اعتمدت على نفسي

البارت 19

الكاتبة Amina
الجزء الاول البارت التاسع عشر
قصة*اعتمدت على نفسي

(القصة)

سرور: يعني اذا اموت ترتاحين
صبا: كلش
سرور: صبااا هجي سهلة عليج ضحين بأختج على حساب سعادتج
باوعت للسماء وكلت
بابا ماما سامحوني ماعرفت اربي اني فاشلة وماحافظت على الامانة
***

رحت مباشرة على البيت طبيت سبحت اريد اصحة مامصدكة يلي صار وياي بس قررت مااموت واعيفهة بدون ماعرف شنو هذا التغير المفاجئ طلعت من الحمام لكيت صبا نايمة نمت طبعا بعد ماضليت افكر شلون اكتشف وغفيت وحدي من دون ماحس
كعدت الساعة 7 ونص لان دوامي صار ب8 كلعادة خلصت كلشي وطلعت للشغل
صبا: لمن طلعت اختي اني كعدت لكہيتهة استوهة سدت الباب رحت للمطبخ لكيتهة مسوية اكل الي عفتة وسويت جديد واكلت خلصت وكعدت اقرة وكويت ملابسي لحد ماصارت الساعة ب11 ونص كمت بدلت ملابس مدرسة واجة السايق ومشيت.

طبعا السايق يمر على المطعم التشتغل بي سرور لكيت زلم واكفين يم الباب مال المطعم ملتمين وشرطة
ااااوكف عمو اوكف فدوة
السايق: شكو وكفت
صبا: نزلت اركض لكيت الناس ملتمة وتصيح والشرطة لازمة سرور اني تخبلت من شفت المنظر رحت اركض ووصلت يمهم صحت
سرررررسورة اختي

\قبل ساعة ونص من جيت صبا/
سرور: كاعد نشتغل وشغلي هو اودي اكل للزبائن
الطباخ: سرور
سرور: نعم
الطباخ: ودي هاي الوجبة للطاولة رقم 6
سرور: تمام اطينيا
اخذت الاكل ورحت وديتة الهم جان رجال كاعد عمرة تقريبا بال40 سنة اطيتة الاكل، ورة عشر دقايق اختنك الرجال وكام يصيح مي اريد ميي سرعان ما اريد اودي الماي. مات الرجال
ياااااماما دخيل الله شصار عمووووو
صاحب المطعم تامر: شكو شصاير
سرور: شاف انفاسة لكاهة متوقفة
تامر: ولكم شصار الرجال مات شنو الصارلة، الاكل بي شي؟؟
الطباخ: استاذ اني طبختة ومابي شي الاكل مستعد اكل منة اذا متصدك
تامر: جا شبي مات الرجال تعرفون ليش مات,,
سرور: ورة ربع ساعة اجو الشرطة

(دخلوا الشرطة)*
الشرطة: شنو صار وشلون مات؟!!
تامر: سيدي اكيد الرجال مريض او شي لان الاكل يلي اطيناهيا مجهز من ايد امينة.
الشرطي: وشنو اليثبت الاكل مابي شي
الطباخ: سيدي ناكل منة
الشرطي: بابا فاطمة تعالي افحصي من سم مات

سرور: سيدي يعني معقولة شخص.يموت بسرعة من سم سيدي اكيد هو مريض وتوقف نبضة.

الشرطي: بنتي لاتدخلين اكو انواع السم ؤآكؤ سم قوي يموت
تامر: سيدي اخذ راحتك
الدكتورة فاطمة: سيدي مع الاسف الاستاذ مات بواسطة السم والسم من النوع القوي.
سرور: شنو؟ انتي شتحجين ماكو هجہي شي
تامر: دكتورة رجعي فحصي الرجال صايرلة اكثر من عشر سنين يشتغل هنا
الشرطي: بابا اذا مو الطباخ يلي مسوي هجي اكيد يلي وصل الاكل
تامر: شنو سرور,لا سيدي سرور ماتسويهة وعمالي كلهم قديمين ولامرة صايرة هاي الحالة عدنة.
الطباخ: سيدي اكو كاميرات حاطيهة ورح تثبت برائتي
الشرطي: فعلا.,.
سرور: شفنة الكاميرات وكل تحركات الطباخ لحد ماخلص الاكلة وسلمنياهة بأيدي وماكو اي سم,, وصارت الانظار علية لان انثبتت براءة الطباخ
سرور: سيدي والله مو اني ماسويت شي
الشرطي: تاامر عندك كاميرة بهذا الاتجاه يلي مشت بي ؟؟

تامر: لا سيدي بس اكيد مو سرور سرور ثقة وماتسويهة
الشرطي : هم احد اخذ منج الاكل اثناء مامشيتي
سرور: لا مباشرة وديتة للرجال
الشرطي: هسة اني عندي دليل ,وانتي عندج دليل؟ اثبتين برائتج
سرور: سيدي والله ماسويت شي
الشرطي: كلبشوهة
تامر: لا سيدي ما تسويهة سرور
الشرطي: اذا مو هي معناهة انت
تامر: لا
سرور: سحبوني طلعوني برة المطعم وبهاي اللحظة وصلت صبا وصاحتلي من بعد 5 سنين اول مرة اصيحلي سرسورة ارتاحيت من سمعت صوتهة حسيت رح تنقذني بذيج اللحظة
صبا: شكو شنو صاير هدوهة عيفو اختي
سرور: حظنتني صبا وكام تبجي وفجأة وخرت عني ودارت وجهة عليهم ورفعت اصبعهة وتحجي
صبا: والله ويشهد الله اذا واحد منكم يمس اختي مارح يسلم
الشرطي: اسكتي انتي ماتعرفين اختج شسوت
صبا: ماريد اعرف شسوت لان ادري بأختي مسوي شي غلط
الشرطي: اختج تسببت بوفاة شخص
صبا: باوعت لعمو تامر صاحب المحل اشرلي براسة يمنة ويسرة ودنك مباشرة باوعت لسرور
سرور: مو اني صباوي والله ماسويت شي
صبا: درت وجهي بأتجاهم ورحت يم الشرطي وجها لوجه
شنو آليثبت اختي المجرمة
الشرطي: لا تخزرين هاي الخزرة ونزلي عيونج
صبا: اعتقد سمعت شنو سؤالي,شنو اليثبت اختي كتلتة

الشرطي: اختج الوحيدة يلي استلمت الاكل وهي السلمتة للرجال
صبا: هذا هم دليل حاسبة
الشرطي: ليش عندج دليل احسن منة
صبا: درت وجهي عنة وجريت سرور ودخلتهة لجوة
وينهة؟؟
سرور: شنية صبا
صبا: الاكلة وينهة؟!

.................................

يتبع...