اعتمدت على نفسي

البارت 11

الكاتبة Amina
الجزء الاول البارت الثاني
قصة*اعتمدت على نفسي

(القصة)

سرور: لا خالة فدوة عوفيني
ام حسام: لاتخافين ما اسويلج شي كومي وتعاي وياي
***

سرور: [صحت بصوت عالي]
كتلج ماروح وياج روحي ومعليج بية..
ام حسام: تروحين وبلا حجي زايد
سرور: ومنو انتي بلة وتتأمرين
ام حسام: ماتردين تعرفين مكان اختج؟؟؟
سرور: شنو اختي ليش تعرفين وينهة احجي فدوة خالة احجي
ام حسام: ما احجي اذا ماتجين لبيتي وترتاحين مو بنص الليالي وحدج
سرور: كمت على حيلي وكلتلهة
اروح وياج بس شنو اليثبتلي انتي صدك تحجين وتعرفين مكان اختي
ام حسام: اختج خطفهة ابو حسام يلي هو اخوي و ويا  شخص شيطان الي راح تنصدمين للكاتبة امنة شاكر الجزء الاول  من تعرفين جان يضحك عليج

سرور: انصدمت وفكيت حلكي وعيوني مخنزرتهة شنو اخوهة شنو شخص خاني ياربي اختي شلون بية اااااف
يلة امشي
ام حسام: وين؟؟
سرور: البيتج وين يعني!!
رحنة لبيتهة يلي جان بنفس المنطقة بس طول الطريق افكر معقولة اني مسوية الخطأ بجيتي وياهة وارجع اكول حتلو خطأنة وعادي اموت بس كون انقذ اختي وخالتي ام حيدر يلي اعتبرتهة مثل امي بحنانهة وهسة مارح يرحمهة عمو لان ساعدتنة

وصلنة للبيت مالتهة جان صغير ومثل بيتنة يعني مال ناس فقرة مو مثل بيت اخوهة خفت وكلت.
معقولة اختة وهجي بيتهة ياربي لزمت كلبي وضليت واكفة كبال البيت لمن هي صاحتلي ادخل جان مالي خلك وستوي واكعة وماماكلة ولاشاربة وصورت ابوي مالكيتلهة اثر واختي وخالتي كل هذا واني بعدي على حيلي يمكن بس واحد ينفخ علية اوكع
كعدت بالهول بي كراسي جابتلي ماي وانطتني ماشربت خفت لان ماعرف شنو سر هاي المرة
ام حسام: خالة فدوة روحي ارتاحي
سرور: انتي كلتيلي اجي وتسولفيلي وهاي اني اجيت

ام حسام: خالة بداعت اختج ارتاحي والله حالتج مو مال سوالف
سرور: ها مال نوم لو مال ضحك
ام حسام: تهدي كولي يا الله
سرور: كلت يا الله تسولفين لو اكتل روحي  بيتج واذبهة براسج
ام حسام: هي هاي لمخليتني ساكتة لسة ومامسولفتلج شوفي خالة وداعتج ما اكدر اسولف هسة بس احجي توكعين من الصدمة والله
سرور: اختي ماتت
ام حسام: لا اسم الله على اختج
سرور: خالتي ام حيدر بيهة شي
ام حيدر: بيهة سم
سرور: شنو خالة فدوة ما اوكع لا تخافين
ام حسام: شربي ماي ورح اسولفلج
سرور: من حماسي وخوفي شربت الكلاص كلة واني هم عطشانة

ام حسام: خالة ام حيدر يلي حسبتيهة مثل امج بحيث امنتي اختج يمهة غدرت بيج وطعنتج من ظهرج
سرور: ضليت ساكتة واسمع
ام حسام:  ام حيدر متفقة وي اخوي ابو حيدر وكلشي صار بيجن خطة منهم حتى يدمروجن وانتي رحتي امنتي اختج بيد مرت اخوية وانطيتيهيا وماخفتي شراح يصير بأختج احب اكلج يبنتي خالتج ما اجت لهنا ولا وصلت
هي مناك جانت امتانيتج اطلعين من بيتج حتى هي تنقذ زوجهة وينتقمون
من ابوج صحيح ابوج رجال شبع من كبرة وهمة بعدهم نار الحقد بيهم
سرور: اني طول هذا الحديث صافنة عليهة وما مستوعبة كل كلمة تكولهة ماكلت اي شي فجأة حسيت الدنيا صارت سودة واني نعست كلتلهة اريد انام
ام حسام: تعاي نامي بالغرفة
سرور: وصلتني للغرفة ومباشرة حطيت راسي غفيت ثاني يوم كعدت ماسويت اي حركة بس كاعدة وصافنة اجت خالة ام حسام وكالت'

ام حسام: شو ماسويتي اي ردة فعل على موضوع البارحة
سرور: ليش شترديني اسوي؟؟
ام حسام: ماريد اسوين شي بس ردت اشوف خاف بيج شي
سرور: اريد اروح
ام حسام: وين؟؟
سرور: لأختي
ام حسام: اي تروحين لا تخافين
سرور: انتي موعلساس اخوج وماعرف شنو يلة دليني بمكان اختي اذا انتي حقانية

ام حسام: والله حقج ماتصدكيني لان هاي صدمة كلش جبيرة
سرور: لاصدمة ولا بطيخ يلة دليني بمكان اختي
ام حسام: شوية لاتنترين واني فوك حسني وضحيت بنفسي يلي اذا عرف اخوي يذبحني خلاص جاية تصيحين ومامصدكة واحب اكولج اني بس ردت الله مايعابيني لان اعرف ومانقذتج ولي علية سويتة
..............
يتبع...