اعتمدت على نفسي

البارت 2

الكاتبة Amina
الجزء الاول البارت الثاني
قصة*اعتمدت على نفسي

(القصة)

الناس بعد ماتساعدنة يعني جان واحد من جيرانة يطينة كل شهر 10 الاف الى ان شال من بيتهم ومن ذاك اليوم تغيرت حياتي وبديت اعتمد على نفسي
وعلى اختي واول قرار اخذتة جان كلش صعب ومو لمصلحتي بس مجبورة وهو
ابطل من المدرسة جانت حلمي وهسة حلمي نهدم هو الفقير مايصير يحلم
رحت بكل مكان ادور شغل ماكو لان اني صغيرة محد يقبل وهم ماعرف اي شي وصلت للبيت وافكر كعدت وحطيت ايدي علخدي وصافنة

صبا: سرسورة شبيج ضايجة
سرور: ماكو شي
صبا: ليش لسة ماقريتي
سرور: بطلت من المدرسة
صبا: ليش بطلتي هم دبية حميسة زعجتج
سرور: لا حبيبتي بس اني اريد اشتغل
صبا: شتشتغلين
سرور: ماعرف ماادري
صبا: تعاي اشتغلي فراشة(خدامة) بمدرستي
سرور: حظنتهة حيل وكلتلهة
ولج مين اجيبين هاي الافكار الحلوة هم اشتغل وهم فلوس وهم عيني عليج وماخلي البنية اتضربج وهم
صبا: وهم نرجع ونروح سوة
سرور: لج من اروح فدوة لهل اخت يلة كومي اقري واول راتب اشتريلج لعابة
صبا: عفية سرسورة

سرور: صارت الساعة ب9 قريت اختي ونمنة وجان بعد 4 امتحانات عدهة كعدنة ثاني يوم ب7 ونص فتحت الكدر مالكيت بس نص كرصة خبز بس جاي اكو وشكر هم وكلت صبا واني ماكلت بس كلت بالعافية اني اجوع ولاهي
رحنة لمدرستهة وخايفة حيل من المعلمة الي صيحت علينة ذاك اليوم خاف تشوفني

سرور: سلام عليكم
المديرة: وعليكم
سرور: ست هم محتاجة فراشة
المديرة: تباوع علية من فوك لجوة جني ماعجبتهة
بس حبيبتي انتي صغيرة
سرور: بس اعرف اشتغل
المديرة: والطبخ!؟
سرور: هزيت راسي يمنة ويسرة ودنكت
المديرة: شوكت تبدين؟
سرور: رفعت راسي مامصدكة
يعني قبلتي اشتغل!!
المديرة: اي بس شوكت تشتغلين يايوم
سرور: ست اليوم اذا تردين
المديرة: ماشي تفضلي
《طلعت فلوس بيهن 15 الف》
سرور: شنو ذني
المديرة: هاي دفعة اولا لشغلج احنة نطي العاملات 25 الف بس لان انتي متعرفين اطبخين رح نكطع من راتبج كل شهر
موافقة!؟
سرور: اكيد ست طلعت وحاظنة لفلوس وطايرة من الفرح اخيرن رح اكدر اوكل اختي رحت مباشرة على صفهة الي تمتحن بي اكدر اوكف اباعلهة بعتباري عاملة بهاي المدرسة

صبا: جنت امتحن ومنتظرة اختي تجي خفت خاف راحت فجئة شفت سرسورة واكفة يم باب الصف بعد ماخفت وحتى هاي البنية دبت الماي ما اغشلهة لان اعرف متكدر تكتلني واختي يمي جاوبت على الاسئلة وكملت اول وحدة وحضنت اختي واني طايرة من الفرح
سرور: شوفي شجبتلج طلعت الفلوس وراويتهة
صبا: شنو هاي منيلج
سرور: قبلوني بالشغل
صبا: صدك حظنتهة بقوة وهي شالتني تفتر بية صحيح هنة 15 الف يعني عد الاغنياء قليلة بس احنة فقرة حسرة علينة الربع واحنة يتيمات وبذاك الوكت ماكو مؤسسات وهاي السوالف كلمن يصيح ياروحي جنت مرتاحة بذاك اليوم لان كدرت اوكل اختي بس الي ماجنت اعرفة احنة مامكتوبلنة السعادة رجعنة للبيت لكيت رجال ضخم وكصير ولابس بنطرون كابوي وقميص احمر جان شكلة يخوف ويخابر يم بيتنة وصلت للبيت وكلبي راد يوكع من الخوف فتحت الباب انتبهلي كال

اوكفي
سرور: احجي واختي وراي لابدة مطلعة بس راسهة
منو حظرتك

ابو حيدر: ابو حيدر
سرور: تفضل عمو امر خدمة
ابو حيدر: منو كاعد وياج بهذا البيت
سرور:سكتت وسنوني وحدة اطك بالثانية واختي خاتلة وراي رادت تموع روحي كلش شكلة يخوف وهو اسمر وشعرة طويل اسود
ابو حيدر: بابا ماعندي وكت اريد تخلون البيت لان ابوج مادافع الفلوس كلهة يعني تاخذون غراضكم واطلعون
سرور: اني مو سمعتة هجي كال لو متت كمت ارجف والدموع تصب للكاتبة امنة شاكر الجزء الاول اني ماعندي بس هذا البيت وجنت متأملة محد ياخذة وبلمح البصر يختفي
لا عمو حباب

ابو حيدر: يا عيني امشي فرغي البيت الج ساعتين تطلعين غراضكم
سرور: عمو والله ماعندي بس هذا البيت بس اني واختي عايشين ماعندي لاكرايب ولا اهل
ابو حيدر: اني شنو ذنبي يرحن فلوسي بسبب ابوج الجذاب
سرور: اتوسل بي عوزي ابوس ايدة كعدت بالكاع منهارة واتوسل بي .
فدوة عمو اني ادفعهن بس لاتطلعنة من البيت ماعندنة غيرة
ابو حيدر: بابا اطلبة الابوج7 ملايين ماتكدرين تنطينياهن انتي
سرور: صفنت مبلغ كلش جبير ما اكدر اوفي واني راتبي قليل يادوب يعيشنة اني وصبا

صبا: شفت اختي منهارة ماتحملت فكلتلة
عمو فدوة اني واختي نشتغل ونسدة للدين بس لاتطلعنة منة
ابو حيدر: الجن شهر واحد اذا ما وصلن لفلوس اطردجن من البيت
مشى ابو حيدر
سرور: صبا شلون اتكدرين تشتغلين وعندج مدرسة.
صبا: ماادري بس الادري بي اساعدج ماعوفج وحدج
سرور: لا حبيبتي انتبهي الامتحاناتج واني ادبرهة
صبا: يعني منعوف بيتنة
سرور: انشالله منعوفة هسة طبي اقري

بقة بس 15 يوم ولحد الان جامعة بس نص مليون لان سويت سحب مال 5 اشهر لكدام والراتب كل شهر 100 وفديوم الساعة بالوحدة الظهر للكاتبة امنة شاكر الجزء الاول كاعدة وصافنة لان خلص الدوام صار ساعة من رجعنة كاعدين ناكل وندك الباب...
..........................

يتبع..