🔥🔞"في أحضان عزرائيل"🔞🔥(الجزء الثالث)

الحلقة 444

ﺗﻬﺰﻳﺖ ﻭ ﺗﻨﻔﻀﺖ ﻋﻠﻰ ﺻﻮﺕ ﺍﻟﻜﺮﺗﻮﺷﺔ ... ﻗﻠﺒﻲ ﻧﺤﺴﻮ ﺑﺎﺵ ﻳﺨﺮﺝ ﻣﻦ ﺑﻘﻌﺘﻮ .. ﻭ ﻏﺼﺔ ﻭﺍﺣﻠﺔ ﻓﻲ ﺣﻠﻘﻲ ... ﺑﻘﻴﺖ ﻧﻐﺰﺭ ﻟﺴﺎﻗﻴﻪ ﻟﻴﻦ ﺧﺮﺝ ﻣﻦ ﺍﻟﺒﻴﺖ ... ﻏﺰﺭﺕ ﻟﻴﺪ ﺍﻣﻲ ﻟﻲ ﻃﺎﺣﺖ ﻣﻦ ﺍﻟﺴﺮﻳﺮ ... ﻭ ﺍﻟﺪﻡ ﻳﻘﻄﺮ ﻣﻨﻬﺎ ... ﻳﻄﻴﺢ ﻋﺎﻻﺭﺽ ﺑﺎﻟﻘﻄﺮﺓ ... ﻧﺘﺒﻊ ﻓﻴﻪ ﺑﻌﻴﻨﻴﺎ ... ﻭ ﻫﻮ ﻳﻨﺰﻝ ﺑﻴﻦ ﺻﻮﺍﺑﻌﻬﺎ ... ﻛﺒﺴﺖ ﻋﻠﻰ ﻳﺪﻳﺎ ﺯﻭﺯ ... ﻭﻭﺧﺮﺕ ﻟﺘﺎﻟﻲ ﺍﻛﺜﺮ ... ﻛﻬﻮ ﻧﻐﺰﺭ ﻟﺪﻡ ﻟﻲ ﻧﺎﺯﻝ ... ﻣﻨﺠﻤﺘﺶ ﻧﺨﺮﺝ ﻣﻦ ﺍﻟﺒﻘﻌﺔ ﻫﺬﻳﻜﺎ ... ﻭ ﻻ ﻛﺎﻧﺖ ﻋﻨﺪﻱ ﺟﺮﺃﺓ ﻛﺎﻓﻴﺔ ﺑﺎﺵ ﺗﻐﻠﺐ ﺧﻮﻓﻲ ... ﺍﺣﺴﺎﺱ ﺧﺎﻳﺐ ﺑﺮﺷﺎ ... ﻭﻭﺟﻴﻌﺔ ﻗﻮﻳﺔ ﺗﺤﻔﺮﺕ ﻓﻲ ﻗﻠﺒﻲ ... ﻻ ﺑﺎﺵ ﻧﻨﺠﻢ ﻧﻨﺴﺎ ﻟﻲ ﺻﺎﺭ ... ﻭ ﻻ ﺑﺎﺵ ﻳﺠﻲ ﻧﻬﺎﺭ ﻧﺨﺮﺝ ﻣﻦ ﺍﻟﺒﻘﻌﺔ ﻫﺬﻳﻜﺎ ... ﻣﺰﺍﻝ ﺍﻛﺎ ﺍﻟﻄﻔﻞ ﺍﻟﺼﻐﻴﺮ ﻟﻲ ﺩﺍﺧﻠﻲ ... ﻣﺨﺒﻲ ﺑﺒﻘﻌﺔ ﻣﻈﻠﻤﺔ ﺗﺤﺖ ﺍﻟﺴﺮﻳﺮ ... ﻭ ﻣﻬﻤﺎ ﻋﻤﻠﺖ ﻣﻨﺠﻤﺘﺶ ﻧﺨﺮﺝ ﻣﻦ ﻏﺎﺩﻱ ... ﻭ ﻻ ﻧﻨﺴﺎ ﺍﻻﺻﻮﺍﺕ ﻫﺬﻳﻜﺎ ... ﻭ ﻻ ﺍﻟﻜﻼﻡ ﻟﻲ ﺳﻤﻌﺘﻮ ﺍﻟﻜﻞ
ﺣﻠﻴﺖ ﻋﻴﻨﻴﺎ ... ﻭ ﺧﺬﻳﺖ ﻧﻔﺲ ﺑﺎﻟﻘﺎﻭﻱ ... ﻫﺰﻳﺖ ﻳﺪﻱ ﻋﺪﻳﺘﻬﺎ ﻋﻠﻰ ﺗﺮﺍﺏ ﺍﻣﻲ ... ﻋﺪﻳﺘﻬﺎ ﻋﻠﻰ ﻛﻞ ﺷﺒﺮ ﻣﻦ ﺗﺮﺍﺑﻬﺎ ... ﻧﻌﺪﻱ ﻓﻴﻬﺎ ﻭ ﺩﻣﻮﻋﻲ ﻋﻠﻰ ﺧﺪﻱ ... ﻧﻌﺪﻱ ﻓﻴﻬﺎ ... ﻭ ﺍﻧﺎ ﺑﺮﻭﺡ ﻣﺘﺎﻉ ﻃﻔﻞ ﻋﻤﺮﻭ ﺳﺒﻊ ﺳﻨﻴﻦ ... ﺧﺴﺮ ﺍﻣﻮ ﺑﺎﺑﺸﻊ ﻃﺮﻳﻘﺔ ... ﻧﻌﺪﻱ ﻓﻴﻬﺎ ﺑﻮﺟﻴﻌﺔ ﻋﻨﺪﻫﺎ 25 ﺳﻨﺔ ... ﻭﺟﻴﻌﺔ ﺗﺤﻔﺮﺕ ﻓﻲ ﻗﻠﺒﻲ ... ﻭ ﻏﻄﺎ ﻋﻼﻫﺎ ﺍﻟﺰﻣﺎﻥ ... ﻃﻠﻌﺖ ﺭﺍﺳﻲ ... ﻭ ﻛﺒﺴﺖ ﻋﻠﻰ ﺳﻨﺎﻧﻲ ... ﻛﺒﺴﺖ ﺑﻴﺪﻱ ﻋﺎﻟﺘﺮﺍﺏ ... ﻏﺰﺭﺕ ﻻﺳﻤﻬﺎ ﺑﻮﺟﻴﻌﺔ ﻭ ﻗﻮﺓ ﻓﺮﺩ ﻭﻗﺖ ... ﺧﺬﻳﺖ ﻧﻔﺲ ﻧﺤﻜﻲ
ﺍﻧﺎ : ﺍﻣﻲ ... ﺍﻣﻲ ﺍﻟﻐﺎﻟﻴﺔ ... ﺗﻌﺪﺍ ﺑﺮﺷﺎ ﻭﻗﺖ ... ﻛﻞ ﻳﻮﻡ ﻭ ﻛﻞ ﻟﻴﻠﺔ ﻭﺟﻴﻌﺘﻲ ﻗﺎﻋﺪﺓ ﺗﻜﺒﺮ ﻳﺎ ﺭﻭﺯ ... ﺣﺎﻭﻟﺖ ﻗﺪ ﻣﺎ ﻧﺠﻢ ... ﺍﻣﺎ ﺍﻛﺎ ﻧﻬﺎﺭ ﺗﺤﻔﺮ ﺩﺍﺧﻠﻲ ... ﻳﺎ ﺭﻳﺖ ﻣﺸﻴﻨﺎ ﻣﻦ ﻫﻮﻧﻲ ... ﻳﺎ ﺭﻳﺖ ﻧﺠﻤﺖ ﻧﻌﻤﻞ ﺣﺎﺟﺔ ﻋﻠﻰ ﺧﺎﻃﺮﻙ ﺳﺎﻋﺘﻬﺎ ... ﻟﺘﻮﺍ 25 ﺳﻨﺔ ﻳﺎﻣﻲ ... ﻭ ﺍﻧﺎ ﻣﻨﺠﻤﺘﺶ ﻧﺎﺧﻮ ﺣﻘﻨﺎ ﻣﻨﻮ ... ﻣﻨﺠﻤﺘﺶ ﻧﻮﺻﻞ ﻟﻴﻪ ... ﻧﺤﺲ ﻓﻲ ﺭﻭﺣﻲ ﺑﺎﺵ ﻧﻬﺒﻞ ... ﺻﺪﻗﻨﻲ ... ﻛﻞ ﻳﻮﻡ ﻳﺘﻌﺪﺍ ﻧﻨﻘﻢ ﻋﻠﻰ ﺭﻭﺣﻲ ﺍﻛﺜﺮ ... ﺳﻮﺍﺭ ﻛﻬﻮ ﻟﻲ ﻣﺼﺒﺮﺗﻨﻲ ... ﺻﺪﻗﻨﻲ ﻧﺤﺒﻬﺎ ... ﺍﻣﺎ ﻣﻨﻌﺮﻓﺶ ﻛﻴﻒ ﻧﺘﺼﺮﻑ ﻣﻌﺎﻫﺎ ... ﺗﻌﺒﺖ ﺑﺮﺷﺎ ... ﺗﻌﺒﺖ ﻭ ﻣﻌﺮﻓﺘﺶ ﺷﺒﺎﺵ ﻧﻌﻤﻞ ... ﺍﻣﺎ ﻧﻮﻋﺪﻙ ... ﻧﻮﻋﺪﻙ ﺑﺎﺵ ﻳﻮﻓﺎ ﻛﻠﺸﻲ ﻋﻠﻰ ﻗﺮﻳﺐ ... ﺑﺎﺵ ﻳﻮﻓﺎ ﻛﻠﺸﻲ ... ﺑﺎﺵ ﻧﻘﺘﻠﻮ ﺑﻴﺪﻱ ... ﺑﺎﺵ ﻧﺨﻠﻴﻪ ﻳﺨﺴﺮ ﺩﻣﻮ ﺑﺎﻟﻘﻄﺮﺓ ﺑﺎﻟﻘﻄﺮﺓ ... ﻟﻴﻦ ﻳﻤﻮﺕ ... ﺷﻮﻳﺔ ﺑﺮﻙ ... ﻭ ﻳﻮﻓﺎ ﻛﻠﺸﻲ ... ﻳﻮﻓﺎ ﺍﻟﻜﺎﺑﻮﺱ ... ﻣﺘﺎﻉ ﺍﻟﺴﻨﻴﻦ ﻫﺬﻭﻣﺎ ﻟﻲ ﺗﻌﺪﺍﺕ ﺍﻟﻜﻞ
ﻫﺰﻳﺖ ﻳﺪﻱ ﺑﺎﻟﺴﻴﻒ ... ﻣﺴﺤﺖ ﺩﻣﻮﻋﻲ ... ﻭﻭﻗﻔﺖ ... ﻧﻜﺮﻛﺮ ﻓﻲ ﺳﺎﻗﻴﺎ ﺑﺎﻟﺴﻴﻒ ... ﻫﺬﺍ ﺍﺧﻴﺐ ﻧﻬﺎﺭ ﻳﺘﻌﺪﺍ ﻋﻠﻴﺎ ﻛﻞ ﺳﻨﺔ ... ﻓﻲ ﻧﻔﺲ ﺍﻟﻨﻬﺎﺭ ﻫﺬﺍ ﺍﻧﺎ ﺧﺴﺮﺕ ﺍﻣﻲ ... ﻓﻲ ﻧﻔﺲ ﺍﻟﻨﻬﺎﺭ ﻫﺬﺍ ﺣﻴﺎﺗﻲ ﺗﺒﺪﻟﺖ ... ﻓﻲ ﻧﻔﺲ ﺍﻟﻨﻬﺎﺭ ﻫﺬﺍ ﻛﺒﺮﺕ ﺑﺮﺷﺎ ... ﻭ ﻋﻤﺮﻱ ﺳﺒﻊ ﺳﻨﻴﻦ ﺍﻣﺎ ﺩﺍﺧﻠﻲ ﻛﺒﺮﺕ ... ﻭﺻﻠﺖ ﻟﻠﻜﺮﻫﺒﺔ ... ﺗﻜﻴﺖ ﻋﻼﻫﺎ ... ﻧﻐﺰﺭ ﻟﻠﻤﻘﺒﺮﺓ ﻣﻦ ﺑﻌﻴﺪ ... ﺑﺮﺷﺎ ﺍﺳﺮﺍﺭ ﻣﺪﻓﻮﻧﻴﻦ ﻫﻮﻧﻲ ... ﺳﺮ ﺍﻣﻲ ﻭ ﺣﻨﺎﻥ ... ﻭﻗﺒﺮ ﺳﻮﺍﺭ ﺍﻟﻔﺎﺭﻍ ... ﺑﺮﺷﺎ ﺍﻟﻐﺎﺯ ﺑﺎﺵ ﺗﺘﺤﻞ ﻣﻦ ﻫﻮﻧﻲ ... ﻃﻠﻌﺖ ﺭﺍﺳﻲ ﻏﺰﺭﺕ ﻟﺴﻤﺎ ﻟﻲ ﻏﻴﻤﺖ ... ﻟﻠﻤﻄﺮ ﻟﺒﺪﺍﺕ ﺗﺼﺐ ... ﺣﻠﻴﺖ ﺍﻟﺒﺎﺏ ﻭ ﺭﻛﺒﺖ ... ﻧﺴﻮﻕ ... ﻭ ﺗﻔﻜﻴﺮﻱ ﺑﻌﻴﺪ ﺑﺮﺷﺎ ... ﺭﺍﺳﻲ ﻧﺤﺴﻮ ﺑﺎﺵ ﻳﻄﺮﺷﻖ ... ﺍﻻﺣﺪﺍﺙ ﻗﺎﻋﺪﺓ ﺗﺘﻌﺎﻭﺩ ﻓﻲ ﻣﺨﻲ ... ﺑﺎﻟﻮﺣﺪﺓ ... ﻋﺰﻳﺖ ﻳﺪﻱ ﻧﺰﻟﺖ ﺍﻟﺒﻼﺭ ... ﺧﺎﻃﺮ ﺣﺴﻴﺖ ﺭﻭﺣﻲ ﺗﺨﻨﻘﺖ ... ﻣﻨﻌﺮﻓﺶ ﻛﻴﻒ ﻭﺻﻠﺖ ﻟﻠﺒﺎﺭ ... ﺭﻛﻴﺖ ﺍﻟﻜﺮﻫﺒﺔ ﻛﻴﻤﺎ ﺟﺎ ... ﻭ ﻧﺰﻟﺖ ... ﻗﺮﺑﺖ ﻣﻦ ﺍﻟﻜﻨﺘﻮﺍﺭ ... ﻃﻠﺒﺖ ﻛﺎﺱ ﺷﺮﺑﺘﻮ ﻓﺮﺩ ﻣﺮﺓ ... ﻫﺰﻳﺖ ﻳﺪﻱ ﻃﻠﺒﺖ ﺍﺧﺮ ... ﻧﺤﺐ ﻧﻨﺴﺎ ... ﻧﺤﺐ ﻧﻨﺴﺎ ﻭ ﻛﻬﻮ ... ﻣﻨﻌﺮﻓﺶ ﻗﺪﺍﺵ ﺷﺮﺑﺖ ﺑﺎﻟﻈﺒﻂ ... ﺩﻭﺭﺕ ﺭﺍﺳﻲ ... ﻧﻐﺰﺭﻟﻬﺎ ... ﻭﺍﻗﻔﺔ ﻗﺪﺍﻣﻲ ﺑﺎﻟﻈﺒﻂ ... ﻣﻨﻌﺮﻓﺶ ﺍﻣﺘﻰ ﺟﺎﺕ ... ﻭ ﻛﻴﻒ ﺧﺎﻟﻄﺖ ﻋﻠﻴﺎ ... ﻫﺰﺕ ﻳﺪﻫﺎ ... ﺣﻄﺘﻬﺎ ﻋﻠﻰ ﺭﻗﺒﺘﻲ ... ﻣﻦ ﺗﺎﻟﻲ ... ﺗﻌﺪﻱ ﻓﻴﻬﺎ ﻭ ﺗﺤﻜﻲ
ﻣﻴﺮﺍﻝ : ﺯﻳﺎﺍﺍﺩ ﻋﺰﻳﺰﻱ ... ﺷﺒﻲ ﺣﺎﻟﺘﻚ ﻫﻜﺎ