اعتمدت على نفسي

البارت 12

الكاتبة Amina
الجزء الاول البارت الثاني عشر
قصة*اعتمدت على نفسي

(القصة)

ام حسام: شوية لاتنترين واني فوك حسني وضحيت بنفسي يلي اذا عرف اخوي يذبحني خلاص جاية تصيحين ومامصدكة واحب اكولج اني بس ردت الله مايعابيني لان اعرف ومانقذتج ولي علية سويتة
***

سرور: يلي افهمة من كلامج ماتعرفين المكان
ام حسام: اي ماعرفة لان من وكت ماخطفوا اختج وما اجو الي بعد ولا كالو وين حاطيهة بس يلي اعرفة بمنطقتكم القديمة
سرور: خالة فدوة انتي مرة جبيرة عيب هاي السوالف باجر الله يحاسبج افترض صدكتج بس مو انوب تطلعين خالتي غدارة فوك حسنهة المرة
اني افتهمت شي واحد من حجيج
ام حسام: شنوة 😕
سرور: عندج عداوة وياهم وكاعد تتبلين على خالة
ام حسام: ليش مبين شكلي كاعد اجذب
سرور: من رخصتج اريد اروح ادور على اختي
ام حسام: وين؟*
سرور: بمنطقتج
ام حسام: هاي شبيج اكلج ما وصلو لهنا وداعتج

سرور: هذهو يلي عليج سويتي مثل متكولين خليني براحتي ولاتدخلين بية
طلعت وسديت الباب وراي واني افكر معقولة ام حسام هي خاطفة اختي لان تعرف كل التفاصيل وماتقبل ادور بمنطقتهة يا ربي عقلي جامد ما كاعد استوعب بس لاعرفة احنة ماعدنة عداوة وي هاي المرة معقولة تريد تنتقم من خالة ام حيدر وتريد ادمرهة وخطفتهة وخطفت اختي بس على كولتهة شكلهة ما مبين عدهة هاي السوالف بس يمكن كلبهة اسود بكد ما مبين عليهة الطيبة امشي بمنطقتهم من حي لحي ورحت للشرطة وخبرتهم بس مع الاسف ماقبلوا تصريحي لان طفلة وماعندي ولي امر
اني عمري 13 سنة واختي صبا عمرهة 8 سنوات هي حنطاوية وكصيرونة تخبل ومدبدبة واني رشيقة ومتوسطة الطول وبيضة وشعري اسود طويل لابسة ثوب طويل    اسود منقط دوائر وري ومشدود من الخصر ومن جوة كلوسة وردان ضيك وشال شامرتة من جهة  لونة وردي فاتح

صار 3 ايام واني ادور على اختي ياربي شيريد مني حتى اخذ اختي ماكو لارسالة وصلت ولا اي تلميح وبلنسبة النومي تصير ساعة ب1  بليل اروح للمستشفى انام بمكان الكعدة مال الزوار واكل ما اكل بس حتى احافظ على قوتي مع ان مابقت قوة بية اكل لفة لان اكو مرية تبات هم بلمستشفى عدهة مريض وتنطيني وياهة ما اوافق بس هي تجبرني حتى محد سأل ليش اني هنا حتى ءامن من بيتنة بس المرية سألتني وكلتلهة اختي مريضة وماعندي عائلة كل مرة تسئلني على اختي اكلهة احسن طلعت بليوم الثالث ادور لمن صفت المنطقة وبذيج اللحظة كاعد اتذكر كلام ام حسام وكلت
سرور: ياا شلون راحت عن بالي اكيد غيرت المكان لان تدري بية رح ادور يمكن خلتهة بمنطقتنة

مشيت بأتجاه منطقتي رجلية بعد مابيهن يمشن اكثر وصارت الدنيا سودة بعيوني خفت خاف اوكع وما اكدر اوصل الاختي طلعت الساعة ب7 الصبح وصلت ب12 الظهر حتى صلاة الظهر ما صليتهة اول ما رحت بأتجاه بيتنة دخلت جان مامقفول شفت الغراض نفس مكانهن بس اكو جم شغلة مشمرة مادري يمكن جان يدور شي يفتح بي الباب ^-^ دخلت دورت البيت كلة ماكو ماموجودين ردت اروح لبيت ابو حيدر بس مستحيل تخليهن بلبيت مالتهم بس كلت لازم اروح كلشي تسوي حتى تخلي كلب خالتي ام حيدر يحترك جان بعيني ام حسام وابو حيدر ذولة الاثنين واكيد هم الخطفوهن رحت لبيتهم صارت الساعة بالوحدة الظهر وصلت مادكيت الباب لان انتبهت اكو قفل بلباب مباشرة حاولت اكسرة لمن طحت على صفحة
صباااا صبااا خاااالة انتم هنا؟!؟ ضليت اصيح بعدين سكتت ادور على شي اكسر بس الباب و

اسمع صوت زجاجة نكسرت وكف كلبي الباب مقفول من برة منو جوة وعرفت هنة هنا يمكن مربطات ميكدرن يحجن ضليت احاول اكسر القفل بس ماجاب اي نتيجة مباشرة كعدت بلكاع وبجيت واصيح صباوي يعمري لاتخافين هسة افتح الباب واخذج نروح البيتنة
ضليت ابجي وافكر شلون اكسرة قبل لاتجي ام حسام حرت شسويت تذكرت عمو محمد جيرانة ركضت على بيتة وسولفتلة كل القصة وهو تخبل طب لبيتة كبل وطلع شايل سلاح واركض ويركض وياي وصلنة كتلة
سرور: عمو هذا البيت واختي بي
محمد: غمضي عيونج وحطي ايدج على اذانج ولاتخافين اذا سمعتي صوت

سرور: حطيت ادية على اذاني شفتة حط المسدس بأتجاه القفل وضرب طلقة اني جفلت منهة صوتهة كلش عالي وصبا ااخ ياصبا الله ليعلم شسوتلهة وشلون تفننت هي وابو حيدر بعذابهة كدام خالة حتى تموت بقهرهة ضليت اتخيل الاحداث وشلون عذبوهن ماصدكت ينفتح وادخل اشوف اختي كمت احلم بليلة الانام يمهة واحنة بأمان نكسر القفل
ابو حيدر: لحظة لاتدخلين خل اشوف خاف هاي الغضب موجودة وتحط طلقة براسج
سرو: فدوة عمو ماتحمل بعد
دخل عمو محمد وماصبرت دخلت ورى مباشرة شفت اختي كبالي وسابحة بالدم ومايعة روحهة ومربطة ولحلك هم و
..........

برأيكم منو يلي خطفهة؟؟😞 ومنو كلامة صح ام حسام أو سرور
رح نكتشف كل هذا بلبارتات الجاية انشالله
تفاعلكم حبايب❤