اعتمدت على نفسي

البارت(6)

الكاتبة Amina
الجزء الثاني البارت السادس
قصة*اعتمدت على نفسي

(القصة)

سرور: طلعنة من الباب عفنة كلشي حلو والذكريات وكلشي ورانة قفلت الباب وجان جذب مارح ابيعة محد قبل ياخذة لان خربان واني عندي 4 ملايين جامعتهن.
***

قررت اروح اعيش بغير منطقة بيت اجار بس ماطلع من المدينة واني هم حصلتلي بيت بغير منطقة وقريب من المطعم دخلنة للبيت جان مساحتة مثل مساحة بيتنة و اجارة بس 100 الف بالشهر صحيح بيتنة احلى بس هذا هم حلو يعني ينعاش بي دخلنة صبا جانت ضايجة لان عفنة البيت القديم وهم بدينة حياة كلهة اسرار ضميت عليها سالفة نور وبيع البيت
صبا: ياااو شنو هذا البيت

سرور: شبي؟؟
صبا: مابي شي بس وصخ كلش
سرور: عادي احنة انضفة
صبا: اي قابل الناس الجانوا كاعدين ينضفوا
سرور: جم مرة لازم اكلج محد جان كاعد بي
صبا: ها جا شنو من الهوة اجرنا؟؟
سرور: هو صاحب هذا البيت عندة 2 بيوت واحد مخلي للاجار ولي هو هذا
صبا: ماشي. ماشي
سرور: دخلنة عزلنة البيت وحطينة غراضنة وسبحنة ومشطنة واكلنة لمن صارت الساعة ب9 بليل اووف هلكنة.
مباشرة حطينة راسنة ونمنة حتى مسلسل ماشفنة صار الصبح الساعة ب7 ونص كعدنة تريكنة وبدلنة صبا مشت المدرستهة واني للشغل طلعنة وكلوحدة بطريقهة.

صبا: رحت للمدرسة دخلت ماجان اكو هواي طالبات بصفي ونور هي صديقتي الوحيدة يلي امشي وياهة وجانت ماهية وياي كرهت المدرسة بذيج اللحظة جانت كلش ضوجة لذلك قررت اطلع كتاب واقرة احسن اثناء ماكاع اقرة اجن الطالبات وحدة وحدة وجان عدنة وحدة بيتهة بالفرع الثاني الورة بيتنة القديم اسمهة ايمان جنت اروح وياهة وارد يعني هم جانت صديقة الي بس مو من جمعتنة يعني حياتهة مامهددة للخطر .
ايمان: شلونج صبا
صبا: هلوو صباح الخير
ايمان: صباح النور..البقية بحياتج
صبا: كمت من الرحلة وكلتلهة
ايمان شبيج من الصبح؟؟
ايمان: اسفة بس كلت فشلة ما اخذ من خاطرج.
صبا: ايمان شنو هذا الحجي شنو بقية بحياتي هو دجاجة ذبحناهة البارحة ببيتنة الجديد. عليمن تعزيني

ايمان: لا قصدي على صديقتج نور الله يرحمهة
صبا: فتحت عيوني وخزرتهة خزرة وعيوني صارن حمر شمرت الكتاب وطلعت من الرحلة رحت بأتجاهة وصفكتهة راجدي بحيث حتى ايدي كام توجعني وبديت اخنك بيهة
شنووو الله يرحمهة نور مامتت نور بس مخطوفة وراح ترد والله اكسر راسج اذا تعيديهة بعد
البنات صارن يهدن بية رحت على الرحلة كعدت وحطيت ايدي على راسي
ايمان: صبا الظاهر محد كلج يوم الاثنين يعني قبل يومين جابوا الجثة مالتهة.
صبا: كااااافي ايمان واللة راح اموتج (بصوت عالي)* والبنات كامن يحاولن يسكتني واني اصيح بعلات صوتي حتى بنات غير صفوف تجمعن علينا
سكتوووهة الهاي لاوالله اكتلهة خل تجي نور وقسما بالله اكللهة على سوايتج.

ايمان: هههه ضلي تحلمي برجعتهة ومن يوم امس استلموا الجثة ودفنوهة
صبا: صرت كوة اتنفس قهرتني حيل تضحك وتألف قصص على صديقتهة رحت بأتجاهة وبديت اخنك بيهة اجت المديرة والطالبات كوة فاككنة ردت اموت
المديرة: صباا شنو هاي الاخلاق حاطة البنية وتكتلين بيهة
صبا: ست انتي ماسمعتيهة شكالتلي
المديرة: شكلتلج وخلتج هجي تخنكيهة
صبا: سولفت للمديرة كلشي والمديرة تفهمتني بس اكو شي ضوجني انو اثناء ما اسولف ايمان تحلف بالله نور ماتت قهرتني كلش.
المديرة: صبا روحي للبيت واني اخذلج اجازة
صبا: لا ست اني البارحة غايبة ماريد يضيعن الدروس علية
المديرة: ماشي.
صبا: صارت الساعة بالوحدة الظهر طلعنة للبيوت

رجعت صليت الظهر والعصر وكملت الدروس واكلت وشفت مسلسلتي حلقة البارحة اعادة ماشفتهة تقريبا كملت كلشي الساعة ب4 ونص حتى سبحت يعني كلشي كملت.
بعد ماعندي شي كعدت افكر بنور وشوكت ترجع والله اشتاقيتلهة كلش. مر الوقت الى ان اجت سرور وحجيتلهة كلشي
سرور: صبا سولفتلي على ايمان وشسوت وشحجت متت من يمي خفت خاف تعرف صبا حجاية اثرت عليهة اذا عرفت انو كلام ايمان صح شراح تسوي ياربي خاف انوب ايمان متكعد الا تكشف الحقيقة.
صبا: سرور يعني هي مو عيب عليها هجي تحجي
سرور: اي بس ماجان لازم هجي تسوين.
صبا: اسوي الازيد والله اذا احد يحجي على نور بهيج موضوع
سرور: يلة كومي نامي
صبا: شبيج خفتي؟؟
سرور: ليش حتى اخاف اشايفتني لابدة وراج من الخوف

صبا: راح انام..تصبحين على خير
سرور: وانتي بخير صباوي
نمنة وثاني يوم كلشي تمام ماصار شي ومرت الايام والوضع تمام صار شهرين على وفاة نور صحيح ضميت عليها هجي شغلة مهمة بس اني مامستعدة اضحي بأختي لان اعرفهة ما تتحمل
جنت كاعدة بلغرفة واقرة كتاب واجت صبا
صبا: سرور مر شهرين
سرور: على شنو؟!
صبا: على اختفاء نور لسة ماسمعنة خبر
سرور: اي اكيد ماتسمعين خبر
صبا: ليش؟؟
سرور: غير اهلهة سافروا يعني اكيد اذا رجعت تروح الهم ماتجي وبعدين احنة شلنة من بيتنة يعني مستحيل تعرفين شي عنهة
صبا: فعلا اهلهة مايسافرون اذا مو هي يمهم واكيد اخذوهة وراحوا لان يخافون عليهة
سرور: بالضبط وهسة يلة رح اروح للشغل اوك
صبا: ماشي
سرور: مشيت للشغل وهناك جان عندي صديقة اسمهة زينب هي نفسها القلدت على بيتنة اجت واعتذرت مني وسامحتهة

................

يتبع...