اعتمدت على نفسي

البارت 4

الكاتبة Amina
الجزء الاول البارت الرابع
قصة*اعتمدت على نفسي

(القصة)

سرور: زين واختي ميلي اكل اذا بلا راتب؟؟
ابو حيدر: اطيج الاكل اليزود من عدنة تاخذي احسن ما نذبة
صبا: لا بالله ناكل اليزود منك
ابو حيدر: زيادة عليجن اذا متردن انتن والنعال مالي شغل بيجن
سرور: موافقة

صبا: انتي شتحجين سرسورة
ابو حيدر: يلة رح اروح خدامتي
سرور: جان يحاول يستفزني بس ضليت صبورة علمود اختي طلع سديت الباب ورى
صبا: شنو تردين اجيبين فضالات
سرور: لا ماجيب
صبا: يعني ماناكل اكل البزونات
سرور: لا ماناكل يلة امشي خل نعزل البيت
صبا: يلة
جهزت نفسي بنفس اليوم ومباشرة رحت لبيت المديرة مال مدرسة هو بنفس الشارع بس بنهايتة
رحت ودكيت الباب
المديرة: منو؟؟
سرور: اني سرور
المديرة: تفضلي شرايدة
سرور: هذني فلوس الدفع مال 5 اشهر لكدام
المديرة: اي شبيهن!!
سرور: اني اريد استقيل من الشغل
المديرة: عيني انتي تعرفين شكاعد تحجين
سرور: فدوة ست للكاتبة امنة شاكر الجزء الاول قدري حالتي صار عندي ضرف ماكدر اشتغل
المديرة: شنو ضرف شنو بطيخ هذا مو لعب هذا شغل
سرور: اي اعرف بس
المديرة: لابس ولا هاي جيبي لفلوس ويلة ولي

سرور: مشيت واني مدنكة راسي وضايجة ودي ابجي ماعاون افرح براتبي تطلعلي سالفة صفح
رديت للبيت سبحت وحظرت ملابس باجر وصار دنيا الليل اكلنا وقريت صبا ونمنة ثاني يوم كعدنة الساعة ب7 ونص بدلت صبا ملابس مدرسة واني بدلت الشغلي الجديد وتريكنة وصلت صبا لمدرستهة وطلعت كبل للشغل وصلت وشفت البيت قصر من الجمال والكبر مالتة بس هو كلش وصخ ماعرف عناد بية وصخوا حتى يتعبوني ماادري هم دائما هيج بيتهم سويت الريوك الهم وعزلت البيت من فوك لجوة جان طابقين هلكت الساعة ب3

خلصت يعني 8 ساعات شغل مستمر هلكت شفت طلباتهم حوالي نص ساعة اشتغل لكل فرد بلعائلة واجة وكت العشاء اني ماعرف اطبخ يعني بس بيض وطماطة وبتيتة وبيذنجان يعني نواشف سويتلهم ترست الطاولة برتقال وتفاح ومخلمة وبيذنجان وحد ولكيت كباب مسوة بس تقلى هم سويت ومقبلات يعني ترستهة صار الساعة ب7 ضبط اجت العائلة تريد تتعشة
ابو حيدر: شنو هذا الاكل
سرور: شبي!؟
ابو حيدر: عيني اكو واحد ياكل هجي بالعشة اوف كلة صوجي جبت خدامة فقيرة وابوهة حرامي
سرور: صحت بصوت عالي
كافي ليش شبي مو نعمة الله كاعد تتشرط موصوجكم صوجي اني لكاعد اشتغللكم
ابو حيدر: فوكاهة صوتج عالي يلة طلعي برة لا بالقندرة 👞
سرور: اي اطلع ليش ابقة مو عود فقيرة وكاعد اتذلني
ام حيدر: عيني تهدو علكيفكم ابو حيدر كول يالله ياهية التجي تشتغل تشرد من اول يوم
سرور: ها عبالي بس اني طلع ماعندة احترام وي الكل عبالة بس هو بالدنيا غني
ابو حيدر: اتسكتين لا والله ابلش بيج
سرور: يلة عيني لاضل بس تهدد
ابو حيدر: طلع السانج مو جنتي انتي ولا غيرج
سرور: والله قسما بالله الي يمس ابوي بحجاية اغطة بلخرة واطلعة بس لان انت اكبر مني محترمتك لسة
ابو حيدر: اذا هذا احترامج شبقيتي للزفرة مالتج
سرور: اعجبك اذا اطلعهة عندي هواي اذا تريد اجرب
ام حيدر: كافي بنتي صلو على محمد كولو يالله
سرور: اني رح اروح واريد اكلج كلمة وحدة واروح
بس ردت اكلج الله يساعدج علية
ردت اطلع ولزمتني ام حيدر كلتلي دقايق ضلي هنا للكاتبة امنة شاكر الجزء الاول واخذت ابو حيدر ومشت دخلت لوحدة من الغرف لبلطابق الاسفل ورة عشر دقايق طلعو وجان يكلي
ابو حيدر: ضلي استمري بالشغل
سرور: لاوالله واني ماعندي كرامة تكلي طلعي اطلع تكلي ردي ارد
ابو حيدر: بكيفج الشغل او البيت
سرور: اخذة للبيت اكعد بالشارع ولا تنداس كرامتي
ابو حيدر: واذا انقصلج من السنين الي تشتغلين بيهن توافقين!!
سرور: بابا انت تضحك على عقلك شنو الختلف اكلة ابوي علمني كلشي ولا كرامتي
ام حيدر: فدوة بنيتي لخاطري ضلي وانقصلج من السنين
سرور: اكلكم شو طبيتو نار طلعتو تتوسلون صاير شي
ام حيدر: لا ماكو شي بس اني ماعندي معين واني مرة مريضة فدوة بداعتي ابقي
سرور: لخاطرج بس هلمرة اذا تجيبون طاري ابوي او امي او حتى اختي ما اسكت ولبيت بنفسي اهدي الكم
ام حيدر : لا انشالله ماكو شي وهسة صارت ب8 تكدري تروحين
سرور: شكرا مع السلامة
طلعت وسديت الباب وراي واني افكر شنو الي خلة قرارهم يتغير بس ماهمني جنت ماخذة وياي اكل الاختي يعني من صبيت عزلتلهة مو منهم وطبيت للبيت صحت
سرور: صبا... صباا..هاي وين
دورت البيت كلة ماهي يالله دنيا الليل هسة وين الكاهة
................

يتبع...