اعتمدت على نفسي

البارت الاخير 20

الكاتبة Amina
الجزء الاول البارت20 الاخير
قصة*اعتمدت على نفسي

(القصة)

صبا: درت وجهي عنة وجريت سرور ودخلتهة لجوة
وينهة؟؟
سرور: شنية صبا
صبا: الاكلة وينهة؟!
***

سرور: شتردين منهة!
صبا: اريد اكلهة جوعانة ، شنو شريد منهة اريدهة
سرور: شناوية تسوين؟
صبا: احجي سرور فدوة بساع
سرور: ذيج الطاولة
صبا: رقم 6؟؟
سرور: امم

صبا: مشيت للطاولة اخذت الاكل وطلعت وكفت كبال الشرطي
الشرطي: هاي شنو
صبا: شنو ماتشوف الاكلة الحظرت جنابكم كلتو مسممة بدون ماتتضوقوهة
الشرطي: مايحتاج نتضوقهة الدكتورة كالت الرجال مات بسبب السم.
صبا: فعلا وصدكت انت موو؟؟
الشرطي: هيوو لا تأخرينة وتضيعين وقتنة احنة نعرف شغلنة.
صبا: لحظة ماكتلي انت ليش ماتهمت يلي طبخ
الشرطي: اهو اكلج لا تجزعينة
صبا: كاع احجي وياك جاوبني رجاءا
تامر: شفنة الكاميرات لمن جان يجهز

الاكل.ولحد ما سلمة الاختج وثبتت البراءة
صبا: ها ولان هي مامصورتهة كاميرة حملتوهة الذنب صح
الشرطي: احنة ماحملناهة اختج هي القاتلة
صبا: حسن الفاظك مو الكل مثلك
الشرطي: احترمي نفسج مو صوجج صوجي اني لمضيع وقتي وي بنات ابتدائية

صبا: من علمك اني طالبة متوسطة وثانيا انتظر وشوف هاي الطفلة التحجي عليهة شلون راح تفشلك كدام الكل
الشرطي: لج انتي...
تامر: فدوة سيدي اطيهة فرصة
الشرطي: يلة اكيد مارح اعيفهة لان راح تكول لو متانيني جا ثبتتلة واضل تمضرط بالحجي
سرور: سيدي من رخصتك بلا تجاوز
الشرطي: دكافي وانتي الثانية يلة راوينة دليلج.
صبا: اخذت الشوكة واكلت من نفس الماعون الاكل منة
ها سيدي شلونك شوف بية شي
الشرطي: هاي شلون!!
صبا: اسأل دكتورتك شلون هجي
سرور: فعلا صدمتني صبا ضليت صافنة عليهة ولمن كالت اسأل دكتوتك باوعت للدكتورة فاطمة لكيتهة مدنكة مبين اكو شي بالموضوع,
الشرطي: فاطمة فهميني شنو الصار
الدكتورة فاطمة: سيدي اكيد مبدلات الماعون لان اني ما اغلط ب,
الشرطي: فاااااطمة احجي شنو الصار ( بصوت عالي )*

الدكتورة فاطمة: سيدي اني سويت هجي بسبب حيدر
سرور: شاورت صبا شنو هاي شكاع تحجي
صبا: والله ماعرف منو هذا ماسامعين بأسمة قبل^-^

الشرطي: مہنہؤ هذآ حيدر!!
الدكتورة فاطمة: ابن جيرانة وكلي اطيج فلوس اذا كلتي بسبب التسمم مات الرجال
الشرطي: وانتي كيفتي ورحتي لج انتي الامنت عليج هجي اسوين مو حرام عليج ادخلين بنية بريئة على حساب الفلوس
صبا: رحت مباشرة بأتجاه الدكتورة وخنكتهة من ركبتهة بأيد وحدة واصيح
لج احجي منو هذا خرة ليش هجي يريد يأذي اختي شرايد منة.
الدكتورة: هديني اختنكت فدوة

سرور: ركضت بأتجاه اختي وخرت اديهة مع انو صغيرة بس جانت اقوة من الدكتورة
صبا: سرور عيفيني اخنكهة ونرتاح منهة هي وهذا الجبان يلي اذا اعرف شنو بالنسبة النة هو وهجي يريد يدمرنة جا ارتاحيت
سرور: ماعرف واني ماسامعة بهذا الاسم قبل بساع
الشرطي: اسف سامحوني واي شي محتاجي اني بخدمتكم
صبا: طبكت ادية بقوة ورفعتهن 🙏 شكرا مامحتاجين خدمتك
الشرطي: اعرف تهمتكم وحرجتكم والله مو قصدي
سرور: سيدي تكدر تروح ورجاءا لا تعيد هاي الغلطة وتثق بناس تريد مصالحتهة وبس.
صبا: اوكفي شنو يروحون خل يعرفونة على صاحب الجريمة وخل يكلونة الرجال ليش مات

الشرطي: خابرت دكتور جديد هسة يجي ويفحصة
الدكتورة فاطمة: لا سيدي مايحتاج اني فحصتة سكتة قلبية مفاجأة
الشرطي: فاطمة لاتدخلين العليج تكوليلنة بشنو يقرب هذا الاسمة حيدر للبنات.
الدكتورة فاطمة: سيدي هذا ابن جيرانة وهو وحيد الاهلة وقبل خمس سنين توفو اهلة بسبب سرور وهو لكة هاي انسب طريقة لياخذ حق اهلة
سرور: يا ويلي هذا ابن عمو ابو حيدر يلي جنت اشتغل عدهم.
الشرطي: يعني صرتي تعرفي، وهذا الدكتور وصل رح يفحص الرجال
الدكتور: هذا مات بسبب سكتة قلبية توقف عضلات القلب كافة
الشرطي: شكرا صارت زحمة وانتي فاطمة هناك نتصرف وياج
سرور: راحو الشرطة والدكتورة والناس
صبا تكدرين ترحين
صبا: ماشي
سرور: شكرا صباوي
صبا: لاتخافين ماطول اني موجودة

سرور: هههه اي ماخاف يلة روحي
مشت صبا واني فرحانة لان اخيرا ردت صبا الاعرفهة والاحلى صاحتلي سرسورة بعد كل هاي السنين جنت متانية على احر من الجمر حتى امشي للبيت واحظن صبا
صبا: رجعت للبيت مايقبلون ادخل المدرسة لان اتأخرت، بدلت ملابسي لبست تراكسود، لفيت شعري، وكعدت واباوع تلفزيون صارت الساعة ب 8 سويت اكل وكعدت اكل طبت سرور فرحانة مباشرة ذبت جنطتهة وحظنتني
سرور: اختي صباوي اشتاقيتلج
صبا: شكوو شنو الصار
سرور: ما صار شي انتي بعدج زعلانة مني؟؟
صبا: هزيت راسي يمنة ويسرة
سرور: فديتج♡
صبا: اسفة
سرور: ليش.؟
صبا: على يلي سويتة عرفت نفسي خطأنة سامحيني فدووة
سرور: هديت اديهة ودرت وجهي
لا ما اكدر اسامحج
صبا: حقج سرور بس شتريدين اسوي حتى اضل اسبوع كامل اني اغسل ملابسي
سرور: اسبوع بس؟؟
صبا: عادي شكد ماتردين
سرور: ههه اشاقة وياج اريد طلب بسيط
صبا: شنوة!؟
سرور: اريد ترجعين تكوليلي سرسورة
صبا: بس اني كبرت
سرور: بس هسة كليلي اريد اسمعهة منج للمرة الاخيرة
صبا: اسفة سرسورة اختي
سرور: ياعيون اختج مسامحتج
صبا: حظنت اختي وكلتلهة شكرا
سرور: تكدرين تحجيلي شنو سبب التغيير المفاجئ وليش هلكد طولتي بزعلتج علية
......................

يتبع...