اعتمدت على نفسي

البارت 8

الكاتبة Amina
الجزء الاول البارت الثامن
قصة*اعتمدت على نفسي

(القصة)

سويت تشريب دجاج وشوربة وتمن ولبن ومقبلات سويتهن من الظهر ولحلويات هم نوعين ترست السفرة بس الخبز ماقبلت اني اسوي هي خبزت بس كلتلي باعي تعلمي شلون ينخبز هم صدك باوعت تعشو وهلمرة ماحجة شي بس طب فاير ماعرف ليش ينكط شرار يمكن راح يريد يخطفهة ومالكاهة بالبيت
تعشو وكملو غسلت لمواعين اني وكاعد احظر نفسي اريد اروح وجان تكلي ام حيدر.
ام حيدر: اوكفي
سرور: ها خالة خو ماكو شي خيرج

ام حيدر: لا ماكو شي بس هذني علاليك بيهة بصل وبيذنجان وبيض يفيدنج لبيتج
سرور: لاخالة مامحتاجة هذا الاكل كافي علينة
ام حيدر: لاتزعليني منج اليوم نقذتيني ونقذتي اختج جان تكدرين تنقذين نفسج واختج بس ضحيتي بنفسج الله يوفقج
سرور: بست ايدهة وكلتلهة خالة والله بس دعائج كافي خلي الكم
ام حيدر: لاتخافين علينة عدنة هواي هسة شرايدة منج اخذيهن بداعت اختج
سرور: شكرا الله يخليج النة ويطول عمرج يارب
بس الاكل من فلوس عمي ابو حيدر حرام علية اخذ بدون مايعرف
ام حيدر: شنو هذا الحجي لتنسين اني مرتة والي حق منة
سرور: اي خالة بس
ام حيدر: انتي مصرة تزعليني منج مو
سرور: لاخالة وداعتج مايهون علية زعلج بس والله ماريد اتحمل ذنب علمود شوية مسواك

ام حيدر: اذا هجي وحاسبتني غريبة بهذا البيت اني اشيل من الراتب اليطينيا واطيهيا بس لاترديني
سرور: اوف الله عليج خالة لاتحرجيني مامحتاجتهن
ام حيدر: محللة وموهوبة حسبيني اني ماكلتهن واخذيهن
سرور: الله يوفقج يارب بس هلمرة اي
ام حيدر: اي بس هلمرة الله عليج ماتردين اي شي من العلاليك
سرور: لا والله مارد بس بعد متطيني
ام حيدر: انشالله يعمري يالله روحي لاختج وقفلي بابج زين كلشي يصير انتن ونايمات
سرور: دمعت عيني وحظنتهة احس امي كاعد توصيني وفعلا للكاتبة امنة شاكر الجزء الاول ماجان خاطر على بالي فكرة يجي بالليل رجعت مباشرة رحت لبيت ام سعد واخذت اختي ورحت للبيت بساع لان خايفة احد يجرهة من ايدي وياخذهة بس جان عمو محمد واكف بلباب مالتهم شوية حسسني بالامان طبيت للبيت انطيت اختي الاكل وطبيت علسريع سبحت خاف يجفتون على البيت ويخطف اختي واني بالحمام مثل الاطرش بالزفة طلعت وافكر بكل كلمة كالتهة
صبا: شبيج سرسورة
سرور: مابي شي عجبج الاكل
صبا: اي كلش طيب

سرور: بالعافية
صبا: اكلج اليوم عمو الدبي اجانة
سرور: طفرت وكلتلهة ياهوة!!
صبا: عمو ابوحيدر
سولفت السرور كلشي بالتفصيل
سرور: ياربي اني لازم اخذ حذري زين والباب شلون اقفلة
صبا: شبيج صفنتي
سرور: اريد اشتري قفل للباب بس ماعندي فلوس
صبا: ليش ماعندج فلوس جا ذني شنو الي بلعلاكة
سرور: طفرت من مكاني وفتحت العلاكة لكيت 100 الف بيهة
عزةةةة هاي شنو ومين
صبا: شنو مين هاي شبيج خاف مصخنة
سرور: بابا اسكتي انتي خل افتهم
ذكرت من كلتلهة بعد ما اخذ منج ووافقت يمكن جانت مأمنة يابة هاي المرة شكد طيبة شلون متحملة عمو ماعرف مباشرة رحت اخذت بس كم فلس اجيب بيهن قفل وحلويات الاختي طلعت واختي اخذتهة وياي صادفت صدايقنة اثنين وحدة بصف الاول متوسط جانت وياي واختهة ما مسجلة راحن ويانة للمحل امنت اكثر اذا هواي

محد يكدرلنة جبت القفل وريوك و جبس ونستلة وعصير لصبا واني جبس وطبينة للبيت صبا راحت تركض للغرفة تاكل واني كاعد احاول اسوي لقفل سويتة بس خاف موثابت ما ارتاح من انام الا اتأكد صحت العمو محمد بلباب جان كاعد
عمو..عمووو
محمد: ها يعمي محتاجة شي
سرور: بلا زحمة اذا تكدر تشوفلي هذا ماكدرت اكول قفل خاف كاعد يتصنت(يسمع) او يراقب اجة عمو وكال
محمد: شبي
سرور: بس اريد اتشوفة هذهو ثابت خو مابسرعة ينفتح

محمد: لا شوية بي رخاوة
سرور: ثبتة الي عفية
محمد: هذهو شديتة وجربتلج اذا ينقفل لو لا
سرور: تسلم عمو شكرا
طلع عمو محمد سديت الباب وقفلتة وضميت المفتاح جوة العين مال الطباخ فتحت القبق وضميتة احسن مكان كلشي يصير حتى من اطلع اقفل الباب مال البيت و اضمة بلجيب مال الدشداشة يصير جوة الكعب مال ايدي مايبين اني سويتة وبي دكمة خاف ادنك ويطيح والفلوس اضمهن جوة الثلاجة احسن نمت للكاتبة امنة شاكر الجزء الاول واني مرتاحة ثاني يوم بالسبعة ونص كعدت جهزت ريوك اختي وحطيتلهة بالعلبة مال المدرسة غدة وربع خاف تشتهي شي بالمدرسة
سرور: ياربي شلون راح عن بالي هسة شلون اقفل الباب واختي بالبيت؟؟
....................

يتبع...