اعتمدت على نفسي

البارت 10

الكاتبة Amina
الجزء الاول البارت العاشر
قصة*اعتمدت على نفسي

(القصة)

اخذت تراب بيدي ووصلت يمة وهو كال
ابو حيدر: طبي
طبيت واني ماخايفة جنت قوية كلش مع انو هاي اصعب لحظة بحياتي
***

طبيت وكفت يم باب الشارع لزم صورة ابوي وكال
ابو حيدر: ضلي هنا هسة اجي واذا تردين اشردين الصورة عندي
سرور: طب للمطبخ واني ركضت اخذت شكو حاجة مهمة عندي وعزيزة على اختي واخذت 20 الف حطيتهن بعلاكة وخليتهن بالشارع يم الباب حتى ميشوفهن اجة وجايب سجينة حمرة مبين حاطهة على النار حط صورة ابوي على الميز القريب من المطبخ وهو بالنص واني يم باب الشارع كال

ابو حيدر: اطلبي امنية قبل لا تموتين
سرور: قرب السجينة اكثر من يمي حتى حرارتهة طخت بوجهي مبين حاميهة زين حتى لاتبرد بسهولة
امنيتي اعرف منو كتال ابوي وامي
ابو حيدر: واني شعلية
سرور: فدوة اذا الك ايد بالموضوع احجي
حط ايدة على وجهة وكعد واني اسمعلة
ابو حيدر: ابوج جان صديقي بس فقير كلش فديوم راد يشتري بيت واني بعتلة هذا البيت وبسعر قليل كلش
سرور: شكد!!
ابو حيدر: 20 مليون
سرور: شنو مين اكو بيت بعشرين مليون
ابو حيدر: مو هو صديقي وشفت حالتة مو زينة
سرور: وبعدين
ابو حيدر: دفعلي 13 مليون وما اطاني سبع ملايين الباقية وصار ثلاث سنين عايش ماطانياهن

اكلة يكلي مو هسة ماعندي ورى مات وصار هم 4 سنوات من متوفي وهو بيتي وبعدة من حقي واني اريد اندم ابوج على كل ساعة نام مرتاح بفراشة وبكبرة
سرور: معقولة ابوي هجي جان ، خاف جان ماعندة
ابو حيدر: ها ماعندة ودفعلي 13 مليون دفعة وحدة بعد خمس ايام من بعت البيت
سرور: اثناء ماكاعد يسولف ويكول شلون جان هو طيب وابوي هم جان مدنك راسة وحاط ايدة على راسة سويت روحي اروح وارد  متوترة لان ابوي هجي جان واخذتهة للصورة سويت روحي ضايجة من ابوي وهم اروح يمين يسار فتحت الباب سويت روحي اشم هوة وحاضنة صورة ابوي

وهو يمكن جان يباوعلي خاف اشرد درت وجهي شمرت على عيونة التراب البيدي جان علما يمسح عيونة قفلت الباب لان بس اني اندل مكان القفل واخذت الصورة والغراض وركض اجرت سيارة ولحكتهن النفس المكان دورت عليهن ماموجودات
يوم كامل  ادور خاف خطفهن لو صار حادث...
كعدت ثاني يوم لكيت روحي بلمستشفى صفنت هاي اني وين شجابني  هنا صباااا صبااا وينج
طب الدكتور يركض
الدكتور: ها شبيج صار شي.؟.
سرور: اني وين منو انت صبا لكيتو صبا وينهة (بصوت عالي كلش)*

الدكتور: علكيفج التزمي الهدوء اكو مرضى بالمستشفى مايتحملون الهوسة
سرور: عفية عمو طلعني اريد اروح الاختي وخالتي ماهنة
الدكتور: اي تكدرين اطلعين.اكو جماعة لكوج مغمة عليج بالشارع وجابوج
سرور: وغراضي؟؟
الدكتور: ماكو اي غراض
سرور: شنو!! صورة ابوي وين (جريت الدكتور من ياختة وصحت بصوت عالي)
الدكتور: تهدي ورح اكلج غراضج وين

سرور: يلة فدوة ماريد الغراض بس صورت ابوي
الدكتور: اكو رجال جابج لهنا وعالجناج لكينة مضروبة براسج وانطاني هاي الرسالة كال من تكعد اطيهيا
سرور: صفت ثواني وسحبتهة من ايدة بقوة وفتحتهة ولكيت مكتوب
{ صبا موجودة عدنة ومثل ما ابوج وانتي عذبتوني صبا اختج رح تدفع الثمن.واذا عجبج تحجين لأي دكتور رح اخلصج من صبا.}
سمعت هجي وحتى ماكاتب اسمة تخبلت بس عرفت هذا كلام ابو حيدر هاي شلون طلع وعرف المكان شجابة لهنا
انتم قريتو المكتوب بالورقة

الدكتور: مايصير نقرة الا انتي او الشخص الجابة تسمحولنة ...هنا صرت اخاف اكثر طلعت من المستشفى وشلعت المغذي وركض لنفس المكان
ودورت ماشفت احد صارت الساعة ب12 بليل الناس بدت تنام واني كعدت بلكاع بنص الشارع وصافنة وحاطة ايدي على خدي واجت مرية وكالت
ام حسام: خالة انتي مو سرور
سرور: اي انتي منو وشلون تعرفين اسمي
ام حسام : همزين لكيتج خالة لاتخافين مني امشي يمي للبيت
سرور: لا خالة فدوو😭ووة عوفيني
ام حسام: لاتخافين ما اسويلج شي كومي وتعاي وياي
.................

يتبع...