اعتمدت على نفسي

البارت(10)

الكاتبة Amina
الجزء الثاني البارت العاشر
قصة*اعتمدت على نفسي

(القصة)

كعدت باوعت للساعة لكيتهة بال2 بليل هواي نايمة كمت وكلبي يرجف على اختي لكيت روحي منزعيني الجادر الجنت لابستة واكو اكل على الطاولة وعصير مقابيلي مباشرة خليت الجادر على راسي وطلعت راسي يفتر وكل دقيقة تصير الدنيا سودة وارد اصحة المستشفى جانت تصفر اباع الممر محد بي
***

رحت بأتجاه غرفة اختي باوعتلهة من الشباج لكيت راسهة لافينة حاولت افتح الباب ماكو ماينفتح قافلينة من برة حتى محد يدخللهة ضليت بالربع ساعة اباوعلهة وابجي تعبت من الوكفة ماكدرت اقاوم بدة راسي يوجعني ودخت رجعت للغرفة للكاتبة امنة شاكر الجزء الثاني كعدت على الجرباية تمددت وحطيت ايد جوة راسي والثانية على بطني وصفنت مابية ابجي نشفن ادموعي تانيت الصلاة صليت ورجعت اتمددت ماحسيت الا غفيت وماكعدت الا على صوت ام هيفين تكول نايمة فتحت عيوني شافتني
ام هيفين: صباح الخير
سرور: صباح النور
ام هيفين: يخالة هجي نومج خفيف رجعي نامي ارتاحي
سرور: بيش الساعة هسة

ام هيفين: بال9 الصبح
سرور: ها زين شلونهة صباوي
ام هيفين: انشالله زينة
سرور: اوف خالة اريد اروح يمهة
ام هيفين: كومي اكلي حتى ترجعلج طاقتج من امس ما اكلتي شي
سرور: مو جوعانة
ام هيفين: هاي يمج من تصحصحين اكلي
سرور: طلعت ام هيفين كمت غسلت وجهي لان الدم نشف بي تأذيت حيل لبست عباية جابتلياهة ام هيفين وياهة وطلعت اشوف صبا بعدي اول ماطلعت شفت الدكتورة طلعت من غرفة اختي لونهة مخطوف وتركض

اتصيح دكتور اريد اسألهة شكو ما اكدر اجة ابو هيفين سألني ليش الدكتورة طلعت تركض اني ساكتة ما رديت حسيت الدم كام يجمد بدة جسمي يرتعش اشوف الدكتور اجة يركض طب لغرفة اختي صبا مباشرة ماحسيت غير اني نايمة على الجرباية وحاطيلي كانونة بيهة مغذي لكيت ام هيفين كاعدة يمي وابو هيفين ماهوة.
ام هيفين: ها شلون صرتي
سرور: صبا..اي صبا...ذكرت صبا ولصار بديت استجوب كمت كوة ماكدر ومنا هذا المغذي ماكدر اكوم
ام هيفين: خيرج  شبيج
سرور: صبا صبا شبيهة
ام هيفين: لاتخافين ماكو شي اخيتج نايمة
سرور: الدكتورة ليش جانت تركض فدوة خالة خل اروح

ام هيفين: اخليج تروحين بس خل يجي الحجي
سرور: مباشرة ندك باب الغرفة واسمع صوت ابو هيفين يكول يالله
ام هيفين: هاج هذا شال ذبي على راسج
سرور: لا وين العباية
جابتهة الي وحطيتهة على راسي
ام هيفين: تفضل حجي تفضل
ابو هيفين: السلام عليكم شلونج بابا
سرور: من سمعت كلمة بابا مباشرة ذكرت ابوي وبديت ابجي بصوت عالي
ابو هيفين: شبيج سرور هاي شجرالهة
ام هيفين: تريد تروح تشوف اختهة الله يساعدهة رح تتخبل ماعدهة احد بظهرهة وتعتمد علية كضن عمرهن مكسورات خطية .
سرور: سمعت كلامهة مع انو شكد جان كلبي يوجعني بس ماتقبلت حجيهة للحظة حسيت انذليت بسبب مساعدتهم الي وهم همة حقهم تبهذلو وياي بس عيب تحجي هجي حتلوا مقهورة علية

ابو هيفين: هسة شلج بهلحجي بابا سرور ماعليج شنو تردين اني حاظر.
سرور: متأكد عمو؟؟
ابو هيفين: شنو هلسؤال اني كد كلمتي
سرور: عمو لخاطر بنتك الوحيدة وولدك الماعندك اعز منهم ترجعون البيتكم وتكملون حياتكم
ابو هيفين: شبيج سرور شجرالج
سرور: ماريد اتعبكم وياي والله اعرف ادبر نفسي لا عبالك اني مكسورة وماكدر وحدي هاي هسة اني وضعي تحسن واذا تريد اكل كدامك حتى تصدك
ام هيفين: شبيج سرور مأثرين عليج احنة
سرور: خالة حلفتكم بجهالكم عيفوني اني اعرف اعتمد على نفسي والله اني كدهة لا تخافون علية

ابو هيفين: بوية سرور
سرور: ضليت اتوسل بي بالنص ساعة احسهم ملو مني ماريد اعيشهم بمشاكلي اخر شي ختمنة بي الكلام
ابو هيفين: يصير خير
سرور: طلع وضليت حايرة بزماني مباشرة طبت الدكتورة وخرت المغذي بس الكانونة خلتهة بأيدي ماصدكت طلعت منا رأسن طلعت رحت لغرفة الانعاش لبيهة صبا شفتهة نايمة كعدت علكرسي المقابيل للكاتبة امنة شاكر الجزء الثاني الغرفة ماعرفت شصار محد يقبل يحجي كل الاكلة يكول ماكو شي ورى نصف ساعة شفت رجال جاي يركض من بداية الممر جان الممر طويل اجة بأتجاهي وماتوقعت انو  كريم الموظف الي بلمطعم جاي وصل يمي حظني بقوة ماعرفت شكو مافهمت ليش اول مرة رجال غريب  دفعتة

كريم: عمو سرور وين اختج
سرور: وشعليك بأختي ليش احنة نعرفك
كريم: اعذريني عمو حقج علية بس اني عمج اخو ابوج
سرور: اني ضليت فاكة حلكي هوة صح يشبه ابوي بس شنو عمي هذا شيحجي!!
والله ماعرف شصيحلك استاذ كريم انت شبيك اني عايزة وجاييني انت تكلي اني عمج
كريم: والله ماجنة نندل مكانكم والله كلبت الدنيا عليجن انتن بنات اخوية العزيز
سرور: وهسة شتريد
كريم: شنو شريد اريدجن تردن وياي وتعيشن يم بيت جدجن بديرتجن
سرور: شفت عيونة تلمع احس الحجي من كل كلبة بس ما اكدر اصدك ولا استوعب تالي العمر لمن كبرنة وعشنة اجو لا ومنو يكول صدك عمامي
كريم: سرور احجي وياي فهميني وين جنتوا كل هاي السنين اختج شلون صار بيهة هجي
سرور: شو الظاهر اتأقلمت وي الجو شنو ليثبت انت عمي وبعدين منو كلك اني ماعرف عمامي اني عندي عم واحد يلي هوة اكبر من ابوي عمي عماد يلي ماسأل علينة والثاني الصغير اصغر من ابوي مسافر وشايفة صورة اني
كريم: اوفف يا اللهي يعني هاي صدك بت اخوي يعني سرور من لحمي ودمي
سرور: ضليت صافنة علية يباوع لفوك ويسولف ويدعي حسيت بي صدك مقهور بس اني اعرف عمي عماد وعمي الصغير مسافر وشايفة صورة اني بس ناسية شنو اسمة  من تعارك ابوي وي  جدي وطردنة ماسألوا علينة واختفوا بعد ماشفتهم

........................
يتبع...