اعتمدت على نفسي

البارت 5

الكاتبة Amina
الجزء الاول البارت الخامس
قصة*اعتمدت على نفسي

(القصة)

طلعت وسديت الباب وراي واني افكر شنو الي خلة قرارهم يتغير بس ماهمني جنت ماخذة وياي اكل الاختي يعني من صبيت عزلتلهة مو منهم وطبيت للبيت صحت
سرور: صبا... صباا..هاي وين
دورت البيت كلة ماهي يالله دنيا الليل هسة وين الكاهة

رجعت طلعت للشارع ماهية وادور ياربي خاف مارجعت من المدرسة خاف خطفوهة وارجع اكول لا سرور لا تتفاولين بالموزين ، ورة 10 دقايق لمن كلبي وكف اجة جيرانة عمو محمد هو عمرة 30 سنة اجة ولازم بيدة صبا ارتاحيت بس بنفس الوقت خايفة اول مرة تطلع مندون متكلي وصلت
قريب مني
صبا: ها سرور شوكت رجعتي
سرور: انتي التسألين لو اني الازم اسئل وين جنتي!!
صبا: شبيج سرسورة علكيفج وياي
محمد: عمو هاي اختج لكيتهة بالركن طالعة ادور عليج وتبجي للكاتبة امنة شاكر الجزء الاول تكلي اختي لسة ماردت واني اشتريتلهة وقنعتهة وجبتهة للبيت
سرور: حضنت اختي وكلتلهة
ليش تخافين ومو تدرين بية ارجع ب8 هسة لومخطوفة شسوي بحالي اني
صبا: اسفة..ماعيدهة بعد
سرور: وعديني
صبا: وعد
سرور: شكرا عمو ماقصرت
محمد: صدك انتي وين جنتي وعايفة اختج وحدهة
سرور: دنكت وكلتلة
ماعيدهة بعد
محمد: يلة مع السلامة
صبا: الله وياك عمو
طببت صبا وسديت الباب وكلتلهة
ماطلعين ابد واني ماموجودة ولا تمشين واي اي واحد لامرية ولا رجال
صبا: ماشي .. رح اروح انام
سرور: اكلتي
صبا: ليش هو اكو اكل
سرور: يلة تعاي اكلي
صبا: صبتلنة سرور وكعدنة ناكل وراهة قريت لل10 بليل نمت ثاني يوم الصبح كعدت سرور
سرور: صبااا صبااا كعدي مو عندج دوام
صبا: بيش الساعة!؟
سرور: ب7 ونص
صبا: يا اكو دوام هجي وكت
سرور: ليش مو دوامج صبحي
صبا: لا ظهري اليوم شبيج نسيتي
سرور: جا شلون اني شغلي بثمانية
صبا: روحي عادي اني مو صغيرة
سرور: اوف شلون اعوفج وحدج
صبا: روحي لاتخافين علية بس خليلي ريوك
سرور: اي حضرتلج ريوك وحطيلج غدة بلعلبة
ديربالج صباوي فدوة
صبا: يلة يمعودة اريد انام
سرور: نامي
حظرت نفسي وطلعت وادعي الطريق كلة يحفظ اختي هي بالدوام الظهري تكعد وحدهة والصبحي متكعد بسهولة واكل جهزتلهة وتبديل هي تبدل بس المخوفني شلون رح تروح وحدهة وصلت للبيت كلعادة تنفتح نفسيتي واشتهي اشتغل بي وانضفة لان من اشوف مكان بي نضيف ارتاح يعني معقولة هذا بيتة شكبرة للكاتبة امنة شاكر الجزء الاول ولاحكنة على بيتنة الصغير دخلت للبيت واشوف مواعين البارحة مال العشة لسة موجودات على الطاولة شلتهن ومسحت الطاولة وطكيت بيض وجبن وجاي وحطيتة علسفرة اجو اكلو بس ماصدرت منهم اي كلمة  مبين متعاركين محد يسولف وي احد كملو كل واحد راح بغرفة بس ام حيدر ضلت كاعدة

علكرويتة وتباوع تلفزيون كملت البيت كلة اجيت يمهة لكيتهة نايمة علكرويتة ومامتغطية جبت بطانية اريد اغطيهة وجان تفز
ام حيدر: ها محتاجة شي
سرور: لابس لكيتج مامغطاية كلت خاف بردانة ليش نايمة هنا؟؟
ام حيدر: هجي
سرور: خو ماصير شي
ام حيدر: لا لحمد الله على كل حال روحي الشغل  يخالة
سرور: ماشية بس اذا ردتي تحجيلي شي اني موجودة بالمطبخ

ام حيدر: الله كريم
سرور: رحت للمطبخ ماعندي شي بس كعدت اسوي حلويات ومقبلات ماما علمتنياهن قبل سنتين ورة شوية اسمع باب المطبخ انفتح وطبت ام حيدر
سرور: ها خالة تفضلي
ام حيدر: شكاع اسوين
سرور: حلويات
اشرت على وحدة وكالت
ام حيدر: شسمهة هاي
سرور: حلاوت تمر
ام حيدر: مبينة طيبة
سرور: كلش تعجبج
ام حيدر: يخالة انتي مو كلتيلي اذا تريدين تحجين شي اني موجودة

سرور: اي ولسة اكلج خيرج خالة؟! كلبي رح يوكف
ام حيدر: اسم الله على كلبج بس اجيت اسولفلج
سرور: سولفي اسمعج

................

يتبع...