اعتمدت على نفسي

البارت(7)

الكاتبة Amina
الجزء الثاني البارت السابع
قصة*اعتمدت على نفسي

(القصة)

صبا: فعلا اهلهة مايسافرون اذا مو هي يمهم واكيد اخذوهة وراحوا لان يخافون عليهة
سرور: بالضبط وهسة يلة رح اروح للشغل اوك
صبا: ماشي
سرور: مشيت للشغل وهناك جان عندي صديقة اسمهة زينب هي نفسها القلدت على بيتنة اجت واعتذرت مني وسامحتهة
***

زينب: سرور
سرور: ها؟؟
زينب: شنو نوع خطج
سرور: خط شنو
زينب: خط موبايل
سرور: هاا لاماعندي موبايل اصلا
زينب: جا ماتشترين تحتاجي
سرور: ماعرف يمكن اشتري واحد الي واحد الصبا
زينب: اوك على راحتج
سرور: فكرت بالموضوع فعلا احتاج تلفون حتى يصير تواصل بيني وبين صبا من اروح للشغل.
اما بالنسبة لحيدر ماعرفت شي عنة ولا اذانة ابد شغلني هذا الموضوع كلش يعني معقولة من اول مرة يخاف ماعرف اما اخبار صديقات صبا الباقيات ماسمعتهة وصبا سايق ياخذهة للمدرسة لان اخاف يكتلوهة هي انوب ..

كاعد اشتغل واجة موظف عمرة 30 تقريبا هو جان يشبه ابوي كلش بس هذا ضعيف وكصير بدة يشتغل ويانة بالشغل جان يوصل طلبات للبيوت يعني ياخذ اكل من المطعم ويوصل توصيلة على الدراجة الخاصة بالمطعم واني مهمتي اودي اكل للطاولات واشوف الطلبات مال الزبائن صايري للكاتبة امنة شاكر الجزء الثاني هواي اشتغل بالمطعم بس يوميتي صارت بالشهر 100 الف اني جامعة مبلغ حلو للحاجة.

خلص الشغل وبطريق الرجعة للبيت قررت اروح اجيب 2 موبايلات الي والصبا وافاجئهة واليوم استلمت الراتب رحت وجبت اثنين موبايلات ماذكر شكد سعرهن صار علية جنت فرحانة حيل ومتحمسة ارجع للبيت وافرح صبا هم اثناء ماكاع امشي شفت الرجال الجديد اليشبه ابوي جان اسمة كريم طبعا اني اسم ابوي اركان حسن.. شفتة واكف يتسوك مسواك.
عفتة ومشيت بأتجاه بيتي وصلت الساعة 8 بليل دكيت الباب وطلعت صبا
صبا: هلة
سرور: شخبارج
صبا: تمام طبي
سرور: تعاي شوفي شجبتلج.
صبا: شنو؟!
سرور: حزري
صبا: حلويات
سرور: لا احلى
صبا: حبابة شنو ماعرف

سرور: شوفي جبت موبايل
صبا: جنت بحالة صدمة مامصدكة بعدين ستوعبت وكمت اصرخ من الفرحة
سرور: ها شلونهة هديتي
صبا: ولج تخبل
حظنتهة بقوة وشكرتهة
سرور هاي شلون يستخدموا؟؟
سرور: تعاي اعلمج
علمت صبا ودخلت رقمي عدهة جنة كلش فرحانين ماجنة متوقعين بيوم من الايام رح يصير عدنة موبايل.

صبا: يلة كومي اكلي بين ما يشحنن
سرور: ماشي بس ميتة من الحر خل اسبح واجي
صبا: جهزت العشة وكعدنة ناكل بتيتة حمس وكاتشب..اثناء الاكل اندك الباب
سرور: خير انشالله
صبا: لحظة خل اشوف
منوووو منو؟
وجان اسمع صوت رجال يصيح اني
صبا: اي ادري انت غير اعرف منو انت؟
اخيرا كال اني عبيد
صبا: ياربي دخيلك شنو عميد شتريد.!
سرور: ها صبا بشري منو بلباب
صبا: ولج هذا العميد
سرور: شنو العميد
صبا: هو يكول اني العميد
سرور: بسم الله
منو انت شتريد منة
عبيد: بوية اني عبيد عبيد مو عميد (بصوت عالي)
سرور: شسويتي صبا فشلتينة
صبا: اي هو نشاقة وياك ندري اسمك عبيد

عبيد: لاحول هسة تفتحن لا..؟
سرور: ثواني.. فتحت الباب وشفت صاحب البيت العايشين بي اجة ماجنت اعرف اسمى عبيد اني اصيحلة بس عمو
عبيد: هلة سرور
سرور: هلو عمو خو ماصاير شي.
عبيد: شوفي سرور اني اجيت ومستحي كلش بس مجبور اني اجيت اطلب البيت مالتي محتاجة حيل وارجعلج فلوسج.
سرور: شنو عمو شكاع تحجي احنة مو متفقين
عبيد: سرور افهميني قدري ظروفي انتي عندج بيت رجعيلة وانطيني البيت هذا
سرور: شبيك هو اني لو اريد ارجع.. جا ضليت بالاجارات
عبيد: خصم الموضوع البيت مسجل بأسمي دوريلج بيت ثاني وعيفي هذا باجر تفرغين غراضج

سرور: اوكف هوب بابا هاي شنو عزة مشى ولا اعتبرني اسولف ويا.....طبكت الباب ودرت وجهي على صبا لكيت الدمعة بعينهة وكاعدة بالكاع صافنة
سرور: صباا شبيج عادي ماصار شي
صبا: سرور ليش اتجذبين علية
سرور: لا ماجذب صباوي خل نرجع البيتنة احسن من الاجارات
صبا: شنو؟؟ يعني صدك بيتنة...ماا
سرور: اثناء كلامهة ذكرت انو اني كلتلهة البيت بعتة وكعت نفسي بورطة ياربي
صبااا لا ماجان قصدي فدوة لاتزعلين
صبا: ليش هجي سرور دائما تخذليني يعني ليش اتجذبين علية سرور؟،

سرور: والله المصلحتنة صباوي فدو♡وة
صبا: كمت ورحت للغرفة تغطيت بالبطانية وابجي سرور مو اول مرة تسوي بية هجي خذلتني هواي مليت اني من العيشة المرة صحيح هي مثل امي واكثر بس ماجان لازم اتجذب علية..
سرور: ياربي فدلا تكشف حقيقة موت صديقتهة نور والله هلمرة صبا رح تعيفني للابد هي من شغلة بسيطة تحسست اذا سمعت الباقي شلون يارب انطيهة الصبر.. نهايتي قربت لان باجر للكاتبة امنة شاكر الجزء الثاني ارجع للبيت وهناك الحقائق والذكريات واكيد صبا مارح تسكت وراح تروح تسأل الجيران عن اخبار نور مستحيل اكدر اضم عليها اكثر انتهت قصتنة اني وصبا بسببي ياربي شلون بية باجر يمكن اخر لحظاتي وي صبا.
دخلت الغرفة لكيتهة تبجي بصوت عالي ونايمة على بطنهة على الجرباية مالتهة ومتغطية نمت على جربايتي وياريتني نمت مستحيل ماكدرت انام يعني ليش احنة كلما نفرح مباشرة نزعل وتجينة ضربة قوية بس الحمدلله والشكر على كل حال

صار الصبح كعدت الساعة بالخمسة الصبح نمت بس ساعتين كعدت ميتة من الحر جانت الكهرباء مطفية وجيت الايت ورحت للمطبخ كعدت هناك حطيت ايدي على راسي وكعدت افكر بهذا اليوم وشراح يصير وشلون اتصرف جان البيت كلة اضلم ويخوف
.............

يتبع...