤﻈﺔ ﺣﻠﻴﺘﻮ ... ﻧﻠﻘﺎ ﻓﻴﻊ ﻗﺎﺋﻤﺔ ﻣﺘﺎﻉ ﺍﺳﻤﺎﺀ ... ﻋﻮﺟﺖ ﻓﻤﻲ ﻭ ﺳﻜﺮﺗﻮ ... ﺟﻴﺖ ﺑﺎﺵ ﻧﺤﻄﻮ ... ﺣﺴﻴﺖ ﺑﺪﻭﺧﺔ ﻗﻮﻳﺔ ... ﻭ ﻛﺎﻧﻮ ﺣﺪ ﻛﺐ ﻋﻠﻴﺎ ﺳﻄﻞ ﻣﺎ ﺑﺎﺭﺩ ... ﺣﻠﻴﺘﻮ ﺑﺎﻟﺰﺭﺑﺔ ... ﻧﺜﺒﺖ ﻓﻲ ﺍﻻﺳﻢ ﻣﺮﺓ ﻭ ﺯﻭﺯ ﻭ ﺛﻼﺛﺔ "... ﻋﺪﻧﺎﻥ ﻋﺒﺪ ﺍﻟﻤﺎﻟﻚ ..." ﻗﻠﺒﺖ ﺍﻟﻮﺭﻕ ﺑﺎﻟﻮﺣﺪﺓ ... ﻟﻴﻦ ﻟﻘﻴﺖ ﺍﻟﻮﺭﻗﺔ ﻟﻲ ﺗﺨﺼﻮ ... ﺻﻮﺭﺗﻮ ... ﻭ ﺍﻟﻤﻌﻠﻮﻣﺎﺕ ﺍﻟﻜﻞ ﻋﻠﻴﻪ ... ﺗﺮﻭﻫﺠﺖ ﻭ ﻣﻌﺎﺩﺵ ﻧﺠﻢ ﻧﺘﻨﻔﺲ ... ﺣﺴﻴﺖ ﺑﺤﺮﻛﺔ ﺧﻔﻴﻔﺔ ﺑﺮﺍ ... ﺳﻜﺮﺗﻮ ﺑﺎﻟﻮﻗﺖ ... ﺣﻄﻴﺘﻮ ﻋﺎﻟﻄﺎﻭﻟﺔ ... ﻭ ﺧﺮﺟﺖ ﻣﻦ ﺍﻟﺒﻴﺮﻭ ... ﻭﻗﻔﺖ ﺑﺤﺬﺍ ﺍﻟﺒﺎﺏ ... ﻧﺮﺩ ﻓﻲ ﺍﻟﻨﻔﺲ ... ﻛﺒﺴﺖ ﺭﻭﺣﻲ ﻧﻤﺸﻲ ... ﺑﺎﻟﺴﻴﻒ ... ﺣﺘﻰ ﻭﺟﻴﻌﺔ ﺳﺎﻗﻲ ﻧﺴﻴﺘﻬﺎ ﺟﻤﻠﺔ ... ﻣﻌﺎﺩ ﻧﺠﻢ ﻧﻔﻜﺮ ﻓﻲ ﺣﺘﻰ ﺷﻲ ... ﻣﺨﻲ ﺗﺴﻜﺮ ... ﻛﺎﻥ ﺍﺳﻤﻮ ﻟﻲ ﻳﺘﻌﺎﻭﺩ ﻓﻲ ﻣﺨﻲ ... ﻣﻨﺠﻤﺘﺶ ﻧﺼﺪﻕ ﻻﻧﺎ ﻗﺮﻳﺖ ﺍﺳﻤﻮ ﻓﻲ ﺍﻟﺪﻭﺳﻲ ﻫﺬﺍﻛﺎ ... ﻧﺰﻟﻮ ﺩﻣﻮﻋﻲ ﺑﺎﻟﻮﻗﺖ ... ﻓﻜﺮﺓ ﻟﻬﻮ ﻛﺎﻥ ﺍﻟﺴﺒﺐ ﺍﻧﻮ ﺍﺩﻡ ﻋﻤﻞ ﻓﻴﺎ ﺍﻛﺎﻛﺎ ... ﺧﻼﺗﻨﻲ ﻧﺤﺲ ﺑﻮﺟﻴﻌﺔ ﻗﻮﻳﺔ ﺑﺮﺷﺎ ... ﻏﻤﻀﺖ ﻋﻴﻨﻴﺎ ﻭ ﺍﻧﺎ ﻧﺬﻛﺮ ﻓﻲ ﻛﻼﻣﻮ ﻧﻬﺎﺭﺗﻬﺎ "... ﺍﻏﺘﺼﺎﺏ ... ﻳﺎ ﺳﻮﺍﺭ ﻗﺪﺍﺵ ﻣﻦ ﻣﺮﺓ ﻗﺘﻠﻠﻚ ﻓﻚ ﻋﻠﻴﻚ ﻣﻦ ﺍﻟﻘﺮﺍﻳﺔ ... ﺍﻣﺎ ﺍﻧﺖ ﺭﻛﺒﺘﻬﺎ ﻓﻲ ﻣﺨﻚ ... ﻭ ﻋﻤﻠﺖ ﺭﺍﻳﻚ ﻭ ﺍﺧﺮﺗﻬﺎ ﺍﻏﺘﺼﺎﺏ ... ﻧﺪﺭﺍ ﺷﻜﻮﻥ ﻣﻦ ﺍﻟﻜﻼﺏ ﻟﻲ ﺗﻌﺮﻓﻬﻢ ﺧﺬﺍ ﺣﺎﺟﺘﻮ ﻣﻨﻚ ﻭ ﺭﻣﺎﻙ ... ﻭﺍﻟﻠﻪ ﻳﺎ ﺳﻮﺍﺭ ﻣﻮﺗﻚ ﻋﻠﻰ ﻳﺪﻱ ﺍﻧﺎ ﺍﻟﻠﻲ ﻧﻘﺘﻠﻚ ... ﻭ ﻭ ﻧﻐﺴﻞ ﺷﺮﻓﻲ ﺑﻴﺪﻱ ..." ﺣﻠﻴﺘﻬﻢ ﺑﺎﻟﻮﻗﺖ ... ﻭﺍﻗﻔﺔ ﻓﻲ ﻧﺺ ﺍﻟﺼﺎﻟﺔ ﻣﺮﻭﻫﺠﺔ ... ﺍﻟﻜﻼﻡ ﻭﺣﻞ ﻓﻲ ﻟﺴﺎﻧﻲ ... ﻗﺪ ﻣﺎ ﺗﻮﻗﻌﺖ ﺍﻧﻮ ﻳﻜﺮﻫﻨﻲ ... ﻣﺠﺎﺵ ﻟﺒﺎﻟﻲ ﻟﺒﺎﺵ ﺗﻜﻮﻥ ﻋﻨﺪﻭ ﻳﺪ ﻓﻲ ﺍﻟﻠﻲ ﺻﺎﺭ ... ﺍﻧﻮ ﻳﻜﻮﻥ ﻫﻮ ﺯﺍﺩﺓ ﺍﻟﺴﺒﺐ ﻓﻲ ﺍﻏﺘﺼﺎﺑﻲ ... ﻭ ﺍﻻﺳﻮﺀ ﻣﻦ ﻫﻜﺎ ﺣﻂ ﻋﻠﻴﺎ ﺍﻟﻠﻮﻡ ﺍﻟﻜﻞ ... ﻭ ﺗﺒﺮﺍ ﻣﻨﻲ ﻗﺪﺍﻡ ﻧﺎﺱ ﺍﻟﻜﻞ ... ﻏﺼﺔ ﻭﺣﻠﺖ ﻓﻲ ﺣﻠﻘﻲ ... ﻛﻴﻒ ﺫﻛﺮﺕ ﻛﻼﻣﻮ ﺗﺎﻟﻲ "... ﻣﺤﺎﺟﺘﻲ ﺑﺤﺘﻰ ﻣﺤﻀﺮ ... ﻣﻦ ﺍﻟﻴﻮﻡ ... ﻳﺎ ﺳﻮﺍﺭ ... ﻣﻦ ﺍﻟﻴﻮﻡ ﺗﻨﺴﻰ ﻟﻌﻨﺪﻙ ﻋﻴﻴﻠﺔ ... ﺗﻨﺴﻰ ﻻﻧﺎ ﺑﻮﻙ ... ﺗﻨﺴﻰ ﺍﻣﻚ ﻭ ﺧﻮﻙ ﺟﻤﻠﺔ ... ﻻ ﺭﺍﻙ ﺑﻨﺘﻲ ﻭ ﻻ ﻧﻌﺮﻓﻚ ... ﻭ ﺳﺎﻗﻚ ﻧﻘﺼﻬﺎ ﻛﺎﻥ ﻣﺎﺯﻟﺖ ﺗﺤﻄﻬﺎ ﻓﻲ ﺩﺍﺭﻱ ﻣﺮﺓ ﺍﺧﺮﻯ "... ﺣﻄﻴﺖ ﻳﺪﻱ ﻋﻠﻰ ﺭﻗﺒﺘﻲ ... ﻫﻮ ﺍﻟﺴﺒﺐ ... ﻫﻮ ﺯﺍﺩﺓ ﺣﺮﻣﻨﻲ ﻣﻦ ﺍﻣﻲ ﻭ ﻣﻦ ﺧﻮﻳﺎ ... ﻫﻮ ﻛﻴﻒ ﺍﺩﻡ ﺑﺎﻟﻈﺒﻂ ... ﻫﻮﻣﺎ ﺯﻭﺯ ﺣﻄﻤﻮﻧﻲ ﻭ ﺧﻼﻭﻧﻲ ﻓﻲ ﺑﻼﺻﺔ ﻣﺎﻫﻴﺶ ﺑﻼﺻﺘﻲ ﺑﺎﻟﻜﻞ ... ﻃﻠﻌﺖ ﺭﺍﺳﻲ ﻧﻐﺰﺭﻟﻮ ... ﻳﻤﺸﻲ ﻭ ﻳﻘﺮﺏ ﻣﻨﻲ ... ﻭﻗﻒ ﻗﺪﺍﻣﻲ ﺑﺎﻟﻈﺒﻂ ... ﻭﺧﺮﺕ ﺧﻄﻮﺓ ﻟﺘﺎﻟﻲ ... ﻣﻦ ﻏﻴﺮ ﻣﺎ ﻧﺰﻝ ﻋﻴﻨﻴﺎ ﻣﻦ ﻭﺟﻬﻮ ... ﻏﺰﺭﻟﻲ ﻣﺴﺘﻐﺮﺏ ﻳﺤﻜﻲ ﺍﺩﻡ : ﺩﻧﻴﺰ ﻟﺒﺎﺱ ﻳﺎﺧﻲ
VOUS LISEZ
🔥🔞"في أحضان عزرائيل"🔞🔥(الجزء الثالث)
Romanceالجزء الثاااااااالث لبنات ✌☝ 🙋❤ هاني ما بطيتش عليكم هههه 🤭😘توا عندي ثلاثة ليالي و أنا ما رقدتش🤫❤بايتة نسهر عليها بش ما نبطاش عليكم 🤷♀️❤ و أخيرا كملت🤦♀️❤ توا وين فقت سامحوني و الله تاعبة في حالة🤷♀️🤫 نخليكم مع الكرو👋😙 و بالنسبة للكرو نتصو...
